ပြည်တွင်းကုန်သွယ်မှုသတင်း

  ဖေဖော်ဝါရီလတတိယပတ်အတွင်း မန္တလေးပဲမျိုးစုံစျေးကွက်သို့ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီးနှင့် ရှမ်းပြည်နယ်တို့မှ ထွက် သည့်ပဲတီစိမ်းသီးနှံများ စတင်ဝင်ရောက်လာကြောင်း သိရပါတယ်။ ပဲမျိုးစုံအနက် ပဲတီစိမ်း သီးနှံ မှာ ပြည်တွင်းစားသုံးမှုနှင့် ပြည်ပသို့တင်ပို့ရောင်းချသည့်စျေးကွက်ဝင် ပဲအမျိုးအစားဖြစ်ပါတယ်။ မန္တလေးတိုင်းဒေသကြီးသည် ပဲသီးနှံမျိုးစုံစိုက်ပျိုးမှုများပြားသည့် တိုင်းတစ်ခုဖြစ်ပြီး၊ ၃၁.၁.၂၀၂၅ ရက်နေ့အထိ  ၂၀၂၄-၂၀၂၅ ခုနှစ် ပဲတီစိမ်းသီးနှံစိုက်ပျိုးမှု(၂၇၀၉၅၈)ဧက၊ ရိတ်သိမ်း(၂၅၃၄၄၁) ဧက၊ အထွက်နှုန်း(၁၁.၆၄)တင်း နှင့်အထွက် (၂၉၄၉၀၁၇)တင်းဖြစ်ကြောင်း သိရပါတယ်။ပဲတီစိမ်း ကို ပြည်တွင်း၌ အသားဟင်းများနှင့်ရော၍ ပဲဟင်း၊ ပဲနှပ်၊ ပဲကြော်၊ ပဲပြုတ်၊ပဲနှင့်ပြုလုပ်သည့်မုန့် များအဖြစ်စားသုံးကြပြီး၊ အဟာရအနေဖြင့် အစာကျေညက်လွယ်ခြင်း၊အရိုးအားကောင်းစေခြင်း၊ သွားနှင့်သွားဖုံးကျန်းမာစေခြင်း၊သွေးတိုးရောဂါမှကာကွယ်ပေးခြင်း၊စိတ်အာရုံခံစွမ်းအား တိုးပွား စေခြင်း၊ကိုယ်ခံစွမ်းအားစနစ်ကောင်းမွန်စေခြင်း၊ ကင်ဆာရောဂါကိုလျော့ကျစေခြင်း၊ သကြား ပမာဏကိုထိန်းညှိပေးခြင်း၊ အမြင်အာရုံကောင်းစေခြင်း၊ အသည်းကျန်းမာစေခြင်း၊ ဗိုင်းရပ်စ်ပိုး အန္တရာယ်မှကာကွယ်ပေးခြင်းတို့ကြောင့် ကျန်းမာရေးအတွက်အရေးပါသော ပဲတစ်မျိုးဖြစ် ကြောင်း သိရပါတယ်။  မန္တလေးပွဲစား၊ ကုန်သည်၊ စက်ပိုင်များ မဟာကထိန်တော်အသင်းတွင် ၂၀၂၅ခုနှစ်ဖေဖော်ဝါရီလတတိယပတ်အတွင်း ဖြစ်ပေါ်လျက်ရှိသော ပေါက်စျေးမှာ ၃တင်းဝင်တစ် အိတ်လျှင် ပဲတီစိမ်းသေး(စိမ်းနောက်) ၂၇၅၀၀၀ ကျပ်၊ ပဲတီစိမ်း(ညာ) ၂၆၀၀၀၀ ကျပ်နှင့် ၂၇၅၀၀၀ ကျပ်၊ပဲတီစိမ်း(ခွဲပဲ) ၂၆၀၀၀၀ ကျပ်၊  တစ်ပိဿာပေါက်စျေးမှာ ပဲတီစိမ်း(သေး) ၄၈၈၉ ကျပ်၊ ပဲတီစိမ်း(ညာ) ၄၆၂၂ ကျပ်နှင့် ၄၈၈၉ ကျပ်နှင့် ပဲတီစိမ်း(ပဲခွဲ) ၄၆၂၂ကျပ်တို့ဖြစ်ကြောင်း သိရပါတယ်။  ယခင်နှစ်ကာလတူ ပေါက်စျေးမှာ ၃တင်းဝင်တစ်အိတ်လျှင် ပဲတီစိမ်း(ညာ)(သစ်) ၁၇၀၀၀၀ ကျပ်နှင့် ၁၉၀၀၀၀ ကျပ်၊ တစ်ပိဿာစျေးမှာ ၃၀၂၂ ကျပ်နှင့် ၃၄၁၃ ကျပ် ဖြစ်ပေါ်ခဲ့ပြီး၊ ယခုနှစ်စျေးနှင့်ယခင်နှစ်စျေးနှိုင်းယှဉ်ပါက ပဲတီစိမ်းတစ်ပိဿာလျှင် ၁၄၇၇ကျပ်စျေးမြင့်သွား ကြောင်းသိရပါတယ်။ ပဲတီစိမ်းဝင်ရောက်မှုပမာဏပေါ်မူတည်၍ ရက်အလိုက်ပေါက်စျေးအနည်း ငယ်ပြောင်းလဲမှုရှိကြောင်း သိရပါတယ်။

DOCA(မန္တလေး)

  ဘူးပင်ကို နေရာအနှံ့အပြားတွင် ကျယ်ကျယ်ပြန့်ပြန့် စိုက်ပျိုးကြပြီး တစ်ချို့ဒေသများတွင် တစ်နိုင်တစ်ပိုင်စိုက်ပျိုးလေ့ရှိကြသည်။ ဘူးပင်သည် ပူနွေးစိုစွတ်သော ရာသီဥတုကို ကြိုက်နှစ်သက်ပြီး အအေးဒဏ်ကိုလည်း အသင့်အတင့်ခံနိုင်ရည်ရှိသော အပင်တစ်မျိုးဖြစ်သည်။ ဘူးပင်သည် အစိမ်းရောင် နွယ်ပင်ဖြစ်ပြီး အပွင့်မှာ အဖြူရောင်ဖြစ်၍ အသီးအရောင်မှာ အစိမ်းရောင်အနု၊ အစိမ်းရောင်အရင့် နှင့်အဖြူရောင် အမျိုးမျိုးရှိကြောင်းသိရှိရပါသည်။ ဘူးပင်သည် နွယ်ပင်ဖြစ်သောကြောင့် စင်ခံပြီး စိုက်ပျိုးခြင်း၊ အကိုင်းအခက်များကိုဖြတ်တောက်ပေးခြင်းဖြင့် အညွှန့်များဖြာထွက်လာပြီး အပင်များ ကြီးထွားလာကာ အရွက်များစိမ်းစိုလာပြီး အသီးများကောင်းမွန်စွာ ပိုမိုသီးကြောင်း သိရှိရပါသည်။ ဘူးပင်များမှာ ဘူးသီးပုံသဏ္ဍာန် အမျိုးမျိုးသီးလေ့ရှိကြသည်။ ဘူးသီးပုံသဏ္ဍာန်များမှာ  ဘူးသပိတ်၊ ဘူးလယ်လှ၊ ဘူးစက၊ ဘူးရှည်၊ ဘူးရေမှုတ် စသဖြင့် အမျိုးမျိုးရှိကြပြီး ဘူးလယ်လှ ဘူးသီးမှာ လည်းပင်ရှည်၍လှခြင်းကြောင့် ဘူးသီးကိုရင့်မာအောင်ထားရှိပြီး အစေ့ကိုထုတ်ယူ၍ စိုက်ပျိုးကြပြီး၊ ရှေးတောင်သူကြီးများက ဘူးရေမှုတ်ကို အလျားလိုက် အလယ်မှခွဲပြီးလျင် ရေခတ်ရန် ရေမှုတ်များပြုလုပ်လေ့ရှိကြောင်းသိရှိရပါသည်။ ဘူးပင်သည် စီးပွားဖြစ်စိုက်ပျိုးခြင်းသာမက ကျန်းမာရေးနှင့်မီးဖိုချောင်ဟင်းအဖြစ်လည်း အသုံးပြုကြသည်။ ဘူးပင်၏အညွှန့် နှင့်ဘူးသီးတို့တွင် ရေဓာတ်၊ အမျှင်ဓာတ်၊ ဗီတာမင် A၊ ဗီတာမင် B၊ ဗီတာမင် C၊ ဗီတာမင် E၊ ဗီတာမင် K၊ သံဓာတ်၊

ဖောလိတ်၊ ပိုတက်ဆီယမ်၊ မဂ္ဂနစ့်၊ မဂ္ဂနီစီယမ်၊ ကာဗိုဟိုက်ဒရိတ်၊ ကယ်လ်ဆီယမ်၊ ပရိုတင်းဓာတ်များ ပါဝင်ကြောင်းသိရှိရပါသည်။ ဘူးညွှန့်နှင့် ဘူးသီးများသည် အိမ်ရှင်မများအတွက် မီးဖိုချောင်ဟင်း တစ်ခွက်ဖြစ်ပြီး ဘူးညွှန့်ကို ချဉ်ချဉ်စပ်စပ်ကြော်ချက်ခြင်း၊ မြေပဲဖြင့်သုပ်ခြင်းနှင့် အရည်သောက် ဟင်းချိုချက်ခြင်း အစရှိသဖြင့် ချက်ပြုတ်စားသောက်ကြပြီး ဘူးသီးကို  အချဉ်ရည်ဟင်းချက်ခြင်း၊ အချိုချက်ခြင်း၊ ဘူးသီးပြုတ်ပြီးတို့စရာလုပ်စားခြင်း၊ ငရုတ်ကောင်းလေးခတ်ပြီး ဟင်းခါးချက်ခြင်း၊ ဘူးသီးကိုကြက်သားနဲ့ကြက်ကာလသားဟင်းချက်ခြင်း အမျိုးမျိုးပြုလုပ်၍ စားသုံးလေ့ရှိကြသည်။ အကြော်ဆိုင်များတွင် ဘူးသီးကို မုန့်နှစ်လေးနဲ့ကြော်ပြီး ရောင်းချသောကြောင့် ဝယ်ယူသူများပြီး အပိုဝင်ငွေတိုးစေကြောင်းသိရှိရပါသည်။ ဘူးညွှန့်နှင့်ဘူးသီးများကို အမျိုးမျိုးချက်ပြုတ်စားသောက်                                                                                                                                                                                                 

နိုင်ခြင်း၊ ကျန်းမားအတွက် အထောက်အကူပြုခြင်းတို့ဖြင့် အချို့စီးပွားဖြစ်စိုက်ပျိုးကြပြီး ကျေးရွာ အချို့တွင် ဘူးပင်ကို တစ်ပိုင်တစ်နိုင် စိုက်ပျိုး၍ စားသောက်ခြင်းကြောင့် မီးဖိုချောင်းစရိတ်လည်း ကာမိကြောင်းသိရှိရပါသည်။ ဘူးညွှန့်နှင့်ဘူးသီးများကို ဈေးထဲတွင် ရာသီမရွေးဝယ်ယူရရှိပြီး မန္တလေးမြို့ပေါ်ရှိ ဈေးကွက်ထဲတွင်  ရောင်းချသော ဈေးနှုန်းများမှ ဘူးသီးအရွယ်အစားအလိုက် ဈေးနှုန်းခွဲခြား၍ ရောင်းလေ့ရှိကြသည်။ ဘူးသီးအလုံးကြီး ဈေးနှုန်း (20၀၀)ကျပ်၊ ဘူးသီးအလုံး အလတ်(10၀၀)ကျပ်၊ ဘူးသီးအလုံးအသေး(5၀၀)ကျပ်နှင့် ဘူးညွှန့်ဈေးနှုန်း ၃ညွှန့်ပါ ၁စည်းကို (၂၀၀)ကျပ်၊ ၃စည်း (၅၀၀)ကျပ်ဖြင့် ရောင်းချလေ့ရှိကြောင်း လေ့လာသိရှိရပါသည်။

DOCA(မန္တလေး)

            ပန်းတနော်မြို့နယ်သို့  ညောင်တုန်းမြို့နယ်မှ စိုက်ပျိုးသော ပန်းဂေါ်ဖီများ တင်ပို့ ရောင်းချ နေကြောင်း ဟင်းသီးရွက်မျိုးစုံရောင်းချသူ ဒေါ်လှလှထံမှ သိရသည်။ တစ်နေ့ကို ပန်းတနော် မြို့နယ်အတွင်း အပွင့် ၈၀-၁၀၀နီးပါး ရာသီပေါ်ချိန်၌ ရောင်းချရကြောင်းနှင့် နှစ်စဉ် ပန်းဂေါ် ဖီကို ညောင်တုန်းစိုက်ပျိုးတောင်သူများထံမှ ချိတ်ဆက်ဝယ်ယူရောင်းချကြောင်း သိရသည်။

            ရောင်းချမှုအနေဖြင့် ပန်းဂေါ်ဖီကို ညောင်တုန်းမြို့နယ်ဘက်မှ ၁ပွင့် ၇၀၀-၈၀၀ကျပ်ဖြင့် လက်ကားဝယ်ယူရပြီး ပန်းတနော်မြို့နယ်တွင် လက်လီဈေးအနေဖြင့် ပန်းဂေါ်ဖီ ၁ပွင့် ၁၀၀၀-၁၃၀၀ကျပ် ဖြင့် ပြန်လည်ရောင်းချရသည်။ ၁ပါတ်ကို အပွင့်ရေ ၅၀၀ နီးပါး ရောင်းချရပြီး ၁လကို ပန်းဂေါ်ဖီ အပွင့် ၁၅၀၀နီးပါး ရောင်းချရကြောင်း သိရသည်။ ညောင်တုန်းမြို့နယ်မှ ပန်းတနော်မြို့နယ်သို့  ပန်းဂေါ်ဖီနှင့် ဟင်းသီးဟင်းရွက်မျိုးစုံ သယ်ယူစရိတ် ၅၀၀၀၀-၆၀၀၀၀ကျပ် ကျကြောင်းနှင့် အပွင့် ၂၅၀ပါ တစ်ခြင်းကို ၂၅၀၀၀၀ကျပ် ရင်းနှီးကုန်ကျပြီး အပွင့် ၂၅၀  ရောင်းချရပါက ငွေကျပ် ၇၅၀၀၀/- အကျိုးအမြတ်ရရှိကြောင်း ယခုနှစ် ဈေးကောင်းရရှိ၍ အကျိုးအမြတ်ရနေကြောင်း ဟင်းသီးဟင်းရွက်ရောင်းချသူထံမှ သိရှိရပါသည်။

DOCA(ဧရာဝတီ)

            မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့ပေါ်ရှိ ဘိလပ်မြေဈေးကွက်တွင် အရောင်းအဝယ်မှာ ပုံမှန်ဖြစ်လျက်ရှိကြောင်း ဘိလပ်မြေအရောင်းဆိုင်များမှ သိရသည်။

         ၂၀၂၅ခုနှစ်၊ ဖေဖော်ဝါရီလ(ဒုတိယပတ်)တွင် ဘိလပ်မြေဈေးနှုန်းများမှာ အပါချီအမှတ်တံဆိပ် တစ်အိတ်လျှင် ကျပ်(၂၆၀၀၀)၊ ကြံ့နှစ်ကောင်အမှတ်တံဆိပ် တစ်အိတ်လျှင် ကျပ်(၂၆၀၀၀)၊ အယ်လ်ဖာအမှတ်တံဆိပ်တစ်အိတ်လျှင် ကျပ်(၂၅၅၀၀)ဖြင့် အရောင်းအဝယ် ဖြစ်လျက်ရှိကြောင်း၊ ယခင်(ပထမပတ်)နှင့်ဈေးနှုန်းနှိုင်းယှဉ်ပါက ဈေးနှုန်းပြောင်းလဲမှုမရှိဘဲ တည်ငြိမ်လျက်ရှိကြောင်း သိရှိရပါသည်။

DOCA(မကွေး)

           မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်တွင် ကွမ်းရွက်များကို ဧရာဝတီတိုင်းဒေသကြီး ကနောင်၊ မြန်အောင်၊ ပဲခူးတိုင်းဒေသကြီး ပေါက်ခေါင်း၊ ပေါင်းတလည်၊ စစ်ကိုင်းတိုင်းဒေသကြီး မုံရွာမြို့တို့ရှိကွမ်းခြံများမှ တိုက်ရိုက်ဝယ်ယူရောင်းချကြောင်း၊ ကွမ်းသီးများကို ထားဝယ်မှတိုက်ရိုက်တင်ပို့သည့် ပြည်မြို့ရှိကွမ်းဒိုင်မှတဆင့် မှာယူရောင်းချကြောင်း၊ ကွမ်းစားထုံးကို မကွေးမှဝယ်ယူရောင်းချပြီး နှပ်ဆေးနှင့်ဗမာဆေးကို မုံရွာနှင့်ပခုက္ကူမှ ဝယ်ယူရောင်းချကြောင်း သိရသည်။

          မင်းလှမြို့နယ်တွင် ကွမ်းသီး၊ ကွမ်းရွက် လက်လီလက်ကားရောင်းချသည့်ဆိုင် (၉)ဆိုင် ခန့်ရှိပြီး ကွမ်းစိမ်းနှင့်ကွမ်းရွက်ဝါ(၂)မျိုးရှိသည့်အနက် ကွမ်းရွက်ဝါကိုပိုအစားများကြကြောင်း သိရှိရပါ သည်။ ကွမ်းရွက်ဈေးနှုန်းအနေဖြင့် ၂၀၂၅ခုနှစ်၊ ဖေဖော်ဝါရီလ(ဒုတိယပတ်)တွင် ကွမ်းရွက်ဝါ(၁) ပိဿာလျှင် ကွမ်းရွက်အကြီး၊ အသေးနှင့် ဝယ်ယူတင်သွင်းရသည့်နေရာဒေသအလိုက် ကျပ် (၁၀၀၀၀-၁၅၀၀၀-၁၈၀၀၀)၊ ကွမ်းသီးခြမ်း(၁)ပိဿာလျှင် ကျပ်(၁၆၀၀၀)၊ ကွမ်းသီးစိပ်(၁) ပိဿာလျှင် ကျပ်(၁၇၀၀၀)၊ ကွမ်းစားထုံး(၁)လီတာ(၁)ဘူးလျှင် ကျပ်(၁၈၀၀)၊ ကွမ်းစားနှပ်ဆေး (၁)ထုပ်လျှင် ကျပ်(၁၀၀၀)၊ ဗမာဆေး(၁)ထုပ်လျှင် ကျပ်(၇၀၀) စသည့်ဈေးနှုန်းများဖြင့် ရောင်းချ လျက်ရှိကြောင်း သိရသည်။

          အရောင်းအဝယ်အနေဖြင့် (၁)ရက်လျှင်ကွမ်းရွက်ပိဿာချိန် (၁၀)ပိဿာနှင့်အထက် ရောင်းချရပြီး ကွမ်းသီး၊ ကွမ်းစိပ်မှာ(၅)ပိဿာမှ (၇)ပိဿာထိပုံမှန်ရောင်းချရပါကြောင်း၊ ယခင် ဖေဖော်ဝါရီလ(ပထမပတ်)နှင့်နှိုင်းယှဉ်ပါက ယခုတစ်ပတ်တွင် ကွမ်းရွက်မှာ ကျပ်(၃၀၀၀-၅၀၀၀) ဈေးနှုန်းလျော့ကျခဲ့ပြီး ကွမ်းသီးမှာ ကျပ်(၃၀၀)ဈေးနှုန်းမြင့်တက်လာကြောင်း၊ ယခုအချိန်သည် ကွမ်းစိုက်ပျိုးထွက်ရှိရာ ဒေသများ၌ ကွမ်းအထွက်နှုန်းများ၍ ကွမ်းဈေးနှုန်းမှာ လျော့ကျရခြင်းဖြစ်ပြီး ကွမ်းသီးမှာ သယ်ယူစရိတ်မြင့်မားခြင်းကြောင့် ဈေးနှုန်းမြင့်တက်ရခြင်းဖြစ်ကြောင်း  အထက်မင်းလှ- သရက်ကားလမ်းဘေးရှိ ကွမ်းသီး၊ ကွမ်းရွက်ရောင်းချသည့် ကွမ်းဆိုင်ပိုင်ရှင်တစ်ဦးထံမှ သိရှိရပါသည်။

DOCA(မကွေး)