ပြည်တွင်းကုန်သွယ်မှုသတင်း

       ၁၉.၉.၂၀၂၅ ရက်နေ့တွင် ဖျာပုံမြို့နယ်မှ ရွေစင်သင်္ဘောဖြင့် ကြားပျံ(၁၀၀)အိတ်၊ ဧည့်မထ (၂၁၅၀) အိတ်၊ ဆန်ကွဲ(၄၀၀) အိတ်၊ နန်းဧရာသင်္ဘောဖြင့် ကြားပျံ(၉၈၀) အိတ်၊ ပေါ်ကျွဲ (၁၂၆၄) အိတ်၊ ဧည့်မထ(၃၃၄) အိတ်၊ ဆန်ကွဲ(၂၆၄၇) အိတ်၊ မြောင်းမြမြို့မှ ဝေဠုဝတီသင်္ဘောဖြင့် ကြားပျံ (၇၂၁) အိတ်၊ ပေါ်ဆန်း(၁၃၄၄) အိတ်၊ ဧည့်မထ(၂၅၅၂) အိတ်၊ ဆန်ကွဲ(၄၈၃) အိတ်၊ ဒေးဒရဲမြို့နယ်မှ ဇမ္ဗူထွန်းသင်္ဘောဖြင့် ကြားပျံ(၄၉၇) အိတ်၊ ဧည့်မထ (၂၁၀) အိတ်၊ ဆန်ကွဲ(၃၅၃) အိတ်၊ ကားဖြင့် ကြားပျံ(၆၉၅) အိတ်၊ ဧည့်မထ(၈၀) အိတ်၊ မော်ကျွန်းမြို့မှ အောင်သီရိမော်သင်္ဘောဖြင့် ပေါ်ဆန်း (၂၉၀၀) အိတ်၊ ပေါ်ကျွဲ(၂၀၀) အိတ်၊ ဧည့်မထ(၁၄၆၃) အိတ်၊ ဆန်ကွဲ(၂၀၀) အိတ်၊ ကျိုက်လတ်မြို့မှ ပြည့်ဝသာလွန်သင်္ဘောဖြင့် ပေါ်ဆန်း (၂၀၀)  အိတ်၊ ပေါ်ကျွဲ(၃၃) အိတ်၊ ဧည့်မထ(၂၃၀၀) အိတ်၊ ဆန်ကွဲ(၆၀၀) အိတ်၊ ကော့မှူးမြို့မှ ကားဖြင့် ပေါ်ဆန်း(၁၁၅၀) အိတ်၊ ပေါ်ဆန်း(၇၅၀) အိတ်၊ ပေါ်ကျွဲ (၇၅၀) အိတ်၊ ဧည့်မထ(၃၂၀၀) အိတ်၊ ဆန်ကွဲ(၃၀၀) အိတ်တို့ဝင် ရောက်ခဲ့ကြောင်း သိရှိရပါသည်။

DOCA (ရန်ကုန်)

      တနင်္သာရီတိုင်းဒေသကြီး၊ထားဝယ်မြို့ရှိ စည်ပင်သာယာဈေးနှင့် ညနေဈေးတို့တွင် ဝက်အူ ချောင်းများ ရောင်းချလျက်ရှိပါသည်။ ဝက်အူချောင်းများကို မိမိကိုယ်တိုင်သော်လည်ကောင်း၊ အခြား မြို့များမှယူ၍လည်ကောင်း ရောင်းချလျက်ရှိကြောင်း သိရပါသည်။

     ဝက်အူချောင်းသည် လျင်မြန်စွာချက်ပြုတ်စားသောက်နိုင်သည့်အတွက်  အချိန်ကုန်သက်သာ စေသောအစားအစာတစ်မျိုးဖြစ်ပါသည်။ဝက်အူချောင်းများကို စားသောက်ဆိုင်များနှင့် ထမင်းဆိုင် များမှလည်းကောင်း၊ အိမ်ရှင်မများဟင်းချက်ရာတွင်လည်းကောင်း အသုံးပြုကြပါသည်။

၂၀၂၅ခုနှစ်၊ စက်တင်ဘာလ စတုတ္တပတ် အတွင်း ရောင်းချလျက်ရှိသော ဝက်အူချောင်း ဈေးနှုန်းမှာ ဝက်အူချောင်း(၁)ပိဿာလျှင်(၄၅၀၀၀) ကျပ်၊(၅၀) ကျပ်သားလျှင် (၂၂၅၀၀)ကျပ်၊ (၁၀)ကျပ်သားလျှင်(၄၅၀၀)ကျပ်ဖြင့် အရောင်းအဝယ် ဖြစ်လျက် ရှိကြောင်း၊ လူကြီးလူငယ်မရွေး ကြိုက်နှစ်သက်သောကြောင့် ရောင်းအားကောင်းကြောင်း ဝက်အူချောင်းရောင်းချသူထံမှ သတင်း ရရှိပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ ထားဝယ်မြို့တွင် ရာသီပေါ်သီးနှံများကို စိုက်ပျိုးရောင်းချလျက် ရှိရာ ယခုအခါ  ရှမ်းနံနံ(ခေါ်) သင်္ဘောနံနံပင်များကို နေအိမ်ခြံဝင်းများတွင်လည်းကောင်း၊ ယာတော၊ လယ်တောများတွင်လည်းကောင်း တစ်နိုင်တစ်ပိုင်စိုက်ပျိုး၍ ရောင်းချလျက်ရှိကြောင်း သိရသည်။  

        ထားဝယ်မြို့မဈေးတွင် ကုန်စိမ်းရောင်းချသူတစ်ဦး၏ ပြောပြချက်အရ ပူစီနံနံရွက် နှင့်ရှမ်း နံနံ(ခေါ်) သင်္ဘောနံနံများကို ထားဝယ်မြို့ပေါ်နှင့်အနီးနားရှိကျေးရွာများတွင်လည်းကောင်း ဝယ်ယူ ရောင်းချလျက်ရှိကြောင်း ပူစီနံနံရွက်နှင့် ရှမ်းနံနံ(ခေါ်)သင်္ဘောနံနံများကို အစည်းလေးများ စည်း၍ ရောင်းချရာ (၁)စည်းလျှင်(၂၀၀)ကျပ်၊ (၃)စည်းလျှင်(၅၀၀)ကျပ်ဖြင့်ရောင်းချလျက်ရှိကြောင်း သိရှိရပါသည်။

DOCA(တနင်္သာရီ)

     မြန်မာလူမျိုးများသည် ကြောင်လျှာသီးကို စားချင်စဖွယ်ဟင်းလျာတစ်ခွက်ဖြစ်အောင် ချက်ပြုတ် စားသောက်ကြပါသည်။ ကြောင်လျှာသီးသည် မိုးရာသီအတွက် ရာသီစာအသီး တစ်မျိုးဖြစ်ပြီး ဇွန်လ၊ ဇူလိုင်လနှင့် ဩဂုတ်လများတွင် စတင်ပေါ်လေ့ရှိပါသည်။ မြန်မာနိုင်ငံ၏ ပူအိုက်စိုစွတ်သောဒေသများတွင် ကြောင်လျှာသီးကို အဓိကစိုက်ပျိုးကြပြီး ရန်ကုန်တိုင်း၊ ပဲခူးတိုင်း၊ တနင်္သာရီတိုင်း၊ ဧရာဝတီတိုင်းနှင့် မွန်ပြည်နယ်တို့တွင်လည်း စိုက်ပျိုးကြပါသည်။

    ထားဝယ်မြို့အနီးတစ်ဝိုက်ရှိ ကျေးရွာများတွင် ကြောင်လျှာသီးစိုက်ပျိုးမှု အနည်းငယ်ရှိသော်လည်း စီးပွားဖြစ်စိုက်ပျိုးမှုထက် မိသားစုစားသုံးရန်အတွက် အိမ်ခြံဝန်းအတွင်း စိုက်ပျိုးသည့် ပုံစံမျိုးသာ ရှိပါသည်။  ကြောင်လျှာသီး အတောင့်သေး တစ်တောင့်လျှင် ၁၅၀၀ကျပ်၊ အတောင့် ကြီးတစ်တောင့်လျှင် ၂၀၀၀ ကျပ်ဖြင့် ရောင်းချလျက် ရှိကြောင်း သိရသည်။

DOCA(တနင်္သာရီ)