“နနွင်းဖူးများစတင်ထွက်ပေါ်”
မန္တလေးတိုင်းဒေသကြီး၊ ကျောက်ဆည်ခရိုင်တွင် သီးနှံမျိုးစုံစိုက်ုပျိုးလျက်ရှိရာ စားဖိုဆောင် သီးနှံတစ်မျိုးဖြစ်သော နနွင်းကိုလည်းစိုက်ပျိုးကြပါသည်။၂၀၂၅-၂၀၂၆ ဘဏ္ဍနှစ်တွင် နနွင်းစိုက်ဧက (၂၀၀၄)ဧကစိုက်ပျိုးနိုင်ခဲ့ကြောင်း သက်ဆိုင်ရာဌာန၏ စာရင်းများအရသိရှိပါသည်။ တောင်သူများမှာ စားဖိုဆောင်သီးနှံတစ်မျိုးဖြစ်သော နနွင်းသီးနှံကိုလည်းစိုက်ပျိုးလာကြပါသည်။ နနွင်းစျေးနှုန်းအနေဖြင့် ယခင်နှစ်တွင် နနွင်းတက်(၁)ပိဿာလျှင်(၉၅၀၀/-)ကျပ်၊ နနွင်းခေါင်း(၁)ပိဿာလျှင်(၈၀၀၀/-) ကျပ်၊ နနွင်းမှုန့်နို့ဆီဗူးတစ်ဗူးလျှင်(၁၅၀၀/-)ကျပ်၊ ယခုနှစ်တွင်နနွင်းတက်(၁)ပိဿာလျှင်(၁၀၀၀၀/-) ကျပ်၊ နနွင်းခေါင်း(၁)ပိဿာလျှင်(၁၀၀၀၀/-) ကျပ်၊ နနွင်းမှုန့်နို့ဆီဗူးတစ်ဗူးလျှင်(၂၅၀၀/-)ကျပ် စျေးနှုန်းများဖြင့်ရောင်းဝယ်လျှက်ရှိပါသည်။ယခုအချိန်တွင် နနွင်းစိုက်ခင်းများ အောင်မြင်ဖြစ်ထွန်းလျက်ရှိပြီး နနွင်းဖူးများလည်း စတင်ထွက်ရှိနေပြီဖြစ်ရာ နနွင်းအဖူး (၁၀၀)လျှင်(၁၅၀၀၀/-)ကျပ် စျေးနှုန်းရရှိပြီး အခင်းထဲအရောက်လာရောက် ချိုးယူဝယ်ယူလျက်ရှိပါသည်။ လက်လီစျေးနှုန်းအနေဖြင့်နနွင်းဖူး(၅)ဖူးတစ်စီးလျှင်(၁၀၀၀/-)ကျပ်စျေးနှုန်းများဖြင့် ရောင်းချလျက်ရှိပါသည်။ နနွင်းဖူးများကို လက်သုပ်အနေဖြင့်သုပ်စား၍ရသလို ငပိရည်၊ ငံပြာရည်တို့ဖြင့်တို့၍စားသုံးကြပါသည်။ နနွင်းစားသုံးခြင်းဖြင့် ခန္ဓာကိုယ်အတွင်း အပူကင်းပြီး ကျန်းမာရေးနှင့်ညီညွတ်သော နနွင်းဖူးများကိုဝယ်ယူစားသုံးသင့်ပါကြောင်းရေးသားတင်ပြအပ်ပါသည်။
DOCA(မန္တလေး)
