ပြည်တွင်းကုန်သွယ်မှုသတင်း

       ရှမ်းပြည်နယ်၊ တောင်ကြီးမြို့တွင် ဒေသထွက်ရှမ်းအစားအစာများဖြစ်သည့် ကောက်ညှင်းဆန်နှင့်ပြုလုပ်ထားသည့် ခေါပုတ်နှင့် ကောက်ညှင်းကျည်ထောက် (ခ) ပေါင်းတင်းဝါး (ခ) ခဲတံချောင်းများကို စားသုံးသူများ ကြိုက်နှစ်သက်စွာဝယ်ယူစားသုံး/ သုံးစွဲလျက်ရှိကြောင်း၊ ယခင်က ဆောင်းတွင်းကာလမှာသာ ရောင်းချမှုရှိပြီး ယခုအချိန်တွင် စားသုံးမှု/ သုံးစွဲမှုများလာသည့်အတွက် ရာသီမရွေး ရောင်းချလျက်ရှိကြောင်းသိရှိရပါသည်။ တောင်ကြီးမြိုသို့ လာရောက်လည်ပတ်ကြသည့် ခရီးသွားပြည်သူများမှာလည်း အိမ်ပြန်လက်ဆောင်အဖြစ် ဝယ်ယူကြကြောင်းသိရှိရပါသည်။

          ရာသီဥတုအေးမြသည့် ဆောင်းတွင်းကာလ၌ ခေါပုတ်၊ ကောက်ညှင်းကျည်တောက်များကို မီးဖိုပေါ်တွင် ကင်၍တစ်မျိုး၊ ကြော်၍တစ်မျိုး၊ ထန်းလျက်၊ ငါးခြောက်ဖုတ်၊ အကြော်စုံများဖြင့် စားသုံးကြကြောင်းသိရှိရပါသည်။

          ငှက်ပျောဖတ်နှင့်ထုပ်ပြီးသား ခေါပုတ်တစ်ထုပ်လျှင် (၃၀၀ဝိ)ကျပ်မှ (၅၀၀ဝိ)ကျပ်ဈေးအထိရှိကြောင်း၊ ကောက်ညှင်းကျည်တောက်များမှာ ကောက်ညှင်းရိုးရိုးဖြင့်ပြုလုပ်ထားပါက တစ်ပေချောင်းတစ်ချောင်းလျှင် (၁၅၀ဝိ)ကျပ်မှ (၂၅၀ဝိ)ကျပ်ဖြင့်လည်းကောင်း၊ ကောက်ညှင်းရိုးရိုးမဟုတ်ဘဲ မြေပဲနှင့်အုန်းသီးရောပါလျှင်(၂၀၀ဝိ)ကျပ်မှ (၆၀၀ဝိ)ကျပ်အထိလည်းကောင်း၊ အချိန်ဖြင့်ရောင်းချပါက နှစ်ဆယ့်ငါးကျပ်သားကို (၃၅၀ဝိ)ကျပ်ဖြစ်ကြောင်း၊ အရွယ်အစားအလိုက် အကြီး၊ အသေးပေါ်မူတည်၍ ရောင်းချလျက်ရှိကြောင်းသိရှိရပါသည်။

          မင်္ဂလာဦးရပ်ကွက်မှာရှိသည့် အုန်းနို့ကောက်ညှင်းကျည်တောက်ဆိုင်လေးမှာမူ ရိုးရိုးကောက်ညှင်းကျည်တောက်၊ ပဲနှင့်အုန်းသီးရောထည့်ထားသည့် ကောက်ညှင်းကျည်တောက်၊ အုန်းနို့ ကောက်ညှင်းကျည်တောက်များရရှိပြီး ဆောင်းတွင်းတစ်ရာသီသာ ရောင်းချကြောင်းသိရပါသည်။

         ကောက်ညှင်းဖြင့်ပြုလုပ်ထားသော ရာသီအစားအစာတစ်ခုဖြစ်သည့်  ကောက်ညှင်းကျည်တောက် (ခ) ပေါင်းတင်းဝါး (ခ) ခဲတံချောင်းမုန့်ကို တစ်မြို့နှင့်တစ်မြို့၊ ဒေသတစ်ခုနှင့်တစ်ခု အခေါ်အဝေါ်တူညီမှုမရှိဘဲ ကွဲပြားကြောင်းသိရှိရပါသည်။ ရာသီအစားအစာဖြစ်သောကြောင့် စားသုံးသူများပိုမိုများပြားလာသည့်အပြင် အခြားဒေသများသို့လည်းတင်ပို့ရောင်းချကြသည့်အတွက် ဈေးကွက်အတွင်း အရောင်းအဝယ်တွင်လျက် ရောင်းအားကောင်းနေကြောင်းသိရှိရပါသည်။

DOCA(ရှမ်း)

      ရှမ်းပြည်နယ်(တောင်ပိုင်း)အောင်ပန်းဒေသတွင် ယခုအပတ်ပြောင်းသီးနှံမှာ အမြင့်ဈေး (၁၂၃၀)ကျပ်ဖြင့် ဈေးအေးလျက်ရှိနေပြီး ပြောင်းအသစ်များဝင်ရောက်မှုရှိသဖြင့် စီးဆင်းမှုမှာ ကောင်းနေပါသည်။ ကြက်သွန်ဖြူသီးနှံမှာ တစ်ပိဿာလျှင် ထူး ၁-၁၁၅၀၀ကျပ်၊ ထူး ၂-၁၂၅၀၀ကျပ်၊ ထူး ၃-၁၃၅၀၀ကျပ်၊ ထူး ၄-၁၄၅၀၀ကျပ်၊ ထူး ၅-၁၅၅၀၀ကျပ်၊ ထူးလွန်-၁၆၅၀၀ကျပ်နှင့် ဥတစ်လုံး မှာ ၂၅၀၀၀ကျပ်ဈေးပေါက်နေကြပြီး တောင်သူလက်ကျန်နည်းပါးမှုနှင့် သယ်ယူပို့ဆောင်ရေးအခက်အခဲများကြောင့် ဈေးကွက်အဝင်နည်းသဖြင့် သီးနှံဈေးနှုန်းမြင့်တက်လာပြီး စီးဆင်းမှုမှာ ပုံမှန်သာရှိနေပါသည်။

         အာလူးသီးနှံမှာ တစ်ပိဿာလျှင် မျက်နီ S2-၈၀၀၀ကျပ်၊ S1-၇၀၀၀ကျပ်၊ OK-၆၈၀၀ကျပ်၊ ဆွဲသီး-၅၂၀၀ကျပ်နှင့် ဂေါ်လီဆိုဒ်မှာ ၃၀၀၀ကျပ်ဈေးရှိနေကြပြီး မိုးအာလူးများ လှိုင်လှိုင်ပေါရမည့်ကာလဖြစ်သော်လည်း ရေနစ်ပျက်စီးမှုများကြောင့် အထွက်နှုန်းလျော့ကျကာ အဝင်နည်းသဖြင့် ဈေးနှုန်းမြင့်တက်လာပြီး စီးဆင်းမှုနည်းနေပါသည်။

        ချင်းသီးနှံ ချင်းဥမမြေနီအကြီးစမှာ တစ်ပိဿာလျှင် (၃၅၀၀)ကျပ်နှင့် အလတ်စမှာ (၃၀၀၀)ကျပ်ဖြင့် ဈေးငြိမ်လျက်ရှိပြီး ပြည်တွင်းသုံးသာစီးဆင်းလျက်ရှိသဖြင့် ပုံမှန်သာဖြစ်နေပါသည်။

     ကုန်စိမ်းသီးနှံများတွင် ဂေါ်ဖီ ၂၇၀၀-၃၀၀၀ ကျပ်၊ ပန်းမုံလာ ၂၈၀၀-၃၂၀၀ ကျပ်၊ ရွှေပဲ ၁၂၀၀၀-၁၅၀၀၀ ကျပ်၊ ခရမ်းချဉ်ဂွတ်ရှယ်သီး ၆၀၀၀ကျပ်၊ ဘိုစားပဲ ၂၅၀၀-၃၀၀၀ ကျပ်၊ မုန်လာဥနီ ၃၀၀၀-၃၅၀၀ ကျပ်၊ ဖရုံသီး ၁၈၀၀ကျပ်၊ ငြုပ်ပွ ၁၀၀၀၀-၁၁၀၀၀ ကျပ်၊ ခရမ်းသီး ၃၀၀၀-၃၅၀၀ ကျပ်၊ မုန်ညှင်း ၄၂၀၀ကျပ်ဖြင့် အသီးသီးဈေးပေါက်နေကြ၍ ပန်းမုံလာသီးနှံမှာ ဈေးကွက်အဝင်နည်းပါးပြီး ဘိုစားနှင့် မုန်ညှင်းသီးနှံတို့မှာ ပုံမှန်အဝင်ရှိလာပြီး ဈေးနှုန်းကျဆင်းသွားပါသည်။ ကျန်ကုန်စိမ်းသီးနှံများမှာလည်း ဈေးကွက်လိုအပ်ချက်အရ အရောင်းအဝယ်ဖြစ်နေပြီး ဈေးနှုန်း၊ ဈေးကွက်အရ စီးဆင်းမှုမှာ လျော့နည်းနေ၍ ပွင့်လင်းရာသီရောက်မှသာ စီးဆင်းမှုအနည်းငယ်တိုးမြင့်လာနိုင်ကြောင်း လေ့လာသိရှိရပါသည်။

DOCA(ရှမ်း)

            ယခင်နိုဝင်ဘာလ(ပထမပတ်)တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၄၃၂၆၉၊ မန္တလေးသို့ အိတ်ရေ ၃၅၅၇၅၊ နေပြည်တော်သို့ အိတ်ရေ ၁၁၆၈၊ ရှမ်း (တောင်)သို့ အိတ်ရေ ၁၇၁၀၉၊ ကျောက်ပန်းတောင်းသို့ အိတ်ရေ ၃၆၀၅၊ မိတ္ထီလာသို့ အိတ်ရေ ၆၂၆၆၊ တောင်ငူသို့ အိတ်ရေ ၃၇၀၊ ပဲခူးသို့ အိတ်ရေ ၄၂၁၅၊ မကွေးသို့ အိတ်ရေ ၈၈၀၊  ဘားအံသို့ အိတ်ရေ ၂၇၃၅၊ ကချင်သို့ အိတ်‌ရေ ၁၉၉၀၊ မွန်သို့ အိတ်‌ရေ ၃၇၆၅၊ ပြည်သို့ အိတ်ရေ ၄၃၀၊ မြိတ်သို့ အိတ်ရေ ၁၄၀၊ ထားဝယ်သို့ အိတ်ရေ ၃၆၀၊ မူဆယ်သို့ အိတ်ရေ ၆၂၀၊ ဧရာဝတီသို့ ၇၀၅၊  စုစုပေါင်းအိတ်ရေ (၁၁၄၂၀၂)  အိတ်၊ တန်အားဖြင့် (၅၇၁၀) စီးထွက်ခဲ့ပြီး ယခုနိုဝင်ဘာလ      (ဒုတိယပတ်) တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၄၄၂၅၀၊ မန္တလေးသို့ အိတ်ရေ ၂၈၁၈၃၊ နေပြည်တော်သို့ အိတ်ရေ ၂၃၈၀၊ ရှမ်း (တောင်)သို့ အိတ်ရေ ၁၁၇၈၃၊ ကျောက်ပန်းတောင်းသို့ အိတ်ရေ ၃၀၆၆၊ မိတ္ထီလာသို့ အိတ်ရေ ၇၇၈၃၊ တောင်ငူသို့ အိတ်ရေ ၄၈၅၊ ပဲခူးသို့ အိတ်ရေ ၁၄၉၅၊ မကွေးသို့ အိတ်ရေ ၅၅၅၊  ဘားအံသို့ အိတ်ရေ ၇၄၇၅၊ ကချင်သို့ အိတ်‌ရေ ၂၂၅၊ မွန်သို့ အိတ်‌ရေ ၄၅၁၀၊ ပြည်သို့ အိတ်ရေ ၁၈၀၊ မူဆယ်သို့ အိတ်ရေ ၃၈၀၊ ဧရာဝတီသို့ အိတ်ရေ ၇၀၊  စုစုပေါင်းအိတ်ရေ (၁၁၂၈၂၀)  အိတ်၊ တန်အားဖြင့် (၅၆၄၁) တန်စီးထွက်ခဲ့သည့်အတွက်  ယခင်အပတ်နှင့်နှိုင်းယှဉ်လျှင် ယခုအပတ်တွင် အိတ်ရေ (၁၃၈၂) အိတ်၊ တန်အားဖြင့် (၆၉)တန်လျော့နည်းစီးထွက်ခဲ့ကြောင်းသိရှိရပါသည်။

DOCA(စစ်ကိုင်း)       

        ပေါင်မြို့နယ်တွင် စပါးစိုက်ခင်းများ၌ မိုးစပါးများရိတ်သိမ်းနေပြီးဖြစ်ရာ စပါးကုန်သည်များက ကိုယ်စားလှယ်များစေလွှတ်၍ အောက်ဘက်ကွင်းများအထိ လိုက်လံဝယ်ယူလျက်ရှိကြောင်း သိရသည်။

        မိုးစပါးထွက်ပေါ်စချိန်တွင် ပေါ်ဆန်းစပါး တင်း၁၀၀လျှင် ၂၂သိန်းကျပ်မှ ၂၃သိန်းကျပ်ထိလည်းကောင်း၊ ဘန်ကောက်နှင့် ဂျပန်ရွှေဝါထွန်းစပါး တင်း၁၀၀လျှင် ၁၆သိန်းကျပ်မှ ၁၈သိန်းကျပ် အထိ စပါးအရည်အသွေးပေါ် မူတည်၍ ဈေးပေးဝယ်ယူနေကြရကြောင်း စပါးကုန်သည်များထံမှသိရသည်။

        ယခုနှစ် မိုးရာသီအတွင်း ရာသီဥတုဒဏ်ကြောင့် စပါးများမှာ ရည်မှန်းထားသလောက် မထွက်ကြဘဲ အရည်အသွေးညံ့ဖျင်းကြ၍ ကိုယ်စားလှယ်ဝယ်ယူသူများက သေချာစွာစိစစ်၍ ဈေးပေးဝယ်ယူနေရကြောင်းသိရပါသည်။

DOCA(မွန်)

မကွေးတိုင်းဒေသကြီး၊ အထက်မင်းလှမြို့၊ ဇေယျာသီရိဈေးတွင် ခရမ်းချဉ်သီးကို ဒေသတွင်းကျေးရွာများဖြစ်သော ပန်းတော်ပြင်၊ ဥယျာဉ်၊ မယ်ဇလီတောနှင့် ရွာတော် စသည့်ကျေးရွာများအပြင် မကွေးမြို့၊ မင်းဘူးမြို့၊ တောင်တွင်းကြီးမြို့၊ သရက်မြို့နှင့် ရှမ်းပြည်နယ်၊ အောင်ပန်းမြို့၊ တောင်ကြီးမြို့တို့မှ မှာယူရောင်းချကြောင်းသိရသည်။
၂၀၂၄ခုနှစ်၊ နိုဝင်ဘာလ(ပထမပတ်)တွင် ခရမ်းချဉ်သီးအလုံးကြီး(၁)ပိဿာလျှင် ကျပ်(၇၅၀၀)၊ အလုံးလတ်(၁)ပိဿာလျှင် ကျပ်(၇၀၀၀)ဈေးနှုန်းများဖြင့်ရောင်းချလျက်ရှိပြီး ယခင်အပတ်နှင့် နှိုင်းယှဉ်ပါက အလုံးကြီး(၁)ပိဿာလျှင် ကျပ်(၁၀၀၀)၊ အလုံးလတ်(၁)ပိဿာလျှင် ကျပ်(၅၀၀)ဈေးနှုန်းမြင့်တက်လျက်ရှိကြောင်း၊ ယခုအချိန်တွင် ဒေသတွင်းခရမ်းချဉ်သီးစိုက်ခင်းများမှာ စိုက်ပျိုးဆဲဖြစ်ပြီး ရှမ်းပြည်နယ်၊ အောင်ပန်းမြို့နှင့် တောင်ကြီးမြို့တို့မှ မှာယူရောင်းချရ၍ သယ်ယူစရိတ်မြင့်မားသောကြောင့် ခရမ်းချဉ်သီးဈေးနှုန်းမှာ မြင့်တက်ရခြင်းဖြစ်ကြောင်းသိရှိရပါသည်။
DOCA(မကွေး)