ပြည်တွင်းကုန်သွယ်မှုသတင်း

   မအူပင်ခရိုင်၊‌ ညောင်တုန်းမြို့နယ်တွင် သိုလှောင်ရုံ မှတ်ိပုံတင်ပြီး လုပ်ငန်း ၇၄ခုရှိပြီး သက်တမ်းတိုးလုပ်ငန်းများကို တစ်နှစ်ပြည်မီသူလုပ်ငန်းရှင်များ သက်တမ်းတိုးဆောင်ရွက်လျက်ရှိသည်။ ၁၀-၁၀-၂၀၂၅ ရက်နေ့ မအူပင်ခရိုင်ဦးစီးမှူးရုံးသို့ ညောင်တုန်းမြို့နယ်မှ ကွင်းဆင်း၍ စပါးဆန် လက်ကျန်စားရင်းများကို အဖွဲ့စုံဖြင့် မြေပြင်ကွင်းဆင်းစစ်ဆေးပြီး တင်ပြလာသော စာရင်းများအရသိရသည်။

   ညောင်တုန်းမြို့နယ် အနေဖြင့် ဆန်တန်ချိန် (၂၅) (၅၀၀ အိတ်) နှင့်စပါးတင်း (၂၅၀၀) အထက်သိုလှောင်မှုပမာဏကို မှတ်ပုံတင်မည့်ရမည်ဖြစ်သဖြင့် Myanmar Rice Online (MyRO) Website တွင် ဆန်စပါးသိုလှောင်ရုံများ စတင်မှတ်ပုံတင်လျက်ရှိ သက်တမ်းပြည်မီသူ လုပ်ငန်းရှင်များကလည်း သက်တမ်းတိုးလုပ်ငန်းများ ဆောင်ရွက်ပြီးစီးပြီးဖြစ်သလို လစဉ် လဆန်း ၇ရက်အတွင်း သိုလှောင်ရုံများမှ စပါး၊ ဆန် လက်ကျန်စာရင် များကိုလည်း လုပ်ငန်းများကိုယ်တိုင် My Ro စာရင်းရေးသွင်းဆောင်ရွက်နိုင်ရန် မြို့နယ်ဦးစီးမှူးရုံးမှ ကြပ်မတ်ဆောင်ရွက်လျက် ရှိပြီး အောက်တိုဘာလများထဲတွင် မြေပြင်အမှန်တကယ်သိုလှောင်မှု အခြေအနေများကို အဖွဲ့စုံဖြင့် ကွင်းဆင်းစစ်ဆေးဆောင်ရွက်ခဲ့ပြီး စာရင်းများအရ စပါးအနေဖြင့် တောင်သူ ၈၀၈၉၈၂ တင်း၊ စက်ပိုင် ၅၇၇၈၉၄တင်း၊ ကုန်သည် ၁၄၀၀၀တင်း နှင့် ဆန်တောင်သူ ၉၈၀၀ အိတ်၊ စက်ပိုင် ၆၆၇၄၉၄အိတ်၊ ကုန်သည် ၄၁၉၅ အိတ် ရှိကြောင်း သိရပြီး စက်တင်ဘာလကုန် နောက်ဆုံးစာရင်း မြေပြင်ကွင်းဆင်းမှု အရသိရသည်။

DOCA(ဧရာဝတီ)

      ကန့်ဘလူမြို့ပေါ်ရှိ ပန်းပျိုးပင်အရောင်းဆိုင်သည် ပန်းပျိုးပင်မျိုးစုံကို ရောင်းချလျက်ရှိရာ လူကြိုက်များသော အာဆီယံသပြေပန်းပျိုးပင်များကို မန္တလေးမြို့မှ မှာယူရောင်းချလျက်ရှိ ကြောင်းသိရှိရပါသည်။ သပြေပန်းသည် မြန်မာလူမျိုးတို့ ဘုရားပန်း၊ နတ်ပန်းများနှင့် အလှူမင်္ဂလာဆောင်အခမ်းအနားများတွင် မပါမဖြစ် အသုံးပြုကြသောပန်းဖြစ်ပါသည်။ အာဆီယံသ ပြေပန်းပင်သည် ရာသီမရွေးစိုက်ပျိုးနိုင်ပြီး မြန်မာလူမျိုးတိုင်း ကြိုက်နှစ်သက်သည့် အပင်မျိုးဖြစ်ပါသည်။ အာဆီယံသပြေ၏ အညွှန့်လေးတွေသည် ရဲရဲတောက်အောင်လှပပါသည်။ အာဆီယံ  သပြေပန်းပင်များကို နေအိမ်ခြံဝင်းများတွင်လည်းကောင်း၊ ဥယျာဉ်၊ ဘုရားကျောင်းကန်များတွင် အလှစိုက်ပျိုးရန်နှင့် အာဆီယံသပြေပန်းပင်များကို မိသားစု တစ်နိုင်တစ်ပိုင် ဘုရားပန်းအဖြစ် စိုက်ပျိုးရောင်းချသူများမှ အများဆုံး လာရောက်ဝယ်ယူကြကြောင်း၊ အာဆီယံသပြေပန်းပျိုးပင် တစ်ပင်လျှင် အရွယ်အစားပေါ်မူတည်၍ အသေး(၁)ပင်လျှင်(၁၅၀၀)ကျပ်၊ အကြီး(၁)ပင်လျှင် (၂၅၀၀)ကျပ် ဈေးနှုန်းဖြင့် ရောင်းချလျက်ရှိကြောင်း ပန်းပျိုးပင်အရောင်းဆိုင်မှ  သိရှိရပါသည်။

DOCA(စစ်ကိုင်း)

                                မြန်မာနိုင်ငံသည် စိုက်ပျိုးရေးကိုအခြေခံသော နိုင်ငံဖြစ်သည့်အလျှောက် စီးပွားရေးလုပ်ငန်း ရှင်များသည် ယခုအခါရေရှည်၊ ရေတိုစီမံကိန်းများချမှတ်၍ စိုက်ပျိုးရေးလုပ်ငန်းများကို အဓိကထား လုပ်ဆောင်လာကြသည်တွေ့ရှိရပြီးနှစ်ရှည်သီးပင်များဖြစ်သော အုန်းသီးပင်များကိုလည်း အလေးထား စိုက်ပျိုးလာကြပါသည်။ ဘက်စုံသုံး အုန်းသီးပင်ကို မြန်မာနိုင်ငံပင်လယ်ကမ်းရိုးတန်းဒေသများ၊ မြစ်ဝကျွန်းပေါ်ဒေသများအဖြစ် အောက်ပြည်အောက်ရွာ၌သာကမ အညာဒေသများမှာလည်း အုန်းသီးပင်များစိုက်ပျိုးထားသည်ကို တွေ့ရှိရကြောင်း၊  အုန်းသီးများကို အုန်းသီးအညှာတံပါသည့် ဆွဲအုန်း(ခေါ်)အုန်းစို(ခေါ်)အုန်းစိမ်းနှင့် အခွံများခွာထားသည့် အုန်းပေါက်ဟူ၍ နှစ်မျိုးခွဲခြား ရောင်းချရကြောင်း၊ အုန်းစိမ်းကို ဘုရားသာသနာပွဲများ၊ ရဟန်းသံဃာ ကန်တော့ပွဲများနှင့် သာရေး၊ နာရေးကန်တော့ပွဲများတွင်လည်းကောင်း၊ မိရိုးဖလာအိမ်တွင်းနတ်စင်များတွင် နတ်အုန်းအဖြစ် လည်းကောင်း ဝယ်ယူသုံးစွဲကြပြီး အုန်းပေါက်ကိုမူ အုန်းသီးဆံခြစ်၍ မြန်မာ့ရိုးရာမုန့်များတွင် ထည့်သွင်းအသုံးပြုခြင်းများ၊ အုန်းနို့ထုတ်လုပ်ခြင်းများအတွက် ဝယ်ယူလေ့ရှိကြောင်း၊ အုန်းသီး ဈေးနှုန်းများအနေဖြင့် အုန်းစိမ်းတစ်လုံးလျှင် (၃၅၀၀/-) ကျပ်မှ (၄၅၀၀/-)ကျပ်အထိ ရှိပြီး အုန်းပေါက်တစ်လုံးလျှင် (၂၀၀၀/-)ကျပ်မှ (၃၀၀၀/-)ကျပ်အထိ ရောင်းချလျက်ရှိကြောင်းနှင့် အုန်းသီးအရွယ်အစားအလိုက် (၅၀၀/-)ကျပ်မှ  (၁၀၀၀/-)ကျပ်အထိ  ဈေးနှုန်းကွာခြားမှုရှိကြောင်း၊ အုန်းရည်တွင် အမိုင်နိုအက်ဆစ်၊ အင်ဇိုင်း၊ သံဓာတ်၊ ကယ်လစီယမ်၊ ပိုတက်စီယမ်၊ မဂ္ဂနီစီယမ်ဓာတ် များပါဝင်နေသဖြင့် ခန္ဓာကိုယ်အတွက် ရေဓာတ်ဖြည့်တင်းပေးခြင်း၊ ကိုယ်အလေးချိန်လျော့ကျစေ ခြင်း၊ နှလုံးကိုကျန်းမာစေခြင်း၊ သွေးဖိအားကိုထိန်းညှိပေးခြင်း၊ သွေးတွင်းသကြားဓာတ်ကို ထိန်းညှိ ပေးခြင်း၊ ကျောက်ကပ်ကိုကျန်းမာစေခြင်း၊ ဆံပင်ကိုအားဖြည့် ပေးခြင်းစသည့် အကျိုးကျေးဇူးများ ရရှိကြောင်း၊ အုန်းသီးနုနု၏ အုန်းရည်သည် ပိုတက်စီယမ်၊ ဆိုဒီယမ်နှင့် ဂလူးကို့စ်ဓာတ်များ ပြည့်ဝစွာပါဝင်သည့်အတွက် အားကစားသမားများနှင့် လေ့ကျင့်ခန်းပြုလုပ်ပြီးသူများ သောက်သုံးပါက ရေဓာတ်ကို လျှင်မြန်စွာဖြည့်ဆည်းပေးနိုင်သဖြင့် အားအင်ပြန်လည်ပြည့်ဖြိုး လန်းဆန်းစေကြောင်း၊ အုန်းဆီသည် အရေပြားခြောက်သွေ့မှုကို ကာကွယ်ပေးနိုင်ရုံသာမက ရောဂါပိုးမွှားများကိုလည်း သေစေနိုင်ပြီး ဆံပင်နှင့်ဦးရေပြားကို အားဖြည့်ပေးနိုင်ကြောင်း၊ အုန်းသီးမှ ရရှိသော အုန်းမှုတ်ခွက်မှ အုန်းခြေနင်းများ၊ အုန်းမှုတ်ခွက် သောက်ရေခွက်များ၊ အုန်းမှုတ်ခွက် ပန်ကန်လုံးများပြုလုပ်၍ မြန်မာမှုလက်ရာများကို တန်ဖိုးမြှင့်ထုတ်ကုန်တစ်မျိုး ပြုလုပ်၍ နိုင်ငံတကာဈေးကွက်ထိုးဖောက်နိုင်မည်ဖြစ်ကြောင်း ရေးသားတင်ပြအပ်ပါသည်။

DOCA(မန္တလေး)

                 ကျောက်ဆည်ခရိုင်၊ ကျောက်ဆည်မြို့နယ် အင်းရောင်းကျေးရွာအုပ်စု၊ ဆင်ဦးကျေးရွာရှိ ကျေးရွာသူ/သား အများစုသည် မိသားစုအပိုဝင်ငွေရရှိအောင် သပေါ့ဖျာယက်လုပ်သည့်လုပ်ငန်းကို တစ်ပိုင်တစ်နိုင်လုပ်ကိုင်ကြကြောင်း သိရှိရပါသည်။ ယခင် သပေါ့ဖျာယက်လုပ်သည့် လုပ်ငန်းကို လူအနည်းစုသာလုပ်ကိုင်ကြပြီး ယခုအခါ အိမ်တိုင်းလိုလိုယက်လုပ်ပြီး ရောင်းချလျက်ရှိကြောင်း သိရှိရပါသည်။ သပေါ့ဖျာယက်လုပ်မည်ဆိုပါက ပထမဦးစွာ ဆက်သွားပင်မှ ဆက်သယားလက်ကို ခုတ်ယူ၍ ဘေးမှဆူးများဖယ်ရှားပြီး နေလှန်းရကြောင်း၊ ခြောက်သွေ့သွားသော ဆက်သွားလက် များကို အရွယ်အစားတူ ရွေးချယ်ပြီး ဖျာတစ်ချပ်စာ အထုံးများထုံးကာရေစိမ်ပြီး အခွေလေးများ ခွေရကြောင်း၊ ခွေပြီးသားအခွေများကို ဖျာယက်လုပ်ရန်အတွက် သင့်တော်သောဆိုဒ်များ ရရှိအောင် ခွဲခြမ်းစိပ်ဖြာပေးရပါသည်။ ဖျာအရောင်လှပစေရန်အတွက် ရောင်စုံဆိုးဆေးများ အသုံးပြုရကြောင်း၊ မိမိလိုချင်သော အရောင်ထည့်ကာဆက်သွားလက်များကို ရေနွေးပွက်ပွက်အိုးထဲတွင် ထည့်၍ပြုတ် ရကြောင်း၊ သို့မှသာ မိမိလိုချင်သော အရောင်အသွေးစုံလင် ဒီဇိုင်းလှသော သပေါ့ဖျာများ ရရှိမည် ဖြစ်ပါသည်။ တစ်ယောက်အိပ်ဖျာ တစ်ချပ်လျှင် အလျား(၅)ပေ အနံ(၃)ပေရှိပြီး၊ နှစ်ယောက်အိပ်ဖျာ တစ်ချပ်လျှင် အလျား (၆)ပေ၊ အနံ (၄)ပေဖြင့် ဆက်သွားလက်ပေါ်မူတည်၍ ဖျာအတိုအရှည်ခွဲ၍ ယက်လုပ်ကြကြောင်း၊ ဖျာဈေးနှုန်းအနေဖြင့် နှစ်ယောက်အိပ်ဖျာ တစ်ချပ်လျှင် (၁၅၀၀၀/-)ကျပ်၊ တစ်ယောက်အိပ်ဖျာ တစ်ချပ်လျှင် (၁၀၀၀၀/-)ကျပ်ဖြင့် ရောင်းချပေးကြောင်းသိရှိရပါသည်။ သပေါ့ဖျာကို နှစ်ယောက်ယက်လုပ်မည်ဆိုပါက တစ်ရက်လျှင် (၅)ချပ်နှုန်း ယက်လုပ်နိုင်ပြီး မိသားစု တစ်ပိုင်တစ်နိုင် ဆယ့်နှစ်ရာသီ ယက်လုပ်ရသော လုပ်ငန်းဖြစ်သည့်အတွက် အခြေခံလူတန်းစား များအတွက် အပိုဝင်ငွေရရှိသော လုပ်ငန်းဖြစ်ပါကြောင်း သတင်းရရှိပါသည်။

DOCA(မန္တလေး)

  မအူပင်မြို့နယ်တွင် ‌ဒေသတွင်း အညာဒေသထွက် မြေပဲမွကြော်များ ရောင်းချလျက်ရှိသည်။ မြေပဲမွကြော် ကြွပ်ရွ၍ မာမာကြီးဖြစ်အနေပဲ စား၍ ကောင်းမွန်သော အညာဒေသလက်မှ မှာယူရောင်းချသည့် မြေပဲမွကြော် ဖြစ်သည်။ မြေပဲနှင့် ဆန်နှစ်ကို လုံး၍ ဆီဖြင့်ကြော်ထားသော မုန့်တစ်ခုဖြစ်ပြီး ရောင်းအားကောင်းသော အစားအစာတစ်ခုဖြစ်ကြောင်း သိရသည်။

ရောင်းချမှုအနေဖြင့် မြေပဲမွကြော် တစ်ထုတ်လျှင် ၃၀၀၀ ကျပ်ဖြင့် ‌ရောင်းချကြောင်း သိရသည်။ မြေပဲ မွကြော်ကို အညာဘက်မှ ပီနံအိတ်လိုက်မှာယူပြီး မအူပင်မြို့နယ်တွင် ပြန်လည်ထုတ်ပိုး၍ အချိန်ဖြင့် ရောင်းချကြောင်း၊ ၁ထုတ်လျှင် ၂၅ကျပ်သား ရှိပြီး ၅၀ကျပ်သား ၁ထုတ်လျှင် ၆၀၀၀ကျပ်၊ ၁ပိသာလျင် ၁၀၀၀၀ကျပ်ဖြင့် ရောင်းချပြီး ရောင်းအားကောင်း၍ အဆင်ပြေလျက်ရှိကြောင်းသိရသည်။

DOCA(ဧရာဝတီ)