ပြည်တွင်းကုန်သွယ်မှုသတင်း

 ကြောင်လျှာပင်သည် မြန်မာနိုင်ငံအနှံ့အပြားတွင် ပေါက်ရောက်ပြီး အမြင့်ပေ (၄၀၀၀)အထိ ပေါက်ရောက်နိုင်သည်။ ပင်ထောင်မျိုးဖြစ်ပြီး ပင်စည်ဖြောင့်မတ်သည်။ ကြောင်လျှာကြီး၊ ကြောင်လျှာ လတ်တို၊ ကြောင်လျှာဆူးပေါက်ဟူ၍ သုံးမျိုးရှိသည်။ ကြောင်လျှာကြီးမှာ အသီးတွဲပြီး ရှည်လျားသည်။ ကြောင်လျှာလတ်တိုမှာ အသီးတိုပြီး ထောင်၍ သီးသည်။ ၎င်းကို ကြောင်လျှာ အဖို/ အမ ဟုလည်း ခေါ်ကြသည်။ ရွက်ပေါင်းဖြစ်၍ ရွက်ဆိုင်ထွက်သည်။

ရှေးယခင်က နယုန်လနှင့် ဝါဆိုလတွင် အပွင့်ပွင့်၍ တန်ဆောင်မုန်းလတွင် အသီး သီးလေ့ရှိသော်လည်း ယခုအခါ မိုးရာသီတွင် ကြောင်လျှာသီး လှိုင်လှိုင်သီးကြောင်း သိရသည်။ ကြောင်လျှာပွင့် ဆိုတာက ကြောင်လျှာပင်ရဲ့ အပွင့်ဖြစ်ပြီး ပန်းပွင့် အတွင်းပိုင်းက အဝါရောင် ဖျော့ဖျော့လေးနဲ့ အပြင်ဘက်ကတော့ အနီရောင် ခပ်ဖျော့ဖျော့လေး ရှိပါသည်။ အသားထူထူလေးနဲ့ စားလိုက်ရင် ထုတ်ထုတ်နဲ့ စားကောင်းပြီး၊ ပြုတ်၍ ငပိရည်နဲ့တို့လို့ ရသလို  ပါးပါးလှီးပြီး သုပ်စားလို့ လည်းရသည်။ ထမင်းနဲ့တွဲစားလို့ရသလိုအခါး ကြိုက်သူတွေအတွက်ကတော့ အဆာပြေ ရေနွေးကြမ်းလေးနဲ့ တွဲသောက်လို့လည်းရသည်။ ကြောင်လျှာပွင့်သည်လည်း ကြောင်လျှာသီး၊ ကြောင်လျှာရွက်တို့လို ဆေးဖက်ဝင် အာနိသင်ရှိကြောင်း သိရသည်။ ကြောင်လျှာပွင့်ကို စားပေးခြင်း ဖြင့် သွေးတွင်းသကြား ဓာတ်ကိုထိန်းညှိ ပေးခြင်း၊ ဇီဝကမ္မ ဖြစ်စဉ်ကို ကောင်းမွန်စေခြင်း၊ အစာခြေစနစ်ကျန်းမာစေခြင်း၊ ဓာတ်မတည့်မှုကို သက်သာ စေနိုင်ခြင်း၊ ဆီးရွှင်စေခြင်း၊ သွေးတွင်း ကိုလက်စထရော ကျဆင်းစေနိုင်ခြင်း၊ သည်းခြေ ရည်ထွက်စေနိုင်ခြင်း စသည်တို့ကို ရရှိစေနိုင်ပါသည်။ ကြောင်လျှာပွင့်စားသုံးခြင်းဖြင့်  လည်ချောင်းနာတာ သက်သာစေခြင်း၊ ပါးစပ်ထဲက အနာ သက်သာစေခြင်း၊ ခေါင်းကိုက်တာ သက်သာစေခြင်း၊  အနာကျက်စေခြင်း၊ ကိုယ်ခံအားကောင်းခြင်း၊ အဖျားသက်သာစေခြင်းတို့ကို အထောက်အကူပြုစေပါသည်။

ကြောင်လျှာပွင့်က ပုံမှန်အားဖြင့် ရေတိုတွင်အသုံးပြုဖို့ ဘေးကင်းသော်လည်း အခြား ကျန်းမာရေး ပြဿနာတွေအတွက် ဆေးသောက်နေရတာမျိုးရှိရင် တွဲစားတာမျိုး မလုပ်ရန်လိုအပ် ပါသည်။ နို့စို့ကလေးတွေနဲ့ ကလေးငယ်၊ ကိုယ်ဝန်ဆောင်တွေနှင့် နို့တိုက်မိခင်၊ သွေးပေါင်ကျ တတ်သူများ၊ သွေးချိုကျတတ်သူများနှင့် ဆီးချိူအတွက် ဆေးသောက်နေရသူတွေနဲ့ သွေးကျဆေး သောက်နေရသူများအနေနဲ့လည်း အသုံးပြုရန်မသင့်ကြောင်းလည်း သိရှိရသည်။

     ကြောင်လျှာပွင့်ကို အစို/ အခြောက် နှစ်မျိုးလုံးပြုလုပ်စားသုံးနိုင်ကြောင်း သိရသည်။ ကြောင်လျှာပွင့် အစို တစ်ပိဿာလျှင် (၈၀၀၀) ကျပ်မှ (၁၀၀၀၀) ကျပ်အထိ ရှိပြီး အခြောက် တစ်ပိဿာလျှင်  (၁၂၀၀၀) ကျပ်မှ (၁၃၀၀၀) ကျပ်အထိရှိကြောင်း သိရသည်။ ကြောင်လျှာပွင့်သည် သဘာဝဆေးဖက်ဝင် ဆိုပေမယ့် အလွန်အကျွံ သုံးစွဲတာ၊ သေချာသန့်စင်တာမျိုးမရှိဘူးဆိုရင် ခန္ဓာကိုယ်ကို ထိခိုက်စေနိုင်ပါသည်။ ကြောင်လျှာပွင့်နဲ့ ပတ်သက်ပြီး ကောင်းကျိုး၊ ဆိုးကျိုးတွေကို ဆက်လက်လေ့လာဖို့လည်း လိုအပ်သေးကြောင်း သိရှိရပါသည်။

DOCA(မန္တလေး)

   ကုန်စိမ်းစျေးကွက်သို့မန္တလေးတိုင်းဒေသကြီး၊စစ်ကိုင်းတိုင်း ဒေသကြီးနှင့်ရှမ်းပြည်နယ်ဒေသ ထွက် ကုန်စိမ်းသီးနှံများ ဝင်ရောက်မှုများပြားကြောင်း သိရပါတယ်။  မန္တလေးမြို့ ၄၁လမ်း စျေးမှာ မန္တလေး တိုင်းဒေသကြီး၊ စစ်ကိုင်းတိုင်းဒေသကြီး နှင့် ရှမ်းပြည်နယ်ထွက်ကုန်စိမ်းများ ဝင်ရောက်မှု များပြီး၊သီရိမာလာစျေးမှာ မန္တလေးတိုင်းဒေသကြီးနှင့် ရှမ်းပြည်နယ်ထွက်ကုန်စိမ်းများ  ဝင်ရောက် မှုများ ကြောင်း သိရပါတယ်။ ကင်းပုံသီးမှာ အချိုမျိုးနှင့်အခါးမျိုးနှစ်မျိုးရှိပြီး၊အချိုမျိုးသည် အသီး နှင့်အရွက် နှစ်မျိုးစလုံးစားသုံးနိုင်ကြောင်းသိရပါတယ်။ကင်းပုံသီးအခါးသီးမှာ ဆေးဖက်ဝင်ကြောင်း   ပြီး၊ (၁၂)လ  ရာသီနီးပါးထွက်ရှိသည့်  အစားအစာဖြစ်ကြောင်း သိရပါတယ်။ကြော်စား၊ ချက်စား၊ နှပ်စား အမျိုးမျိုးစားသုံးကြပါတယ်။    ကင်းပုံသီးအရသာမှာ   ချိုခြင်း၊ အေးခြင်း၊ ဖန်ခြင်း၊ စိမ့်ခြင်း၊ ငန်ခြင်းနှင့်နှုတ်မြိတ်စေပြီး ၊ ကင်းပုံသီးစားသုံးခြင်းဖြင့်  ဝမ်းချုပ်ခြင်း၊လေနိုင်ခြင်း၊ ခေျာင်းဆိုးရောဂါ ကိုသက်သာစေခြင်း၊   သွေးတွင်းသကြားဓာတ်ကို ထိန်းညှိပေးခြင်း၊ နှလုံးနှင့် အာရုံကြောစနစ်ကို  ကောင်းမွန်စေခြင်း၊ အဝလွန်ခြင်းကိုထိန်းညှိပေးခြင်း၊သွေးအားနည်းခြင်းနှင့်မောပန်း ခြင်း တို့ကို သက်သာစေနိုင်ကြောင်း  သိရပါတယ်။   ၂၀၂၅ခုနှစ်မတ်လပထမပတ်အတွင်း  ကုန်စိမ်းစျေးကွက် တွင် ကင်းပုံသီးဝင်ရောက်မှုများပြားပြီး၊ ကင်းပုံသီးအချိုသီး (၂၅) လုံးလျှင် ၁၅၀၀ကျပ် နှင့် ၂၀၀၀ ကျပ်၊ အခါးသီး (၂၅)လုံးလျှင် ၁၀၀၀ကျပ်နှင့် ၁၃၀၀ ကျပ်၊ အခါးမျိုး(အလုံးသေး) စျေးမှာ တစ်ပိဿာ လျှင်၁၅၀၀ကျပ်နှင့် ၂၀၀၀ ကျပ်အသီးသီးဖြစ်ပေါ်လျက်ရှိပါတယ်။ ကင်းပုံသီးမှာ အလုံးအရွယ်အစား အလိုက် စျေးအနည်းငယ်ကွာခြားမှုရှိပြီး၊ ပွင့်လင်းရာသီချိန်တွင် အရောင်းသွက်လျက်ရှိသည့် အမယ် ဖြစ်ကြောင်း သီးနှံပွဲရုံကုန်သည်တစ်ဦး၏ပြောပြချက်အရသိရပါတယ်။  

DOCA(မန္တလေး)

 မတ်လပထမပတ်အတွင်း မန္တလေးစျေးကွက်သို့ မန္တလေးတိုင်းဒေသကြီး၊ စစ်ကိုင်းတိုင်း ဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီးနှင့် ရှမ်းပြည်နယ်တို့မှ ထွက်သည့်ပဲတီစိမ်း သီးနှံများ ဝင်ရောက်လျက်ရှိကြောင်း သိရပါတယ်။ ပဲမျိုးစုံအနက် ပဲတီစိမ်းသီးနှံမှာ ပြည်တွင်းစား သုံးမှုနှင့် ပြည်ပသို့တင်ပို့ရောင်းချသည့်စျေးကွက်ဝင် ပဲတစ်မျိုးဖြစ်ကြောင်းသိရပါတယ်။ မန္တလေး တိုင်းဒေသကြီးသည် ပဲသီးနှံမျိုးစုံစိုက်ပျိုးမှုများပြားသည့် တိုင်းတစ်ခုဖြစ်ပြီး၊ ၃၁.၁.၂၀၂၅ ရက်နေ့ အထိ၂၀၂၄-၂၀၂၅ခုနှစ်ပဲတီစိမ်းသီးနှံစိုက်ပျိုးမှု(၂၇၀၉၅၈)ဧက၊ ရိတ်သိမ်း(၂၅၃၄၄၁) ဧက၊ အထွက် နှုန်း(၁၁.၆၄)တင်းနှင့်အထွက်(၂၉၄၉၀၁၇)တင်းဖြစ်ကြောင်းသိရပါတယ်။မန္တလေးပွဲစား၊ကုန်သည်၊ စက်ပိုင်များမဟာကထိန်တော်အသင်းတွင် ၂၀၂၅ခုနှစ်မတ်လပထမပတ်အတွင်း ပေါက်စျေးများ မှာ ၃တင်းတစ်အိတ်လျှင်ပဲတီစိမ်းသေး(နောက်)၂၇၅၀၀၀ကျပ်၊   ပဲတီစိမ်း(အညာ) ၂၅၀၀၀၀ ကျပ် နှင့် ၂၆၀၀၀၀ကျပ်၊ ပဲတီစိမ်း(ပဲခွဲ)၂၃၀၀၀၀ကျပ်နှင့် ၂၆၅၀၀၀ကျပ်၊ တစ်ပိဿာစျေး မှာ ပဲတီစိမ်း သေး(နောက်)၄၈၈၉ကျပ်၊  ပဲတီစိမ်း(အညာ)၄၄၄၄ကျပ်နှင့် ၄၆၂၂ကျပ်၊ပဲတီစိမ်း (ပဲခွဲ) ၄၀၈၉ ကျပ်နှင့် ၄၇၁၁ကျပ်တို့ဖြစ်ကြောင်း သိရပါတယ်။ယခင်နှစ်ကာလတူပေါက်စျေးမှာ ၃တင်းတစ် အိတ်လျှင်ပဲတီစိမ်းသေး(နောက်) ၁၆၅၀၀၀ကျပ်နှင့် ၁၇၀၀၀၀ကျပ်၊ ပဲတီစိမ်း(အညာ) ၁၆၀၀၀၀ ကျပ်နှင့်၁၆၅၀၀၀ ကျပ်၊ပဲတီစိမ်း(ပဲခွဲ)၁၂၅၀၀၀ ကျပ်နှင့် ၁၃၀၀၀၀ ကျပ်၊တစ်ပိဿာစျေးမှာ ပဲတီစိမ်းသေး(နောက်) ၂၉၃၃ကျပ်နှင့် ၃၀၂၂ ကျပ်၊ ပဲတီစိမ်း(အညာ)၂၈၄၄ နှင့်၂၉၃၃ ကျပ်    ပဲတီစိမ်း(ပဲခွဲ)၂၂၂၂ ကျပ်နှင့် ၂၃၁၁ ကျပ်တို့ဖြစ်ပြီး၊ယခုနှစ်ပေါက်စျေးနှင့်နှိုင်းယှဉ်ပါက ၁၆၀၀ကျပ် နှင့်အထက် စေျးပိုမိုရရှိကြောင်း သိရပါတယ်။ ပဲတီစိမ်းဝင်ရောက်မှုပမာဏပေါ်မူတည်၍ ရက် အလိုက် ပေါက်စျေး အနည်းငယ်ပြောင်းလဲမှုရှိ ကြောင်း သိရပါတယ်။

DOCA(မန္တလေး)

မန္တလေးသစ်သီးစျေးကွက်အတွင်းသို့   မတ်လပထမပတ်တွင်ရမည်းသင်းခရိုင်မှ   ထွက်ရှိ သည့် စပျစ်သီးများဝင်ရောက်လျက်ရှိပြီး၊စစ်ကိုင်းတိုင်းဒေသကြီးမှလည်းဝင်ရောက်ကြောင်း သိရ ပါတယ်။ ရမည်းသင်းခရိုင်တွင် စားစပျစ်နှင့်ဝိုင်စပျစ်(၂) မျိုးလုံး စိုက်ပျိုးလျက်ရှိပြီး၊အီတလီNo(3)၊ BQ ၊ BK ၊ RG စပျစ်မျိုးများ၊ရိုးရိုးအချွန်၊ ပန်း‌ရောင်အချွန်မျိုးနှင့် ဂျပန်(စိမ်း)တို့ စိုက်ပျိုးကြောင်း  သိရပါတယ်။ စပျစ်သီးစားသုံးခြင်းဖြင့် ပန်းနာရင်ကျပ်ရောဂါသက်သာစေခြင်း၊နှလုံးရောဂါဖြစ်နိုင်‌ ခြေကို လျော့ချပေးခြင်း၊  ခေါင်းကိုက်ခြင်းကို သက်သာစေခြင်း၊  ဝမ်းမှန်စေခြင်း၊ အစာကြေညက် စေခြင်း၊ညောင်းညာမှုကိုတွန်းလှန်နိုင်ခြင်း၊ကျောက်ကပ်ရောဂါကိုသက်သာစေခြင်း၊ရင်သားကင်ဆာမဖြစ်အောင် ကာကွယ် ပေးခြင်း၊ဦးနှောက်ကျန်းမာရေးနှင့်အာရုံကြောထိခိုက်မှုဆိုင်ရာ ရောဂါ များသက်သာစေခြင်းနှင့်မျက်စိ ကိုကျန်းမာစေခြင်းစသည့် အကျိုးကျေးဇူးများရရှိနိုင်ကြောင်းသိရ ပါတယ်။ စပျစ်သီးအားအသီး အတိုင်းစားသုံးခြင်း၊ အခြောက်ခံခြင်း၊ ယိုထိုး ခြင်း၊ဝိုင်၊ဖျော်ရည်နှင့် စားသောက် ကုန်တို့တွင် စပျစ်သီးခြောက်များထည့်၍စားသောက်ကြောင်း သိရပါတယ်။  သစ်သီး ဝင်ရောက်မှုအနေဖြင့်ဒေသအသီးသီးမှဝင်ရောက်လာသည့်သစ်သီးများအားမန္တလေးမြို့၊  စျေးချို စျေး၊ ၂၉ လမ်းနှင့် ၃၁ လမ်းကြား၊ ၈၄ လမ်းနေရာရှိ သစ်သီးပွဲရုံများသို့ ဝင်ရောက်ကြောင်း သိရပါ တယ်။ မန္တလေးစျေးကွက်တွင် ၂၀၂၅ ခုနှစ် မတ်လပတ်အတွင်း ဝင်ရောက်လာသည့်စပျစ်သီး‌ စျေး မှာ တစ်ပိဿာလျှင် စပျစ်သီးအလုံးဝိုင်း (ကြီး) ၁၂၀၀၀ ကျပ်နှင့် ၁၄၀၀၀ ကျပ်၊စပျစ်သီး အချွန်မျိုး  ၁၁၀၀ဝ ကျပ်နှင့်၁၂၀၀၀ ကျပ်၊စပျစ်သီး (လုံးသေး)၉၀၀၀ကျပ်နှင့် ၁၀၀၀၀ ကျပ်စျေးဖြစ်ပြီး၊အသီး အရွယ်အစားအလိုက် စျေးအနည်းငယ် ကွာခြားမှုရှိကြောင်း သိရပါတယ်။ ပွင့်လင်းရာသီ ရောက် လာပြီဖြစ်၍ မတ်လပထမပတ်အတွင်း  မန္တလေးသစ်သီးစျေးကွက်တွင် စပျစ်သီးဝင်ရောက်မှုများ ပြီး၊ အရောင်းသွက်လျှက်ရှိကြောင်း  သိရပါတယ်။

DOCA(မန္တလေး)

 မန္တလေးစျေးကွက်အတွင်းပဲကြီးသီးနှံမှာ (အစို/အခြောက်)အရောင်းသွက်သည့် ပဲတစ်မျိုး ဖြစ်ကြောင်းသိရပါတယ်။ မန္တလေးတိုင်းဒေသကြီးသည် ပဲသီးနှံမျိုးစုံစိုက်ပျိုးမှုများပြားသည့် တိုင်း တစ်ခုဖြစ်ပြီး၊ ၂၀၂၄-၂၀၂၅ ခုနှစ်တွင် ပဲကြီးသီးနှံအပါအဝင် ပဲမျိုးစုံစိုက်ပျိုးမှု (၁၀၁၉၄၇၇) ဧက ဖြစ်ကြောင်းသိရပါတယ်။စျေးကွက်အတွင်းသို့ ပြင်ဦးလွင်ခရိုင်၊ကျောက်ဆည်ခရိုင်နှင့် မြင်းခြံခရိုင် တို့မှထွက်သည့်ပဲကြီးသီးနှံများအပြင် စစ်ကိုင်းတိုင်းဒေသကြီးနှင့် မကွေးတိုင်းဒေသကြီးတို့မှ ဝင် ရောက်ကြောင်း သိရပါတယ်။ မန္တလေးပွဲစား၊ကုန်သည်၊ စက်ပိုင်များမဟာ ကထိန်တော်အသင်း တွင် ၂၀၂၅ခုနှစ်မတ်လပထမပတ်အတွင်း ဖြစ်ပေါ်လျက်ရှိသောပေါက်စျေးမှာ၃တင်းဝင် တစ်အိတ် လျှင် ပဲကြီး(ကြီး)၂၇၀၀၀၀ကျပ်နှင့်၂၇၅၀၀၀ကျပ်၊ပဲကြီး(လတ်) ၂၄၅၀၀၀ကျပ်နှင့် ၂၅၅၀၀၀ ကျပ်၊ ပဲကြီး(သေး) ၂၁၀၀၀၀ကျပ်၊ တစ်ပိဿာပေါက်စျေးမှာပဲကြီး(ကြီး) ၄၈၈၇ကျပ်နှင့် ၄၉၇၇ကျပ်၊ ပဲကြီး(လတ်) ၄၄၃၄ကျပ်နှင့် ၄၆၁၅ကျပ်၊ ပဲကြီး(သေး) ၃၈၀၁ကျပ်ဖြစ်ကြောင်း သိရပါတယ်၊။ ယခင်နှစ်ကာလတူအချိန်တွင် တစ်ပိဿာပေါက်စျေးမှာ ပဲကြီး(ကြီး) ၅၀၆၈ ကျပ် နှင့် ၅၂၄၉ကျပ်၊ ပဲကြီး(လတ်)၄၈၈၇ကျပ်၊ ပဲကြီး(သေး) ၄၅၂၅ကျပ်နှင့်၄၇၀၆ကျပ် စျေးဖြစ်ပေါ်ခဲ့ပြီး၊ ယခုပေါက် စျေးနှင့်ယခင်နှစ်ပေါက်စျေးနှိုင်းယှဉ်ပါက ပဲကြီးစျေးအနည်းငယ်လျော့နည်းသွားကြောင်း သိရပါ တယ်။ပဲကြီးသီးနှံဝင်ရောက်မှုပမာဏပေါ်မူတည်၍ရက်အလိုက်ပေါက်စျေးအနည်းငယ်ပြောင်းလဲ မှုရှိကြောင်းသိရပါတယ်။ပြည်တွင်း၌ပဲကြီးသီးနှံမှာအရောင်းသွက်သည့်ပဲတစ်မျိုးဖြစ်ပြီး၊ပြည်တွင်း စားသုံးမှုပမာဏများပြားခြင်းနှင့်ပြည်ပတင်ပို့သည့်စျေးကွက် လိုအပ်ချက်များသည့်ပဲတစ်မျိုးဖြစ် ကြောင်း သိရပါတယ်။

DOCA(မန္တလေး)