ပြည်တွင်းကုန်သွယ်မှုသတင်း

     ဧရာဝတီတိုင်းဒေသကြီး၊ မအူပင်ခရိုင်သည် ပင်လယ်နှင့်နီသော ဖျာပုံမြို့နယ်ဒေသထွက် ပင်လယ်ငါးခြောက်များ ရောင်းချလျက်ရှိသည်။ ငါးခြောက်ရောင်းချသော ဆိုင် ၂၀ ခန့်ရှိပြီး ဖျာပုံဒေသထွက် ပင်လယ်ငါးခြောက်များကို မှာယူရောင်းချလျက်ရှိပါသည်။

     ရောင်းချသော ငါးနီတူခြောက်များ၏ ဈေးနှုန်းများမှာ ရှယ် ၁ပိဿာလျှင် လက်ကားဈေး ၃၈၀၀၀ကျပ်၊ အလတ် ၃၅၀၀၀ကျပ်၊ အညံ ၁ပိဿာ ၂၅၀၀၀ကျပ်ဖြင့် အရောင်းအဝယ်ဖြစ်လျက်ရှိသည်။ ငါးနီတူခြောက်များ ယခုအချိန်တွင် မိုးအေးသဖြင့် ဈေးအနည်းငယ်ကျဆင်းနေပြီး၊ ပွင်းလင်းရာသီများတွင် ဈေးပိုမိုကောင်းကြောင်း ငါးခြောက်ရောင်းချသူမှ ပြောပြသည်။ ဖျာပုံပင်ရင်းဒိုင်များမှ မှာယူရောင်းချရသဖြင့် အကျိူးအမြတ်ကြံရှိကြောင်း ယခင်ဈေးနှုန်းဖြင့် နှိုင်းယှဉ်ပါက ငွေကျပ် ၄၀၀၀-၅၀၀၀ကျပ်နီးပါး ကျဆင်းကြောင်း သိရသည်။

DOCA(ဧရာဝတီ)

      မအူပင်ခရိုင်၊ မအူပင်မြို့နယ် ဈေးကွက်အတွင်းတွင် ပြည်ဒေသထွက် ဩဇာသီးများ ဝင်ရောက်လျက်ရှိပြီး ဈေးအတွင်း ရောင်းချနေကြောင်း တွေ့ရှိရသည်။ ဩဇာသီးပေါ်ချိန်တွင် အရောင်းအဝယ်သွက်လျက်ရှိသည်။ ဩဇာသီးများကို ရန်ကုန်သီရိမင်္ဂလာဈေးမှ မှာယူရောင်းချကြောင်း သိရသည်။

       ရောင်းချသော ဈေးနှုန်း အနေဖြင့် ဩဇာသီး ၁လုံးလျှင် ၈၀၀-၁၀၀၀ ကျပ်ဖြင့် ရောင်းချနေကြောင်း ဈေးကွက်အတါင်းမှ သိရှိရပြီး၊ ရန်ကုန်မှ ဩဇာသီး ရာခြင်းဈေး ၈၀၀၀၀- ၁၀၀၀၀၀ကျပ်ဖြင့် ဝယ်ယူရပြီး အကြီးအသေးပေါ်မူတည်၍ ဈေးကွဲပြားစွာ ရောင်းချရကြောင်း ၊ တစ်နေ့လျှင် ဩဇာသီး ရောင်းချသော ဆိုင်များမှ အလုံးရေ ၃၀၀၀ကျော်ရောင်းချရကြောင်း၊ ယခင်ဈေးဖြင့် နှိုင်းယှဉ်ပါက ဈေးနှုန်း အနည်းငယ်ကျဆင်းပြီး ကြောင်း သိရသည်။  ဩဇာသီးပေါ်ချိန်တွင် မအူပင်ဈေးကွက်အတွင်း ၁လုံး ၁၅၀၀ကျပ်ထိ ရောင်းချရကြောင်း သိရသည်။

DOCA(ဧရာဝတီ)

          စစ်ကိုင်းတိုင်းဒေသကြီးအတွင်းရှိ ကျေးရွာများ နှင့် မြို့ပေါ်ရပ်ကွက်များတွင် စိုက်ပျိုးရေး လုပ်ငန်းများကို လုပ်ကိုင်စားသောက်ကြရာမှ နှစ်ရှည်သီးနှံဖြစ်သည့် ဂွေးပင်၊ မာလကာသီးပင်၊ ဩဇာသီးပင်၊ သရက်သီးပင်၊ နဂါးမောက်သီးပင်၊ ပိန္နဲသီးပင်နှင့် မန်ကျည်းသီးပင် များကိုလည်း မိမိတို့ နေအိမ်ခြံစည်းရိုးများနှင့် တောင်ယာများထဲတွင် တစ်ပိုင်တစ်နိုင် စိုက်ပျိုးလျက်ရှိ ကြပါ သည်။ စိုက်ပျိုးရရှိသော သီးနှံများထဲမှ  ဩဇာသီး၊ ဂွေးသီးနှင့် မာလကာသီးမျာကို မုံရွာမြို့၊ ချင်းတွင်းရတနာဈေး၊ သံလမ်းဈေးနှင့် ဈေးဟောင်းတို့တွင်  လာရောက်ရောင်းချလျက်ရှိ ကြောင်း သိရှိရပါသည်။

          ၂၀၂၅ ခုနှစ်၊ စက်တင်ဘာလ ဒုတိယပတ်တွင် ဩဇာသီးဈေးနှုန်းများမှာ အရွယ်အစား အလိုက်ဈေးအမျိုးမျိုးရှိပြီး အရွယ်ကြီးအလုံးလှ(၁)လုံးလျှင် (၇၀၀)ကျပ်၊ အရွယ်သေး အလုံးသေး (၁)လုံးလျှင်(၆၀၀)ကျပ်ဖြင့်လည်းကောင်း၊  ဂွေးချိုသီး ဈေးနှုန်းမှာ ဂွေးချိုသီး (၁၄)လုံးပါ တစ်ထုပ်လျှင် (၆၀၀)ကျပ်ဖြင့် လည်းကောင်း၊ ကီလိုမာလကာသီးဈေးနှုန်းများ အနေဖြင့် အကြီးတစ်လုံးလျှင် (၇၀၀)ကျပ်၊ အသေးတစ်လုံးလျှင် (၆၀၀) ကျပ်ဖြစ်ပြီး အကြီးအသေး ပေါ်မူတည်ပြီး ရောင်းချလျက်ရှိကြောင်း သိရပါသည်။

DOCA(စစ်ကိုင်း)

        စစ်ကိုင်းတိုင်းဒေသကြီး၊ မုံရွာမြို့၊ မြသလ္လာဈေးနှင့် သံလမ်းဈေးတို့တွင် မုံရွာမြို့နယ် အတွင်းရှိ ကျေးရွာများ၊ မြို့ပေါ်ရပ်ကွက်များနှင့် ဒေသအသီးသီးမှ သံပုရာသီးများ လာရောက် ရောင်းချသည့်အတွက် ဈေးကွက်အတွင်း အရောင်းအဝယ်ဖြစ်လျက်ရှိကြောင်း သိရှိရပါသည်။

        သံပုရာသီးသည် ကျန်းမာရေးအတွက် ကောင်းမွန်ပြီး သံပုရာယို၊ သံပုရာ ဖျော်ရည်နှင့် အသုပ် များတွင် ထည့်သွင်းစားသုံးရပြီး ရှောက်သီးမှာ ဆေးဖော်စပ်ရာတွင်လည်း အသုံးပြုကြသည့် အတွက် အသုံးဝင်းသော အသီးပင်ဖြစ်ပါသည်။

          စက်တင်ဘာလ ဒုတိယပတ်တွင် မုံရွာမြို့ မြသလ္လာဈေး၊ သံလမ်းဈေးနှင့် ရပ်ကွက်ဈေး တို့၌ သံပုရာသီးဈေးနှုန်းမှာ အရွယ်အစား အကြီး/အသေး အပေါ်မူတည်၍ တစ်လုံးလျှင် (၁၀ဝိ/-) ကျပ်မှ (၁၂)လုံးလျှင် (၁၀၀၀) ကျပ်ဖြင့်လည်းကောင်း ၊ ရှောက်သီး(အသေး) (၁)လုံး လျှင် (၂၅၀)ကျပ်နှင့် ရှောက်သီး(အကြီး)(၁)လုံးလျှင်(၃၀၀) ကျပ်ထိ ရောင်းချလျက်ရှိကြောင်း ကုန်စိမ်းရောင်းသူများထံမှ သိရှိရပါသည်။

DOCA(စစ်ကိုင်း)

  ပုသိမ်ခရိုင်၊ သာပေါင်းမြို့နယ်၊ (၂၀၂၅-၂၀၂၆) ခုနှစ်၊ မိုးစပါးရာသီ၌ နိုင်ငံစီးပွား မြှင့်တင်ရေး ရန်ပုံငွေရယူခြင်းမရှိသော တောင်သူများလက်ဝယ်သို့ ယူရီးယားဓာတ်မြေဩဇာများ၊ ကွန်ပေါင်း မြေဩဇာများ၊ စနစ်တကျဝယ်ယူဖြန့်ဖြူးရောင်းချနိုင်ရေးတို့အတွက် မြို့နယ်အုပ်ချုပ်ရေးမှူးရုံးခန်း၌ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီအဖွဲ့နှင့် ဌာနဆိုင်ရာစုစုပေါင်း (၁၅) ဦးဖြင့် ဖွဲ့စည်းခဲ့ပြီး ကျေးရွာအုပ်စု (၄၂) အုပ်စုအတွက် နယ်မြေ (၃) နေရာခွဲဝေသတ်မှတ်ပြီး သက်ဆိုင်ရာဌာနများမှ ရပ်ကွက်၊ ကျေးရွာတောင်သူများထံ တိုက်ရိုက်ဖြန့်ဖြူးရောင်းချနိုင်ရေးအတွက် လုပ်ငန်းတာဝန်များ အဆင့်ဆင့် ဆောင်ရွက်နိုင်ရေး ဖွဲ့စည်းဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)