ပြည်တွင်းကုန်သွယ်မှုသတင်း

                                                       မန္တလေးတိုင်းဒေသကြီး၊ ကျောက်ဆည်မြို့နယ်ရှိ အေးမြကြည်လင်ဈေးတွင် အဝတ်အထည် များ၊ ဆန်၊ ဆီ၊ ပဲ၊ ပြောင်း၊ နှမ်းနှင့် အသားငါးများအပြင် ကုန်စိမ်းသီးနှံများလည်း ရောင်းချလျက်ရှိပါသည်။ အေးမြကြည်လင်ဈေးတွင် ရောင်းချလျက်ရှိသော ဒီဇင်ဘာလတွင် ကုန်စိမ်းဈေးနှုန်းများမှာ ကိုက်လန်တစ်စီးလျှင်(၁၅၀၀/-)ကျပ်၊ ဂေါရခါးညွှန့်တစ်စီးလျှင်(၁၀၀၀/-)ကျပ်၊ ချဉ်ပေါင်ရွက်တစ်စီးလျှင်(၃၀၀/-)ကျပ်၊ ဘူးရွက်တစ်စီးလျှင်(၅၀၀/-)ကျပ်၊ အိုးမုံ့ညင်း တစ်စီးလျှင်(၃၀၀/-)ကျပ်၊ ကန်စွန်းရွက်တစ်စီးလျှင်(၂၀၀/-)ကျပ်၊ ဗမာနံနံတစ်စီးလျှင်(၂၀၀/-)ကျပ်၊ တရုတ်နံနံတစ်စီးလျှင်(၃၀၀/-)ကျပ်၊ ရှမ်းနံနံတစ်စီးလျှင်(၃၀၀/-)ကျပ်၊ ပန်းမုံလာတစ်ပွင့်လျှင် (၂၀၀၀-၂၅၀၀/-)ကျပ်၊ ဂေါ်ဖီထုပ်တစ်ထုပ်လျှင်(၁၅၀၀-၂၀၀၀/-)ကျပ်၊ ဆလပ်မုန့်ညင်း (၂၅) ကျပ်သားလျှင်(၁၅၀၀/-)ကျပ်၊ ခရမ်းသီး(၂၅)ကျပ်သားလျှင်(၁၀၀၀/-)ကျပ်၊ အာလူးသီး (၂၅) ကျပ် သားလျှင်(၁၅၀၀/-)ကျပ်၊ မေမြို့ပဲသီး(၂၅)ကျပ်သားလျှင်(၂၀၀၀/-)ကျပ်၊ ပဲတောင့်ရှည် (၂၅)ကျပ် သားလျှင်(၈၀၀/-)ကျပ်၊ ကင်မွန်းချဉ်ရွက်(၂၅)ကျပ်သားလျှင်(၃၅၀၀/-)ကျပ်၊ ဆူးပုတ်ရွက် (၂၅) ကျပ်သားလျှင်(၂၀၀၀/-)ကျပ်၊ ငရုတ်သီးစိမ်း(၂၅)ကျပ်သားလျှင်(၁၀၀၀/-)ကျပ်ခန့်တို့ဖြင့် အသီးသီး အရောင်းအဝယ်ဖြစ်လျက်ရှိပါသည်။

DOCA(မန္တလေး) 
 

          ကျောက်ဆည်ခရိုင် ကျောက်ဆည်မြို့နယ်တွင်နွေ၊ မိုး ၊ ဆောင်း ဥတုသုံးပါး ညီမျှခြင်းကြောင့် သီးပင်၊ စားပင်များအား စိုက်ပျိုးဖြစ်ထွန်းလျက်ရှိရာ ၎င်းသီးနှံများအနက် ခရမ်းချဉ်သီးသီးနှံကို လွယ်ကူစွာ စိုက်ပျိုးလျှက်ရှိပါသည်။ ယခုအချိန်တွင် ရှမ်းပြည်နယ်၊အောင်ပန်း၊ အင်းလေးမှ ထွက်ရှိ သော ခရမ်းချဉ်သီးများ ကျောက်ဆည်ခရိုင်အတွင်းသို့ ဝင်ရောက်လျက်ရှိသလို ၊ မြို့နယ်အတွင်း စိုက်ပျိုးထားသော ခရမ်းချဉ်သီး သီးနှံများလည်း အနည်းငယ်ထွက်ပေါ်နေပြီး ဗမာခရမ်းချဉ်သီး တစ်ပိဿာလျှင်(၉၀၀၀-၉၅၀၀)ကျပ်၊ ခရမ်းချဉ်သီး‌(ရှမ်း)စျေးနှုန်းအနေဖြင့် ဒီဇင်ဘာလ ပထမ ပတ်တွင် (၁)ပိဿာလျှင် (၄၀၀၀-၄၅၀၀)ကျပ် ရှိခဲ့ရာမှ ဒီဇင်ဘာလ တတိယပတ်တွင် (၁)ပိဿာလျှင် (၆၀၀၀-၆၅၀၀)ကျပ် စျေးနှုန်းများဖြင့် ရောင်းဝယ်လျက်ရှိပြီး ယခင်အပတ် နှင့် ယခုအပတ် နှိုင်းယှဉ်ပါက စျေးနှုန်းများ မြင့်တက်လာကြောင်း၊ ခရမ်းချဉ်သီးများ ဈေးကွက်အတွင်း ဝင်ရောက်မှုအနေဖြင့် အောင်ပန်း၊ အင်းလေးမြို့များမှ ဝင်ရောက်ရာတွင် သယ်ယူစရိတ်များပြားခြင်း နှင့် ဝင်ရောက်မှုနည်းခြင်းတို့ကြောင့် ခရမ်းချဉ်သီးဈေးနှုန်းများ မြင့်တက်လျက်ရှိကြောင်း ခရမ်းချဉ်သီးရောင်းချသည့် စျေးသည်များထံမှ သိရှိရပါသည်။

DOCA(မန္တလေး) 

                 မန္တလေးတိုင်းဒေသကြီး ၊ ကျောက်ဆည်ခရိုင်အတွင်းရှိ ကျေးရွာများတွင် စိုက်ပျိုးရေး လုပ်ငန်းအား အဓိကထား လုပ်ကိုင်‌ဆောင်ရွက်လျက်ရှိရာ စားဖိုးဆောင်သီးနှံများ ဖြစ်သည့် ပဲတောင့်ရှည်၊ရုံးပတီသီး၊ခဝဲသီး၊ခရမ်းသီး စသည့် သီးနှံများအပြင် ကန်စွန်းရွက်ကိုလည်း တစ်နိုင် တစ်ပိုင်စိုက်ပျိုးလျက်ရှိပြီး ကျောက်ဆည်မြို့၊မြို့မစျေးနှင့်အေးမြကြည်လင်စျေးတို့တွင် လာရောက်ရောင်းချလျက်ရှိပါသည်။ကန်စွန်းပင်မျိုးစေ့များအား ရေဇလုံထဲတွင် (၁)ညစိမ်၍ထားရပါကြောင်း၊ မြေနေရာပေါ်မူတည်၍ ဘောင်များဖြင့်စိုက်ပျိုးကြသလို ခြင်းများထဲတွင်လည်းထည့်၍စိုက်ပျိုးကြပါ သည်။စိုက်ပျိုးပြီး(၄-၅)ရက်ခန့်အကြာတွင် အညှောင့်ကလေးများပေါက်လာပါကြောင်း ၊ ရက်(၂၀) ခန့်အကြာတွင် အပင်များစတင်၍ခူးဆွတ်နိုင်ကြောင်း၊အပင်များ ပိုးမွှားဒဏ်ကာကွယ်ရန်နှင့်အရွက် များသန်မာစေရန်အတွက် ဆန်ဆေးရည်နှင့်အားဆေးရည်များ ဖြန်းပတ်ပေးရပါကြောင်း သိရှိရပါ သည်။ကျောက်ဆည်မြို့၊အေးမြကြည်လင်စျေးနှင့်မြို့မစျေးအတွင်းရောင်းချလျက်ရှိသောကန်စွန်းရွက်စျေးနှုန်းအနေဖြင့်ယခင်လတွင်(၁)စီးလျှင်(၁၀၀/-) ကျပ်၊ ယခုအချိန်တွင် (၁)စီးလျှင်(၂၀၀/-) ကျပ်၊စျေးနှုန်းများဖြင့် ရောင်းချလျက်ရှိကြောင်း ကုန်စိမ်းသီးနှံရောင်းချသော စျေးသည်တစ်ဦးထံမှ သိရှိရပါသည်။ ကန်စွန်းရွက်သည် ဗီတာမင်(အေ၊စီ၊ဘီ-၁) ၊ ဖော့လစ်အက်ဆစ် ၊ ပရိုတင်းစသည့် အဟာရဓါတ်များစွာပါဝင်ပါကြောင်း ၊ အမျှင်ဓါတ်ပါဝင်နှုန်းများသောကြောင့် အစာခြေစနစ်ကို ကောင်းမွန်စေသည့်အပြင် အစာအိမ်နှင့်အူလမ်းကြောင်းအတွက်ကောင်းမွန်ပါကြောင်း၊ ဝမ်းချုပ်ခြင်း အတွက်လည်း ကန်စွန်းရွက်ကို ကြော်စားခြင်း ၊ ပြုတ်၍တို့စရာအဖြစ်စားသုံး ပေးခြင်းဖြင့် လည်းကောင်း၊ ကန်စွန်းရွက်တွင် ရေဓါတ်များစွာပါဝင်သောကြောင့် ကျောက်ကပ် အလုပ်လုပ်နိုင်ရန်ကူညီပေးပြီး ဆီးသွားစေရန် အထောက်အကူဖြစ်ပါကြောင်းစသည့် ကျန်းမာရေးနှင့်ဆိုင်သော အကျိုးကျေးဇူးများ ရရှိကြောင်း သိရှိရပါသည်။

DOCA(မန္တလေး)

         စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် သီးနှံမျိုးစုံစိုက်ပျိုးလျက်ရှိရာ ကန့်ဘလူမြို့နယ် မြေထူးကျေးရွာ၊ တောက္ကရှပ်ကျေးရွာ၊ ညောင်ဇင်ကျေးရွာများတွင် မတ်ပဲသီးနှံကို အဓိကစိုက်ပျိုးလျက်ရှိကြောင်း သိရသည်။

     ၂၀၂၅ ခုနှစ်၊ ဒီဇင်ဘာလ စတုတ္ထပတ်အတွင်း ဈေးနှုန်းများမှာ မတ်ပဲရိုးရိုးတစ်တင်းလျှင် (၆၃၀၀၀)ကျပ်၊ မတ်ပဲမျက်ကွင်းဖြူ တစ်တင်းလျှင် (၆၇၅၀၀)ကျပ်နှုန်းတို့ဖြင့် အရောင်းအဝယ်ဖြစ်လျက်ရှိရာ ယခုဒီဇင်ဘာလ တတိယပတ်၏ ဈေးနှုန်းများနှင့်နှိုင်းယှဉ်ပါက ယခုပတ်အတွင်း မတ်ပဲ ရိုးရိုးတစ်တင်းလျှင် (၇၀၀၀)ကျပ်နှင့် မတ်ပဲမျက်ကွင်းဖြူ တစ်တင်းလျှင်(၅၀၀၀)ကျပ် ဈေးနှုန်းကျဆင်းသွားကြောင်း၊ မတ်ပဲသီးနှံများကို မန္တလေးမြို့ရှိပွဲရုံများ၊ ကုန်စည်ဒိုင်များသို့ တင်ပို့ရောင်းချကြောင်း သီးနှံရောင်းဝယ်ရေး လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

         စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် စပါးနှင့် ဆီထွက်သီးနှံများအပြင် ပဲမျိုးစုံကိုလည်းစိုက်ပျိုးကြောင်း၊ ပဲလွန်းဖြူသီးနှံများကို ကန့်ဘလူမြို့နယ် ကံကြီးကုန်းကျေးရွာ၊ တောက္ကရှပ်ကျေးရွာနှင့် အခြားသောကျေးရွာများမှ ဝင်ရောက်လျက်ရှိကြောင်း၊  ပဲလွန်းဖြူသီးနှံသည် စိုက်ပျိုးရလွယ်ကူပြီး ဈေးကောင်းရသဖြင့် စိုက်ပျိုးသူများအနေဖြင့် ဝင်ငွေရရှိကာ အဆင်ပြေလျက်ရှိကြောင်း သိရသည်။

        ၂၀၂၅ ခုနှစ်၊ ဒီဇင်ဘာလ စတုတ္ထပတ်အတွင်း ပဲလွန်းဖြူတစ်တင်းလျှင် (၉၈၀၀၀)ကျပ်၊ အကွဲအနာပါတစ်တင်းလျှင် (၉၇၅၀၀)ကျပ်ဈေးနှုန်းဖြင့် အရောင်းအဝယ်ဖြစ်လျက်ရှိရာ ဒီဇင်ဘာလ တတိယပတ်၏ ဈေးနှုန်းနှင့်နှိုင်းယှဉ်ပါက ယခုပတ်အတွင်း ပဲလွန်းဖြူသီးနှံတစ်တင်းလျှင် (၁၀၀၀)ကျပ် ဈေးနှုန်းမြင့်တက်လာကြောင်း၊ ပဲလွန်းဖြူသီးနှံများကို မန္တလေးမြို့ရှိ ကုန်စည်ဒိုင်များ နှင့်ပွဲရုံများသို့ တင်ပို့လျက်ရှိကြောင်း လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)