ပြည်တွင်းကုန်သွယ်မှုသတင်း

         မရမ်းသီးသည် မြန်မာနိုင်ငံ၏ ရာသီဥတုမြေပြင်အခြေအနေများနှင့် လိုက်ဖက်သော သစ်သီးအမျိူးအစားဖြစ်ပြီး ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ ဧရာဝတီတိုင်း၊ တနင်္သာရီတိုင်း၊ ကရင်ပြည်နယ်နှင့် မွန်ပြည်နယ်တို့တွင် အများအပြားစိုက်ပျိုးကြသည်။ မရမ်းပင်သည် အပင်ကြီး အမျိုးအစားထဲတွင်ပါဝင်ပြီး (၄)စင်တီမီတာမှ (၇)စင်တီမီတာအထိ ရှိတတ်ပါသည်။ မရမ်းပင် သည် စိုက်ပျိုးပြီး ခုနှစ်နှစ်ကြာလျှင် အသီးများ စတင်ခူးဆွတ်နိုင်ပါသည်။ အသီးအထွက်နှုန်းမှာ အပင်ငယ်လျှင် အလုံးရေ ၅၀၀၀/၇၀၀၀ အထိရရှိပြီး အပင်ကြီးလျှင် အလုံးရေ ၂၀၀၀၀/၃၀၀၀၀ အထိ ရရှိနိုင်ပါသည်။

              မရမ်းသီးကို အမျိုးမျိုးသောဟင်းလျာများတွင် အသုံးပြုနိုင်ပြီး မရမ်းသီးစိမ်းကို မရမ်းသီး ထောင်း၊ မရမ်းသီးကြော်အဖြစ် စားသောက်ကြသလို အခြောက်လှန်းပြီး မရမ်းပြား၊ မရမ်းပေါင်း၊ မရမ်းယိုအဖြစ် ပြုလုပ်ကာ စားသုံးကြကြောင်းနှင့် မရမ်းသီး(အချို)အမှည့်များကိုလည်း နှစ်ခြိုက်စွာ စားသုံးကြောင်းလည်း သိရှိရပါသည်။

             မရမ်းသီးသည် အာဟာရဓါတ်များစွာပါဝင်သည့်အတွက် ကျန်းမာရေးကို အထောက်အကူပြု သည်။ အထူးသဖြင့် Vitamin C နှင့် Vitamin A ပါဝင်မှုကြောင့် ကိုယ်ခံစွမ်းအားမြှင့်တင်ခြင်း၊ အသားအရေတင်းရင်းလှပစေခြင်းနှင့် ကင်ဆာရောဂါကာကွယ်နိုင်ခြင်း စသောအကျိုးကျေးဇူးများ ရရှိပါသည်။ ကျန်းမာရေးအတွက် မရမ်းသီးသည် အဆီများသောအစားအစာများတွင် ထည့်သွင်းချက်ပြုတ်ခြင်းဖြင့် အဆီများကိုချေဖျက်နိုင်သည်။ သို့သော် အချဉ်ဓာတ်များပါဝင်သောကြောင့် အစာအိမ်အနာရှိသူများ သတိပြု၍စားသုံးသင့်ပါသည်။

             မရမ်းသီးကို တစ်နိုင်တစ်ပိုင်သော်လည်းကောင်း၊ စီးပွားဖြစ်သော်လည်းကောင်း စိုက်ပျိုး ကြကြောင်းသိရသည်။ မရမ်းသီးသည် ဇန်နဝါရီလတွင် စတင်ပေါ်ပြီး မတ်လပိုင်းတွင် သီးနှံဝင်ရောက်မှု များပြားကြောင်းသိရှိရပါသည်။ သီးနှံစတင်ပေါ်ချိန်တွင် မရမ်းသီး(၁၀)ကျပ်သားလျှင် (၅၀၀၀)ကျပ်နှုန်းခန့်ရှိပြီး သီးနှံအဝင်လှိုင်ချိန်တွင် (၁၀)ကျပ်သားလျှင် လက်ကားဈေး(၉၀၀)ကျပ်၊ လက်လီဈေး(၁၄၀၀)ကျပ် ဈေးဖြင့် အရောင်းအဝယ်ဖြစ်လျက်ရှိပြီး အလုံးအကြီးအသေးပေါ် မူတည်၍ ဈေးနှုန်းကွာခြားကြောင်း ကုန်စိမ်းရောင်းသူတစ်ဦးထံမှသိရှိရပါသည်။

DOCA(မန္တလေး)

           မန်းကုန်စည်ဒိုင်အတွင်း ၂၀၂၅ခုနှစ် မတ်လပထမပတ်အတွင်း လယ်ယာထွက်ကုန် သီးနှံများဖြစ်သည့် ပဲဈေးနှုန်းများမှာ ပဲစိမ်းငုံနီ(သစ်)၁ပိဿာ(၄၇၈၃)ကျပ်၊ ပဲတီစိမ်းသေး (စိမ်းနောက်) ၁ပိဿာ(၄၅၈၃)ကျပ်၊ ပဲတီစိမ်းအညာ(သစ်) ၁ပိဿာ(၄၆၂၂)ကျပ်၊ ပဲတီရွှေဝါ ၁ပိဿာ(၄၆၂၂)ကျပ်၊ မတ်ပဲ(ကျောက်ရစ်) ၁ပိဿာ(၄၇၅၀)ကျပ်၊ မတ်ပဲ၁ပိဿာ(၄၆၆၇)ကျပ်၊ မြေထောက်ပဲ(သစ်) ၁ပိဿာ (၅၃၇၀)ကျပ်၊ ပဲလွန်းဖြူ၁ပိဿာ (၃၉၀၇)ကျပ်၊ ပဲလွန်းပြာ ၁ပိဿာ(၃၆၈၇)ကျပ်၊ ကုလားပဲထိုင်ဝမ်(သစ်) ၁ပိဿာ(၃၇၃၃)ကျပ်၊ ကုလားပဲ929(သစ်) (၃၉၂၉)ကျပ်၊ ကုလားပဲV2(သစ်)၁ပိဿာ (၃၈၇၈)ကျပ်၊ ကုလားပဲV7(သစ်)၁ပိဿာ (၄၀၇၈) ကျပ်၊ ပဲထောပတ်(ဂေါက်) ၁ပိဿာ(၅၄၂၂)ကျပ်၊ ပဲထောပတ်(လတ်) ၁ပိဿာ (၄၉၇၈) ကျပ်၊ ပဲထောပတ်(သေး)၁ပိဿာ (၄၈၀၀)ကျပ်၊ ပဲကြား၁ပိဿာ (၄၀၀၀)ကျပ်၊ ပဲနီပြားကျွန်း ၁ပိဿာ (၅၃၃၃)ကျပ်၊စွန်တာပြာ၁ပိဿာ(၅၈၆၇)ကျပ်တို့နှင့် ဈေးကွက်တွင် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မန္တလေး)

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံး အနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် စီးပွားရေးလုပ်ငန်းရှင်များနှင့် တွေ့ဆုံ၍ အခြေခံစားကုန်ဈေးနှုန်းများ၊ ဓါတ်မြေဩဇာနှင့် ပိုးသတ်ဆေးဈေးနှုန်းများအား အပတ်စဉ်တင်ပြလျက်ရှိပါ သည်။

မတ်လ၊ ပထမအပတ်တွင် ရွှေဘိုမြို့၌ ရောင်းချလျက်ရှိသော ဓါတ်မြေဩဇာနှင့် ပိုးသတ်ဆေး ဈေးနှုန်းများမှာ အာမို၊ ကျွဲနက်တံဆိပ် (၁၅:၁၅:၁၅)ကွန်ပေါင်း ဓါတ်မြေဩဇာတစ်အိတ်လျှင် (၁၉၂၀၀ဝိ/-) ကျပ်၊ ဇာမဏီတံဆိပ်(၁၃:၅:၇) ကွန်ပေါင်းဓါတ်မြေဩဇာတစ်အိတ်လျှင်(၈၉၀၀ဝိ/-)၊ အာမို၊ ပုလဲတံဆိပ် ကွန်ပေါင်းဓါတ်မြေဩဇာ တစ်အိတ်လျှင်(၁၀၄၀၀ဝိ/-)၊ ပန်းဖူးတံဆိပ်ဓါတ်မြေဩဇာ တစ်အိတ်လျှင် (၉၃၀၀ဝိ/-)ကျပ်၊ MCတံဆိပ်(၁၅:၁၅:၁၅) ကွန်ပေါင်းဓါတ်မြေဩဇာ တစ်အိတ်လျှင် (၁၅၅၀၀ဝိ/-)ကျပ်၊  ဒီမွန် 1.8တံဆိပ် ထိသေ/စားသေ (အဆိပ်ငွေ့) 500cc တစ်ဗူးလျှင်(၂၃၀၀ဝိ/-)ကျပ်၊ ဇိုင်ကလုံးတံဆိပ် ပင်လုံးပြန့်ပိုးသတ်ဆေး တစ်လီတာတစ်ဗူးလျှင်(၇၃၀၀ဝိ/-)ကျပ်၊ ငှက်ကြီးတောင် တံဆိပ်ထိသေ/စားသေ (အဆိပ်ငွေ့)100ccတစ်ဗူးလျှင် (၃၃၀၀ဝိ/-)ကျပ်ဖြင့် ရောင်းချလျက်ရှိပြီး ရှောင်လင်တံဆိပ် ထိသေ/ စားသေ(အဆိပ်ငွေ့)ပိုးသတ်ဆေးမှာ ဈေးကွက်အတွင်း ပစ္စည်းပြတ်လျက်ရှိကြောင်း၊ ရွှေဘိုမြို့၌ နွေစပါးများ စိုက်ပျိုးရန်အတွက် မြေပြုပြင်ခြင်းများ ဆောင်ရွက်နေချိန်ဖြစ်၍ အရောင်းအဝယ် ဖြစ်မှုမှာလည်း ပုံမှန်သာဖြစ်ကြောင်း ဓါတ်မြေဩဇာနှင့်ပိုးသတ်ဆေး အရောင်းဆိုင်များမှ တာဝန်ရှိသူများ နှင့်ဆက်သွယ်မေးမြန်းမှုအရ သတင်းရရှိပါသည်။

DOCA(စစ်ကိုင်း)

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင် ဦးစီးမှူးရုံးအနေဖြင့် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှုတင်း/တန်စာရင်း တို့ကို အပတ်စဉ်၊ လစဉ်တင်ပြလျက်ရာ မတ်လ၊ ပထမအပတ်တွင်  အရောင်းအဝယ်ဖြစ်သည့် သီးနှံနှင့် ဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ အလုပ်အမှုဆောင်အဖွဲ့ဝင်များနှင့် ဆက်သွယ်မေးမြန်းခဲ့ပါသည်။ ဇန်နဝါရီလ၊ စတုတ္ထအပတ်မှစတင်၍ ရွှေဘိုဈေးကွက်သို့ ပဲစဉ်းငုံ(ဖြူ)များ စတင်ဝင်ရောက်ခဲ့ပြီး မတ်လ၊ ပထမအပတ်တွင် အရောင်းအဝယ်ဖြစ်သည့်ဈေးနှုန်းမှာ ပဲစဉ်းငုံ(ဖြူ) တစ်တင်းလျှင် (၉၁၀၀ဝိ/-)ကျပ်ပေါက်ဈေးရှိပြီး တစ်ပတ်အတွင်းအရောင်းအဝယ်ဖြစ်မှုမှာ (၉၀၀၀)တင်း/ (၂၉၄)တန်ဖြစ်ကြောင်း၊ ယခုအပတ်နှင့် ယခင်အပတ်တို့၏ အရောင်းအဝယ်ဖြစ်သည့် ဈေးနှုန်းတို့ကို နှိုင်းယှဉ်ပါက ယခင်အပတ်၌ ပဲစဉ်းငုံ(ဖြူ)တစ်တင်းလျှင် (၉၁၀၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့်ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတူညီပြီး ဈေးငြိမ်နေကြောင်း၊ ဈေးငြိမ်နေသော်လည်း ဝင်ရောက်သမျှ အရောင်းအဝယ်ဖြစ်လျက်ရှိကြောင်း သတင်းရရှိပါသည်။

DOCA(စစ်ကိုင်း)

       စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည် စားသုံးသူကာကွယ်ရေးလုပ်ငန်းများကို ဆောင်ရွက်လျက်ရှိသလို   စားသုံးသူများ နေ့စဉ်ဝယ်ယူသုံး စွဲလျက်ရှိသည့် အခြေခံစားသောက်ကုန်များ၏ ဈေးနှုန်း၊ဈေးကွက်အခြေအနေများကို လေ့လာ၍ အပတ်စဉ်၊ လစဉ် အထက်အဆင့်ဆင့်သို့ တင်ပြဆောင်ရွက်လျက်ရှိသည်။

စားသုံးသူများ နေ့စဉ်ဝယ်ယူအသုံးပြုလျက်ရှိသည့် အာလူးသီးများကို ရှမ်းပြည်နယ်၊ အောင်ပန်းမြို့မှတဆင့် ကန့်ဘလူမြို့နယ်၊ ဇီးကုန်းမြို့နှင့်ကန့်ဘလူမြို့များရှိ လက္ကားကုန်သည်များ မှတစ်ဆင့် ကန့်ဘလူခရိုင်အတွင်းရှိ လက်လီအရောင်းဆိုင်များသို့ ဖြန့်ဖြူးပေးလျက်ရှိကြောင်း၊   ခရမ်းချဉ်သီးများကို ကန့်ဘလူမြို့နယ်နှင့် ကျွန်းလှမြို့နယ်များမှ မှာယူရောင်းချလျက်ရှိကြောင်း သိရသည်။

၂၀၂၅ ခုနှစ် ၊မတ်လ ပထမပတ်အတွင်း ကန့်ဘလူမြို့မဈေးတွင် ခရမ်းချဉ်သီး(၂၅)ကျပ်သား လျှင်ငွေကျပ်(၁၅၀)၊ (၁)ပိဿာလျှင် ငွေကျပ်(၆၀၀)၊ အာလူးသီး(၁)ပိဿာလျှင် ငွေကျပ်(၅၅၀၀)ဖြင့် ရောင်းချကြောင်း၊ ယခင်အပတ် ဈေးနှုန်းများနှင့်နှိုင်းယှဉ်ပါက ခရမ်းချဉ်သီး(၁)ပိဿာလျှင်ငွေကျပ် (၁၀၀)ဈေးနှုန်းကျဆင်းလာ၍ အာလူးသီး(၁)ပိဿာလျှင် ငွေကျပ်(၅၀၀)ဈေးနှုန်းမြင့်တက်လာပြီး ပုံမှန်အတိုင်း အရောင်းအဝယ်ဖြစ်လျက်ရှိကြောင်း ကုန်စိမ်းရောင်းချသူများထံမှ သိရသည်။

DOCA(စစ်ကိုင်း)