ပြည်တွင်းကုန်သွယ်မှုသတင်း

   ၉.၁၀.၂၀၂၅ ရက်နေ့ ဘုရင့်နောင်ကုန်စည်ဒိုင်တွင် ဖြစ်ပေါ်ခဲ့သော ကြက်သွန်ဖြူ ကြူကုတ် (ရှယ်) တစ်ပိဿာ ဈေးနှုန်းများမှာ ကျပ် ၁၁၀၀၀ ၊ အောင်ပန်းထူး-၂ ကျပ် ၄၀၀၀ ၊  အောင်ပန်းထူး-၃ ကျပ် ၅၀၀၀၊ အောင်ပန်းထူး-၄ ကျပ် ၆၀၀၀၊ အောင်ပန်းထူး-၅ ကျပ် ၇၀၀၀၊ ကြက်သွန်နီ ဈေးနှုန်း များမှာ ဆိပ်ဖြူ(သစ်) ရှယ် ကျပ် ၁၈၅၀ ၊ ဆိပ်ဖြူ(သစ်)လတ်ကြီး ကျပ်  ၁၅၀၀၊  ဆိပ်ဖြူ(သစ်) လတ်သန့် ကျပ် ၁၀၀၀၊ ဆိပ်ဖြူ(သစ်) လတ်ချော ကျပ် ၆၅၀၊ မြင်းခြံ (သစ်) ရှယ် ကျပ် ၁၆၀၀၊ မြင်းခြံ(သစ်) လတ်ကြီး ကျပ် ၁၂၅၀၊ မြင်းခြံ(သစ်) လတ်သန့် ကျပ် ၈၅၀၊ မြင်းခြံ(သစ်) လတ်ချော ကျပ် ၆၅၀၊ မုံရွာ(သစ်) ရှယ် ကျပ် ၁၉၀၀၊  မုံရွာ(သစ်) လတ်ကြီး ကျပ် ၁၅၅၀၊ မုံရွာ(သစ်) လတ်သန့် ကျပ် ၁၁၀၀၊ မုံရွာ(သစ်) လတ်ချော ကျပ် ၇၀၀ ၊ တရုတ်အာလူး ကျပ် ၆၅၀၀/၆၇၀၀ ရှိကြောင်း သိရှိရပါသည်။ ယခုတစ်ပတ်တွင် ကြက်သွန်ဖြူ ဈေးနှုန်းများမှာ ကြူကုတ် (ရှယ်) တစ်ပိဿာလျှင် ကျပ် ၁၀၀၀ ဈေးတက်ပြီး၊ အောင်ပန်း ကြက်သွန်ဖြူမှာ တစ်ပိဿာလျှင် ကျပ် ၁၅၀၀ ဈေးတက်ပါ ကြောင်း၊ ကြက်သွန်နီဈေးနှုန်းမှာ  တစ်ပိဿာလျှင် ကျပ် ၁၀၀ မှ ကျပ် ၁၅၀  ဈေးတက်ပြီး  တရုတ် အာလူး ဈေးနှုန်းများမှာ တစ်ပိဿာလျှင် ကျပ် ၂၀၀ ဈေးနှုန်းတက်ပါကြောင်း သိရှိရပါသည်။

DOCA(ရန်ကုန်)

        ကျောက်ဆည်ခရိုင်အတွင်းရှိ အေးမြကြည်လင်ဈေးနှင့် မြို့မဈေးများသို့ စက်တင်ဘာလ တွင်  ခရိုင်အတွင်းမှထွက်ရှိသော တောင်ပို့မှိုများ ဝင်ရောက်မှုများပြားပြီး၊ အရောင်းသွက်လျက် ရှိကြောင်း၊ ဈေးကွက်ထဲတွင် မိုးရာသီချိန်တွင်ရရှိသည့် ပြင်ဦးလွင်ဒေသထွက်တောင်ပို့မှိုများ၊ ငွေနှင်းမှို၊ ကောက်ရိုးမှို၊ အပ်မှို၊ မှိုကြက်တောင်၊ ဝါးမှိုများ၊ ငှက်ပျောမှို၊ မှိုအုံးနက်များ တွေ့ရှိရ ကြောင်း၊   စျေးကွက်အတွင်း   သဘာဝအတိုင်းထွက်သည့်မှိုနှင့် စိုက်ပျိုးသည့်မှိုနှစ်မျိုးတို့ တွေ့ရှိရ ကြောင်း၊ တောင်ပို့မှို လက်ကားတစ်ပိဿာလျှင်   (၃၀၀၀၀/-) ကျပ်၊ လက်လီတစ်ပိဿာလျှင် (၃၅၀၀၀/-) ကျပ် ဖြင့် ရောင်းဝယ်လျက်ရှိကြောင်း၊ တောင်ပို့မှို မျိုးစိတ်များသည် အမျှင်များခြင်း၊ ကယ်လိုရီနည်းခြင်း၊ ဆိုဒီယမ် ပါဝင်မှုနည်းခြင်း၊ ဂလူးကိုစ်အချိုဓာတ်  ပါဝင်မှုနည်းခြင်း၊ မင်နရယ်နှင် ဗိုက်တာမင်များခြင်း၊ အာဟာရအတွက်သာမက ဆေးဖက်ဝင်သည့် တောင်ပို့မှို စားသုံးခြင်းဖြင့် ကင်ဆာဖြစ်စေမှု လျော့ကျခြင်း၊ အအေးမိခြင်း၊ ဖျားနာခြင်းမှ လွတ်ကင်းခြင်း၊ အစာအိမ်နှင့် အူလမ်းကြောင်း ကောင်းစေခြင်း၊ သွေးတွင်းကိုလက်စ ထရော အဆင့်ညီမျှအောင် ဆောင်ရွက်ပေးခြင်း၊ ကိုယ်ခံအားကောင်းစေခြင်း၊ ကိုယ်အလေးချိန်ကျစေခြင်း၊ နာတာရှည် ရောဂါများဖြစ်နိုင်ချေမှ ကာကွယ်ပေးခြင်း၊ ကယ်လိုရီနည်းပြီး အမျှင်များသော အစားအစာဖြစ်သည့် အတွက် မှိုများကို ဆေးဖက်ဝင်ဖြည့်စွက်စာ အဖြစ် သုံးလာကြကြောင်း သတင်းရရှိပါသည်။       

DOCA(မန္တလေး)

   ၂၀၂၅ ခုနှစ်၊ အောက်တိုဘာလ (၉) ရက်နေ့တွင် ဘုရင့်နောင်ကုန်စည်ဒိုင်သို့ ကြက်သွန်နီ ဝင်ရောက်ရာဒေသများဖြစ်သည့် ဆိပ်ဖြူ၊ မြင်းခြံ၊ မုံရွာဒေသတို့မှ ကြက်သွန်နီ (၄၈၀၀၀၀) ပိဿာ ဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီး  ထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန်မှာ (၁၉၂၀၀၀) ကျန်ရှိကြောင်း ကုန်စည်ဒိုင်သတင်းအရသိရှိရ သည်။ ဆိပ်ဖြူ ကြက်သွန်နီ(အသစ်) အချော တစ်ပိဿာ ကျပ် ၆၅၀၊ အသန့်မှာတစ်ပိဿာ ကျပ် ၁၀၀၀၊ အကြီးမှာ ကျပ် ၁၅၀၀၊ ရှယ်မှာ ကျပ် ၁၈၅၀၊ မြင်းခြံ ကြက်သွန်နီ (အသစ်) အချော တစ်ပိဿာ ကျပ် ၆၅၀၊ အသန့်မှာ တစ်ပိဿာ ကျပ် ၈၅၀ ၊ အကြီးမှာ ကျပ် ၁၂၅၀၊ ရှယ်မှာ ကျပ် ၁၆၀၀၊ မုံရွာ ကြက်သွန်နီ (အသစ်)  အချော တစ်ပိဿာ ကျပ် ၇၀၀၊ အသန့်မှာ တစ်ပိဿာ ကျပ် ၁၁၀၀ ၊ အကြီးမှာ ကျပ် ၁၅၅၀၊ ရှယ်မှာ ကျပ် ၁၉၀၀ ဈေးတို့အသီးသီးရှိကြောင်း စုံစမ်းသိရှိရပါသည်။

          ၉.၁၀.၂၀၂၅ ရက်နေ့တွင် ကြက်သွန်နီဈေးနှုန်းများမှာ ယခင်အပတ်ထက် ဈေးအနည်းငယ် တက်လျက်ရှိကြောင်း သိရှိရပါသည်။

  DOCA (ရန်ကုန်)

       ကျောက်ဆည်ခရိုင်အတွင်းရှိ အေးမြကြည်လင်ဈေးနှင့် မြို့မဈေးများသို့ ထောပတ်သီးများ လှိုင်လှိုင်ဝင်ရောက်လျက်ရှိပြီး ရှမ်းပြည်၊အောင်ပန်း၊ပင်းတယနှင့် ရွာငံရေဦး မြို့များမှထွက်ရှိသည့် ဒေသမျိုးထောပတ်သီးများ အများဆုံးဝင် ရောက်လျက်ရှိပါသည် ။ မြန်မာနိုင်ငံ သစ်သီးဝလံနှင့် ပန်းမာန်မှာဆိုလျှင် ထောပတ်သီး အမျိုးအစားသည်လည်း နေရာတစ်ခုရလာကာ လူအများ စားသုံးကြသည်ကိုတွေ့ရှိရကြောင်း၊မိရိုးဖလာမျိုးဖြစ်သည့်မြောက်ကျွန်းသူထောပတ်မျိုးလည်းရှိသလို၊ နိုင်ငံခြားမျိုးဖြစ်သည့် Pinkerton၊ Hass တို့သည် နာမည်ကြီး လူကြိုက်များပြီး အခြား နိုင်ငံခြားမျိုးများစွာလည်းရှိပြီး စျေးကွက်အတွင်း မိရိုးဖလာဖြစ်သည့် မြောက်ကျွန်းသူ ထောပတ် မျိုးများ အများဆုံးဝင်ရောက်လျက်ရှိကြောင်း ၊ ထောပတ်သီးတွင် ပိုတက်ဆီယမ်၊ ဗီတာမင် C ၊ ဗီတာမင် E ၊ အမျှင်ဓာတ် နှင့် သကြားဓာတ် အာဟာများစွာပါဝင်ကြောင်း၊ ထောပတ်သီးကို စားသုံးခြင်းဖြင့် ရောင်ရမ်းမှုကိုသက်သာစေခြင်း၊ သွေးတွင်း ကိုလက်စထရောကျဆင်းစေခြင်း၊ သွေးတွင်းသကြား ဓါတ်ကိုထိန်းညှိပေးခြင်း ၊ သွေးပေါင်ချိန်ကို ထိန်းညှိပေးခြင်း ၊ အမြင်အာရုံ ကောင်းမွန်စေခြင်း ၊ ကိုယ်ခံအားစနစ် ကောင်းမွန်စေခြင်း နှင့် အစာကြေစေခြင်းစသည့် အကျိုးကျေးဇူးများစွာရှိကြောင်း ၊ ထောပတ်သီး အကြီးတစ်လုံးလျှင် (၁၅၀၀/-) ကျပ် ၊ အလတ် တစ်လုံးလျှင် (၁၀၀၀/-) ကျပ်၊ အသေးတစ်လုံးလျှင် (၇၀၀/-) ကျပ်ဖြင့် ရောင်းဝယ်လျက်ရှိကြောင်း သိရှိရပါသည်။

DOCA(မန္တလေး)

          တစ်နှစ်တွင် တစ်ခါသာ ပေါ်လေ့ရှိသည့် ရာသီစာမှိုဉနက်သည် မိုးရာသီကုန်ပြီး ဆောင်းရာသီ စတင်ဝင်သည့်အချိန်တွင် မှိုများပေါက်ရောက်ကြောင်း၊ အချို့သောသူများမှာ မှိုပေါက်သည့် အချိန် ကို မိမိတို့အမှတ်အသားများဖြင့် မှတ်သားထားကြောင်း၊ သစ်ပင်၏ အပင်ခြေရင်းများရှိ သစ်ရွက် ခြောက်/သစ်ရွက်ဆွေးများတွင်လည်းကောင်း၊ မြေလွတ်/မြေရိုင်းများတွင်လည်းကောင်း၊ မိမိတို့ နေ ထိုင်သည့် ခြံဝင်းများဘေးပတ်လည်ရှိ ခြံစည်းရိုးများတွင်လည်းကောင်း သဘာဝအလျောက် နေရာ အနှံအပြား ပေါက်ရောက်လျက်ရှိပါသည်။

          ယခုနှစ်သည် မိုးများစွာ ရွာသွန်းသော်လည်း မှိုများမှာ ပုံမှန်ထွက်ရှိပြီး မှိုများ အများအပြားပေါက်ကြောင်း ၊ ရာသီစာ မှိုဉနက်ရှာဖွေရာတွင် နှစ်ယောက်ခြင်း (သို့မဟုတ်) အဖွဲ့ လိုက်ရှာ‌ဖွေကြကြောင်း၊ ရရှိလာသည့် မှိုများကို မြေကြီးများပြောင်အောင် ဓားဖြင့်ခြစ်ပြီး သန့်ရှင်းအောင်ပြုလုပ်၍ ရောင်းပန်းလှအောင် ရောင်းချရကြောင်း၊  မှိုဉနက်များကို အိမ်တွင် စားသုံးခြင်း၊ မိတ်ဆွေများကို လက်ဆောင်ပေးခြင်းများ ပြုလုပ်ကြကြောင်း၊ ၂၀၂၅ခုနှစ်၊ အောက်တိုဘာလ (ပထမ)ပတ်တွင် ဖြစ်ပေါ်နေသော မှိုဉနက်ဈေးနှုန်းများမှာ အရွယ်အစားအပေါ်မူတည်၍ မှိုအဖူးအငုံ(၁)ပိဿာလျှင် (၃၀၀၀ဝိ/-) ကျပ်နှင့် မှိုအပွင့်(၁)ပိဿာလျှင် (၂၅၀၀ဝိ/-) ကျပ်ဖြင့် အရောင်းအဝယ်ဖြစ်လျက်ရှိကြောင်း၊ သဘာဝအလျောက်ထွက်ရှိသည့် ရာသီစာ မှိုဉနက်များကိုရှာဖွေရောင်းချခြင်းဖြင့် မိသားစု အပိုဝင်ငွေရရှိကြောင်း သိရှိရပါသည်။

DOCA(စစ်ကိုင်း)