ပြည်တွင်းကုန်သွယ်မှုသတင်း

     ကျွန်းလှမြို့တွင်  ကုန်မျိုးစုံရောင်းဝယ်ရေးဆိုင်များ နှင့် မြို့တွင်းရပ်ကွက်ဈေးများတွင် ကျောက်ဖရုံ ယိုများကို ရွှေဘိုမြို့နှင့်မန္တလေးမြို့တို့မှ မှာယူ ရောင်းချလျက်ရှိကြောင်း သိရှိရပါသည်။

        ၂၀၂၅ ခုနှစ်၊ စက်တင်ဘာလ စတုတ္ထပတ်အတွင်း ကျွန်းလှမြို့ပေါ်ရပ်ကွက်ဈေးများအတွင်း ကုန်မျိုး စုံ ရောင်းချသည့်ဆိုင်များတွင် ဖြစ်ပေါ်နေ‌သော ကျောက်ဖရုံယို ဈေးနှုန်းအနေဖြင့် ကျောက်ဖရုံယို တစ်ပိဿာလျှင်(၁၃၀၀၀)ကျပ်၊ (၅၀)ကျပ်သားလျှင်(၆၅၀၀)ကျပ် နှင့် (၂၅)ကျပ်သားလျှင်(၃၅၀၀)ကျပ် ဈေးနှုန်းတို့ဖြင့်လည်းကောင်း ချစ်တီးမုန့် ဈေးနှုန်းအနေဖြင့် ချစ်တီးမုန့် တစ်ပိဿာလျှင်(၂၀၀၀၀)ကျပ်၊ (၅၀)ကျပ်သားလျှင်(၁၀၀၀၀)ကျပ် နှင့် (၂၅)ကျပ်သားလျှင်(၅၀၀၀)ကျပ်ဈေးနှုန်းတို့ဖြင့် အရောင်းအဝယ် ဖြစ်လျက်ရှိကြောင်း ယခင်အပတ်ထက် ချစ်တီးမု့န်ဈေးနှုန်း တစ်ပိဿာလျှင်(၂၀၀၀)ကျပ် မြင့်တက်ပြီး အရောင်းအဝယ်ဖြစ်လျက်ရှိကြောင်း ကျွန်းလှမြို့ ကုန်မျိုးစုံရောင်းချနေသည့် လုပ်ငန်းရှင်များထံမှ သတင်း ရရှိပါသည်။

DOCA(စစ်ကိုင်း)

  ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာန မြို့နယ်တာဝန်ခံနှင့်ဝန်ထမ်းများသည် ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့် အညီ အခြေခံစားသောက်ကုန်ဈေးနှုန်းများကို စာရင်းကောက်ယူ၍ အပတ်စဉ် တင်ပြလျက်ရှိရာ စက်တင်ဘာလ(၂၂)ရက်နေ့၊ နံနက် (၀၉:၃၀)နာရီအချိန်တွင် ကွမ်းခြံကုန်းမြို့နယ် မြို့မဈေး အတွင်းသို့ ပူးပေါင်းအဖွဲ့ဖြင့် ကွင်းဆင်းစိစစ်ခဲ့ကြောင်း သိရှိရသည်။

  ထိုသို့ စာရင်းကောက်ယူခြင်း ဆောင်ရွက်ရာတွင် ကွမ်းခြံကုန်းမြို့နယ် စည်ပင်သာယာရေး အဖွဲ့ ဈေးတာဝန်ခံ ဦးထွန်းထွန်းနှင့် အခွန်ကောက်စာရေး ဦးသန့်ဇော်ဦး မြို့နယ်စားသုံးသူရေးရာ ဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦးတို့ ပူးပေါင်း အဖွဲ့ဖြင့် မြို့မဈေးအတွင်း အခြေခံစားသောက်ကုန်များရောင်းချသော ဒေါ်မြသီတာကျော် ကုန်စုံ ဆိုင်၊ ဒေါ်ရီရီသန်း ကုန်စုံဆိုင်၊ ဒေါ်မာမာစိုး ကုန်စုံဆိုင်၊ ဒေါ်ထက်ထက်ရှိုင်း ကုန်စုံဆိုင်များမှ မြေပဲဆီ (၁)ပိဿာလျှင် (၂၂၀၀၀)ကျပ်၊ ကြက်သွန်နီဆိုဒ်စုံ(၁)ပိဿာလျှင် (၁၅၀၀မှ၂၀၀၀)ကျပ် ထိ၊ ကြက်သွန်ဖြူရှမ်းစ(၁)ပိဿာလျှင်(၆၀၀၀မှ ၁၀၀၀၀)ကျပ်ထိ၊ ငရုပ်တောင့်ရှည် (၁)ပိဿာ လျှင်(၁၃၀၀၀မှ ၁၄၀၀၀)ကျပ်ထိ၊ မန်းကျီးသီး (၁)ပိဿာလျှင် (၁၂၀၀၀)ကျပ်၊ အိုင်အိုဒင်းဆား တစ်ထုပ်လျှင်(၈၀၀)ကျပ်၊ ကုလားပဲခြမ်း(၁)ပိဿာလျှင် (၆၀၀၀မှ ၆၅၀၀)ကျပ်ထိ၊ သကြား (၁)ပိဿာလျှင်(၅၅၀၀မှ၆၀၀၀)ကျပ်ထိ အာလူး(၁)ပိဿာလျှင် (၆၀၀၀မှ ၇၀၀၀)ကျပ်ထိ အသီးသီးအရောင်းအဝယ်ဖြစ်လျှက်ရှိကြောင်း သိရှိရသည်။

ယခင်တစ်ပတ်နှင့် ယခုတစ်ပတ်ဈေးနှုန်း နှိုင်းယှဉ်ရာတွင် အခြေခံစားသောက်ကုန်ဈေး နှုန်းများမှာ ပြောင်းလဲမှုမရှိဘဲ တည်ငြိမ်လျှက်ရှိကြောင်း သိရှိရပါသည်။

DOCA(ရန်ကုန်)

          တနင်္သာရီတိုင်းဒေသကြီး၊ ထားဝယ်မြို့ အနီးပတ်ဝန်းကျင်ရှိ ကျေးရွာများရှိ တောတောင်များနှင့် ဥယျာဉ်ခြံများတွင် ကြက်ပေါင်သီး အပင်များမှာ သဘာ၀အလျောက် ပေါက်ရောက်ရှင်သန်လျက်ရှိရာ ရာသီပေါ်ချိန်ကာလတွင် ဒေသခံများက မိသားစုအပိုဝင်ငွေ ရရှိရန်အတွက် ကြက်ပေါင်သီးများ ဆွတ်ခူး ရောင်းချလျက်ရှိကြောင်း သိရသည်။

          ကြက်ပေါင်သီးများကို ဒေသခံများက သရေစာအဖြစ်လည်းကောင်း၊ ဟင်းလျာအဖြစ်လည်း ကောင်း၊ တို့စရာအဖြစ်လည်းကောင်း ပြုလုပ်စားသုံးကြကာ ဒေသကြက်ပေါင်သီး တစ်စည်းလျှင် (၃၀၀၀) ကျပ်အထိ ဈေးရရှိလျက်ရှိသည်။ ကြက်ပေါင်သီးများမှာ နွယ်ပင်မျိုးဖြစ်၍ ချဉ်သောအရသာ ရှိကာ စိုက်ပျိုးထားမှုမရှိဘဲ ဥယျာဉ်ခြံများရှိ သစ်ပင်များတွင် သဘာ၀အလျောက် တွယ်ကပ်ရှင်သန် လျက်ရှိရာ ဒေသခံဥယျာဉ်ခြံပိုင်ရှင်များက ပြုစုထိန်းသိမ်းစောင့်ရှောက်ထားကြပြီး ဆွတ်ခူးချိန်ရောက် လျှင် စနစ်တကျ ဆွတ်ခူးရောင်းချခြင်းဖြင့် မိသားစုအပိုဝင်ငွေများ ရရှိလျက်ရှိကြကြောင်း သိရသည်။

DOCA(တနင်္သာရီ)

   တနင်္သာရီတိုင်းဒေသကြီးသည် ပင်လယ်ကမ်းရိုးတန်းများတည်ရှိပြီး ပင်လယ်လုပ်ငန်းများဖြင့် အများဆုံး သက်မွေးဝမ်းကျောင်းပြုလုပ်သည့် တိုင်းဒေသကြီးလည်းဖြစ်ပါသည်။ ပင်လယ်ပြင်သို့ ငါးဖမ်းလှေ အကြီး/အငယ်များဖြင့် ငါး/ပုစွန်များ ဖမ်းယူပြီး ဒေသတွင်း ရောင်းဝယ်၊ စားသုံးကြသလို ပြည်ပသို့လည်းတင်ပို့ရောင်းချလျက်ရှိပါသည်။ ငါးဖမ်းလုပ်ငန်းများအား တစ်နိုင်တစ်ပိုင် လုပ်ကိုင်ကြ သော‌ကြောင့် ရေထွက်ပစ္စည်းများမှာလည်း အလွန်ပေါများ၍ စျေးနှုန်းအားဖြင့်လည်း သင့်‌တော်ပါသည်။ အဆိုပါငါးဖမ်းလှေများမှ ဖမ်းဆီးရရှိသော ရေထွက်ပစ္စည်းများအနက် ထားဝယ်ခရိုင်၊ ထားဝယ်မြို့တွင် ရောင်းချလျက်ရှိသော ရေဘဝဲအလတ်ကောင်စျေးနှုန်းမှာ တစ်ပိဿာလျှင် ၃၀၀၀၀ ကျပ်ခန့်ရှိကြောင်း သိရှိရပါသည်။

DOCA(တနင်္သာရီ)

          တနင်္သာရီတိုင်းဒေသကြီးသည် ပင်လယ်ကမ်းရိုးတန်းများတည်ရှိပြီး ပင်လယ်လုပ်ငန်းများဖြင့် အများဆုံး သက်မွေးဝမ်းကျောင်းပြုလုပ်သည့် တိုင်းဒေသကြီးလည်းဖြစ်ပါသည်။ ပင်လယ်ပြင်သို့ ငါးဖမ်းလှေ အကြီး/အငယ်များဖြင့် ငါး/ပုစွန်များ ဖမ်းယူပြီး ဒေသတွင်း ရောင်းဝယ်၊ စားသုံးကြသလို ပြည်ပသို့လည်းတင်ပို့ရောင်းချလျက်ရှိပါသည်။ အဆိုပါငါးဖမ်းလှေများမှ ဖမ်းဆီးရရှိသော ငါး/ပုစွန် များအနက် ထားဝယ်ခရိုင်၊ ရေဖြူမြို့နယ်၊ ကံပေါက်မှတစ်ဆင့် ထားဝယ်မြို့တွင် ရောင်းချလျက်ရှိ သော ပုစွန်အကောင်ကြီး စျေးနှုန်းမှာ တစ်ပိဿာလျှင် ၄၀၀၀၀ ကျပ်ခန့်ရှိကြောင်း သိရှိရပါသည်။

DOCA(တနင်္သာရီ)