မြန်မာနိုင်ငံအထက်ပိုင်း၊ အထက်အညာဒေသများသည် ပူပြင်းခြောက်သွေ့သဖြင့် ဒေသခံ အများစုမှာ ရာသီဥတုနှင့်လိုက်ဖက်ညီစွာ မြန်မာချည်ထည်များကို အများဆုံးဝတ်ဆင်လေ့ရှိကြ ပါသည်။ မြန်မာချည်ထည်များသည် ခန္ဓာကိုယ်နှင့်အင်္ကျီကြားမှာ ဖြစ်ပေါ်တတ်တဲ့စိုထိုင်မှုများကို ဖယ်ရှားပေးသည့်အတွက် ချွေးအအေးပတ်ခြင်းကို မဖြစ်ပေါ်စေကြောင်း၊ မတူညီတဲ့ရာသီဥတု အခြေအနေအလိုက် နွေ၊ မိုး၊ ဆောင်း ရာသီတိုင်းမှာ ဝတ်ဆင်နိုင်ကြောင်းနှင့် နွေရာသီမှာ အသင့်လျော်ဆုံးဖြစ်ပြီး အေးတဲ့အချိန်အခါများမှာလည်း လေအေးများခန္ဓာကိုယ်ကိုမထိအောင်ကာ ကွယ်ပေးနိုင်ကြောင်း၊ မြင်းခြံဒေသထွက်မြန်မာချည်ထည်များကို တောင်သာမြို့နယ် နန်းမြင့် ကျေးရွာတွင် အများဆုံးယက်လုပ်ကြပြီး ဒေသအခေါ် နဖျင်းထည်ဟုခေါ်ဆိုကြလေ့ရှိ သဖြင့်ခရီးသွား ပြည်သူများအနေဖြင့် နဖျင်းထည်ဟုသိရှိမှုများကြပါသည်။ အညာဒေသထွက် မြန်မာချည်ထည် အဝတ်အထည်များသည် ရောင်းပန်းဝယ်ပန်းလှပြီး အနယ်နယ်အရပ်ရပ်မှ လာရောက် ကြသည့် ခရီးသွားများမှာ ဒေသထွက်ချည်ထည်များကို မိသားစုဆွေမျိုးသားချင်းအတွက်သော် လည်းကောင်း၊ မိတ်ဆွေအပေါင်းအသင်းများကို အညာဒေသပြန် လက်ဆောင်အဖြစ်ပေးရန် အတွက်သော် လည်းကောင်း၊ ပြန်လည်ရောင်းချရန်အတွက်သော်လည်းကောင်း ဝယ်ယူလေ့ရှိကြပြီး၊ လက်ဆောင် ရရှိသူများအနေဖြင့်လည်း အညာဒေသချည်ထည်များကို နှစ်သက်မြတ်နိုးစွာ တန်ဖိုးထားဝတ်ဆင် လေ့ရှိကြပါသည်။ ထို့အပြင် ချည်ထည်ဖြင့်ယက်လုပ်ထားသော လက်သုတ်ပဝါများသည် ဆွေးမြေ့မှုမလွယ်ပဲခိုင်ခန့်မှုရှိ၍ သုံးစွဲမှုများကြပါသည်။
မြင်းခြံဈေးကွက်တွင်လက်ရှိဖြစ်ပေါ်နေသော မြန်မာချည်ထည်ဈေးနှုန်းများအနေဖြင့် (၁၀) ကိုက် တစ်အုပ်ဈေးမှာ (၂၆၀၀၀)ကျပ် ရှိကြောင်းသိရှိရပါသည်။ အင်္ကျီဈေးများ အနေဖြင့် သင်္ဘောသား ကျား/မ ဝတ် M-size လက်တိုမှာ (၄၇၀၀)ကျပ်၊ L-size လက်တိုမှာ (၅၀၀၀)ကျပ်၊XL-size လက်တိုမှာ(၅၇၀၀)ကျပ်၊ ဂါဝန်(M-size) မှာ (၅၈၀၀)ကျပ်၊ L-size မှာ(၆၅၀၀)ကျပ်၊ ကျပ်၊XL-size မှာ(၇၅၀၀)ကျပ်၊ ကလေးဝတ်စုံကျား မှာ(၄၅၀၀၊ ၅၂၀၀)ကျပ်၊ကလေးဝတ်စုံ မဝတ်(၄၂၀၀၊၅၀၀၀)ကျပ်၊ ဘောင်ဘီတစ် ထည်ချင်း(တို)ဈေးမှာ L -size မှာ (၄၈၀၀)ကျပ်၊ XL-size မှာ(၅၈၀၀)ကျပ်၊XXL-sizeမှာ (၅၂၀၀)ကျပ်၊လူကြီးဝတ်ဝမ်းဆက်အင်္ကျီတိုဘောင်းဘီရှည် S-size မှာ (၇၈၀၀)ကျပ်၊ M-size မှာ(၈၇၀၀)ကျပ်၊ L-size မှာ(၁၀၀၀၀)ကျပ်၊ XL-size မှာ(၁၁၅၀၀)ကျပ်၊ မျက်နှာသုတ်ပဝါ တစ်ထည်ဈေးနှုန်းမှာ (၂၅၀၀)ကျပ်၊ လက်သုတ်ပဝါ(၁၀)ထည်ဈေးနှုန်းမှာ (၈၅၀၀)ကျပ်၊ အမျိုးသားဝတ်ချည်ချောလုံချည်တစ်ကွင်းဈေး နှုန်းမှာ(၈၅၀၀၊ ၁၇၀၀၀)ကျပ်၊ များရှိကြောင်း သိရှိရပါသည်။
မြင်းခြံခရိုင်အတွင်း မြန်မာချည်ထည်များယက်လုပ်မှုအနေဖြင့် မြင်းခြံမြို့နယ်၊ နွားထိုးကြီး မြို့နယ်၊ တောင်သာမြို့နယ် နန်းမြင့်ကျေးရွာနှင့် မိထ္ထီလာခရိုင်၊ ဝမ်းတွင်းမြို့နယ်ရှိ ရွာတန်းရှည် ကျေးရွာမှလည်း လက်ယက်ကန်း၊ စက်ယက်ကန်းများဖြင့် မြန်မာချည်ထည်များ ယက်လုပ်ကြ ကြောင်းသိရှိရပြီး မြင်းခြံမြို့ပေါ်ရှိရပ်ကွက်များအတွင်း တစ်နိုင်တစ်ပိုင် စက်ချုပ်လုပ်ငန်းများလုပ် ကိုင်ကြကြောင်းနှင့်အိမ်ယူ၍လည်း လက်ခစားဖြင့်ချုပ်လုပ်ပေးကြောင်း သိရှိရပါသည်။ စက်ယက် ကန်း၊ လက်ယက်ကန်းများဖြင့် ဒေသထွက်ချည်ထည်များချုပ်လုပ်နေရသဖြင့် ဒေသခံပြည်သူများ အလုပ်အကိုင်များရရှိ၍ အဆင်ပြေလျက်ရှိပါသည်။ ဒေသတစ်ခုအနေဖြင့် ဒေသထွက်ကုန်များ လူသိများပြီး အသိအမှတ်ပြုလာပါကဒေသခံ ပြည်သူများနှင့်ဒေသအတွက်လည်း အကျိုးများစွာ ဖြစ်ထွန်းစေပါသည်။ မြင်းခြံမြို့တွင် ဒေသထွက်နဖျင်းထည် များကို အရောင်အသွေးစုံ၊ ဆိုဒ်စုံ၊ ဒီဇိုင်းစုံစွာနှင့် တိုင်းရင်းသားရိုးရာဝတ်စုံများကိုလည်း ဈေးနှုန်းချိုသာစွာဖြင့် လက်လီလက်ကား ဝယ်ယူနိုင်ပါကြောင်းနှင့်ပူးပြင်းသောနွေရာသီသို့ ကူးပြောင်းလာပြီဖြစ်သည့်အတွက် ဒေသထွက် ချည်ထည်များ အရောင်းသွက်လာကြောင်း သိရှိရသည်။
DOCA(မန္တလေး)
