ပြည်တွင်းကုန်သွယ်မှုသတင်း

  စစ်ကိုင်းတိုင်းဒေသကြီး၊ မုံရွာမြို့၊ မန်ကျည်းပင်ဈေးအတွင်း မုန့်ညှင်းရွက်နှင့် အိုးမုန့်ညှင်းရွက်များ အများအပြား ရောင်းချလျက်ရှိကြပါသည်။ မုန့်ညှင်းပင်နှင့်အိုးမုန့်ညှင်းကို ဟင်းသီးဟင်းရွက်အဖြစ် လူသိများကြပြီး မြန်မာပြည်တွင် ဒေသမရွေး စိုက်ပျိုးနိုင်သည်။‌ အေးသောဒေသကိုပို၍ နှစ်သက်သည်။ မုန့်ညှင်းပင်နှင့်အိုးမုန့်ညှင်းကို ကြော်၊ လှော်၊ ချက်၊ ပြုတ်ရာတွင် အခြားသော အသားငါး၊ အသီးအရွက်တို့နှင့်ရော၍လည်း စားသုံးနိုင်သည်။ မုန့်ညှင်းချဥ်သည်  မြန်မာလူမျိုးများတို့ အထူးနှစ်သက်သော တို့စရာထဲတွင်ပါဝင်သည်။

            ၂၀၂၅ ခုနှစ် ၊ စက်တင်ဘာလ ဒုတိယအပတ်အတွင်း မုံရွာမြို့ မန်ကျည်းပင်ဈေးရှိ  မုန်ညှင်းရွက်ဈေးနှုန်းမှာ (၃၀၀-၅၀၀) ကျပ်၊ အိုးမုန်ညှင်းရွက်ဈေးနှုန်းမှာ (၃၀၀-၇၀၀) ကျပ်ထိ ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

   မအူပင်ခရိုင် ထုံးဖိုကျေးရွာ၊ တလိုင်းစု တွင် တောင်သူ ဦးအောင်မိုးက လယ်မြေပေါ်တွင် ကြက်ဟင်းခါးသီးနှံ စိုက်ပျိုးလျှက်ရှိကြောင်း သိရသည်။ စိုက်ပျိုးမှု ဧကမှာ ဧကဝက် စိုက်ပျိုးလျက်ရှိသည်။

          ကြက်ဟင်းခါး မျိုးမှာ တြိဂံ အမှတ်တစ်ဆိပ်မျိုးဖြစ်ပြီး ဖြစ်ပြီး မျိုးတစ်ထုတ်လျှင် ၂၀၀၀၀ကျပ်ဖြင့် ဝယ်ယူရပြီး စိုက်ဧကတွင် မျိုး ၁၀ထု တ်စိုက်ပျိုးကြောင်း သိရသည်။ ကြက်ဟင်းခါးသီးနှံကို ဇူလိုင်လက စတင်စိုက်ပျိုးပြီး ၄၅ရက်အကြာတွင် ထွက်ရှိပြီး  စိုက်ပျိုးမှု ကုန်ကျစရိတ်မှာ ဧကဝက်တွင် ၅သိန်းကုန်ကျကြောင်း၊ ထွက်ရှိမှုအနေဖြင့် ပိဿာချိန် ၅၀၀ခန့်ထွက်ရှိကြောင်း သိရသည်။ ကြက်ဟင်းခါး သီး ၁ပိဿာလျှင် လက်ကားဈေး ၁၈၀၀ကျပ် ရောင်းချရပြီး လက်လီဈေးမှာ ၁ပိဿာလျှင် ၂၀၀၀ကျပ်ဖြင့် ရောင်းချ ကြသည်။ အကျိုးအမြတ်အနေဖြင့် ငွေကျပ် ၄၀၀၀၀၀ ကျန်ရှိကြောင်း စိုက်ပျိုးသူများက အပိုဝင်ငွေရရှိ၍ နှစ်စဉ် ရာသီမရွး စိုက်ပျိုးကြကြောင်း သိရသည်။

DOCA (ဧရာဝတီ)

   ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်၌ ကြံစိုက်ပျိုးမှု (၇၈)ဧက စိုက်ပျိုးထားရှိပြီး စျေးကောင်းရရှိနေကြောင်း စိုက်ပျိုးရေးဦးစီးဌာနမှ သိရသည်။

   မအူပင်မြို့နယ်အနေဖြင့် တလုပ်လပ်အနောက်ကျေးရွာတွင် ၁ဧကတွင် K-9584 ကြံဝါ၊ ကြံညို မျိုးများကို စိုက်ပျိုးကြသည်။ စိုက်ပျိုးမှု ၁ဧကတွင် ကြံဝါ ၃၆၀၀၊ ကြံညို ၂၅၀၀ ပင်စိုက်ပျိုး နိုင်သည်။ မျိုးအနေဖြင့် ၃ဆစ်မျိုးဟုခေါ် ပြီး ၁ပင်ကို ၃၀၀ ကျပ်ဖြင့် ဝယ်ယူစိုက်ပျိုးရသည်။ စိုက်နည်းစနစ်မှန်ကန်စေရေး၊ မြေသြဇာစနစ်တကျ ကျွေးရပြီး စိုက်ပျိုး မြေအနေအထားအရ တစ်ဧကလျှင် ကြံတန်ချိန်အထွက်နှုန်းမှာ (၃၀)တန်ထွက်ရှိမှု လျာထား သတ်မှတ်ခဲ့ရာ (၄၀)တန်ထွက်မည် ဖြစ်ကြောင်း ပျမ်းမျှ ခန့်မှန်းတွက်ချက်ရသည်။  

   ကြံဝါ၊ ကြံညိုကို စိုက်ပျိုးရာတွင် ပထမစိုက်မြောင်းထပ်တိုးခြင်းလုပ်ငန်း လုပ်ဆောင်ရခြင်း၊ ဒုတိယအကြိမ် အပင်ပေါက်အလွှာထိုး အစာလိုက်ပေးရခြင်း၊ တတိယ အစားထိုး စိုက်မြောင်းလုပ်ဆောင် ပေးရခြင်း တို့ကို လုပ်ဆောင်ရပြီး မိုးရာသီတွင် ရေလိုက်ပေးရန်မလိုကြောင်း၊ ၂၀၂၅ခုနှစ်  ဧပြီလကုန်တွင် စတင်စိုက်ပျိုးပြီး ၈-၉ လအကြာတွင် ရောင်းတမ်းဝင်မည်ဖြစ်သည်။ စိုက်ပျိုးမှု ကုန်ကျစရိတ် မျိုး၊ သွင်းအားစု၊ လုပ်သားခ၊ ရေတင်ခ၊ အနေဖြင့် ကြံဝါ ၂၅သိန်းကျပ်၊ ကြံညို ၂၀သိန်း ကုန်ကျကြောင်း သိရသည်။  ကြံချောင်း တစ်ချောင်းကို ၁၀၀၀ ကျပ်ရရှိခဲ့ပြီး ယခုနှစ်တွင် ကြံထွက်ရှိသူများက ကြံတစ်ချောင်းလျှင်  ၁၂၀၀-၁၅၀၀ ကျပ်အထိ ရရှိကြောင်းသိရသည်၊၊ စိုက်ပျိုးမှု အပင် ကြံဝါ ၃၆၀၀ပင်တွင် အထွက်နှုန်းအနေဖြင့်  ၅၀၀၀ ပင်အထိထွက်ရှိကြောင်း၊ ကြံညိုအထွက်နှုန်း ၄၀၀၀ထွက်ရှိ ကြောင်း သိရသည်။ အကျိုးအမြတ် အနေဖြင့် ငွေကျပ် ၇ ၅၀၀ ၀၀၀ ရရှိကြောင်း သိရသည်။

   မအူပင်မြို့နယ်မှ ထွက်ရှိလာသော ကြံများကို ရန်ကုန်သကြားစက်သို့ တင်ပို့ရောင်းချရ ကြောင်း ယခင်နှစ်ကထက်ပို၍ စျေးကောင်းရရှိကြောင်းနှင့် ဒေသတွင်း ကြံရည် ရောင်းချသူများ ကလည်း လာရောက်ဝယ်ယူကြကြောင်း ကြံဝါသည် အကျိုးအမြတ်ပေးနိုင်လို့ စီးပွားဖြစ်စိုက်ပျိုးထုတ် လုပ်သင့်တဲ့သီးနှံတစ်ခုဖြစ်ပြီး ကြံညိုကိုလည်း ပွင့်လင်းရာသီတွင် စီးပွားဖြစ် သီးနှံအဖြစ် ရောင်းချပြီး နှစ်စဉ် နှစ်စဉ်စိုက်ပျိုးလျှက်ရှိကြောင်း သိရသည်။

DOCA (ဧရာဝတီ)

          မအူပင်မြို့နယ်၊ မင်းဘောကျေးရွာတွင် မာလကာသီး သီးနှံ စိုက်ပျိုးလျှက်ရှိသည်။ မင်းဘော ကျေးရွာသည် စပါးကို အဓိကထား စိုက်ပျိုးနေပြီး ပဲမျိုးစုံ စိုက်ပျိုးသည့်အပြင် လုပ်ငန်းရှင်များက အုန်းသီး၊ ကွမ်းသီး၊ နှင့် မာလကာသီးနှံများကို မြေဧက ၁၇ ဧကပေါ်တွင် ၁ဧက စီးပွားဖြစ် စိုက်ပျိုးလျက် ရှိကြောင်း သိရှိရသည်။

          မာလကာသီးနှံ စိုက်ပျိုးမှု အနေဖြင့် ကီလိုမာလကာ၊ သုံးရောင်ချယ်၊ ပန်းမာလကာ၊ အစေ့လွတ် သီးနှံများကို မြေ၁ဧကပေါ်တွင် စိုက်ပျိုးနေကြောင်းသိရသည်။ မာလကာသီး အပင်ပေါင်း ၅၀၀ ခန့်ရှိပြီး မျိုးတစ်ပင်ကို ၂၅၀၀ ကျပ်ဖြင့် ဝယ်ယူပြီး ယခု မာလကာသီးနှံ ၃နှစ်သား ရှိပြီဖြစ်ကြောင်း မာလကာသီး ၁နှစ်သားတွင် အသီးစတင်သီးပြီး မာလကာပင်ကို အစားကြွေး ၊ မြေဩဇာကျွေး၊ လုပ်သားခနှင့် ၁ဧက ရင်းနှီမှု တန်ဖိုး ၂၅၀၀၀၀၀/-ကျပ် ကုန်ကြပြီး အထွက်နှုန်း အနေဖြင့် ၁ဧကလျှင် ပျမ်းမျှ ၁၀၀၀၀ခန့် ထွက်ရှိကြောင်း သိရသည်။ မာလကာသီး ထွက်ရှိမှု ကာလမှာ တစ်နှစ်အတွင်း ၆လအတွင်း ခူးယူရောင်းချရကြောင်း သိရသည်။

မာလကာသီး လက်ကားဈေးနှုန်းအနေဖြင့် အလုံး ၁၀၀ကို ယခုအခါ ၈၀၀၀၀/-ကျပ်၊ အနိမ့်ဈေး ၆၀၀၀၀/-ကျပ်ဖြင့် အရောင်းအဝယ်ဖြစ်လျက်ရှိကြောင်း၊ မာလကာသီးနှံ စိုက်ပျိုးသူ အနေဖြင့် ၁ဧကလျှင် ငွေကျပ် ၄,၅၀၀,၀၀၀ နှစ်တစ်ပါတ်လည် အကျိုးအမြတ် ရရှိကြောင်း၊   ဈေးကွက်အနေဖြင့် ကျိုတ်လတ် သစ်သီးဒိုင်နှင့် မအူပင်၊ မော်ကျွန်း၊ ဖျာပုံ သစ်သီးရောင်းချသူ များမှ လာရောက်ဝယ်ယူပြီး ပန်းတနော်မြို့ဘက်သို့ ရောင်းချကြောင်း၊ ရန်ကုန်မြို့ သစ်သီးအရောင်းအဝယ်ဒိုင်များသို့ အဓိကတင်ပို့လျှက် ရှိကြောင်း သိရှိရသည်။

DOCA (ဧရာဝတီ)

      တနင်္သာရီတိုင်းဒေသကြီး၊ ထားဝယ်မြို့ပေါ်ရှိ စိုက်ပျိုးရေးသုံးပစ္စည်းအရောင်းဆိုင်ကြီးများမှ ရောင်းချလျက်ရှိသော ဓါတ်မြေသြဇာစျေးနှုန်းများမှာ စက်တင်ဘာလဒုတိယပတ်အတွင်း မြင်းပျံ၊ အာမို၊ သြဘာအမှတ်တံဆိပ် ယူရီးယား ၅၀ ကီလိုဂရမ် တစ်အိတ်လျှင် (၁၂၀၀၀၀) ကျပ်၊ သံကွင်း တီစူပါ ၅၀ ကီလိုဂရမ် တစ်အိတ်လျှင် (၁၆၈၀၀၀)ကျပ်၊ တိုတာ၊ ဂျာမနီ အမှတ်တံဆိပ် ပိုတက်ရှ်  ၅၀ ကီလိုဂရမ် တစ်အိတ်လျှင် (၁၄၄၉၀၀) ကျပ်အသီးသီးရှိပြီး ယခင်ပထမအပတ်စျေးနှုန်းများနှင့် နှိုင်း ယှဥ်ပါက တည်ငြိမ်လျက်ရှိပြီး မြန်မာ့သြဘာ သန်ဒါး ၁၀၀ စီစီ ပိုးသတ်ဆေး တစ်ဘူးလျှင် (၁၁၄၀၀)ကျပ်ဖြင့် စက်တင်ဘာလ ပထမအပတ်အတွင်း ရောင်းချလက်ရှိပြီး ယခု ဒုတိယပတ် စျေးနှုန်းများနှင့် နှိုင်းယှဥ်ပါက စျေးနှုန်းအနည်းငယ်တည်ငြိမ်လျက်ရှိကြောင်း သိရှိရပါသည်။

DOCA(တနင်္သာရီ)