ပြည်တွင်းကုန်သွယ်မှုသတင်း

    စစ်ကိုင်းတိုင်းဒေသကြီး၊ ကန့်ဘလူခရိုင်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေးကို အဓိကထားလုပ်ကိုင်ကြရာ ကန်ဇွန်းဥကို တစ်ပိုင်တစ်နိုင် အိမ်ခြံဝင်းများနှင့် မိမိယာ ကွက်များတွင် စိုက်ပျိုးကြပြီး ကန့်ဘလူမြို့မဈေးတွင် လာရောက်ရောင်းချကြောင်း၊ ကန်စွန်းဥကို အစိမ်းစားတာ၊ ပြုတ်စားတာနှင့် ကန်စွန်းဥပူတင်း စသည်ဖြင့် အမျိုးမျိုးပြုလုပ်စားသုံးကြကြောင်း၊ ကန်စွန်းဥကို  စားသုံးသူများနှင့် မုန့်လုပ်သူများက ဝယ်ယူလျက်ရှိကြောင်း သိရသည်။

    ၂၀၂၅ ခုနှစ်၊ စက်တင်ဘာလ ဒုတိယပတ်အတွင်း ကန့်ဘလူမြို့မဈေးတွင် ရောင်းချနေသော  ကန်ဇွန်းဥဈေးနှုန်းမှာ လက္ကားဈေး(၁)ပိဿာလျှင် (၄၀၀၀)ကျပ်၊ လက်လီ(၁)ပိဿာလျှင် (၄၅၀၀)ကျပ် နှင့်(၂၅)ကျပ်သားလျှင် (၁၀၀၀)ကျပ်ဈေးနှုန်းတို့ဖြင့် ရောင်းချလျက်ရှိကြောင်း  ယခင်အပတ်ဈေးနှုန်းများ နှင့်နှိုင်းယှဉ်ပါက ယခုပတ်အတွင်း ကန်စွန်းဥဈေးနှုန်း မြင့်တက်လာကြောင်း ကန်စွန်းဥရောင်းချသူများထံမှ သိရှိရပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင် ရာသီပေါ် ခဝဲသီး၊ ရုံးပတီ သီး၊ ခရမ်းသီး၊ ဒန့်ဒလွန်သီး၊ ဘူးညွှန့်၊ မုန့်ညှင်းရွက်စသည်ဖြင့် ရောင်းချလျက်ရှိရာ  ပေါ်ရပ်ကွက်များနှင့် ကန့်ဘလူမြို့နယ် နတ်ပေးကျေးရွာနှင့် အခြားသောကျေးရွာများမှ ဒေသထွက်ခဝဲသီးများ ရောင်းချလျက်ရှိကြောင်း သိရသည်။

     ၂၀၂၅ ခုနှစ်၊ စက်တင်ဘာလ ဒုတိယပတ်အတွင်း ဒေသထွက် ခဝဲသီးဈေးနှုန်းများမှာ လက္ကား(၁) ပိဿာလျှင်(၁၅၀၀)ကျပ်၊ လက်လီ(၁)ပိဿာ (၁၈၀၀)ကျပ်၊ (၂၅)ကျပ်သားလျှင် (၄၀၀) ကျပ်တို့ဖြင့် ရောင်းချလျက်ရှိကြောင်း၊ ယခင်ပထမပတ်ဈေးနှုန်းများနှင့် နှိုင်းယှဉ်ပါက ယခုဒုတိယ ပတ်အတွင်း ခဝဲသီး(၁)ပိဿာလျှင် (၁၀၀၀)ကျပ်ဈေးနှုန်းကျဆင်းလာကြောင်း၊ ခဝဲသီးရောင်းချသူများထံမှ သိရှိရသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနသည် စားသုံးသူကာကွယ်ရေးလုပ်ငန်းများ ဆောင်ရွက်လျက်ရှိသလို   ကန့်ဘလူခရိုင်အတွင်း ဖြစ်ပေါ်လျက်ရှိသော အခြေခံစားသောက်ကုန် များ၏ ဈေးနှုန်း၊ဈေးကွက်အခြေအနေများကို လေ့လာ၍ အပတ်စဉ်၊ လစဉ် အထက်အဆင့်ဆင့်သို့ တင်ပြဆောင်ရွက်လျက်ရှိကြောင်း၊ ကန့်ဘလူ“မြို့မဈေး”တွင် ရောင်းချလျက်ရှိသည့် CPကြက်သား များကို ကန့်ဘလူမြို့နယ်နှင့် ကျွန်းလှမြို့နယ်အတွင်းမှ ဝင်ရောက်လျက်ရှိကြောင်း သိရသည်။

    ၂၀၂၅ ခုနှစ်၊ စက်တင်လာလ ဒုတိယပတ် မြို့မဈေးတွင်ရောင်းချနေသော CPကြက် ကောင်လုံးဈေး (၁)ပိဿာလျှင် (၂၄၀၀၀)ကျပ်၊ ကြက်ရင်ပုံသားသန့် (၅၀)ကျပ်သားလျှင် (၁၄၀၀၀) ကျပ်နှင့် (၂၅) ကျပ်သားလျှင် (၇၀၀၀)ကျပ်၊  ဒေသကြက်(၁)ပိဿာလျှင် (၃၃၀၀၀)ကျပ်ဖြင့် ရောင်း ချလျက်ရှိ ကြောင်း၊ ယခင်အပတ်ဈေးနှုန်းနှင့် နှိုင်းယှဉ်ပါက ယခုပတ်အတွင်း ဈေးနှုန်းအနည်းငယ်ကျဆင်းနေကြောင်း  ကြက်သားရောင်းဝယ်ရေး လုပ်ငန်းရှင်များထံမှ သိရှိရသည်။

DOCA(စစ်ကိုင်း)

   ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့တွင်  ပိန်းဥဈေးကောင်းရရှိသဖြင့် ဒေသခံအများစုက တနိုင်တစ်ပိုင် ဥစားပိန်းကို စိုက်ပျိုးသူများရှိကြောင်း သိရသည်။

   ပိန်းဥသည် ကျန်းမာရေးနှင့်ညီညွတ်သည့် အဟာရဓာတ်ပြည့်ဝသောအစားအစာဖြစ်ပြီး ဈေးကွက် တွင် နေ့စဉ်ရောင်းအားကောင်းလျက်ရှိသဖြင့် စိုက်ပျိုးလာခြင်းကို ပိန်းပင်ကို ပထမမျိုး ပွားရန် အနည်းအကျဉ်းစိုက်ပျိုးပြီးတော့ ၎င်းကရရှိတဲ့ ဥမှတစ်ဆင့်  ချဲ့ထွင်စိုက်ပျိုးလာတာပေါ့။ ပိန်းဥကတော့အရင်တည်းက လူတိုင်းကြိုက် နှစ်သက်တဲ့ အစားအစာတစ်ခုဖြစ်ပါတယ်။ သူ့ရဲ့ရိုးတံကို ပါ ဘက်စုံချက်ပြုတ်စားသောက်လို့ရတဲ့အတွက် လူတော်တော်များက မိမိတို့ အိမ်ဘေးပတ်ဝန်း ကျင်မှာစိုက်ပျိုးကြတယ်တွေ့ရတယ်။  ဥဈေးကောင်းလာတော့ စနစ် တကျ ဘောင်ခံပြီး စိုက်ပျိုးကာ ရရှိတဲ့ ပိန်းဥကို မိမိတို့ရပ်ကွက်၊ ကျေးရွာရွာမှာဘဲရောင်းချကြောင်း၊ ပိန်းဥတစ်ပိဿာကို (၄၀၀၀)ကျပ် ရရှိပြီး ထိုရရှိတဲ့ဝင်ငွေတွေနဲ့ မိသားစုစားဝတ်နေရေး လုပ်ဆောင် နေရတာပေါ့ ဟု ပိန်းစိုက်ပျိုး သူတစ်ဦးထံမှ သိရသည်။

DOCA(ဧရာဝတီ)

   ကုလားပဲများကို ဒေသတွင်းတွင် စားသုံးမှုများခြင်းနှင့် ဒေသတွင်းမုန့်ထုတ်လုပ်သူများ အများအပြားဝယ်ယူအသုံးပြုသော ပဲတစ်မျိုးဖြစ်သည်။  မအူပင်မြို့နယ်တွင်  ကုလားပဲ ရောင်းချမှု ဈေးနှုန်း အနေဖြင့် ၁ပိဿာလျှင် ၆၅၀၀ကျပ် နှင့် ရောင်းချလျက်ရှိသည်။ ကုလားပဲကို ရန်ကုန်ပဲပွဲရုံများမှ မှာယူရောင်းချပြီး ၁လလျှင် ပဲပိဿာ ၃၀အိတ်  ၁၀၀ခန့် မှာယူပြီး ကုလားပဲအိတ် ၁ပတ်လျှင် ပိဿာ ၄၀အိတ် ၁၀ခန့်  ရောင်းချရကြောင်း ပဲဈေးနှုန်းများ ဇူလိုင်လက ဈေးနှုန်းဖြင့် နှိုင်းယှဉ်ပါက ကျဆင်းလာပြီး ဇူလိုင်လ ကုလားပဲ ၁ပိဿာဈေးနှုန်းမှာ ၈၅၀၀ ကျပ်ဖြစ်ခဲ့ကြောင်း သိရသည်။ ကုလားပဲဈေးနှုန်း ကျဆင်းလာကြောင်း ဈေးကွက်အတွင်းမှ သိရသည်။

ကုလားပဲ ပဲမျိုးများမှာ ရေဆင်း-၈၊ ရေဆင်း-၁၁၊ ရေဆင်း-၆၊ ရွှေနီလုံးကြီး၊ မြကြေး၊ ကရာချိ၊ ကုလားပဲဖြူလုံးကြီး (V2, V3, V7, V9, 929, ထိုင်ဝမ်)၊ စသည်တို့ ဖြစ်ကြပြီး ရောင်းဝယ်ရာတွင် ကုလားပဲ ဝါ၊ ကုလားပဲဖြူ၊ ကုလားပဲဖြူလုံးကြီး၊ AQ, SQ စသည်ဖြင့် လည်းကောင်း၊ အလုံးလိုက်နှင့် အခွံချွတ် အခြမ်းအဖြစ် လည်းကောင်း ရောင်းဝယ်ကြသည်။ ကုလားပဲ အစိမ်းမှုန့်၊ အကျက်မှုန့်များအဖြစ် ပြုပြင်ထုတ်လုပ် ရောင်းဝယ်ကြ သည်လည်း ရှိကြောင်း သိရသည်။

DOCA(ဧရာဝတီ)