ပြည်တွင်းကုန်သွယ်မှုသတင်း

         ရန်ကုန်တိုင်းဒေသကြီး၊ တောင်ပိုင်းခရိုင် သန်လျင်မြို့နယ်  သီလဝါစက်မှုဇုန်အတွင်းရှိ Wilmar ဆီကန်မှထုတ်လုပ်ပေးလျက်ရှိသော စားအုန်းဆီများကို ရန်ကုန်တိုင်းဒေသကြီးအတွင်း မြို့နယ်များနှင့် အခြားတိုင်းဒေသကြီး/ ပြည်နယ်များရှိ ဆီကိုယ်စားလှယ်များသို့ စားအုန်းဆီ နေ့စဉ်ထုတ်ပေးလျက်ရှိကြောင်း သိရှိရသည်။

          ထိုသို့ ထုတ်ပေးလျှက်ရှိသော စားအုန်းဆီများအား  ပြည်တွင်းဈေးကွက်၌ ရောင်းဝယ်ဖောက်ကားရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားအုန်းဆီ တင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ အပတ်စဉ် တနင်္လာနေ့တိုင်း ထုတ်ပြန်ထားသော အခြေခံလက်ကားရည်ညွှန်းဈေးနှုန်းအပေါ် လက်ကား ပြန်လည်ဖြန့်ဖြူး  ရောင်းချသူများအနေဖြင့် ဒေသအရောက် ဈေးနှုန်းများအပေါ် (၂)ရာခိုင်နှုန်း အမြတ်ထက်မပိုသော ဈေးနှုန်းဖြင့်သာ ဈေးကွက်အတွင်းသို့ ပြန်လည်ဖြန့်ဖြူး ရောင်းချစေရေးနှင့် ဈေးနှုန်းအဆမတန် မြှင့်တင်ရောင်းချခြင်းများ မပြုလုပ်စေရေး၊ စားသုံးသူပြည်သူများ စားသုံးဆီဝယ်ယူသုံးစွဲရာတွင် ဘေးအန္တရာယ်ကင်းရှင်းသော စားသုံးဆီများကို သင့်တင့်မျှတသော ဈေးနှုန်းဖြင့် ဝယ်ယူစားသုံးနိုင်စေရေးတို့အတွက်လည်း တောင်ပိုင်းခရိုင်ဦးစီးမှူးရုံးမှဝန်ထမ်းများက ကွင်းဆင်းကြပ်မတ် ဆောင်ရွက်လျက်ရှိရာ (၁.၉.၂၀၂၅)ရက်နေ့ မှ (၆.၉.၂၀၂၅)ရက်နေ့အထိ ဆီကုမ္ပဏီ (၁၆)ခုနှင့် စားအုန်းဆီ တန်ချိန် (၂၈၄၉.၂၀၅)တန်ကို ထုတ်ပေးခဲ့ကြောင်း သိရှိရပါသည်။

DOCA(ရန်ကုန်)

    တနင်္သာရီတိုင်းဒေသကြီး၊ မြိတ်မြို့တွင် ရေထွက်ကုန်အပြင် စိုက်ပျိုးရေးလုပ်ငန်းများကိုလည်း လုပ်ကိုင်ကြပြီး ရာသီပေါ်သီးနှံများနှင့် စားဖိုဆောင်သီးနှံများကိုလည်း စိုက်ပျိုးကြ‌ကြောင်း သိရှိရပါသည်။ ယခုအခါ မြိတ်မြို့ပေါ်တွင် ခဝဲသီးများကို တစ်နိုင်တစ်ပိုင် စီးပွားဖြစ်စိုက်ပျိုးနေ ကြောင်းလည်း တွေ့ရှိရပါသည်။ ခဝဲသီးစားပေးခြင်းဖြင့် ကင်ဆာဖြစ်နှုန်းကိုလျော့ချပေးခြင်း၊ နှလုံး ကျန်းမာစေခြင်း၊ သွေးအားနည်းခြင်းကိုကာကွယ်ပေးခြင်း၊ ကိုယ်အလေးချိန်ကိုထိန်းချုပ်ပေးခြင်း နှင့် အရိုးသိပ်သည်းဆကို ကောင်းမွန်စေသော အသီးတစ်မျိုးဖြစ်သည်။ ယခုအခါ မြိတ်မြို့ပေါ်ရှိ စည်ပင်သာယာဈေးကြီးနှင့် အခြားသောဈေးများတွင် ဈေးရောင်းချသူများစည်ကားလျက်ရှိပြီး‌ ဒေသခံစိုက်ပျိုးသူများနှင့် အနီးအနား စိုက်ပျိုးသူများမှ ဈေးကွက်အတွင်းသို့ တင်ပို့ရောင်းချကြကြောင်းလည်း တွေ့ရှိရပါသည်။

    ယခု၂၀၂၅ခုနှစ်၊ စက်တင်ဘာလဒုတိယပတ်တွင် မြိတ်မြို့ပေါ်တွင် ရောင်းချနေသော ခဝဲသီးဈေးနှုန်းမှာ တစ်လုံးလျှင် (၁၀၀၀)ကျပ်ခန့်ရှိကြောင်း ကုန်စိမ်းရောင်းချနေသူတစ်ဦးထံမှ သိရှိ ရပါသည်။

DOCA(တနင်္သာရီ)

     ဆူးပုတ်ရွက်သည် ဆူးပုတ်ပင်ရဲ့ အရွက်ဖြစ်ပြီး အနုအညွှန့်ကိုပဲစားကြပါသည်။ ရိုးတံမှာ အဆူးလေးတွေပါတတ်ပြီး အရွက်လေးမှာနူးညံ့ပြီး အလွန်ပင်စားကောင်းသော အပင်တစ်မျိုး ဖြစ်သည်။ မြိတ်မြို့ပေါ်တွင် ဆူးပုတ်ပင်ကို နေရာအနှံ့အပြားတွင် စိုက်ပျိုးကြပါသည်။ အိမ်ခြံမြေ များတွင်လည်း တစ်နိုင်တစ်ပိုင်စိုက်ပျိုးကြပြီး တောင်ယာတွင်နေထိုင်သူများလည်း စီးပွားဖြစ် စိုက်ပျိုးကြကြောင်း တွေ့ရှိရပါသည်။ သားငါးများထက် ရာသီမရွေးပေါ်ထွက်နေသောသီးနှံများနှင့် ရာသီအလိုက်ထွက်ပေါ်နေသောသီးနှံများ ဝင်ရောက်လျက်ရှိကြောင်း သိရှိရပါသည်။ ယခုဈေးကွက် များအတွင်းသို့ ဆူးပုတ်ရွက်သည်လည်း ဝင်ရောက်လာသဖြင့် စိုက်ပျိုးသူများအရောင်းအဝယ်သွက်နေကြောင်းလည်း သိရှိရပါသည်။

          ယခုစက်တင်ဘာလဒုတိယပတ်တွင် မြိတ်မြို့ပေါ်ရှိ ဈေးကြီးများနှင့် အခြားသောဈေးများ တွင် ရောင်းချနေသောဆူးပုတ်ရွက်သည် တစ်စီးလျှင် (၅၀၀) ကျပ်ရှိကြောင်း ကုန်စိမ်းရောင်းချ နေသူတစ်ဦးထံမှ သိရှိရပါသည်။

DOCA(တနင်္သာရီ)