ပြည်တွင်းကုန်သွယ်မှုသတင်း

      ၇.၁၀.၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံသည် ချောင်းဆုံမြို့နယ်၊ ကုလားဘီကျေးရွာမှ သဘာဝမြေဩဇာလုပ်ငန်းရှင်နှင့် တွေ့ဆုံဆွေးနွေးခဲ့သည်။

        ထိုသို့ တွေ့ဆုံဆွေးနွေးရာတွင် ချောင်းဆုံမြို့နယ်တာဝန်ခံက လုပ်ငန်းရှင်အား တစ်နေ့ထုတ်လုပ်မှုအခြေအနေ၊ ကုန်ကြမ်းရရှိမှုအခြေအနေ၊ ကုန်ချောထုတ်လုပ်မှုအခြေအနေများအား ဆွေးနွေးမေးမြန်းရာ လုပ်ငန်းရှင်က တစ်ရက်လျှင်သဘာဝမြေဩဇာ အိတ် ၅၀ ခန့် ထုတ်လုပ်နိုင်ကြောင်း၊ ဈေးနှုန်းအနေဖြင့် တစ်အိတ်လျှင် ၂၀၀၀၀ ကျပ်၊ ကုန်ကြမ်းကို ချောင်းဆုံမြို့နယ်နှင့် ပေါင်မြို့နယ်တွင်ဝယ်ယူပြီး ချောင်းဆုံမြို့နယ်၊ မော်လမြိုင်မြို့နယ်၊တနင်္သာရီတိုင်း၊ ထားဝယ်မြို့နယ်တို့တွင်ရောင်းချကြောင်း၊ အလုပ်အကိုင်အခွင့်အလမ်းအနေဖြင့် လုပ်သား (၇) ဦးကို အလုပ်အကိုင်ဖန်တီးပေးနိုင်ကြောင်း ပြန်လည်ဆွေးနွေးခဲ့ပါသည်။

DOCA(မွန်)

          မော်လမြိုင်မြို့၌ အောက်တိုဘာလ ၈ ရက်နေ့တွင် ဘိလပ်မြေဈေးကွက်မှာ အရောင်းအဝယ်ပုံမှန်ရှိနေပြီး ဈေးနှုန်းတည်ငြိမ်နေကြောင်းသိရှိရသည်။ ဈေးကွက်ထဲအရောင်းအဝယ်ပုံမှန် ဖြစ်နေသောဈေးမှာ ကြံ့နှစ်ကောင်(အနီ)တစ်အိတ်လျှင် ကျပ် ၁၂၃၀၀၊ ကြံ့တံဆိပ် (အပြာ) တစ်အိတ် လျှင် ကျပ် ၁၂၂၀၀၊ ကြံ့တံဆိပ်(အဝါ) တစ်အိတ်လျှင် ကျပ် ၁၂၄၀၀၊ ဖြင့်အရောင်းအဝယ်ဖြစ်နေပြီး၊ မော်လမြိုင်မြို့၌ဓါတ်မြေဩဇာနှင့် ပိုးသတ်ဆေးဈေးနှုန်းမှာအရောင်းအဝယ်ပုံမှန်ရှိနေပြီး ဈေးနှုန်းတည်ငြိမ်နေကြောင်းသိရှိရသည်။

        အောက်တိုဘာလ ၈ ရက်နေ့တွင် ကွန်ပေါင်း (မြန်မာ့ဩဘာ ရွှေကောမက်) ၁၅:၁၅:၁၅ 50kg ပါ တစ်အိတ်မှာ ကျပ် ၁၆၂၀၀၀၊ကွန်ပေါင်း ၂၀:၁၂:၁၂ 50kg ပါတစ်အိတ်မှာ ကျပ် ၁၇၀၀၀၀၊ ကွန်ပေါင်း(Thai Grow How) ၁၅:၁၅:၁၅ 50kg ပါတစ်အိတ်မှာ ကျပ် ၂၃၅၀၀၀၊ ပုလဲ(အသေး) ၄၆%  မြန်မာ (MPE) 50kg ပါတစ်အိတ် မှာ ကျပ် ၇၈၀၀၀၊ ပုလဲ(အကြီး) ၄၆% ထိုင်း(မြင်းပျံ) 50kg ပါတစ်အိတ်မှာ ကျပ် ၁၂၈၀၀၀၊ပုလဲအသေး တရုပ်(ရွှေတောာင်) 50kg ပါတစ်အိတ်မှာ ကျပ် ၇၉၅၀၀၊တီစူပါ(တရုတ်)သံကွင်း 50kg ပါတစ်အိတ် မှာ ကျပ် ၁၄၀၀၀၀၊ ပိုသတ်ဆေးအမျိုးအစားဖြစ်သည့် မာလာမြိုင်ဆိုက်ပါ ၁၀% (သီးရွက်စုံ) 100cc တစ်ပုလင်းမှာ ကျပ်(၅၆၀၀)  မာလာမြိုင်ဆိုက်ပါ ၁၀%(သီးရွက်စုံ) 500cc တစ်ပုလင်းမှာ ကျပ် (၂၀၅၀၀)  ဖြင့် အရောင်းအဝယ် ဖြစ်နေကြောင်းသိရှိရပါသည်။

DOCA(မွန်)

        မော်လမြိုင်မြို့သို့  ရှမ်းပြည်နယ်မှ ဝင်ရောက်သည့်ပန်းများရှိသလို ဒေသထွက်ပန်းများလည်းထွက်ရှိသည်။ ယခုလ အောက်တိုဘာလတွင် ပန်းဈေးနှုန်းများမြင့်တက်လာသည်။ မော်လမြိုင်မြို့ အေးသာယာဈေးတွင် ရောင်းချလျက်ရှိသောပန်းအမျိုးမျိုးမှာ ဂန္ဓာမာပန်း အပွင့်သေး (အဖြူ၊ ခရမ်း၊ အဝါ)နှင့် ဂန္ဓာမာပန်းအပွင့်ကြီး ( အဖြူ/အဝါ)၊  ပန်းထိမ်ငိုပန်း၊ နှင်းဆီပန်း (အနီရောင်၊ အဖြူရောင်၊ ပန်းရောင်)၊ ကြယ်ပန်းနှင့် သပြေပန်းများရောင်းချလျက်ရှိသည်။

        ပန်းဈေးနှုန်းအခြေအနေသည် ၂၀၂၄ခုနှစ်၊ အောက်တိုဘာလ (ဒုတိယပတ်)ဈေးနှုန်းများမှာ ဂန္ဓာမာပန်းဖြူ အပွင့်ကြီး (၁၀ပွင့်ပါ)တစ်စည်းလျှင် ၆၀၀၀ကျပ်မှ ၇၀၀၀ကျပ်အတွင်း၊ ဂန္ဓာမာပန်း အပွင့်သေး (အဝါရောင်၊ခရမ်းရောင်၊ အဖြူရောင်) တစ်စည်းလျှင် ၃၅၀၀ကျပ်၊ ပန်းထိမ်ငိုပန်း(၁၀ပင်ပါ) တစ်စည်းလျှင် ၄၀၀၀ ကျပ်၊ နှင်းဆီပန်း အရောင်စုံ (ပန်းရောင်၊ အဖြူရောင်၊ အနီရောင်) (၁)ပွင့်လျှင်  ၅၀၀ကျပ်၊  (၁၀ပွင့်ပါ)တစ်စည်းလျှင် ၄၅၀၀ကျပ်၊  ကြယ်ပန်း တစ်စည်းလျှင် ၃၀၀၀ ကျပ်၊ သပြေပန်း တစ်စည်း ၃၀၀ ကျပ်မှ ၅၀၀ထိ ရောင်းချလျက်ရှိသည်။

       ယခင်လ စက်တင်ဘာလ ပန်းဈေးနှုန်းများမှာ ဂန္ဓာမာပန်းဖြူ အပွင့်ကြီး (၁၀ပွင့်ပါ) တစ်စည်းလျှင် ၄၀၀၀ကျပ်၊ ဂန္ဓာမာပန်း အပွင့်သေး (အဝါရောင်၊ အဖြူရောင်) တစ်စည်းလျှင် ၃၀၀၀ကျပ်၊ ပန်းထိမ်ငိုပန်း(၁၀ပင်ပါ) တစ်စည်းလျှင် ၃၅၀၀ကျပ်၊ နှင်းဆီပန်း အရောင်စုံ (ပန်းရောင်၊ အဖြူရောင်၊ အနီရောင်) (၁)ပွင့်လျှင်  ၃၀၀ကျပ်၊  (၁၀ဖွင့်ပါ )တစ်စည်းလျှင် ၂၅၀၀ကျပ်၊  ရေမွှေးပန်း တစ်စည်းလျှင် ၃၀၀၀ ကျပ်၊ သစ္စာပန်း တစ်စည်းလျှင် ၃၅၀၀ကျပ်၊ သပြေပန်း တစ်စည်း ၃၀၀ ကျပ်  ရောင်းချလျက်ရှိသည်။

     ဂန္ဓာမာပန်းဖြူ အပွင့်ကြီးသည် ရှမ်းပြည်နယ်၊ တောင်ကြီးမှ ဝင်ရောက်သည့်ပန်းဖြစ်ပြီး လမ်းခရီးကွာဝေးခြင်း၊ သယ်ယူပို့ဆောင်စရိတ်ကြီးမြင့်မှုတို့ကြောင့် ဈေးနှုန်းမြင့်တက်ခြင်း ဖြစ်ကြောင်း သိရှိရသည်။ ဂန္ဓာမာပန်း အပွင့်သေးမျိုးများမှာ ဒေသမျိုးများဖြစ်၍ သွင်းအားစုစရိတ်ကြီးမြင့်မှုကြောင့် ယခင်လနှင့်နှိုင်းယှဉ်ပါက  ယခုလ လဆန်းပိုင်းမှစ၍ ပန်းဈေးနှုန်းများမှာ ပျှမ်းမျှ ပန်းတစ်စည်း လျှင် ၅၀၀ ကျပ် မှ ၂၀၀၀ ကျပ် ခန့်အတွင်း  ဈေးနှုန်းမြင့်တက်လာကြောင်း သိရှိရပါသည်။

DOCA(မွန်)

         ၂၀၂၄ခုနှစ်၊ အောက်တိုဘာလ (ဒုတိယပတ်)အတွင်း ပဲမျိုးစုံများ၏ ဈေးနှုန်းအခြေအနေမှာ  ပဲတီစိမ်း(ရွှေဝါ) ၂၀ ပိဿာ (တစ်တင်း) ကျပ် ၈၇၀၀၀၊ ပဲတီစိမ်း၂၀ ပိဿာ (တစ်တင်း) ကျပ် ၇၆၀၀၀၊ မတ်ပဲ၂၀ ပိဿာ (တစ်တင်း) ကျပ် ၁၂၈၀၀၀၊ ပဲလွန်းဖြူ ၂၀ ပိဿာ (တစ်တင်း) ကျပ် ၈၁၀၀၀၊ ဘိုကိတ် ၂၀ပိဿာ(တစ်တင်း)ကျပ် ၈၅၀၀၀၊ ပဲပုပ်၂၀ပိဿာ(တစ်တင်း)ကျပ် ၁၄၆၅၀၀၀၊ မြေပဲ၂၀ ပိဿာ (တစ်တင်း) ကျပ် ၁၇၀၀၀၀  ဈေးနှုန်းဖြစ်ပေါ်နေသည်။

       ယခင် စက်တင်ဘာလအတွင်း ပဲမျိုးစုံများ၏ဈေးနှုန်းအခြေအနေမှာ  ပဲတီစိမ်း(ရွှေဝါ) ၂၀ ပိဿာ (တစ်တင်း) ကျပ် ၈၃၀၀၀၊ ပဲတီစိမ်း၂၀ ပိဿာ (တစ်တင်း) ကျပ် ၇၂၀၀၀၊ မတ်ပဲ၂၀ ပိဿာ (တစ်တင်း) ကျပ် ၁၁၆၀၀၀၊ ပဲလွန်းဖြူ ၂၀ ပိဿာ (တစ်တင်း) ကျပ် ၇၉၀၀၀၊ ဘိုကိတ် ၂၀ပိဿာ(တစ်တင်း)ကျပ် ၈၃၀၀၀၊ ပဲပုပ်၂၀ပိဿာ(တစ်တင်း)ကျပ် ၁၃၂၀၀၀၊ မြေပဲ၂၀ ပိဿာ (တစ်တင်း) ကျပ် ၁၆၈၀၀၀  ဈေးနှုန်းဖြစ်ပေါ်ခဲ့သည်။

        ထို့သို့ မော်လမြိုင်မြို့တွင် ယခင်(စက်တင်ဘာလ)က ဖြစ်ပေါ်ခဲ့သော ပဲဈေးနှုန်းနှင့် ယခုအောက်တိုဘာလ(ဒုတိယပတ်)၌  ဖြစ်ပေါ်လျက်ရှိသော ပဲဈေးနှုန်းနှိုင်းယှဉ်ပါက ယခုလ၌ ပိုမိုဈေးနှုန်းမြင့်တက်လျက်ရှိကြောင်း သိရှိရပါသည်။

DOCA(မွန်) 

        ဝါးတန်းဆန်စပါးကုန်စည်ဒိုင်သို့ (၁.၁၀.၂၀၂၄) မှ (၇.၁၀.၂၀၂၄) နေ့ထိ ဆန်ဝင်ရောက်မှုစာရင်းများမှာ ဧရာဝတီတိုင်းဒေသကြီး ဖျာပုံ၊ မြောင်းမြ၊ ဘိုကလေး၊ လပွတ္တာ၊ မော်ကျွန်း၊ ကျိုက်လတ်၊ ဟင်္သာတ၊ ဓနုဖြူ၊ ပန်းတနော်၊ ညောင်တုန်း၊ အဖျောက်၊ အသုတ်မြို့နယ်များမှ ပေါ်ဆန်းမွှေး (၅၁၀၈၅) အိတ်၊ ပေါ်ကျွဲ (၂၃၄၃၃) အိတ်၊ ဧည့်မထ (၁၂၁၂၈၉) အိတ်၊ ဆန်ကွဲ (၃၃၄၂၃) အိတ်ဝင်ရောက်ခဲ့ပြီး ပဲခူးတိုင်း (အရှေ့) ကျောက်တံခါး၊ ညောင်လေးပင်၊ ဖြူးမြို့နယ်များမှ ဧည့်မထ (၇၄၂၅) အိတ်နှင့် ပဲခူးတိုင်း (အနောက်) မြို့နယ်များဖြစ်သော သာယာဝတီ၊ သုံးဆယ်၊ လက်ပံတန်း၊ ကြို့ပင်ကောက် မြို့နယ်များမှ ဧည့်မထ (၃၁၄၆၆)အိတ်၊ ငစိန် (၁၉၆၀) အိတ်နှင့် ရန်ကုန်တိုင်း ပြင်ပမြို့နယ်များဖြစ်သော ကော့မှူး၊ လက်ခုတ်ကုန်း၊ ပျော်ဘွယ်၊ တိုက်ကြီး၊ ခရမ်း၊ သုံးခွ၊ ဥက္ကံ မြို့နယ်များမှ ဧည့်မထ (၂၆၂၇၀) အိတ်တို့ဝင်ရောက်မှုရှိကြောင်း ဝါးတန်းဆန်စပါးကုန်စည်ဒိုင်၏ ပြောကြားချက်အရ သိရှိရပါသည်။

DOCA(ရန်ကုန်)