ပြည်တွင်းကုန်သွယ်မှုသတင်း

   ၁၅.၁၂.၂၀၂၃ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

   အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်(စမုံ)(၄၅)ပိဿာဝင်(၁)အိတ်လျှင် ယခင်အပတ် (၂၉-၁၁-၂၀၂၃)ရက်နေ့တွင် ကျပ်(၂၈၀၀၀၀-၃၂၀၀၀၀)ဖြစ်ခဲ့ပြီး ယခုအပတ်(၅-၁၂-၂၀၂၃)ရက်နေ့တွင် ကျပ် (၂၈၀၀၀၀-၃၃၀၀၀၀)ဖြစ်၍ ကျပ်(၁၀၀၀၀)ဈေးနှုန်းမြင့်တက်ခဲ့ပါသည်။ နှမ်းဖြူမှာ ယခင်အပတ်တွင် ကျပ် (၂၉၀၀၀၀-၃၀၀၀၀၀)ဖြစ်ခဲ့ပြီး ယခုအပတ်တွင်လည်း ကျပ်(၂၉၀၀၀၀-၃၀၀၀၀၀)၊ နှမ်းပြာမှာ ယခင်အပတ်တွင်  ကျပ်(၂၈၀၀၀၀)ဖြစ်ခဲ့ပြီး ယခုအပတ်တွင်လည်း ကျပ်(၂၈၀၀၀၀)၊ နှမ်းနီမှာ ယခင်အပတ်တွင် ကျပ်(၂၈၀၀၀၀) ဖြစ်ခဲ့ပြီး ယခုအပတ်တွင်လည်း ကျပ်(၂၈၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် (၄၅)ပိဿာဝင်အိတ်များဖြင့် နှမ်းနက်(စမုံ)(၂၈၀၀)အိတ်၊ နှမ်းနီ(၁၉၀)အိတ်၊ နှမ်းဖြူ(၁၅၀)အိတ်၊ နှမ်းပြာ(၄၇၀)အိတ်တို့အရောင်းအဝယ်ရှိခဲ့ပါကြောင်း အောင်လံကုန်စည်ဒိုင်မှသိရှိရပါသည်။

    ပဲမျိုးစုံဈေးကွက်အနေဖြင့် မတ်ပဲ(၂၀)ပိဿာဝင်(၁)တင်းလျှင် ယခင်အပတ်တွင် ကျပ်(၈၆၀၀၀)ဖြစ်ခဲ့ပြီး ယခုအပတ်တွင် ကျပ်(၈၉၀၀၀)ဖြစ်၍ ကျပ်(၃၀၀၀)ဈေးနှုန်းမြင့်တက်ခဲ့ကြောင်း၊ ပဲတီစိမ်းမှာ ယခင်အပတ်တွင် ကျပ် (၅၂၅၀၀)ဖြစ်ခဲ့ပြီး ယခုအပတ်တွင် ကျပ်(၅၄၀၀၀)ဖြစ်၍ ကျပ်(၁၅၀၀)ဈေးနှုန်းမြင့်တက်ခဲ့ကြောင်း၊ ဘိုကိတ်ပြာမှာ ယခင်အပတ်တွင် ကျပ်(၅၄၀၀၀)ဖြစ်ခဲ့ပြီး ယခုအပတ်တွင် ကျပ်(၆၁၀၀၀)ဖြစ်၍ ကျပ်(၇၀၀၀) ဈေးနှုန်းမြင့်တက်ခဲ့ကြောင်း၊ ကုလားပဲ(H-L)မှာ ယခင်အပတ်တွင် ကျပ်(၉၀၀၀၀)ဖြစ်ခဲ့ပြီး ယခုအပတ်တွင် ကျပ်(၉၁၀၀၀)ဖြစ်၍ ကျပ်(၁၀၀၀) ဈေးနှုန်းမြင့်တက်ခဲ့ကြောင်း၊ ကုလားပဲ(မြကြေး)မှာ ယခင်အပတ်တွင် ကျပ်(၈၉၀၀၀)ဖြစ်ခဲ့ပြီး ယခုအပတ်တွင် ကျပ် (၉၀၀၀၀)ဖြစ်၍ ကျပ်(၁၀၀၀) စသည်ဖြင့် အသီးသီးဈေးနှုန်းမြင့်တက်ခဲ့ပြီး ယခု၂၀၂၃ခုနှစ်၊ ဒီဇင်ဘာလတွင် ပဲစဉ်းငုံနီစတင်ထွက်ပေါ်လျက်ရှိပြီး ယခုအပတ်အတွင်း ကျပ်(၁၀၀၀၀၀)ဈေးနှုန်းဖြင့် အရောင်းအဝယ်ဖြစ်လျက်ရှိပါသည်။ ပဲကြီးမှာ ယခင်အပတ်တွင် ကျပ်(၁၂၈၀၀၀-၁၃၂၀၀၀)ဖြစ်ခဲ့ပြီး ယခုအပတ်တွင် ကျပ်(၁၂၅၀၀၀-၁၃၀၀၀၀)ဖြစ်၍ ကျပ် (၂၀၀၀ -၃၀၀၀)ဈေးနှုန်းလျော့နည်းခဲ့ပြီး  အရောင်းအဝယ်ပမာဏအနေဖြင့်  (၃၀)ပိဿာဝင်အိတ်များဖြင့် မတ်ပဲ(၃၆၀)အိတ်၊ ဘိုကိတ်ပြာ(၂၂၀)အိတ်၊ ကုလားပဲ(H-L)(၁၀၀၀)အိတ်၊ ကုလားပဲ(မြကြေး)(၈၀၀)အိတ်၊ ပဲကြီး(၄၇၀)အိတ်၊ ပဲတီစိမ်း(၁၇၀၀)အိတ်၊ ပဲစင်းငုံနီ(၃၂၀)အိတ်တို့အရောင်းအဝယ်ဖြစ်ခဲ့ပါသည်။

   မြေပဲလုံးဆံဖြူ(၁)ပိဿာလျှင် ယခင်အပတ်တွင် ကျပ်(၅၆၀၀)ဖြစ်ခဲ့ပြီး ယခုအပတ်တွင် ကျပ် (၅၅၅၀)ဖြစ်၍ ကျပ်(၅၀)ဈေးနှုန်းလျော့နည်းခဲ့ကြောင်း၊ မြေပဲလုံးဆံနီ(၁)ပိဿာလျှင် ယခင်အပတ်တွင် ကျပ် (၅၆၅၀)ဖြစ်ခဲ့ပြီး ယခုအပတ်တွင် ကျပ် (၅၅၀၀)ဖြစ်၍ ကျပ်(၁၅၀) စသည်ဖြင့် အသီးသီးဈေးနှုန်းလျော့နည်းခဲ့ပါသည်။ မြေပဲတောင့်အစိုမှာ (၁)တင်းလျှင် ယခင်အပတ်တွင်  ကျပ်(၁၈၀၀၀-၂၀၀၀၀)ဖြစ်ခဲ့ပြီး ယခုအပတ်တွင်လည်း ကျပ်(၁၈၀၀၀-၂၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် (၃၀)ပိဿာဝင် အိတ်များဖြင့် မြေပဲလုံးဆံဖြူ(၉၅၀)အိတ်၊ မြေပဲလုံးဆံနီ(၂၀၀)အိတ်၊ မြေပဲတောင့်အစို တင်း(၄၅၀၀)ခန့်အရောင်းအဝယ်ရှိခဲ့ကြောင်း၊ အပတ်စဉ် ပုံမှန် ရန်ကုန်မြို့နှင့်မန္တလေးမြို့များသို့ တင်ပို့ရောင်းချလျက်ရှိကြောင်း၊ ဝါသီးနှံမှာ ယခင်အပတ်တွင် ကျပ်(၃၀၀၀-၃၀၅၀)ဖြစ်ခဲ့ပြီး ယခုအပတ်တွင် ကျပ်(၃၀၅၀-၃၁၀၀)ဖြစ်၍  ကျပ်(၅၀)ဈေးနှုန်းမြင့်တက်ခဲ့ပြီး ဝါပိဿာချိန်(၂၃၀၀၀)ပိဿာအရောင်းအဝယ်ရှိခဲ့ကြောင်း အောင်လံကုန်စည်ဒိုင်မှသိရှိရပါသည်။

DOCA(မကွေး)

    မကွေးတိုင်းဒေသကြီး၊ အစိုးရအဖွဲ့၏လမ်းညွှန်မှာကြားချက်ဖြင့် သရက်ခရိုင်စီမံအုပ်ချုပ်ရေးအဖွဲ့ဥက္ကဋ္ဌနှင့် ဆီကုန်သည်ကြီးများအသင်းတို့၏ စီမံပေးမှုအရ (၆-၁၂-၂၀၂၃)ရက်နေ့၊ နေ့လယ်(၁၄း၀၀)နာရီအချိန်မှစတင်၍ ကံမမြို့၊ အမှတ်(၁)၊ (၂)၊ (၃)၊ (၄)ရပ်ကွက်များရှိ အိမ်ထောင်စုများနှင့် ဇီးတောကျေးရွာ၊ ကညင်တိုင်းကျေးရွာတို့ရှိ အိမ်ထောင်စုများအား သက်သာသောဈေးနှုန်းဖြစ်သည့်  စားအုန်းဆီ(၁)ပိဿာလျှင် ကျပ်(၅၇၀၀)ဈေးနှုန်းဖြင့် စားအုန်းဆီများရောင်းချပေးခဲ့ပါသည်။  

   ထိုသို့ရောင်းချပေးနေမှုအား ကံမမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ အတွင်းရေးမှူးနှင့် အဖွဲ့ဝင်များဦးဆောင်၍ မြို့နယ်အထွေထွေအုပ်ချုပ်ရေး၊ မြို့နယ်ရဲတပ်ဖွဲ့၊ မြို့နယ်စည်ပင် သာယာရေးအဖွဲ့၊ မြို့နယ်မီးသတ်ဦးစီးဌာန၊ မြို့နယ်အဆင့်ဌာနဆိုင်ရာအရာရှိများနှင့် စားသုံးသူရေးရာဦးစီးဌာနမှဝန်ထမ်းများ ပူးပေါင်းဆောင်ရွက်ခဲ့ကြောင်းသိရှိရပါသည်။

DOCA(မကွေး)

  မကွေးတိုင်းဒေသကြီး၊ သရက်ခရိုင်၊ ကံမမြို့နယ်၊ တောင်ချောင်းဘက်ရှိကျေးရွာများမှာ မဒေးဆည်လှောင်တမံမှရရှိသော ဆည်ရေများဖြင့် နွေစပါး၊ မိုးစပါးသီးနှံများ၊ အခြားရာသီစုံသီးနှံများကိုစိုက်ပျိုးကြရာ ယခုအခါ မိုးစပါးစိုက်တောင်သူများအနေဖြင့် မိုးစပါးများကိုစိုက်ပျိုး၍ အောင်မြင်ဖြစ်ထွန်းလျက်ရှိကြောင်း၊ မနောသုခနှင့်မှော်ဘီ-၂ စပါးမျိုးများကို အဓိကထားစိုက်ပျိုးကြပြီး ရက်(၉၀)စပါးနှင့် ဆာဖိုးသာစပါးမျိုးများကိုမူ တိုးချဲ့စိုက်ပျိုးလျက်ရှိကြောင်းသိရှိရပါသည်။

     မိုးစပါးအဖြစ် ဆာဖိုးသာစပါးမျိုးကို (၃)ဧကစိုက်ပျိုးထားကြောင်း၊ စိုက်ပျိုးရာတွင် ပျိုးပင်စိုက်စနစ်ဖြင့်စိုက်ပျိုးကြောင်း၊ ပျိုးခင်းမြေပြုပြင်ခြင်း၊ မြေယာပြုပြင်ခြင်း၊ ပျိုးနုတ်ခြင်း၊ ကောက်စိုက်ခြင်း၊ စိုက်ခင်းပြုပြင်ခြင်းအနေဖြင့်  ကျပ်(၁၂၂၀၀၀)၊ မျိုးစပါး၊ ကွန်ပေါင်းမြေသြဇာ၊ ပိုးသတ်ဆေး၊ ပေါင်းသတ်ဆေး၊ အားဆေး စသည့်သွင်းအားစုကုန်ကျစရိတ်အနေဖြင့် ကျပ်(၁၆၅၀၀၀)နှင့် ရိတ်သိမ်းခ(စက်ဖြင့်) ကျပ်(၆၀၀၀၀)၊ စုစုပေါင်း(၁)ဧကလျှင် ကုန်ကျစရိတ် ကျပ်(၃၄၇၀၀၀)ခန့်ကုန်ကျကြောင်း၊ (၁)ဧကလျှင် (၈၂)တင်းထွက်ရှိပါကြောင်း၊ ၂၀၂၃ခုနှစ်၊ ယခုနိုဝင်ဘာလ(စတုတ္ထပတ်)တွင် တစ်တင်းလျှင် ကျပ် (၁၅၀၀၀)ဖြင့်‌ရောင်းချပြီး ကျပ်(၁၂၃၀၀၀၀)ခန့်ရရှိ၍ (၁)ဧကလျှင် အကျိုးအမြတ်အနေဖြင့် ကျပ် (၈၈၃၀၀၀)ခန့်ရရှိကြောင်း၊ ရိတ်သိမ်းပြီးသောစပါးများမှ တချို့ကို ဝမ်းစာအတွက် သိုလှောင်ထားရှိပြီး တချို့ကိုမူ ပြည်မြို့မှ ဝယ်လက်သမားများထံသို့ရောင်းချကြောင်း ကျောက်မဲကျေးရွာနေ ဆာဖိုးသာမိုးစပါးစိုက် တောင်သူဦးစန်းအောင်ထံမှသိရှိရပါသည်။

  (၂၀၂၃-၂၀၂၄) ဘဏ္ဍာနှစ်တွင် မကွေးတိုင်းဒေသကြီး၊ သရက်ခရိုင်၊ ကံမမြို့နယ်အတွင်းရှိကျေးရွာများ၌ မိုးစပါးများကို လျာထားဧက(၂၄၂၆၂)ဧကလျာထားပြီး (၂၄၂၆၂)ဧကစိုက်ပျိုးပြီးဖြစ်ကြောင်း၊ ၂၀၂၃ခုနှစ်၊ နိုဝင်ဘာလ(၃၀)ရက်နေ့ထိ ရိတ်သိမ်းပြီးဧက(၁၅၁၈၄)ဧက၊ အထွက်နှုန်း(၇၀.၁၁)တင်း၊ အထွက်တင်း(၁၀၆၄၄၈၀)တင်းဖြစ်ကြောင်း မြို့နယ်စိုက်ပျိုးရေးဦးစီးဌာနမှသိရှိရပါသည်။

DOCA(မကွေး)

   ၂၀၂၃ခုနှစ်၊ ဒီဇင်ဘာလ(ပထမပတ်)တွင် မင်းဘူးမြို့မဈေးအတွင်း၌ရောင်းချလျက်ရှိသော ရေထွက်ကုန်ပစ္စည်းဈေးနှုန်းများမှာ  ငါးကြင်းဖြူ(၁)ပိဿာလျှင် ကျပ်(၁၆၀၀၀-၁၇၀၀၀)၊ ငါးပုတ်သင်(၁)ပိဿာလျှင် ကျပ် (၁၆၀၀၀-၁၈၀၀၀)၊ ငါးသေတ္တာခြောက်(၁)ပိဿာလျှင် ကျပ်(၁၀၀၀၀-၁၃၀၀၀)၊ ငါးဖန့်ဝိုင်း(၁)ပိဿာလျှင် ကျပ်(၁၃၀၀၀-၁၅၀၀၀)၊ ငါးရံ့လုံး(၁)ပိဿာလျှင် ကျပ်(၃၅၀၀၀-၄၅၀၀၀)၊ ငါးရံ့ပြား(၁)ပိဿာလျှင် ကျပ်(၇၅၀၀၀-၈၅၀၀၀)၊ ငါးတံခွန်ခြောက်(၁)ပိဿာလျှင် ကျပ်(၁၆၀၀၀-၁၇၀၀၀)၊ အာဗြဲခြောက်(၁) ပိဿာလျှင် ကျပ်(၃၀၀၀၀-၃၅၀၀၀)၊ ငါးမဲလုံး(၁)ပိဿာလျှင် ကျပ်(၂၃၀၀၀-၃၅၀၀၀)၊ ငါးကွန်းရှပ်(၁) ပိဿာလျှင် ကျပ်(၃၅၀၀၀-၃၈၀၀၀)၊ ငါးခုံးမ(၁)ပိဿာလျှင် ကျပ်(၁၇၀၀၀)၊ ငါးနီတူခြောက်(၁)ပိဿာလျှင် ကျပ်(၁၆၀၀၀-၁၈၀၀၀)၊ ပုစွန်ပွ(၁)ပိဿာလျှင် ကျပ်(၁၁၀၀၀-၁၂၀၀၀)၊ ပုစွန်ခြောက်(၁)ပိဿာလျှင် ကျပ်(၆၅၀၀၀-၈၅၀၀၀)ဖြစ်ကြောင်း၊ ပုစွန်ခြောက်မှာ ဆားအပေါ့/ အငန်ပေါ်မူတည်၍ ဈေးနှုန်းကွာခြားကြောင်းသိရပါသည်။

     ပုစွန်ခြောက်များကို ရခိုင်ပြည်နယ်မှဝယ်ယူ၍ ငါးခြောက်များကိုမူ ရန်ကုန်၊ ဘုရင့်နောင်ပွဲရုံနှင့် ရခိုင်ပြည်နယ်တို့မှ ဝယ်ယူရောင်းချလျက်ရှိကြောင်း၊ မင်းဘူးမြို့မဈေးအတွင်းရှိ ငါးခြောက် နှင့်ပုစွန်ခြောက်များကို မြို့နယ်တွင်းကျေးရွာများနှင့် ပွင့်ဖြူ၊ စလင်း၊ ဆင်ဖြူကျွန်းမြို့နယ်များမှ လာရောက်ဝယ်ယူကြောင်း ကွင်းဆင်းမေးမြန်းမှုအရသိရှိရပါသည်။

DOCA(မကွေး)