ပြည်တွင်းကုန်သွယ်မှုသတင်း

     မြန်မာ့အစားအစာဖြစ်သော မုန့်ဟင်းခါးများနှင့် နံနက်စာထမင်းကြော်စားသုံးရာတွင် အဓိက တွက်ဖက် စားသုံးသော ဘဲဥများသည် တနင်္သာရီတိုင်းဒေသကြီး၊ ထားဝယ်မြို့တွင်လည်း လူကြိုက်များ အဓိက စားသုံးသော စားကုန်တစ်မျိုးဖြစ်ပါသည်။

          ယခင် စက်တင်ဘာလ ဒုတိယအပတ်အတွင်း ဘဲဥအကြီးတစ်လုံးလျှင် (၇၀၀)ကျပ်ဖြင့် ရောင်းချ လျက်ရှိရာ ယခင်ပထမအပတ်နှင့်နှိုင်းယှဥ်ပါက စျေးနှုန်းအနည်းငယ် တည်ငြိမ်လျက်ရှိကြောင်း ထားဝယ် မြို့၊ စည်ပင်သာယာစျေးကြီးအတွင်းရောင်းချလျက်ရှိသော ကြက်ဥ/ဘဲဥရောင်းချသော စျေးသည် များထံမှ သိရှိရပါသည်။

DOCA(တနင်္သာရီ)

      တနင်္သာရီတိုင်းဒေသကြီး၊ ထားဝယ်မြို့အတွင်းရှိ ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေးလုပ်ငန်းများကို လုပ်ကိုင်စားသောက်ကြရာမှ စားဖိုဆောင်သီးနှံဖြစ်သည့် ပဲတောင့်ရှည်သီးကိုလည်း တစ်နိုင်တစ်ပိုင်စိုက်ပျိုးလျက်ရှိပြီး ထားဝယ်မြို့မစျေးကြီးများနှင့် ပျံကျစျေးများတွင် ရောင်းချလျက်ရှိကြောင်း သိရှိရပါသည်။

     ယခုအခါ ထားဝယ်မြို့ရှိ စက်တင်ဘာလဒုတိယအပတ်တွင် ပဲတောင့်ရှည်သီး စျေးနှုန်းများမှာ ပဲတောင့်ရှည်သီး တစ်စီးလျှင် (၁၀၀၀)ကျပ်ရှိကြောင်း ရောင်းချသူတွေများထံမှ သိရှိရပါသည်။

DOCA(တနင်္သာရီ)

    ထားဝယ်မြို့၏ အဓိကစားသုံးကုန်တစ်မျိုးဖြစ်သော ကြက်ဥသည် စားသုံးသူပြည်သူတို့၏ အဓိကဖြစ်သည့်နှင့်အညီ လိုအပ်ချက်များစွာရှိသည်။ ရှမ်းပြည်နယ်မှ အများဆုံးတင်သွင်းပြီး စီးပွား ဖြစ်မွေးမြူကြသော လုပ်ငန်းအများအပြားရှိသည်။ စက်တင်ဘာလ ပထမပတ်အတွင်း ထားဝယ်မြို့ စျေးကွက်တွင်ဖြစ်ပေါ်နေသော ကြက်ဥ/ ဘဲဥ စျေးနှုန်းများသည် အနည်းငယ်ပြောင်းလဲနေကြောင်း သိရပါသည်။

           ယခင် သြဂုတ်လအတွင်း ကြက်ဥတစ်လုံးလျှင် (၅၀၀)ကျပ်၊ ဘဲဥကြီးတစ်လုံးလျှင် (၇၀၀) ကျပ်ခန့်ရှိပြီး၊ ယခုလက်ရှိ စျေးနှုန်းများအရ ကြက်ဥတစ်လုံးလျှင် (၆၀၀) ကျပ်၊ ကျပ်ခန့်နှင့် ဘဲဥတစ်လုံးလျှင် (၇၀၀) ကျပ်ခန့်ရှိကာ စျေးနှုန်းပြောင်းလဲလျက်ရှိနေကြောင်း ထားဝယ်မြို့ရှိ စည်ပင် သာယာစျေးကြီးများတွင် ရောင်းချနေသူများထံမှ သိရှိရပါသည်။

DOCA(တနင်္သာရီ)

  ပဲခူးတိုင်းဒေသကြီး၊သာယာဝတီခရိုင်၊ သာယာဝတီမြို့နယ် ဆန်ကုန်သည်နှင့် ဆန်စက်လုပ် ငန်းရှင်များမှ ဆန်ကိုသက်သာသောနှုန်းထားဖြင့် ဗီနိုင်းချိတ်ဆွဲရောင်းချနေခြင်းကို ဇွန်လ(၂၄)ရက် နေ့မှစတင်ရောင်းချခဲ့ရာ ယနေ့အထိရက်မပြတ် နေ့စဉ်အကန့်အသတ်မရှိ ဝယ်ယူလိုသည့်ပမာဏ အတိုင်းရောင်းချပေးလျက်ရှိပါသည်။၁၀.၉.၂၀၂၅ရက်နေ့တွင် ဆန်စက်နှင့်ဆန်ဆိုင် (၁၃)ခု တို့မှ ဆန်အိတ်(၂၀)အိတ်၊  လူဦးရေ (၂၄၀)ဦးအား ရောင်းချပေးပြီး ဖြစ်ပါကြောင်းနှင့် ရေဘေး အတွက် အလှူရှင်များရှိပါကလည်း လိုသလောက်သက်သာသောဈေးနှုန်းဖြင့် ဆန်ကုန်သည်များမှ ရောင်းချ ပေးထားပါကြောင်း သာယာဝတီမြို့နယ်မှ သက်သာသောဈေးနှုန်းဖြင့် ဆန်ရောင်းချမှု အကြောင်း တင်ပြလိုက်ပါသည်။

DOCA(ပဲခူး)

         မြင်းခြံခရိုင်သည် ပဲမျိုးစုံနှင့်ဆီထွက်သီးနှံများ စိုက်ပျိုးလျက်ရှိရာ ဆောင်းမြေပဲနှင့် မိုးမြေပဲဟူ၍ နှစ်ရာသီစိုကပျိုးလျက်ရှိကြောင်း သိရှိရသည်။ မိုးမြေပဲသီးနှံကို မေလမှ ဇွန်လအထိ စိုက်ပျိုးပြီး စက်တင်ဘာလ၊ အောက်တိုဘာလ၊ နိုဝင်ဘာလနှင့် ဒီဇင်ဘာလတို့တွင် ရိတ်သိမ်းထွက်ပေါ်ကြောင်း၊ စိုက်ပျိုးချိန်မှ ရိတ်သိမ်းချိန်အထိ (၄)လကြာမြင့်ကြောင်း သိရှိရသည်။

            ၂၀၂၅-၂၀၂၆ခုနှစ်၊ မြင်းခြံခရိုင်ချုပ်အနေဖြင့် မိုးမြေပဲစိုက်ဧကပေါင်း (၂၅၃၀၀)ဧက စိုက်ပျိုးထားကြောင်း၊ မြင်းခြံမြို့နယ်တွင် မိုးမြေပဲစိုက်ဧက(၂၅၀)စိုက်ပျိုးထားကြောင်း၊ တောင်သာမြို့နယ်တွင် စိုက်ဧက(၁၀၀၆၈)ဧက၊ နွားထိုးကြီးမြို့နယ်တွင်(၁၄၉၈၂)ဧက စိုက်ပျိုးထားကြောင်း၊ သက်ဆိုင်ရာဌာန၏ စာရင်းများအရသိရှိရသည်။ ပင်ပြန့်မျိုးကိုသာ စိုက်ပျိုးထားကြပြီး အတန်းလိုက်စနစ်ဖြင့် တစ်ဧကလျှင် မြေပဲမျိုးစေ့ တစ်တင်းခွဲနှုန်း စိုက်ပျိုးထားရှိကြောင်း၊ ပင်ခြားတန်း ခြားအနေဖြင့် (၆)လက်မ၊(၈)လက်မခြား စိုက်ပျိုးထားကြောင်းသိရှိရသည်။ မိုးမြေပဲကိုယခင်နှစ် ကထက်(၇၅)ဧက ပိုမိုစိုက်ပျိုးထားရကြောင်းနှင့် မိုးကိုမျှော်ပြီးစိုက်ပျိုးရသောသီးနှံဖြစ်၍ ယခုနှစ်ရာသီဥတုအခြေအနေအရ ယခင်နှစ်ကထက် အထွက်နှုန်းပိုမိုကောင်းမွန်မည်ဟု သုံးသပ်မိပါကြောင်း မိုးမြေပဲစိုက် တောင်သူတစ်ဦး၏ ပြောပြချက်အရ သိရှိရသည်။ ၂၀၂၅ခုနှစ်၊ စက်တင်ဘာလ ပထမပတ်တွင် မြေပဲ S1 လုံးဆံတစ်ပိဿာလျှင် (၇၄၀၀)ကျပ်၊ဆီဆံတစ် ပိဿာ လျှင်(၆၇၀၀)ကျပ်၊  မြေပဲဆီတစ်ပိဿာလျှင် (၁၆၀၀၀) ကျပ်ပေါက်ဈေး များရှိကြောင်း၊ ကာလတူနှိုင်းယှဉ်ပါက ယခုစက်တင်ဘာလတွင် ယခင်လထက် မြေပဲလုံးဆံ၊ မြေပဲဆီဆံနှင့် ပဲဆီသန့်ဈေးနှုန်းများကျဆင်းခဲ့ကြောင်း မြင်းခြံကုန်စည်ဒိုင်မှ တာဝန်ရှိသူ၏ ပြောပြချက်အရ သိရှိရပါသည်။

DOCA(မန္တလေး)