ပြည်တွင်းကုန်သွယ်မှုသတင်း

စစ်ကိုင်းတိုင်းဒေသကြီး၊ ကန့်ဘလူမြို့ “မြို့မဈေး”သည် နေ့စဉ်ဈေးရောင်းသူများ၊ ဈေးဝယ် သူများနှင့်စည်ကားလျက်ရှိပြီး ရာသီပေါ်သီးနှံများ၊ ဒေသထွက်ကုန်များအပြင် အခြားဒေသမှဝင် ရောက်သည့် လူသုံးကုန်နှင့် စားသောက်ကုန်ပစ္စည်းများကို ရောင်းချပေးလျက်ရှိကြောင်း ၊ ယခုအခါ ဒေသထွက်ရွှေဖရုံသီးများ စတင်ရောင်းချလျက်ရှိကြောင်း သိရသည်။

ရွှေဖရုံသီးများကို ကန့်ဘလူမြို့ပေါ်ရပ်ကွက်နှင့် ကန့်ဘလူမြို့နယ် နတ်ပေးကျေးရွာနှင့် အခြားသော ကျေးရွာများမှ ထွက်ရှိကြောင်း ၂၀၂၅ ခုနှစ်၊ မတ်လ တတိယပတ်အတွင်း ကန့်ဘလူ  မြို့မဈေးတွင်ရောင်းချနေသည့် ရွှေဖရုံသီးဈေးနှုန်းများမှာ  ရွှေဖရုံသီးအလုံးကြီး(၁)လုံးလျှင် (၂၅၀၀) ကျပ်၊ရွှေဖရုံသီးအလုံးသေး(၁)လုံးလျှင် (၁၅၀၀)ကျပ်၊ ရွှေဖရုံသီးစိတ်(၁)စိတ်လျှင် (၅၀၀)ကျပ်ဖြင့် ရောင်းချကြောင်း  ကုန်စိမ်းရောင်းချသည့် လုပ်ငန်းရှင်များထံမှ သတင်းရရှိသည်။

DOCA(စစ်ကိုင်း)

 စစ်ကိုင်းတိုင်းဒေသကြီး ၊ ကန့်ဘလူခရိုင်သည် စိုက်ပျိုးရေးလုပ်ငန်းများကို အဓိကထား လုပ်ကိုင်သော ဒေသတစ်ခုဖြစ်ပြီး သီးနှံစိုက်ပျိုးရာတွင် အထွက်နှုန်းများ ပိုမိုကောင်းမွန်စေရန်နှင့် ပန်းတိုင်အထွက်နှုန်းရရှိရေးအတွက် ကန့်ဘလူခရိုင်အတွင်းရှိ  သီးနှံစိုက်ပျိုးသူများက ဝယ်ယူအသုံး ပြုလျက်ရှိကြောင်း သိရသည်။

          မတ်လ ပထမပတ်အတွင်း ကန့်ဘလူခရိုင်၏ စိုက်ပျိုးရေးသုံးဓာတ်မြေဩဇာနှင့် ပိုးသတ်ဆေး ဈေးနှုန်းများမှာ ပန်းဖူး(50)kgတစ်အိတ်လျှင် (၁၃၂၀၀၀)ကျပ်၊ မြှားကမ္ဘာ(50)kg တစ်အိတ်လျှင် (၁၁၂၀၀၀)ကျပ်၊ အာမို၊ ကျွဲနက်တံဆိပ်(၁၅:၁၅:၁၅) ကွန်ပေါင်းဓာတ်မြေဩဇာ(50)kg တစ်အိတ် လျှင်(၁၈၀၀၀၀)ကျပ်၊ ရွှေတောနစ်(၅၀၀)စီစီတစ်ဘူးလျှင် (၁၇၀၀၀)ကျပ်၊ မိုရယ်လ်မုန်း အမြစ်ပွား၊ အသီးတင်၊ အပင်သန် ဟော်မုန်းဆေး (၅၀၀)စီစီ တစ်ဘူးလျှင်(၄၃၀၀၀)ကျပ်ဖြင့် အရောင်းအဝယ် ဖြစ်လျက်ရှိကြောင်း၊ ဓာတ်မြေဩဇာနှင့်ပိုးသတ်ဆေးများကို မန္တလေးမြို့မှ ဝယ်ယူရောင်းချလျက် ရှိကြောင်း ဓာတ်မြေဩဇာနှင့်ပိုးသတ်ဆေး ရောင်းချသည့် ဆိုင်များထံမှ သိရပါသည်။

DOCA(စစ်ကိုင်း)

စဉ့်နှီတုံးသည် မြန်မာလူမျိုးတို့၏ မီးဖိုချောင်တွင် မရှိမဖြစ်အရေးပါသော အထောက်အကူပြု သည့် ပစ္စည်းတစ်မျိုးဖြစ်ပါသည်။ စဉ့်နှီတုံးပြုလုပ်ရာတွင် မန်ကျည်းသားနှင့် ထနောင်းသားများကို အသုံးပြုကြပြီး ၎င်းအပင်များ၏ ပင်စည်ကိုဖြတ်၍ အသုံးပြုကြကြောင်း၊ မြန်မာနိုင်ငံ၏ နေရာအနှံ့အပြားတွင် အညာဒေသ၏ အမှတ်အသားဖြစ်သည့် မန်ကျည်းပင်နှင် ထနောင်းပင်များကို နေအရိပ်ရရန်သော်လည်းကောင်း၊ ထင်းအဖြစ်အသုံးပြုရန်၊ ကျန်းမာရေးအတွက်နှင့် အစာအဟာရ အဖြစ် စားသုံးရန်အတွက်သော်လည်းကောင်း စိုက်ပျိုးကြသည်များရှိပြီး အလေ့ကျလည်းပေါက် ကြောင်း၊ ထနောင်းပင်နှင့် မန်ကျည်းပင်၏အသုံးဝင်ပုံမှာ အရွက်စပြီးနုသည့်အချိန်မှစ၍  အပင်အိုပြီး ခုတ်လှဲသည့်အချိန်ထိ အသုံးဝင်ကြောင်း သိရှိရပါသည်။

          စဉ့်နှီတုံးဖြတ်ရာတွင် လုံးပတ်အရွယ်အစားအလိုက်ဖြတ်ရကြောင်း၊ မန်ကျည်းသားဖြင့် ပြု လုပ်သည့်စဉ့်နှီတုံးမှာ အသားမာ၍လူကြိုက်များကြောင်း၊ ထနောင်းသားဖြင့် ပြုလုပ်သည့် စဉ့်နှီတုံး မှာ အချိန်ကြာမြင့်စွာထားပါက ပိုးထိုး၍လူကြိုက်နည်းကြောင်း၊ ဈေးကွက်တွင် မန်ကျည်းသား ဖြင့်ပြုလုပ်ထားသည့် စဉ့်နှီတုံးများကိုသာ အဝယ်များကြောင်း၊ စဉ့်နှီတုံးအသေး (၁)တုံး လျှင် (၂၅၀ဝိ/-)ကျပ် အကြီး(၁)တုံးလျှင် (၆၅၀ဝိ/-)ကျပ်ဖြင့် အရောင်းအဝယ်ဖြစ် လျက်ရှိကြောင်း သိရှိရ ပါသည်။

DOCA(စစ်ကိုင်း)

ပဲခူးတိုင်းဒေသကြီး ၊ နတ်တလင်းခရိုင်အတွင်းရှိ  နတ်တလင်း၊ ပေါင်းတည်၊ ဇီးကုန်း၊ သဲကုန်း မြို့နယ်များတွင်း ဆောင်းသီးနှံ ပဲမျိုးစုံကို စိုက်ပျိုးကြရာ ၂၀၂၄-၂၀၂၅ ဘဏ္ဍာနှစ်တွင် နတ်တလင်းခရိုင် အနေဖြင့် မတ်ပဲစိုက်ပျိုးမှု ၁၉၁၁၅၇-ဧက စိုက်ပျိုးနိုင်ခဲ့ပြီး ရေဆင်း-၄၊ ရေဆင်း-၅၊ ရေးဆင်း-၇၊ TBL – 9 မျိုးများကို စိုက်ပျိုးကြောင်း  သက်ဆိုင်ရာ ဦးစီး ဌာနက သိရပါသည်။

ပေါင်းတည်မြို့နယ် ဝဲကြီးကျေးရွာတွင် ရေဆင်း-၅ မျိုးကို စိုက်ပျိုးပြီး တစ်ဧက ကို   ၁၇တင်းနှုန်းခန့် ထွက်ရှိ၍ ယခုနှစ်တွင်ရာသီဥတု အခြေအနေကြောင့် ယခုနှစ်ကထက် အထွက်နှုန်း အနည်းငယ် လျော့နည်းခဲ့ကြောင်း စိုက်ပျိုးစရိတ်ကုန်ကျမှု အနေဖြင့် မျိုး၊ ထွန်ယက်ခ၊ သွင်းအားစု၊ ချွေလှေ့ခ၊ အလုပ်သမားခ အပါအဝင်  စုစုပေါင်း ငွေကျပ် (၇၉၀၀၀၀) ကုန်ကျပါကြောင်း၊ ယခုနှစ်  သီးနှံပေါ်ချိန်တွင် မတ်ပဲ ပိဿာ (၂၀)တစ်တင်း ငွေကျပ် (၉၃၀၀၀)နှုန်းရှိသဖြင့် တစ်ဧကအကျိုး   အမြတ်အနေဖြင့် ငွေကျပ် (၇၉၁၀၀၀)ရရှိပါကြောင်းနှင့် ထွက်ရှိလာသော သီးနှံများကို ဒေသတွင်း ပွဲရုံများတွင်ရောင်းချကြောင်း မတ်ပဲစိုက် တောင်သူတစ်ဦးထံမှသိရပါသည်။

DOCA(ပဲခူး)

ခွေးတောက်ပင် (အသံထွက် ဂွေးတောက်ပင်)သည် သဘာဝ အလျောက်ပေါက်ရောက်တဲ့ နွယ်ပင်အမျိုးအစားဖြစ်ပြီး ပင်စည်လုံး၍ အခေါက်တွင် အညိုရောင်အဖုအစက်များ၊ မြောင်းလေးများ ပါရှိပါသည်။ အရွက်ကတော့ နှလုံးပုံရှိသည့် အကွက်များ   ရွက်ဆိုင်ထွက်ပြီး၊ ရွက်ထိပ်ချွန်ပါတယ်။ မြန်မာ နိုင်ငံအနှံ့အပြားတွင် အများအပြားတွေ့ရသည်။ အသီးသည် အတောင့်ဖြစ်၍ ကြက်သွေးရောင် ရှိသည်။ အရွက်ကို စိမ်းလဲ့လဲ့ အရောင်ရှိသော ဆိုးဆေးမျိုးလုပ်နိုင်၏။ ထိုဆိုးဆေးသည် ဆေးခိုင်သည့် လက္ခဏာ မရှိချေ။ ခွေးတောက်သားသည် ခိုင်မာ၍ လေးလံသည်။ ခွေးတောက်ရွက်သည် ခါးသက်သောအရသာ ရှိ၍ လူတို့ ချက်ပြုတ်စားသောက်ကြပါသည်။

          နှစ်ရင့်ခွေးတောက်ပင်များ အသီးသီးချိန်၌ ရင့်ချိန်တွင်ခူး၍ အစေ့ထုတ်ယူ၍ စိုက်ပျိုးနိုင် ပါသည်။ ခွေးတောက်ပင်ကို စီးပွားဖြစ် ပျိုးထောင်စိုက်ပျိုးခြင်းနှင့် ကိုင်းဖြတ်ပျိုးယူစိုက်ပျိုးခြင်း နည်းလမ်းများ ဖြင့်လည်း စိုက်ပျိုးနိုင်ပါသည်။ သုံးလသားအရွယ်မှစ၍ အညွန့်များကို စတင်ခူးဆွတ် နိုင်ပြီး အညွန့်ထွက် မှုကောင်းလျှင် (၃)ရက်လျှင် တစ်ကြိမ်ခူးဆွတ်နိုင်ပါသည်။ အညွန့်များထွက် စေရန် ခူးသည့်ချိန်၌ အောက်ခြေတွင်ရှိသော နှစ်တက်သုံးတက်လောက်ကို ချန်၍ညှပ်ပေးပါက အကိုင်းအခက် အများအပြား ထွက်လာပြီး အညွန့်များများရမည်ဖြစ်ပါသည်။ ယခုပြည်မြို့ရှိ ဈေးကွက်တွင် ခွေးတောက်ရွက်တစ်စည်း လျှင် အစည်းအကြီး/ အသေးပေါ်မူတည်၍ ကျပ် (၂၀၀) မှ ကျပ် (၃၀၀)အထိရှိကြောင်းသိရှိရပါသည်။

DOCA(ပဲခူး)