ပြည်တွင်းကုန်သွယ်မှုသတင်း

    ရှမ်းပြည်နယ်(မြောက်ပိုင်း)၊ လားရှိုးမြို့၊ မြို့မဈေးတွင် ဒေသထွက်သီးနှံများအပြင် အသား/ ငါး နှင့် ဟင်သီးဟင်းရွက်မျိုးစုံကိုလည်းရောင်းချလျက်ရှိရာ အခြေခံစားကုန်ဖြစ်သော မြေပဲဆံနှင့် ကုလားပဲ များကိုလည်း ပေါများစွာရောင်းချလျက်ရှိကြောင်း တွေ့ရှိရပါသည်။

     အောက်တိုဘာလ၊ တတိယအပတ်တွင် ရှမ်းပြည်နယ်(မြောက်ပိုင်း)၊ လားရှိုးမြို့ရှိ မြို့မဈေးတွင် ရောင်းချနေသော မြေပဲဆံဈေးနှုန်းမှာ တစ်ပိဿာလျှင် (၁၁၀၀၀ မှ ၁၃၀၀၀) ကျပ်၊ ကုလားပဲတစ်ပိဿာလျှင် (၁၁၀၀၀ မှ ၁၃၀၀၀) ကျပ် နှုန်းဖြင့်ရောင်းချလျက်ရှိပြီး အမျိုးအစားပေါ်မူတည်၍ ကွဲပြားကြောင်း သိရှိရပါသည်။‌

DOCA(ရှမ်း)

     အောက်တိုဘာလ၊ တတိယအပတ်တွင် ရှမ်းပြည်နယ်(မြောက်ပိုင်း)၊ လားရှိုးမြို့ရှိ မြို့မဈေးတွင် ရောင်းချနေသော ငရုတ်သီးခြောက်ဈေးနှုန်းများမှာ ငရုတ်သီးခြောက်အရှည်(အညှာပါ) တစ်ပိဿာလျှင် (၂၅၀၀၀) ကျပ်၊ ငရုတ်သီးခြောက်အရှည်(အညှာမပါ) တစ်ပိဿာလျှင် (၂၇၀၀၀) ကျပ်၊ ငရုတ်သီး ခြောက်အပု(အညှာပါ) တစ်ပိဿာလျှင် (၂၀၀၀၀) ကျပ်၊ ငရုတ်သီးခြောက်အပု (အညှာမပါ) တစ်ပိဿာလျှင် (၂၂0၀၀) ကျပ် နှုန်းဖြင့် အရောင်းအဝယ် ဖြစ်နေကြောင်း သိရှိရပါသည်။

      ရှမ်းပြည်နယ်(မြောက်ပိုင်း)တွင် လတ်တလောဖြစ်ပေါ်နေသော နိုင်ငံရေးအခြေနေများ ကြောင့် ကုန်စည်စီးဆင်းမှုများခက်ခဲလျက်ရှိနေကြောင်း၊ အခြေခံစားကုန်အချို့ကိုပင်နယ်စပ် ဖြစ်သော တရုတ်မှတစ်ဆင့် တစ်နိုင်တစ်ပိုင်ယူ၍ ရောင်းချနေရကြောင်း၊ မြန်မာပြည်တွင်းမှယူ၍ ရောင်းချရာတွင်လည်း လမ်းခရီးခက်ခဲမှုများနှင့် ကုန်ကျစရိတ်မြင့်မားမှုကြောင့် များစွာအဆင်မပြေမှု များရှိကြောင်း ဒေသခံများမှ သိရှိရပါသည်။

DOCA(ရှမ်း)

   စားဖိုဆောင်သီးနှံတစ်မျိုးဖြစ်သည့် ဂျင်းကို မိတ္ထီလာဈေးကွက်တွင် အောက်တိုဘာလ ဒုတိယ ပတ်တွင် အရောင်းအဝယ်ပုံမှန်နှင့် ဈေးငြိမ်နေကြောင်းသိရသည်။ မိတ္ထီလာဈေးကွက်သို့ ဂျင်းကို ရှမ်း ပြည်နယ်တောင်ပိုင်းမှ ဝင်ရောက်ရာ လက်ရှိပေါက်ဈေးမှာ တစ်ပိဿာလျှင် (၅၀၀၀)(၆၀၀၀)ဖြင့် ယခင် လနှင့်နှိုင်းယှဉ်ပါက ဈေးငြိမ်နေကြောင်း သိရသည်။  ကြက်သွန်နီ၊ကြက်သွန်ဖြူ၊ဂျင်း၊ငရုတ် စသည့် ကုန်ခြောက်အရောင်းဆိုင်များအနေဖြင့် ဂျင်းတက်ကို ဟင်းခတ်အမွှေးအကြိုင်အဖြစ် အရောင်းအဝယ်ပုံမှန်ရှိကြောင်းသိရသည်။ ဂျင်းတက်ကို ဟင်းခတ်အမွှေးအကြိုင်အဖြစ်သာမက ဂျင်းကိုဓားဖြင့် ပေါက်၍ လက်ဘက်၊ပဲကြော်ဆိုင်များတွင်လည်း ရောင်းချကြရာ (၂၅)ကျပ်သားလျှင် ၁၅၀ဝိ/-ဖြင့် ရောင်းချရကြောင်း သိရသည်။ ဂျင်းကို မိတ္ထီလာခရိုင်အတွင်း ရှမ်းပြည်နယ်တောင်ပိုင်းနှင့် ထိစပ်လျှက်ရှိသော သာစည်မြို့နယ်ကျေးရွာများတွင် ဧက(၁၅၀)ကျော်စိုက်ပျိုးရာ ယခင်နှစ်က(၁)ဧက ပိဿာ (၁၅၀၀) ဝန်းကျင်ထွက်ရှိကြောင်းသိရသည်။

DOCA(မန္တလေး)

             မြန်မာနိုင်ငံသည် စိုက်ပျိုးရေးကိုအခြေခံသော နိုင်ငံဖြစ်သည့်အတွက် တောင်သူများသည် မိသားစုအပိုဝင်ငွေရအောင် သီးထပ်သီးညှပ်များနှင့် အလွယ်တကူခူးဆွတ်၍ ဝင်ငွေရအောင် စားသုံးသီးနှံများကိုလည်း အလေးထားစိုက်ပျိုးလာကြသည်ကိုတွေ့ရှိရပါသည်။ ၎င်းသီးနှံများ အနက် မြုပ်သခွားသီးနှံကိုလည်းစိုက်ပျိုးလာကြပါသည်။ မြုပ်သခွားသီး(၁)ဧက စိုက်ပျိုးမှုအနေဖြင့် မျိုး၊ သွင်းအားစု၊ လုပ်သားခအပါအဝင်စုစုပေါင်း (၆၀၀၀၀၀)ကျပ်ခန့်ကုန်ကျကြောင်း၊ မြုပ်သခွား သီးနှံကို အရွယ်အစား(၃)မျိုးခွဲ၍ ဈေးထဲသို့ ဖောက်သည်ပေးရောင်းချရကြောင်း ၊ မြုပ်သခွားသီး အကြီးတစ်လုံး လျှင်(၆၀၀)ကျပ်၊မြုပ်သခွားသီး အလတ်တစ်လုံး လျှင်(၅၀၀)ကျပ် ၊ မြုပ်သခွားသီး အသေးတစ်လုံးလျှင် (၃၀၀)ကျပ်ဈေးနှုန်းများဖြင့် ရောင်းချကြောင်း၊တစ်ရက်ခြားခူးဆွတ်ရကြောင်း၊ တစ်ရက် ခြားခူးဆွတ်ရသောအလုံးအရေအတွက်မှာ အကြီး၊ အလတ်၊ အသေးအလုံးပေါင်း (၅၀၀- ၆၀၀)ထွက်ရှိကြောင်း၊ တစ်ဧကအကျိုးအမြတ်အနေဖြင့် (၃၀၀၀၀၀၀)ကျပ်ဝန်းကျင်ခန့် ရရှိကြောင်း၊ တောင်သူ များအနေဖြင့်စိုက်ပျိုးစရိတ်သက်သာပြီး မိသားစုအပိုဝင်ငွေကို အလွယ်တကူ ရရှိနိုင်သော မြုပ်သခွားသီး သီးနှံများကိုစိုက်ပျိုးသင့်ပါကြောင်း မြုပ်သခွားသီးစိုက် တောင်သူတစ်ဦးထံမှ သိရှိရ ပါသည်။

DOCA (မန္တလေး)

           မန္တလေးတိုင်းဒေသကြီး ၊ ကျောက်ဆည်ခရိုင်သည် စိုက်ပျိုးရေးကို အဓိကထား လုပ်ကိုင် ဆောင်ရွက်သော ဒေသတစ်ခုဖြစ်ပြီး သီးနှံမျိုးစုံ စိုက်ပျိုးဖြစ်ထွန်းလျက်ရှိရာ ဈေးကွက်ဝယ်လိုအား ရှိသော ဖရဲသီးနှံကိုလည်း စိုက်ပျိုးလျက်ရှိကြောင်း၊ ဖရဲစိုက်ပျိုးမှုအနေဖြင့် မျိုးစေ့ဝယ်၍ ပျိုးထောင် စိုက်ပျိုးရကြောင်း၊ ပျိုးသက်တမ်း (၂၀)ရက်တွင် စိုက်ခင်းထဲသို့ ပြောင်းရွေ့စိုက်ပျိုးရကြောင်း၊ မျိုးစေ့ကို စိုက်ပျိုးရေးဆေးဆိုင်များမှ ဝယ်ယူစိုက်ပျိုးကြကြောင်း၊ ဖရဲမျိုးစေ့တစ်ထုတ်လျှင် (၃၀၀၀၀-၃၅၀၀၀)ကျပ်ဖြင့် ဝယ်ယူရကြောင်း၊တစ်ဧကမျိုးထုပ်(၁၀)ထုပ်စိုက်ပျိုးရကြောင်း၊တစ်ဧကကုန်ကျစရိတ်အနေဖြင့်မျိုး၊သွင်းအားစု၊လုပ်သားခ၊ပလပ်စတစ်လိပ်ဖိုးများအပါအဝင်စုစုပေါင်း(၄၀၀၀၀၀၀/-)ကျပ်ခန့် ကုန်ကျကြောင်း၊ သွင်းအားစုများ ပိုမိုသုံးစွဲပါက ကုန်ကျစရိတ် ပိုမိုများပြားနိုင်ကြောင်း၊ စိုက်ပျိုးပြီး ရက်(၃၀)အကြာတွင် ပန်းများစတင်ပွင့်ပြီး ပန်းပွင့်ပြီး (၂၅)ရက်၊ (၃၀) ရက်တွင် အသီးများစတင်ခူးခွတ်နိုင်ပြီးဖြစ်ကြောင်း၊ စိုက်ပျိုးမှု မျိုးအနေဖြင့် ကျောက်စိမ်း ဖရဲ၊ ဒုံးကျည်ဖရဲနှင့် 855 ဖရဲမျိုးများ စိုက်ပျိုးကြကြောင်း၊ တစ်ဧကအထွက်နှုန်းအနေဖြင့် အလုံး ပေါင်း (၆၀၀၀)ခန့် ထွက်ရှိကြောင်း၊ ခရိုင်အတွင်း လက်ရှိစိုက်ပျိုးမှု အနည်းငယ်သာရှိပြီး ထွက်ရှိ သောရွာမှာ ရှင်ငယ်ပြေးရွာဖြစ်ကြောင်း၊ ယခုလက်ရှိဈေးကွက်အတွင်း ဝင်ရောက်နေသော ဖရဲသီး များမှာ မြို့နယ်အတွင်း ထွက်ရှိသော အသီးများ၊  ဝမ်းတွင်းမြို့နယ်၊ ဆည်ရွာမှ ထွက်ရှိသော ဖရဲများ ဖြစ်ပြီး ကျောက်စိမ်းဖရဲသီး တစ်လုံးလျှင် အလုံးသေး (၂၀၀၀/-)ကျပ်၊ အလုံးကြီး (၃၀၀၀/-) ကျပ်၊ 855 ဖရဲတစ်လုံးလျှင် အလုံးကြီး(၃၅၀၀/-) ၊ အလုံးသေး (၂၅၀၀/-) ကျပ်တို့ဖြင့် ရောင်းဝယ် လျက်ရှိကြောင်း၊ ရောင်းဝယ်လျက်ရှိကြောင်း၊ ဈေးကွက်အနေဖြင့် မြို့ပေါ်ရှိ သစ်သီးဆိုင်များ၊ သစ်သီးပွဲရုံများနှင့် ဈေးများသို့ ရောင်းချလျက်ရှိပြီး ပွဲရုံများမှ တစ်ဆင့် မန္တလေးမြို့၊ ရန်ကုန်မြို့များသို့ တင်ပို့လျက်ရှိကြောင်း၊ သစ်သီးဆိုင်များမှ စိုက်ခင်းထဲအရောက် လာရောက် ဝယ်ယူသူများ လည်း ရှိကြောင်း သိရှိရပါသည်။

DOCA (မန္တလေး)