ပြည်တွင်းကုန်သွယ်မှုသတင်း

    ပဲခူးတိုင်းဒေသကြီး၊ ပြည်မြို့နယ်၊  ဇီးဖြူကုန်း၊ ထန်းပေါက်၊ ငါးရွာအုပ်စုနှင့် ဇီးတော စသည့်ကျေးရွာများတွင် ပဲပုစွန်ကို အများဆုံးစိုက်ပျိုးပြီး နှစ်စဉ် ဝင်ငွေများရလျက်ရှိကြောင်း ဇီးတောရွာမှ တောင်သူ ဦးသန်းထွန်းထံမှသိရှိရပါသည်။

     ပဲပုစွန် (ခ) နွေပဲသီးကို လူတိုင်း နှစ်ကြိုက်စွာစားသုံးလေ့ရှိပြီး နူးညံ့သောပဲတစ်မျိုးဖြစ်သည့် ပဲသီးအနုများကို အရည်သောက်ရေနွေးဖျော၍ ပြုတ်စား၊ သုပ်စား၊ ကြော်စားလေ့ရှိကြပါသည်။ အိမ်တွင် တစ်နိုင်တစ်ပိုင်စိုက်ပျိုးပါကလည်း လွယ်ကူစွာစိုက်ပျိုးဖြစ်ထွန်းသည့် စင်ထောင်၍သော်လည်းကောင်း၊ ခြံစည်းရိုးများတွင် ကပ်၍သော်လည်းကောင်း စိုက်ပျိုးနိုင်ပါသည်။

     ပဲပုစွန်သီးကို ရာသီမရွေးစိုက်ပျိုးနိုင်သော်လည်း မိုးရာသီကုန်ဆုံးသောအချိန် သီတင်းကျွတ်လနှင့် တန်ဆောင်မုန်းလတို့မှာ စိုက်ပျိုးရန်အတွက် ပို၍ကောင်းသောအချိန်ဖြစ်ပါသည်။ ဆောင်းရာသီတွင် စိုက်ပျိုးသောအပင်များမှာ ရက်ပေါင်း(၄၀)အကြာတွင် အသီးစတင်သီးပြီး (၄၅)ရက်ခန့်ဆက်တိုက်သီးသည့် နွေရာသီ၌ စိုက်ပျိုးသောအပင်မှာမူ တစ်ပတ်လျှင် (၅)ပိဿာခန့်ခူးဆွတ်နိုင်ကြောင်းသိရှိရပါသည်။

      ဈေးကွက်များအနေဖြင့် ပြည်မြို့နယ်အတွင်းရှိ ဈေးများအပြင် ရန်ကုန်သို့လည်း တင်ပို့ရောင်းချကြသည်။ ဈေးနှုန်းများအနေဖြင့် ပဲပုစွန် (၁၀)ကျပ်သားလျှင် (၆၀၀)ကျပ်ဖြင့်ရောင်းချကြောင်းသိရပါသည်။ ရာသီစာပဲပုစွန် (ခ) နွေပဲသီးများကိုစိုက်ပျိုးရောင်းချခြင်းဖြင့် မိသားစုဝင်ငွေရရှိကာ စီးပွားရေးအတွက် တွက်ခြေကိုက်လျက်ရှိကြောင်း လေ့လာသိရှိရပါသည်။

DOCA(ပဲခူး)

   နေပြည်တော်၊ ရန်ကုန်၊ မန္တလေး နှင့် ပုသိမ်မြို့ကြီးများ၏ အခြေခံစားကုန်(လက်လီ)၊ ပြည်ပပို့ကုန်၊ စက်သုံးဆီ နှင့် ရွှေဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယနေ့ ကာလတူ နှိုင်းယှဉ်၍ ပြုစုတင်ပြအပ်ပါသည်။

     ပြည်ကုန်စည်ဒိုင်သည် ပြည်ခရိုင်၊ ပြည်မြို့တွင်ရှိသောကြောင့် အချက်အခြာကျသော မြို့တစ်မြို့ဖြစ်ပြီး ပဲအရောင်းအဝယ်လည်းကောင်းမွန်ကြောင်းသိရှိရပါသည်။ အရောင်းအဝယ်ဖြစ်နေသောပဲများမှာ မတ်ပဲ ၊ ပဲတီစိမ်း၊ ကုလားပဲ၊ ပဲကြီး၊ ဘိုကိတ် နှင့်စားတော်ပဲတို့ဖြစ်ပါသည်။

မတ်ပဲ

   ပြည်ကုန်စည်ဒိုင်၏ ၂၀၂၃ခုနှစ်၊ ဒီဇင်ဘာလ တတိယပတ်တွင် မတ်ပဲတစ်တင်းလျှင် (၉၃၅၀၀-၉၄၀၀၀)ကျပ်ဖြင့် တစ်ရက်ကို အိတ် ၁၀၀/၁၀၀ခန့်ရန်ကုန်အဝယ်ရှိခဲ့ပါသည်။ ယခင်နှစ် ဒီဇင်ဘာလ တတိယပတ်တွင် မတ်ပဲတစ်တင်းကို (၅၅၀၀၀-၅၆၀၀၀) ကျပ်ဖြင့်အရောင်းအဝယ်ဖြစ်ခဲ့ပြီး ယခုနှစ်၌ ပဲတစ်တင်းလျှင် (၃၈၅၀၀-၃၈၀၀၀) ကျပ်ခန့်ဈေးပိုရခဲ့ပါသည်။ ယခုနှစ်ဒီဇင်ဘာလ စတုတ္ထပတ်တွင် မတ်ပဲတစ်တင်းကို ၉၆၅၀၀ကျပ်၊ ယခင်နှစ် ယခုကဲ့သို့အချိန်မျိုးတွင် မတ်ပဲတစ်တင်းကို ၅၉၀၀၀ကျပ်ဖြင့်အရောင်းအဝယ်ဖြစ်ပြီး ပဲတစ်တင်းကို ၃၇၅၀၀ကျပ်ခန့်ဈေးပိုရခဲ့ပါသည်။ ယခုနှစ်တွင် အရောင်းအဝယ်ဖြစ်မှုမှာ တစ်ရက်ကို အိတ် (၁၅၀/၂၀၀) ခန့် ရန်ကုန်အဝယ်ရှိခဲ့ပါသည်။ 

ပဲတီစိမ်း

     ယခင်နှစ် ဒီဇင်ဘာလ တတိယပတ်တွင် ပဲတီစိမ်းတစ်တင်းကို ၄၆၀၀၀ကျပ်ဖြင့်အရောင်းအဝယ်ရှိခဲ့ပြီး ယခုနှစ်တွင် ပဲတီစိမ်းတစ်တင်းကို ၆၂၅၀၀ကျပ်ဖြင့် မန္တလေးအဝယ်တစ်ရက်ကို အိတ် (၅၀၀/ ၆၀၀) ခန့်အဝယ်ရှိပါသည်။ ယခုနှစ်တွင် ပဲတီစိမ်းဈေးနှုန်းမှာ တစ်တင်းကို ၁၆၅၀၀ကျပ်ခန့်ဈေးပိုရခဲ့ပါသည်။ ယခုနှစ် ဒီဇင်ဘာလ စတုတ္ထပတ်တွင် ပဲတီစိမ်းတစ်တင်းကို ၆၂၀၀၀ကျပ်ဖြင့် မန္တလေး၊ ရန်ကုန်အဝယ်တစ်ရက်ကို အိတ် (၅၀၀/၆၀၀) ခန့်ရှိခဲ့ပါသည်။ ယခင်နှစ် ယခုကဲ့သို့အချိန်တွင် ပဲတီစိမ်းတစ်တင်းကို ၄၆၀၀၀ကျပ်ဖြင့် အရောင်းအဝယ်ရှိခဲ့ပြီး ယခုနှစ်တွင် ပဲတီစိမ်းတစ်တင်းကို ၁၆၀၀၀ကျပ်ခန့် ဈေးပိုရခဲ့ပါသည်။

ကုလားပဲ

      ယခုနှစ် ဒီဇင်ဘာလ တတိယပတ်တွင် ကုလားပဲဟော်လန်တစ်တင်းကို (၉၃၀၀၀-၉၃၅၀၀) ကျပ် ဖြင့်တစ်ရက်ကို  မြို့တွင်းအဝယ် အိတ် (၃၀၀/၄၀၀) ခန့်ရှိခဲ့ပါသည်။ ယခင်နှစ် ဒီဇင်ဘာလ တတိယပတ်တွင် ကုလားပဲဟော်လန်တစ်တင်းကို ၆၂၀၀၀ကျပ်ခန့်ရှိပြီး၊ ယခုနှစ်တွင် ကုလားပဲတစ်တင်းကို (၃၁၅၀၀-၃၂၀၀၀) ကျပ်ခန့်ဈေးပိုရခဲ့ပါသည်။ ယခုနှစ် ဒီဇင်ဘာလ စတုတ္ထပတ်တွင် ကုလားပဲဟော်လန်တစ်တင်းကို ၉၄၀၀၀ကျပ်ဖြင့် မြို့တွင်းခွဲစက်သမားများ တစ်ရက်ကို အိတ် (၄၀၀/၅၀၀) ခန့်ရှိခဲ့ပါသည်။ ယခုနှစ် ဒီဇင်ဘာလ စတုတ္ထပတ်တွင် ကုလားပဲဟော်လန်တစ်တင်းကို ၆၄၀၀၀ကျပ်ဖြင့်အရောင်းအဝယ်ဖြစ်နေပြီး ယခုနှစ်ကုလားပဲဟော်လန်ဈေးမှာ တစ်တင်းကို ၃၀၀၀၀ကျပ်ခန့်ဈေးပိုရခဲ့ပါသည်။

ပဲကြီး

        ယခုနှစ် ဒီဇင်ဘာလ တတိယပတ်တွင် ပဲကြီး(ကုန်းပဲ)တစ်တင်းကို ၁၃၀၀၀၀ကျပ်ဖြင့် မြို့တွင်းပဲကြော်သမားများ တစ်ရက်ကို အိတ် (၂၅၀/၃၀၀) ခန့်အဝယ်ရှိခဲ့ပါသည်။ ယခင်နှစ် ဒီဇင်ဘာလ တတိယပတ်တွင်  ပဲကြီး (ကုန်းပဲ)တစ်တင်းကို ၇၀၀၀၀ကျပ်ခန့်ရှိပြီး ယခုနှစ်ပဲတစ်တင်းကို ၆၀၀၀၀ကျပ်ခန့်ဈေးပိုရခဲ့ပါသည်။ ယခုနှစ် ဒီဇင်ဘာလ စတုတ္ထပတ်တွင် ပဲကြီး (ကုန်းပဲ)တစ်တင်းကို ၁၂၈၀၀၀ကျပ်ဖြင့် မြို့တွင်းပဲကြော်သမားများ တစ်ရက်ကို အိတ် (၄၀၀/၅၀၀)ခန့်ရှိခဲ့ပါသည်။ ယခင်နှစ် ဒီဇင်ဘာလ စတုတ္ထပတ်တွင် ပဲကြီး(ကုန်းပဲ)တစ်တင်းကို ၇၀၀၀၀ကျပ်ဖြစ်ခဲ့ပြီး ယခုနှစ်၌ ပဲကြီး (ကုန်းပဲ)တစ်တင်းကို ၅၈၀၀၀ကျပ်ခန့်ဈေးပိုရခဲ့ပါသည်။

စားတော်ပဲ

    ယခုနှစ် ဒီဇင်ဘာလ တတိယပတ်တွင် စားတော်ပဲ(ကျွန်း)တစ်တင်းကို ၁၂၀၀၀၀ကျပ်ဖြင့် မြို့တွင်းအဝယ်တစ်ရက်ကို အိတ် ၁၀၀ခန့်ရှိပါသည်။ ယခင်နှစ် ဒီဇင်ဘာလ တတိယပတ်တွင် စားတော်ပဲ (ကျွန်း) တစ်တင်းကို ၁၁၂၀၀၀ကျပ်ဖြင့် အရောင်းအဝယ်ရှိခဲ့ပါသည်။ မြို့တွင်းအဝယ်တစ်ရက်ကို အိတ် ၁၀၀ခန့်ရှိပါသည်။ ယခုနှစ် ဒီဇင်ဘာလ တတိယပတ်၌ ပဲတစ်တင်းကို ၈၀၀၀ကျပ်ခန့်ဈေးပိုရခဲ့ပါသည်။ ယခုနှစ် ဒီဇင်ဘာလ စတုတ္ထပတ်တွင် စားတော်ပဲ(ကျွန်း)တစ်တင်းကို ၁၁၂၀၀၀ကျပ်ရှိပြီး ယခုနှစ် ဒီဇင်ဘာလ စတုတ္ထပတ်တွင် စားတော်ပဲ(ကျွန်း)တစ်တင်းကို ၁၂၀၀၀၀ကျပ်ဖြင့် မြို့တွင်းအဝယ်တစ်ရက်ကို အိတ် (၅၀/၆၀) ခန့်ရှိခဲ့ပါသည်။ ပဲတစ်တင်းကို ၈၀၀၀ကျပ်ခန့်ဈေးပိုရခဲ့ပါသည်။

ဘိုကိတ်

      ယခုနှစ် ဒီဇင်ဘာလ တတိယပတ်တွင် ဘိုကိတ်ပဲတစ်တင်းကို ၇၆၀၀၀ကျပ်ဖြင့် မြို့တွင်းနှင့်ရန်ကုန်အဝယ်တစ်ရက်ကို အိတ် (၅၀/၁၀၀) ခန့်ရှိပါသည်။ ယခင်နှစ် ဒီဇင်ဘာလ တတိယပတ်တွင် ဘိုကိတ်ပဲတစ်တင်းကို ၃၉၀၀၀ကျပ်ဖြင့် အရောင်းအဝယ်ဖြစ်ခဲ့ပါသည်။ ယခုနှစ်တွင် ပဲတစ်တင်းကို ၃၇၀၀၀ကျပ်ခန့်ဈေးပိုရခဲ့ပါသည်။ ယခုနှစ် ဒီဇင်ဘာလ စတုတ္ထပတ်တွင် ဘိုကိတ်ပဲတစ်တင်းကို ၇၂၀၀၀ကျပ်ဖြင့်  မြို့တွင်းနှင့်ရန်ကုန်အဝယ်တစ်ရက်ကို အိတ် (၅၀/၁၀၀) ခန့်ရှိခဲ့ပါသည်။ ယခင်နှစ် ဒီဇင်ဘာလ စတုတ္ထပတ်တွင် ဘိုကိတ်ပဲတစ်တင်းကို ၄၀၀၀၀ကျပ်ဖြင့် အရောင်းအဝယ်ဖြစ်ခဲ့သောကြောင့် ပဲတစ်တင်းကို ၃၂၀၀၀ကျပ်ခန့်ဈေးပိုရခဲ့ပါသည်။

      ပြည်ကုန်စည်ဒိုင်၏ ယခင်နှစ် ဒီဇင်ဘာလ တတိယပတ်နှင့် စတုတ္ထပတ်ဈေးနှုန်းနှင့် ယခုနှစ် ကာလတူအချိန် ပဲဈေးများကိုနှိုင်းယှဉ်ကြည့်လျှင် ယခုနှစ်ပဲဈေးနှုန်းများမှာ ပိုမိုကောင်းမွန်ပြီး အရောင်းအဝယ်လည်းပိုကောင်းကြောင်းသိရှိရပါသည်။

DOCA(ပဲခူး)

    ပြည်ခရိုင်အတွင်း ကြံသီးနှံကို မြို့နယ်အားလုံး၌စိုက်ပျိုးကြပြီး ပြည်မြို့နယ်နှင့် ပေါက်ခေါင်းမြို့နယ်တို့တွင် အများဆုံစိုက်ပျိုးလျက်ရှိရာ ယခင်နှစ်တွင် ကြံသီးနှံ(ခင်းသစ်) ၂၀၄၉၈ဧက၊ (လမိုင်း) ၇၃၄၀ဧက၊ စုစုပေါင်း (၂၇၈၃၈)ဧကစိုက်ပျိုးခဲ့ပြီး ပျမ်းမျှအထွက်နှုန်း (၂၃) တန်ထွက်ရှိခဲ့ပါသည်။ ယခုနှစ်တွင်မူ (ခင်းသစ်) ၂၀၉၀၅ဧက၊ (လမိုင်း) ၇၄၃၀ဧက၊ စုစုပေါင်း (၂၈၃၃၅) ဧကစိုက်ပျိုးခဲ့ရာ ပျမ်းမျှအထွက်နှုန်း (၂၉.၉၅)တန်ရှိကြောင်းသိရှိရပါသည်။

      ပြည်ခရိုင်တွင် ပြည်မြို့နယ်၊ နဝဒေးသကြားစက်နှင့် ပေါက်ခေါင်းမြို့နယ်၊ အင်ငါးခွသကြားဟူ၍ စက်(၂)စက်ရှိပါသည်။ ယခင်နှစ်တွင် သကြားစက်လုပ်ငန်းရှင်များအနေဖြင့် ကြံတစ်တန်လျှင် စက်အရောက်ဈေး ၇၅၀၀၀ကျပ်ဈေးပေး၍ ဝယ်ယူလျက်ရှိခဲ့ပါသည်။ ယခုနှစ်တွင်မူ စက်ရုံအရောက်ဈေးမှာ ကြံတစ်တန်လျှင် ၁၂၅၀၀၀ကျပ်ဖြင့် ဈေးကောင်းပေး၍ ဝယ်ယူလျက်ရှိပါသည်။ နဝဒေးသကြားစက်အနေဖြင့် ယခုနှစ်တွင် ကြံကြိတ်ဝါးရန် ကြံတန်ချိန် ၂၀၀၀၀၀တန်ခန့်ကြိတ်ခွဲရန်လျာထားပြီး သကြားတန်ချိန် ၁၄၀၀၀တန်ခန့်၊ အင်ငါးခွသကြားစက်အနေဖြင့် ၁၃၅၀၀၀တန်ခန့် ကြိတ်ခွဲရန်လျာထားပြီး သကြားတန်ချိန် ၁၀၈၀၀တန်ခန့်ထုတ်လုပ်နိုင်မည်ဟု ခန့်မှန်းထားကြောင်းသိရှိရပါသည်။

     ပြည်ခရိုင်အတွင်းရှိ ကြံစိုက်တောင်သူများအနေဖြင့် ခုတ်သိမ်းပြီးသောသကြားများကို သကြားစက်သို့ တိုက်ရိုက်တင်ပို့ရောင်းချလျက်ရှိရာ သကြားစက်များအနေဖြင့် ယခင်နှစ်ထက် ဈေးမြှင့်ဝယ်ယူလျက်ရှိသောကြောင့် တောင်သူများအကျိုးအမြတ်ပိုမိုရရှိလျက်ရှိကြောင်းသိရှိရပါသည်။

DOCA(ပဲခူး)

   မိုးစပါးအသစ်ဈေးအနေဖြင့် ကရင်မစပါးဈေးနှုန်းမှာ ၂၀၂၃ခုနှစ်၊ ဒီဇင်ဘာလ ဒုတိယပတ်တွင် ၄၆ပေါင်ပါ တင်း၁၀၀လျှင် ၁၇၀၀၀၀၀ကျပ်သာရှိခဲ့ပြီး ယခုဒီဇင်ဘာလ နောက်ဆုံးပတ်တွင် ၄၆ပေါင်ပါ တင်း၁၀၀လျှင် ၁၈၅၀၀၀၀ကျပ်၊ ကရင်မဆန်ဈေးနှုန်းမှာမူ ၆၀၀၀၀ကျပ်မှ (၆၈၀၀၀-၇၀၀၀၀) ကျပ်ထိဈေးနှုန်းမြင့်တက်ခဲ့ပြီး မှော်ဘီစပါးဈေးမှာ စပါးကောင်းသည့်အတွက် ဈေးကောင်းရနေပါသည်။ ယခင်တွင် မှော်ဘီစပါးဈေးနှုန်းမှာ ၁၉၀၀၀၀၀ကျပ်၊ ယခုဒီဇင်ဘာလ နောက်ဆုံးပတ်တွင် ၁၉၃၀၀၀၀ကျပ်နှင့် မှော်ဘီဆန်တစ်အိတ်လျှင် ၆၉၀၀၀ကျပ်မှာ ဆန်အသစ်ဈေးနှုန်းဖြစ်ပါသည်။

    ဧည့်မထအုပ်စုစပါးဈေးနှုန်းများမှာ အရောင်းအဝယ်မရှိတော့ဘဲ ယခုအခါတွင် စပါးကြီး (ခေါ်)  သက်ရင့်စပါးများဖြစ်သည့် မှော်ဘီ၊ ကရင်မစပါးများသာ အရောင်းအဝယ်ရှိနေပါသည်။ ဈေးကွက်အတွင်း၌ ဆန်အသစ်များသာအရောင်းအဝယ်ရှိနေပြီး  ဆန်သစ်ဆင်းသွယ်တစ်အိတ်လျှင် ၆၈၀၀၀ကျပ်၊ ရတနာတိုးတစ်အိတ်လျှင် ၆၇၀၀၀ကျပ်၊ မနောသုခတစ်အိတ်လျှင် ၆၈၀၀၀ကျပ်၊ ရိုးနီရှယ်တစ်အိတ်လျှင် ၉၀၀၀၀ကျပ်ဖြင့် ပြည်ဈေးကွက်အတွင်း အရောင်းအဝယ်ရှိနေပြီး ဆန်ကွဲကြီး Extra တစ်အိတ်လျှင် ၅၀၀၀၀ကျပ်၊ ဆန်ကွဲ 2.3.4 တစ်အိတ်လျှင် ၄၈၀၀၀ကျပ်၊ ဆန်ကွဲတစ်အိတ်လျှင် ၄၉၀၀၀ကျပ်နှင့် ဖွဲနုတစ်ပေါင်လျှင် ၂၆၀ကျပ်တို့ဖြင့် အရောင်းအဝယ်ရှိနေပါသည်။

    ပေါ်ဆန်းဆန်ဈေးနှုန်းမှာ ပုသိမ်ပေါ်ဆန်းဆန်အသစ်တစ်အိတ်လျှင် ၁၂၀၀၀၀ကျပ်ဖြင့်အရောင်းအဝယ်ရှိနေပြီး ဈေးကွက်အတွင်းရောင်းချနေသော ပေါ်ဆန်းဆန်များမှာ ပြည်ခရိုင်အတွင်း အနည်းငယ်သာစိုက်ပျိုးကြသည့် ပေါ်ဆန်းဆန်များပင်ဖြစ်ပါသည်။

   ပြည်မှရန်ကုန်သို့ ဆန်တင်ပို့ရောင်းချမှုမှာ ရက်သတ္တပတ်(၇)ရက်အတွင်း အိတ်၁၄၀၀ခန့်တင်ပို့ရောင်းချမှုရှိပြီး တောင်သူများနေဖြင့် ယခု (၂၀၂၃-၂၀၂၄) ခုနှစ်တွင် တစ်ဧကလျှင် ၇၅၀၀၀၀ကျပ်သာကုန်ကျသည့်အတွက် စပါးဈေးနှုန်းကြီးမြင့်ခြင်းကြောင့် အကျိုးအမြတ်များပိုမိုရရှိကြောင်းသိရပါသည်။

DOCA(ပဲခူး)