ပြည်တွင်းကုန်သွယ်မှုသတင်း

  စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ကုလားပဲ(၃၀၁၄၃)ဧကစိုက်ပျိုးကြောင်း သိရှိရပါသည်။ ပဲမျိုးစုံအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုခရိုင်အနေဖြင့် ကုလားပဲစိုက်ပျိုးမှု ရှိသော်လည်း ထွက်ရှိသည့်ကုလားပဲများကို ကုန်ကြမ်းအဖြစ်သာရောင်းချပြီး ပဲခွဲစက်ဖြင့်ခွဲ၍ ကုလားပဲဆံ များထုတ်လုပ်ရောင်းချမှုမရှိသည့်အတွက် ရွှေဘိုမြို့တွင်ရောင်းချသည့် ကုလားပဲဆံများကို မန္တလေးမြို့မှ ဝယ်ယူရောင်းချပြီး ကုလားပဲလုံးများကို ဒေသတွင်းမှထွက်ရှိသည့် ကုလားပဲလုံးများအပြင် မန္တလေးမြို့မှ လည်း ဝယ်ယူရောင်းချကြပါသည်။

ကုလားပဲဆံ

 ရွှေဘိုမြို့ ဈေးကွက်အတွင်း ဇူလိုင်လ၊ လကုန်အပတ်တွင်ရောင်းချသည့် ကုလားပဲဆံဈေးနှုန်းမှာ (၁)ပြည်လျှင်(၈၃၀ဝိ/-)ကျပ်နှင့် တစ်တင်းလျှင်(၁၃၂၈၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခု အပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ကုလားပဲဆံ(၁)ပြည် လျှင်(၈၃၀ဝိ/-)ကျပ်ပေါက်ဈေးရှိခဲ့သဖြင့်  ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီပြီး ဈေးငြိမ်နေကြောင်း၊ ဈေးကွက်အနေဖြင့် တစ်ဆင့်ပြန်လည်ရောင်းချမည့်သူများ၊ ကိုယ်တိုင်ကြော်သည့် ကုလားပဲဆံကြော်ဖိုများ၊ အလှူမင်္ဂလာပွဲလမ်း ဆောင်ရွက်မည့်သူများမှ ဝယ်ယူ ကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

ကုလားပဲလုံး

ရွှေဘိုမြို့ ဈေးကွက်အတွင်း ဇူလိုင်လ၊ လကုန်အပတ်တွင်ရောင်းချသည့် ကုလားပဲလုံးဈေးနှုန်းမှာ (၁)ပြည်လျှင်(၆၀၀ဝိ/-)ကျပ်နှင့် တစ်တင်းလျှင်(၉၆၀၀ဝိ/-)ကျပ်ဖြစ်ကြောင်း၊ ကုလားပဲလုံးမှာ အဖြူရောင် နှင့်အဝါရောင်နှစ်မျိုးရှိပြီး ရောင်းချရသည့်ဈေးနှုန်းမှာလည်း တူညီကြောင်း၊ ယခင်အပတ်နှင့် ယခုအပတ် တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ကုလားပဲလုံး(၁)ပြည်လျှင် (၆၀၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီပြီး ဈေးငြိမ်နေကြောင်း၊  ဧပြီလ၊ စတုတ္ထအပတ်မှစတင်၍ ယခုအချိန်ထိ အရောင်းအဝယ် ဖြစ်သည့်ဈေးနှုန်းတူညီပြီး ဈေးအေးနေကြောင်း၊  ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့် ပြန်လည်ရောင်းချမည့်သူများ၊ ကုလားပဲသုတ်ရောင်းချသူများမှ ဝယ်ယူကြကြောင်း ပဲမျိုးစုံရောင်းချသည့် ဆိုင်များမှ သတင်းရရှိပါသည်။

DOCA( စစ်ကိုင်း)

        မအူပင်ခရိုင်၊ မအူပင်မြို့နယ်တွင် ပန်းမျိုးစုံစိုက်ပျိုးကြသော်လည်း မိုးတွင်ကာလတွင် ပန်းများစိုက်ပျိုးထွက်ရှိမှု မရှိသောကြောင့် မအူပင်မြို့နယ် ဘုရာပန်း လိုအပ်ချက်အရ ရန်ကုန်သီရိမင်္ဂလာဈေးမှ မှာယူရောင်းချလျက်ရှိကြောင်း ဘုရားပန်းရောင်းချသူတစ်ဦးထံမှ သိရသည်။

            ရန်ကုန်မှ မြနှင်းချယ်ရီပန်းများကို မှာယူရာတွင် ပန်းအစီး တဖာမှာယူရကြောင်း၊ ပန်းတဖာလျှင် ပန်းထုံး ၁၈ထုံး ပါဝင်ကြောင်းသိရသည်။ ပန်းတဖာလျှင် ငွေကျပ် အရင်းအနှီးအနေဖြင့် ငွေကျပ် ၂၃၀၀၀၀ ဖြင့် ရန်ကုန်မှဝယ်ယူရပြီး၊ ပန်းတစ်ထုံးလျှင် ပြန်လည်ပြုပြင်ရောင်းချနိုင်ရန်အတွက် ငွေကျပ် ၂၀၀၀ကျပ်တန်း ပန်းစီး ၈စီး ထွက်ရှိသည်ဟူ သိရသည်။ ပန်းတဖာ ရင်းနှီးပါက အကျိုးအမြတ်အနေဖြင့် ၂၈၈၀၀၀ကျပ် ရရှိပြီး တန်ဇာခ ၁၀၀၀၀ကျပ် နှုတ်အပြီး အမြတ်ငွေ ၄၈၀၀၀ကျန်ရှိ၍ အဆင်ပြေလျှက်ရှိကြောင်း ရောင်းချသူထံမှ သိရသည်။ ဇူလိုင်လအတွင်း ရန်ကုန်မှ ဝင်သော ပန်းများကို အားထားရောင်းချရသဖြင့် အကျိုးအမြတ်ကျန်ရှိကြောင်းနှင့် အခြားသော နှင်းဆီ၊ ဂန္ဓမာအဖြူပွင့်ကြီး၊ ပန်းထိန်ငိုပန်းများ ပန်း(၅)မျိုးလောက် ကို ၄ရက်တစ်ခါ တစ်ဖာစီ ကုန်ကားများဖြင့် မှာယူရောင်းချနေကြောင်း သိရှိရပါသည်။

DOCA(ဧရာဝတီ)

      မကွေးတိုင်းဒေသကြီး၊ မကွေးခရိုင်၊ မကွေးမြို့တွင် ကွမ်းရွက်ဈေးများကို ဧရာဝတီတိုင်း ဒေသကြီး၊ မြန်အောင်၊ ပဲခူးတိုင်းဒေသကြီး၊ ပေါက်ခေါင်း၊ ပေါင်းတလည်၊ စစ်ကိုင်းတိုင်းဒေသကြီး၊ ကန့်ဘလူ၊ မုံရွာမြို့ရှိကွမ်းခြံများမှ တိုက်ရိုက်တယ်ယူရောင်းချကြောင်း၊ ကွမ်းသီးများကို ထားဝယ်မြို့မှ မှာယူရောင်းချကြောင်း၊ ကွမ်းစားထုံး၊ နှပ်ဆေးနှင့်ဗမာဆေးကို မုံရွာနှင့် ပခုက္ကူမြို့မှ ဝယ်ယူရောင်းချကြောင်း သိရသည်။

      ကွမ်းရွက်ဈေးနှုန်းအနေဖြင့် ၂၀၂၅ခုနှစ်၊ ဇူလှိုင်လ(တတိယပတ်)တွင် ကွမ်းရွက်ဝါ(၁)ပိဿာ လျှင် ကွမ်းရွက်အကြီး၊ အသေးနှင့် ဝယ်ယူတင်သွင်းရသည့် နေရာဒေသသအလိုက် ကျပ်(၆၀၀၀-၇၀၀၀ -၈၀၀၀)၊ ကွမ်းသီးစိပ်(၁)ပိဿာလျှင် ကျပ်(၃၂၀၀၀)၊ ကွမ်းသီးခြမ်း(၁)ပိဿာလျှင် ကျပ်(၃၀၀၀၀)၊ ကွမ်းစားထုံး (၁)ပိဿာလျှင် ကျပ်(၄၀၀၀)၊ ကွမ်းစားနှပ်ဆေး(၁)ထုပ်လျှင် ကျပ်(၁၅၀၀)၊ ဗမာဆေး (၁) ထုပ်လျှင် ကျပ်(၁၀၀၀)ဈေးနှုန်းများဖြင့် ရောင်းချလျက်ရှိကြောင်း သိရသည်။

       ယခင်ဇွန်လ(ဒုတိယပတ်)နှင့်နှိုင်းယှဉ်ပါက ယခုတစ်ပတ်တွင် ကွမ်းရွက်မှာ ကျပ်(၁၂၀၀၀) ဈေးနှုန်းကျဆင်းခဲ့ပြီး ကွမ်းသီးခြမ်းနှင့်ကွမ်းသီးစိပ်မှာ ကျပ်(၂၀၀၀၀)ဈေးနှုန်းမြင့်တက်ခဲ့ကြောင်း၊ ယခု အချိန်တွင် ကွမ်းခြံများရှိကွမ်းရွက်များ၌ လှိုင်လှိုင်ထွက်ပေါ်နေချိန်ဖြစ်၍ ကွမ်းရွက်ဈေးနှုန်းမှာ ကျဆင်း ရခြင်းဖြစ်ပြီး ကွမ်းသီးမှာ ပြည်ပမှမှာယူမှုများသည့်အပြင် မိုးတွင်းကာလဖြစ်၍ လမ်းခရီးအခက်အခဲ ရှိသောကြောင့် သယ်ယူစရိတ်မြင့်မား၍ ဈေးနှုန်းမြင့်တက်ရခြင်းဖြစ်ကြောင်း သိရှိရသည်။

DOCA(မကွေး)

     မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၌ ခရမ်းချဉ်သီးကို မြို့ပတ်ဝန်းကျင်ရှိ ရွာတော်၊ ပန်းတော်ပြင်၊ ဥယျာဉ်၊ မယ်ဇလီတော၊ မလွန်စသည့်ကျေးရွာများအပြင် သရက်မြို့၊ တောင်တွင်းကြီးမြို့၊ မင်းဘူးမြို့နှင့် ရှမ်းပြည်နယ်၊ အောင်ပန်းမြို့တို့မှလည်း မှာယူရောင်းချ ကြကြောင်း၊ ဇူလိုင်လ(တတိယပတ်)အတွင်း ခရမ်းချဉ်သီးဈေးနှုန်းစတင်ကျဆင်းပြီး အရောင်းအဝယ် ဖြစ်လျက်ရှိကြောင်း သိရသည်။

          ၂၀၂၅ခုနှစ်၊ ဇူလိုင်လ(တတိယပတ်)တွင် ခရမ်းချဉ်သီး(၁)ပိဿာလျှင် (အလုံးအကြီး၊ အသေး) အလိုက် ကျပ်(၂၃၀၀-၂၅၀၀)ဖြင့် အရောင်းအဝယ်ဖြစ်လျက်ရှိပြီး ယခင်(ပထမပတ်)တွင် (၁)ပိဿာလျှင် ကျပ်(၃၀၀၀-၃၄၀၀)ဖြင့် အရောင်းအဝယ်ဖြစ်ခဲ့ရာ ဈေးနှုန်းနှိုင်းယှဉ်ပါက ယခုတစ်ပတ်တွင် (၁)ပိဿာ လျှင် ကျပ်(၇၀၀-၉၀၀)ဈေးနှုန်းကျဆင်းလာကြောင်း သိရသည်။ ယခုအချိန်တွင် မင်းလှမြို့နယ်အတွင်း ကျေးရွာများရှိ တနိုင်တပိုင်ခရမ်းချဉ်စိုက်ခင်းများမှ ခရမ်းချဉ်သီးများ စတင်ထွက်ပေါ်လာသည့်အတွက် ဇေယျာသီရိဈေးအတွင်း ခရမ်းချဉ်သီးဈေးနှုန်းမှာ ကျဆင်းလာရခြင်းဖြစ်ကြောင်း သိရှိရသည်။

DOCA(မကွေး)

       မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့နယ်အတွင်း မိုးသီးနှံများဖြစ်သည့် ပဲစဉ်းငုံ၊ မြေပဲ၊ နှမ်း၊ ပဲတီစိမ်း၊ မတ်ပဲနှင့် အစေ့ထုတ်ပြောင်း CP သီးနှံများကို အများအပြား စိုက်ပျိုး လျက်ရှိပါသည်။ ရေစကြိုမြို့နယ်တွင် အစေ့ထုတ်ပြောင်း CP သီးနှံကို မိဖုရား၊ မဲကုန်း၊ ကိုင်း၊ နန်းဦး၊ ရေရှား၊ ကံဦးနှင့် ငတရော်ကျေး ရွာများတွင် ယခင်နှစ်က  ဧက(၅၀၀)ခန့် စိုက်ပျိုးခဲ့ပြီး ယခုနှစ်တွင် ဧက(၃၀၀)ခန့်သာ စိုက်ပျိုး ကြကြောင်းသိရှိရပါသည်။ အများဆုံးစိုက်ပျိုးသည့် CP မျိုးများမှာ 166၊ 808 နှင့် 339 မျိုးစေ့များကို စိုက်ပျိုးကြကြောင်းသိရှိရပါသည်။ မတ်လနှင့် ဧပြီလများမှာ စတင်စိုက်ပျိုးကြပြီး ဇူလိုင်လတွင် ထွက်ရှိကြောင်း၊ (၁)ဧကလျှင် ကုန်ကျစရိတ်အနေဖြင့် မျိုး၊ သွင်းအားစု ထွန်ယက်ခ၊ ရိတ်သိမ်း ချွေလှေ့ခအပါအဝင် စုစုပေါင်းကုန်ကျ စရိတ်အနေဖြင့် ကျပ် (၁၂)သိန်းခန့် ကုန်ကျကြောင်း သိရှိ ရသည်။

       အစေ့ထုတ်ပြောင်း CP(၁)ဧက ထွက်ရှိမှုအနေဖြင့် သွင်းအားစုသုံးစွဲမှု အပေါ်မှုတည်၍ အထွက်တင်းများ ကွာခြားလျက်ရှိကြောင်း၊ (၁) ဧကလျှင် အထွက်တင်း (၇၅) မှ (၈၅) တင်းခန့် ထွက်ရှိပါကြောင်း၊ ၂၀၂၅ခုနှစ်၊ ဇူလိုင်လ(စတုတ္ထပတ်)တွင် အစေ့ထုတ်ပြောင်း CP (၁)တင်းလျှင် ကျပ်(၂၉၀၀၀)ဖြင့် အရောင်းအဝယ်ဖြစ်လျက်ရှိကြောင်း၊ အစေ့ထုတ်ပြောင်း CP စိုက်တောင်သူ များအနေဖြင့် (၁)ဧကလျှင် အကျိုးအမြတ် ကျပ်(၉)သိန်းခန့် ရရှိကြောင်း၊ ပခုက္ကူမြို့ရှိ ပွဲရုံများသို့ တင်ပို့ရောင်းချကြောင်း၊ ယခုနှစ်တွင် အစေ့ ထုတ်ပြောင်း CP  စိုက်တောင်သူများမှာ  အကျိုးအမြတ် များရရှိပြီး တွက်ခြေကိုက်လျက်ရှိကြောင်း တောင်သူတစ်ဦး၏ ပြောကြားချက်အရ သိရှိရပါသည်။

DOCA(မကွေး)