ပြည်တွင်းကုန်သွယ်မှုသတင်း

  ၂၀၂၅ ခုနှစ်၊ စက်တင်ဘာလ ဒုတိယပတ်အတွင်း ပြည်ခရိုင်၊ ပြည်မြို့နယ်ရှိ အခြေခံစားကုန်များဖြစ်သော ပေါ်ဆန်းမွှေး တစ်ပြည်လျှင် (၅၂၀၀)ကျပ်၊ ဧည့်မထဆန် တစ်ပြည်လျှင် (၂၇၅၀)ကျပ်ဖြင့် ရောင်းဝယ်လျှက်ရှိပါသည်။ စားဖိုဆောင်စားကုန်များအနေဖြင့် ကြက်သွန်နီ (၁)ပိဿာလျှင် (၁၈၀၀)ကျပ်၊ ကြက်သွန်ဖြူ (ရှမ်းအသစ်) (၁)ပိဿာ လျှင် (၉၀၀၀)ကျပ်၊ ကုလားပဲ (၁)ပိဿာလျှင် (၆၇၀၀)ကျပ်၊ အာလူး (၁)ပိဿာလျှင် (၆၅၀၀)ကျပ်၊ ဆား(ချော) (၁)ပိဿာလျှင် (၁၈၀၀) ကျပ်၊ သကြား (၁)ပိဿာလျှင် (၄၉၀၀)ကျပ်၊ ငရုတ်ရှည် (၁)ပိဿာလျှင် (၁၁၅၀၀)ကျပ်၊ ငရုတ်ပွ (၁)ပိဿာလျှင် (၁၉၀၀၀)ကျပ်၊ ကြက်သား (CP)(၁)ပိဿာလျှင် (၁၄၀၀၀)ကျပ်၊ ကြက်သား(ဒေသကြက်) (၁) ပိဿာလျှင် (၂၄၀၀၀)ကျပ်၊ ဝက်သား (၁)ပိဿာလျှင် (၁၉၀၀၀)ကျပ်၊ အမဲသား (၁)ပိဿာလျှင် (၁၈၀၀၀)ကျပ်၊ ဆိတ်သား (၁)ပိဿာလျှင် (၂၅၀၀၀)ကျပ်၊ ငါးကြင်း (၁)ပိဿာလျှင် (၁၀၀၀၀)ကျပ်၊ ကြက်ဥ (၁)လုံးလျှင် (၃၆၀)ကျပ်၊ ဘဲဥ (၁)လုံးလျှင် (၄၁၀)ကျပ်၊ ငါးပိ (၁)ပိဿာလျှင် (၅၀၀၀)ကျပ်၊ ငါးတံခွန်ခြောက် (၁)ပိဿာလျှင် (၁၅၀၀၀)ကျပ် တို့ဖြင့် ဈေးနှုန်းများ တည်ငြိမ်လျှက်ရှိကြောင်း သိရပါသည်။         

DOCA(ပဲခူး)

     ပြည်ထောင်စုနယ်မြေ၊ နေပြည်တော်အတွင်း မိုးသီးနှံစိုက်ပျိုးမှုများတွင် နေကြာသီးနှံရိတ် သိမ်းမှုများသာကျန်ရှိနေသည့်အနေအထားကို တွေ့ရှိရပါသည်။ ဆောင်းမြေပဲအဖြစ် စိုက်မှုများ ကြားလိုက်၊ ပေါင်းပေါက်လုပ်ငန်းများဆောင်ရွက်နေမှုများကိုတွေ့ရှိလာရသည်။ သီးနှံပွဲရုံများသို့ နှမ်းဝင်ရောက်မှုနည်းပါးခဲ့ပြီး၊ မြေပဲဝင်ရောက်မှုအား‌ကောင်းနေဆဲရှိနေပါသည်။ နှမ်း(နက်)အနေ ဖြင့် မန္တလေးစျေးကွက်သို့တင်ပို့မှုအနည်းငယ်ရှိခဲ့ပြီး၊ မြေပဲ(လုံးဆံ)မန္တလေးနှင့် ရန်ကုန်သို့ တင်ပို့ မှုရှိခဲ့သည်ကိုတွေ့ရှိရပါသည်။ နှမ်း(နက်)စျေးနှုန်းမြင့်တက်မှုရှိခဲ့ပြီး၊ နှမ်း(နီ) စျေးနှုန်း တည်ငြိမ်ပါ သည်။ မြေပဲစျေးနှုန်းများတွင် အတောင့်၊အဆံစျေးနှုန်းများတည်ငြိမ်မှုရှိနေပါသည်။ စျေးကွက်များ သို့ဖြန့်ဖြူးမှုတွင်ပုံမှန်ကြိတ်ခွဲမှုရှိနေပြီး၊ မြေပဲကြိတ်ခွဲမှုအများဆုံးတွေ့ရှိရပါ သည်။ နဝလီကြိတ်ခွဲမှု လျော့ကျသွားခြင်းမရှိခဲ့ပါ။ ဆီစျေးနှုန်းများတည်ငြိမ်မှုရှိနေပြီး၊ မြေပဲဆီ (16000)ကျပ်၊ နှမ်းဆီ (16000)ကျပ်၊ နေကြာဆီ(18000)ကျပ် စျေးနှုန်းဖြစ်ပေါ်မှုကို‌ တွေ့ရပါသည်။ ဆီကြိတ်ဖတ် တင်ပို့ မှု  ရန်ကုန်နှင့် မန္တလေးသို့ စျေးကွက်များသို့တင်ပို့မှုရှိခဲ့ပြီး၊ မြေပဲဖတ် (5200)ကျပ်၊ နှမ်းဖတ် (3000)ကျပ်၊ နေကြာဖတ်(2100)ကျပ်တို့ဖြင့်စျေးနှုန်းဖြစ်ပေါ်နေမှုကို တွေ့ရှိရပါသည်။

DOCA(ပြည်ထောင်စုနယ်မြေ)

     စစ်ကိုင်းတိုင်းဒေသကြီး၊ မုံရွာမြို့ပေါ်တွင် စားဖိုဆောင်သီးနှံများနှင့် ပဲအမျိုးမျိုးကို ကုန်ဆုံဆိုင်းများ၊ ရပ်ကွက်ဈေးများတွင် ရောင်းချလျက်ရှိကြောင်း သိရပါသည်။ ပဲများကို စားသောက်ဆိုင်များနှင့် စီးပွားဖြစ်မုန့်လုပ်သူများက အများဆုံးဝယ်ယူလျက်ရှိကြောင်း သိရပါ သည်။

          ၂၀၂၅ ခုနှစ်၊ စက်တင်ဘာလ ဒုတိယပတ်တွင် မြို့ပေါ်တွင်ရောင်းချလျက်ရှိသော ကုလားပဲဈေးနှုန်းမှာ ၅၀ ကျပ်သားလျှင် (၃၆၀၀)ကျပ်ဖြင့်လည်ကောင်း၊ ၁ပိသာလျှင် (၇၂၀၀)ကျပ်ဖြင့်လည်ကောင်း ရောင်းချလျက်ရှိပြီး၊ ပဲနီလေးစျေးနှုန်းမှာ (၅၀) ကျပ်သားလျှင် (၇၅၀၀)ကျပ်ဖြင့်လည်းကောင်း၊ (၁)ပိသာလျှင် (၁၅၀၀၀)ကျပ်ဖြင့်လည်ကောင်း ရောင်းချလျက်ရှိကြောင်း စျေး‌ရောင်းချသူများထံမှ သိရပါသည်။ကုလားပဲနှင့် ပဲနီလေးစျေးနှုန်းများကို ယခင်အပတ်နှင့် နှိုင်းယှဥ်ရာတွင် စျေးနှုန်းတည်ငြိမ်လျက်ရှိကြောင်း တင်ပြအပ်ပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များ တွင်  စိုက်ပျိုးရေးကို အဓိကထားလုပ်ကိုင်ကြရာ မိမိပိုင် အိမ်ခြံဝင်းများနှင့် ယာကွက်များ တွင်  ပိန်းဥနှင့် ပီလောပီနံဥကို တစ်ပိုင်တစ်နိုင် စိုက်ပျိုးလျက်ရှိကြောင်း သိရှိရပါသည်။ ပိန်းဥ နှင့် ပီလောပီနံဥကို  ပြုတ်၍သော်လည်းကောင်း၊ ပေါင်း၍သော်လည်းကောင်း သရေစာအဖြစ် ပြုလုပ်စားသုံးကြပါသည်။

          ၂၀၂၅ ခုနှစ်၊ စက်တင်ဘာလ  ဒုတိယပတ်တွင် မုံရွာမြို့၊ မြသလ္လာဈေးနှင့် ချင်းတွင်း ရတနာဈေးတို့တွင်   ရောင်းချနေသော  ပိန်းဥဈေးနှုန်းမှာ လက္ကားဈေး (၁)ပိဿာလျှင် (၂၅၀၀) ကျပ်၊ လက်လီ(၁)ပိဿာလျှင်(၂၇၀၀)ကျပ်နှင့် ပီလောပီနံဥဈေးနှုန်းမှာ လက္ကားဈေး (၁)ပိဿာ လျှင်(၃၀၀၀)ကျပ်၊ လက်လီ(၁)ပိဿာလျှင် (၃၂၀၀)ကျပ်နှင့်ဖြင့် ရောင်းဝယ်လျက်ကြောင်း  သိရှိ ရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့မဈေးရှိ သစ်သီးဈေးကွက်တွင် ပန်းသီး၊ နာနတ်သီး၊ ပန်းသစ်တော်သီး၊ သခွားမွှေးသီးနှင့် ဖရဲသီးများရောင်းချလျက်ရှိပြီး ဖရဲသီးများကို မန္တလေးမြို့သစ်သီးပွဲရုံများမှ ဝယ်ယူရောင်းချလျက်ရှိကြောင်း သိရသည်။

     ကန့်ဘလူမြို့သစ်သီးဈေးကွက်တွင် ၂၀၂၅ ခုနှစ် ၊ စက်တင်ဘာလ ဒုတိယပတ်အတွင်း ဖရဲသီးအကြီး(၁)လုံးလျှင် (၈၀၀၀)ကျပ်၊ အလတ်(၁)လုံးလျှင် (၆၀၀၀)ကျပ်၊ အသေး(၁)လုံးလျှင် (၅၀၀၀)ကျပ်နှင့် တစ်စိတ်လျှင် (၈၀၀)ကျပ်ဖြင့်ရောင်းချလျက်ရှိကြောင်း၊ ယခင်ပထမပတ် ဈေးနှုန်း နှင့်နှိုင်းယှဉ်ပါက ယခုဒုတိယပတ်အတွင်း ဖရဲသီး(၁)လုံးလျှင်(၁၀၀၀)ကျပ် ဈေးနှုန်းမြင့်တက်လာကြောင်း သစ်သီးဆိုင်များထံမှ သတင်းရရှိပါသည်။

DOCA(စစ်ကိုင်း)