ပြည်တွင်းကုန်သွယ်မှုသတင်း

       ဇီးဖြူသီးသည် မြန်မာနို်ငငံတွင် လူသိများသော သစ်သီးတစ်မျိုးဖြစ်ပြီး ဆေးဖက်ဝင်အပင် ဖြစ်လည်းထင်ရှားပါသည်။ မြန်မာနိုင်ငံ၏ ပူပြင်းခြောက်သွေ့သော ဒေသများတွင် ပိုမိုဖြစ်ထွန်းပြီး ကန့်ဘလူခရိုင်၌လည်း ဇီးဖြူပင်များ အလေ့ကျပေါက်နေသည်ကို နေရာအနှံ့အပြားတွင်တွေ့ရ သည်။ ဇီးဖြူပင်များကို နေအိမ်ခြံစည်းရိုးများ၌လည်းကောင်း၊ လယ်တော၊ ယာတောများတွင် စိုက်ပျိုးပြီး မိမိတို့အိမ်တွင် စားသုံး၍ပိုလျှံသည့်အသီးများကို  ဇီးဖြူသီးအခြောက်ပြုလုပ်၍ ကန့်ဘလူမြို့မဈေးတွင် ရောင်းချကြောင်း သိရသည်။

     ဇီးဖြူသီးသည် အနံ့အရသာထူးခြားပြီး ချဉ်ဖန်သောအရသာရှိသည့်အတွက် လူကြိုက်များ သောအသီးတစ်မျိုးဖြစ်သည်။ ထို့ကြောင့် ဇီးဖြူသီးကို ဇီးဖြူသီးအစိမ်းထောင်း၊ ဇီးဖြူသီးသနပ်နှင့် ဇီးဖြူသီးကို ကြာရှည်အသုံးပြုနိုင်ရန် အခြောက်လှန်း၍လည်း စားသုံးကြသည်။ ၂၀၂၅ ခုနှစ်၊ ဇူလိုင်လ စတုတ္ထပတ်အတွင်း ဇီးဖြူသီးခြောက်(၁)ဘူးလျှင် (၁၂၀၀)ကျပ်၊ (၁)ပြည်လျှင်(၉၅၀၀) ကျပ်ဖြင့် ရောင်းချခဲ့ပြီး ၂၀၂၅ ခုနှစ်၊ ဇူလိုင်လ နောက်ဆုံးအပတ်တွင် ဇီးဖြူသီးခြောက်(၁)ဘူးလျှင် (၁၅၀၀) ကျပ်၊ (၁)ပြည်လျှင် (၁၁၅၀၀)ကျပ်ဖြင့် ရောင်းချလျက်ရှိရာ ယခင်အပတ်နှင့်နှိုင်းယှဉ်ပါက ဈေးနှုန်းအနည်းငယ်မြင့်တက်လာကြောင်း ကုန်စိမ်းရောင်းချသူများထံမှ သိရှိရပါသည်။ 

DOCA(စစ်ကိုင်း)

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ရာသီပေါ်သီးနှံများကို စိုက်ပျိုးရောင်းချလျက်ရှိရာ ယခုအခါ ကန်စွန်းရွက်နှင့် ချဉ်ပေါင်ရွက်များကို  နေအိမ်ခြံဝင်းများတွင်လည်းကောင်း၊ ယာတော၊ လယ်တောများတွင်လည်းကောင်း တစ်နိုင်တစ်ပိုင်စိုက်ပျိုး၍ ရောင်းချလျက်ရှိကြောင်း သိရသည်။  

     ၂၀၂၅ ခုနှစ်၊ ဇူလိုင်လ နောက်ဆုံးအပတ်အတွင်း ကန့်ဘလူမြို့မဈေးတွင် ကုန်စိမ်းရောင်းချသူတစ်ဦး၏ ပြောပြချက်အရ ကန်စွန်းရွက်နှင့် ချဉ်ပေါင်ရွက်များများကို ကန့်ဘလူမြို့ပေါ်နှင့် နတ်ပေးကျေးရွာ၊ နတ်အင်းကျေးရွာများမှလည်းကောင်း ဝယ်ယူရောင်းချလျက်ရှိကြောင်း ကန်စွန်းရွက်များကို အစည်းလေးများစည်း၍ ရောင်းချရာ (၁)စည်းလျှင် (၁၀၀)ကျပ်၊ (၃)စည်းလျှင် (၂၀၀)ကျပ်နှင့် ချဉ်ပေါင်ရွက်(၁)ပိဿာလျှင် (၁၅၀၀)ကျပ်၊ ချဉ်ပေါင်ရွက်(၅၀)ကျပ်သားလျှင် (၈၀၀)ကျပ်တို့ဖြင့် ရောင်းချလျက်ရှိကြောင်း သတင်းရရှိပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် သံပုရာသီးနှင့် ရှောက်သီး များစိုက်ပျိုးထားပြီး ယခုအချိန်တွင် လှိုင်လှိုင်ထွက်ပေါ်နေပြီဖြစ်ကြောင်းသိရပါသည်။ သံပုရာသီးများအား ဖျော်ရည်၊ သံပုရာချဉ်ဖက်၊ အသုပ်မျိုးစုံနှင့်  သရေစာတို့တွင်ထည့်သွင်းစားသုံးခြင်းသာမက ရှောက်သီးများကိုလည်း ကျန်းမာရေးအတွက် ဆေးဖော်စပ်ရာတွင်လည်း အသုံးပြုကြသဖြင့် သုံးစွဲမှုများသည့် သီးနှံများဖြစ်ကြောင်း သိရသည်။

     ၂၀၂၅ခုနှစ်၊ ဇူလိုင်လ နောက်ဆုံးအပတ်အတွင်းဖြစ်ပေါ်လျက်ရှိသော သံပုရာသီးဈေးနှုန်း များမှာ သံပုရာသီး(အကြီး)(၁)လုံးလျှင် (၁၅၀)ကျပ်၊ (အသေး)(၁)လုံးလျှင် (၁၀၀)ကျပ်ဖြင့်လည်းကောင်း၊ ရှောက်သီး(အကြီး)(၁)လုံးလျှင် (၅၀၀)ကျပ်၊ (အသေး)(၁)လုံးလျှင် (၃၀၀)ကျပ်ဖြင့် အရောင်းအဝယ်ဖြစ်လျက်ရှိပြီး ယခုအခါ ကန့်ဘလူမြို့မဈေးတွင် အသီးအရွယ်အစားအလိုက် ဈေးနှုန်းအနည်းငယ် ကွာခြားမှုရှိကြောင်း ကုန်စိမ်းရောင်းချသူထံမှ သိရပါသည်။

DOCA(စစ်ကိုင်း)

     ရွှေဘိုခရိုင်အတွင်းတွင် ဇူလိုင်လ စတုတ္ထပတ်တွင် စပါး/ဆန်ဈေးနှုန်းများ တည်ငြိမ်နေပါသည်။ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ဇူလိုင်လ တတိယပတ်တွင် ရန်ကုန်သို့ (58040)အိတ်၊ မန္တလေးသို့ (၄၁၁၁၄) အိတ်၊ နေပြည်တော်သို့ (1530)အိတ်၊ပဲခူးတိုင်းသို့ (6၇72)အိတ်၊ မကွေးတိုင်းသို့ (2525)အိတ်၊ ရှမ်း(တောင်)သို့ (12809)အိတ်၊ ကချင်ပြည်နယ်သို့ (၁50၀)အိတ်၊ မွန်ပြည်နယ်သို့ (6990)အိတ်၊ ကရင်ပြည်နယ်သို့ (2190)အိတ် ၊မူဆယ်သို့ (41၀)အိတ်၊ စုစုပေါင်း အိတ်ရေ 133880 တန်အားဖြင့် 6694တန် စီးထွက်ခဲ့ပါသည်။

          ယခု ဇူလိုင်လ စတုတ္ထပတ်တွင် ရန်ကုန်သို့ (46583)အိတ်၊ မန္တလေးသို့ (56368) အိတ်၊ နေပြည်တော်သို့ (1570)အိတ်၊ပဲခူးတိုင်းသို့ (6425)အိတ်၊ မကွေးတိုင်းသို့ (1205)အိတ်၊ ရှမ်း(တောင်)သို့ (18515)အိတ်၊ ကချင်ပြည်နယ်သို့ (၁78၀)အိတ်၊ မွန်ပြည်နယ်သို့ (6785)အိတ်၊ ကရင်ပြည်နယ်သို့ (2220)အိတ် ၊မူဆယ်သို့ (635)အိတ်၊ စုစုပေါင်းအိတ်ရေ 142086 တန်အားဖြင့် 7104တန် စီးထွက်ခဲ့သည့်အတွက် ယခင်အပတ်နှင့် နှိုင်းယှဉ်လျှင် ယခုအပတ်အတွင်း အိတ်ရေ 8206၊ တန်အားဖြင့် 410တန် ပို၍ စီးထွက်ခဲ့ပါသည်။

          ရွှေဘိုမြို့၏ ဇူလိုင်လ စတုတ္ထပတ်တွင် ဖြစ်ပေါ်ခဲ့သော စပါး/ဆန်  ဈေးနှုန်းများမှာ ရွှေဘိုပေါ်ဆန်းစပါး တင်း၁၀၀လျှင် ကျပ် ၄၆၀၀၀၀၀၊ ရွှေဘိုပေါ်ဆန်း ဆန် ၂၄ပြည်ပါ တစ်အိတ်လျှင် ကျပ်၁65၀၀၀ ၊  ဧရာမင်းစပါး တင်း 100လျှင် ကျပ် 2၅00000၊ဧရာမင်းဆန် ၂၄ပြည်ပါ တစ်အိတ်လျှင် ကျပ်၁၂5၀၀၀၊ 747စပါး တင်း 100လျှင် ကျပ်1400000 ၊747ဆန် 24ပြည်ပါ တစ်အိတ်လျှင် ကျပ် 58000၊ရွှေဝါထွန်းစပါး တင်း100လျှင် ကျပ်1400000၊ရွှေဝါထွန်း ဆန် 24ပြည်ပါတစ်အိတ်လျှင် ကျပ် 63000ဖြင့် အရောင်းအဝယ် ဖြစ်နေကြောင်း သိရှိရပါသည်။

DOCA(စစ်ကိုင်း)

      ကလေးခရိုင်၊ ကလေးမြို့၊ မြို့မဈေးအတွင်းတွင် ရောင်းချလျက်ရှိသည့် အသား/ငါး ဈေးနှုန်းများအနေဖြင့် ဇူလိုင်လ၊ စတုတ္ထပတ်အတွင်း CP ကြက်သား တစ်ပိဿာလျှင် ( ၃၀၀၀၀ ) ကျပ်၊ ဝက်သား တစ်ပိဿာလျှင် ( ၄၀၀၀၀ ) ကျပ်၊ အမဲသား တစ်ပိဿာလျှင် ( ၃၂၀၀၀ ) ကျပ်၊ ဆိသား တစ်ပိဿာလျှင် ( ၆၀၀၀၀ ) ကျပ်၊ ငါးမြစ်ချင်း တစ်ပိဿာလျှင် ( ၂၅၀၀၀ ) ကျပ်၊ ငါးကြင်း တစ်ပိဿာလျှင် ( ၃၇၀၀၀ ) ကျပ် ပေါက်ဈေးနှုန်းများဖြင့် ဈေးကွက်အတွင်း ရောင်းဝယ် ဖောက်ကားလျက်ရှိကြောင်း ဈေးကွက်အတွင်းမှ စုံစမ်းသိရှိရပါသည်။

DOCA(စစ်ကိုင်း)