ပြည်တွင်းကုန်သွယ်မှုသတင်း

            တောင်ငူမြို့ ညောင်ပင်ဈေးရှိ ဟင်းသီးဟင်းရွက်ဆိုင်များတွင် ရှမ်းပြည်မှတင်သွင်းသည့် မုန်ညင်းမှာ ယခင်စက်တင်ဘာလ နောက်ဆုံးအပတ်က တစ်ပိဿာလျှင် ၂၅၀၀ ကျပ်မှ ၃၀၀၀ ကျပ်အထိသာ ဈေးနှုန်းရှိခဲ့သော်လည်း ယခုအောက်တိုဘာလ တတိယအပတ်တွင် ၂၅ ကျပ်သားလျှင် ၂၅၀၀ ကျပ်၊ တစ်ပိဿာယူလျှင် ၈၀၀၀ ကျပ်ဖြစ်သဖြင့် ဈေးနှုန်းမှာ ၅၀၀၀ ကျပ်အထိ မြင့်တက်ပါသည်။

             ငရုတ်ပွဲမှာ ယခင်စက်တင်ဘာလ နောက်ဆုံးအပတ်က တစ်ပိဿာလျှင် ၂၅၀၀ ကျပ်မှ ၃၀၀၀ ကျပ်အထိသာ ဈေးနှုန်းရှိခဲ့သော်လည်း ယခုအောက်တိုဘာလ တတိယအပတ်တွင် ၁၀ ကျပ်သားလျှင် ၁၀၀၀ ကျပ်၊ ၂၅ ကျပ်သားယူလျှင် ၂၂၀၀ ကျပ်၊ တစ်ပိဿာယူလျှင် ၈၀၀၀ ကျပ်ဖြစ်သဖြင့် ဈေးနှုန်းမှာ ၅၀၀၀ ကျပ်အထိ မြင့်တက်ပါသည်။

            ယခင်လက ရေကြီးနစ်မြှုပ်မှုဖြစ်ပွားပြီးနောက် ဟင်းသီးဟင်းရွက်များ ဈေးနှုန်းအဆမတန်မြင့်တက်ရာမှ ယခုအခါတွင် ဈေးနှုန်းများပြန်လည်ကျဆင်းလာပြီဖြစ်ကြောင်း၊ အရောင်း အဝယ်မှာ ပုံမှန်အတိုင်းရှိကြောင်း ဟင်းသီးဟင်းရွက်အရောင်းဆိုင်များမှ သိရှိရပါသည်။

DOCA(ပဲခူး)

           နေပြည်တော်တပ်ကုန်း‌ဒေသထွက် ဖရဲသီးများအား တောင်ငူမြို့သို့ တင်ပို့ရောင်းချလျက်ရှိရာ ၎င်းဖရဲသီးများသည် ဒေသတွင်းမှထွက်ရှိသော ဖရဲသီးများထက် အရသာပိုမိုကောင်းမွန် သောကြောင့် လူကြိုက်များပြီး ရောင်းအားကောင်းလျက်ရှိပါသည်။

       တပ်ကုန်းဒေသထွက်ဖရဲသီးများအား ကားတစ်စီးလျှင်အလုံးရေ (၃၀၀၀) ခန့်တင်ဆောင်၍ တောင်ငူမြို့ ဘုရင့်နောင်ဈေးအနီးတွင် အထိုင်ဆိုင်ခန်းဖွင့်လှစ်၍လည်းကောင်း၊ မော်တော်ယာဉ် များဖြင့် တောင်ငူမြို့တွင်းရှိ လူစည်ကားရာနေရာများနှင့် ရေတာရှည်၊ အုတ်တွင်း၊ ဖြူးမြို့နယ်များသို့ လှည့်လည်ရောင်းချခြင်းဖြင့်လည်းကောင်း ရောင်းချပေးလျက်ရှိပါသည်။

             ဖရဲသီးဈေးနှုန်းများအနေဖြင့် ကြီး၊ လတ်၊ ငယ် အရွယ်အစားအလိုက် တစ်လုံးလျှင် (၄၀၀၀) ကျပ် ၃၀၀၀ ကျပ်၊ ၂၀၀၀ ကျပ်နှင့် ၁၀၀၀ ကျပ် အသီးသီးရောင်းချပေးလျှက်ရှိကြောင်း တောင်ငူမြို့ ဘုရင့်နောင်ဈေးတွင် ဖရဲသီးရောင်းချနေသူတစ်ဦးထံမှ သိရှိရပါသည်။

DOCA(ပဲခူး)

               မြန်မာလူမျိုးတို့သည် မြန်မာရိုးရာအစားအစာများကို အများဆုံးနှစ်သက်ကြပါသည်။မနက်ခင်းတစ်ကြိမ်၊ ညနေခင်းတစ်ခါ အဆာပြေစားလေ့ရှိရာ မြန်မာရိုးရာဘိန်းမုန့်ကိုလည်း ရေနွေးကြမ်း လက်ဖက်ရည်၊ ကော်ဖီတို့ဖြင့် တွဲဖက်စားသုံးကြပါသည်။

           ဘိန်းမုန့်အနီပြုလုပ်ရန် ဆန်(၃)ပြည်၊ ကြက်ဥ (၂၀) လုံး၊ ဆီ(၈၀)ကျပ်သား၊ ထောပတ် (၁၀) ကျပ်သား၊ ထန်းလျက် (၈၀) ကျပ်သား၊ သကြား(၅၀) ကျပ်သား၊ ဘိန်းစေ့ (၁၀)ကျပ်သား၊ အုန်းသီး (၁)လုံး၊ ဆော်ဒါအနည်းငယ်ထည့်ပြီး မီးဖြင့်ဖုတ်ရပါသည်။ ၎င်းအချိုးအတိုင်း ဘိန်းမုန့်အချပ်ပေါင်း (၂၅၀) ရရှိပါသည်။ တစ်ချပ်လျှင် (၃၅၀) ကျပ်ဖြင့်ရောင်းချရပါသည်။ ကုန်ကျငွေစုစုပေါင်း (၄၅၀၀၀) ကျပ်ခန့်ကုန်ကျပါသည်။ စုစုပေါင်းရောင်းရငွေ(၈၅၀၀၀)ကျပ်ရရှိသဖြင့် အမြတ်ငွေ (၄၀၀၀၀) ကျပ် ရရှိပါသည်။

          ဘိန်းမုန့်အဖြူပြုလုပ်ရန် ဆန်(၇)လုံး၊ ကြက်ဥ(၅)လုံး၊ ပဲပြုတ်(၂၀)ကျပ်သား၊ ဆီ(၂၀)ကျပ် သား၊ နံနံပင်(၁၀)ကျပ်သား၊ နှမ်း(၁)ဗူး၊ ဆော်ဒါအနည်းငယ်ထည့်ပြီး မီးဖြင့်ဖုတ်ရပါသည်။ ၎င်းအချိုးအတိုင်း ဘိန်းမုန့်အဖြူပြုလုပ်ပါက ဘိန်းမုန့်အချပ်ပေါင်း (၈၀) ရရှိပါသည်။ တစ်ချပ်လျှင် (၃၅၀) ကျပ်ဖြင့်ရောင်းချပါသည်။ ကုန်ကျငွေစုစုပေါင်း (၂၀၀၀၀) ကျပ်ခန့်ကုန်ကျပါသည်။ စုစုပေါင်း ရောင်းရငွေ (၃၄၀၀၀) ကျပ်ရရှိသဖြင့် အမြတ်ငွေ (၁၄၀၀၀)ကျပ် ရရှိပါကြောင်း ဘိန်းမုန့်ရောင်းချသူတစ်ဦးထံမှ သိရှိရပါသည်။

DOCA(ပဲခူး)

           ပဲခူးတိုင်းဒေသကြီး(အနောက်)၊ နတ်တလင်းခရိုင်၊ သဲကုန်းမြို့နယ်၊ ပုတီးကုန်းမြို့ရှိ ကျေးရွာများတွင် နှစ်စဉ်နှစ်တိုင်း တောင်သူများမိုးဦးသီးနှံများစိုက်ပျိုးပြီး ကုန်စိမ်းဒိုင်များမှတဆင့် ရန်ကုန်မြို့၊ တညင်းကုန်းဈေးကြီးသို့ ကုန်စိမ်းကားများဖြင့်နေ့စဉ် တင်ပို့ရောင်းချလျက်ရှိပါသည်။

       သီးနှံစိုက်တောင်သူများအနေဖြင့် ယခုနှစ်တွင် သီးနှံများအထွက်ကောင်းပြီး ဈေးနှုန်းအသင့်အတင့်ရရှိသည့်အတွက် တွက်ခြေကိုက်၍ ဝင်ငွေများရရှိနေကြောင်း သိရပါသည်။ ၂၀၂၄ခု အောက်တိုဘာလ တတိယပတ်တွင် မြင်းခွာရွက်အစည်းတစ်ထောင်လျှင် (၁၂၀၀၀)ကျပ်၊ ဖရုံသီးတစ်လုံးလျှင် (၇၀၀ကျပ်မှ ၁၃၀၀ကျပ်)၊ ပဲတောင့်ရှည်အတောင့် (၁၀၀)လျှင် (၁၃၀၀ကျပ်မှ ၁၅၀၀ကျပ်)၊ မိုးခရမ်းသီးအလုံး(၁၀၀)လျှင် (၁၂၀၀၀)ကျပ်၊ ခရမ်းသီးတစ်ပိဿာလျှင် (၂၅၀၀)ကျပ်ဈေးရရှိပြီး အရောင်းအဝယ်ဖြစ်ကာ တောင်သူများအနေဖြင့် တွက်ခြေကိုက် စီးပွားဖြစ်နေကြောင်း စိမ်းရောင်စိုကုန်စိမ်းဒိုင် ဥက္ကဌ ဦးအောင်ပြုံးထံမှ သိရှိရပါသည်။

DOCA(ပဲခူး)

            ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ်၌ အောက်တိုဘာလတတိယပတ်တွင် အခြေခံစားကုန်များဖြစ်သော ရွှေဘိုပေါ်ဆန်းတစ်ပြည်လျှင် ၇၅၀၀ ကျပ် (၂၄) ပြည်ပါ တစ် အိတ်လျှင် ၁၈၀၀၀၀ ကျပ် ထိုင်းနှံကောက်ဆန်တစ်ပြည်လျှင် ၃၂၀၀ ကျပ် (၂၄) ပြည်ပါတစ်အိတ်လျှင် ၇၇၀၀၀ ကျပ် အ‌ရောင်းအဝယ် ဖြစ်လျက်ရှိပါသည်။

            စားသုံးဆီအနေဖြင့် မြေပဲဆီတစ်ပိဿာလျှင် ၁၈၀၀၀ ကျပ်၊ နှမ်းဆီတစ်ပိဿာလျှင် ၁၈၀၀၀ ကျပ်၊ ငါးရုတ်သီးခြောက် (အရှည်) တစ်ပိဿာလျှင် ၁၅၀၀၀ ကျပ်၊ ကြက်သွန်နီ(အကြီး)  တစ်ပိဿာ လျှင် ၃၀၀၀ကျပ်၊ ကြက်သွန်ဖြူကြူကုတ် တစ်ပိဿာလျှင် ၂၀၀၀၀ ကျပ်၊ ကြက်သွန်ဖြူ (ရှမ်းစ)တစ်ပိဿာလျှင် ၁၅၀၀၀ကျပ်၊ ငရုတ်သီး(အပွ) တစ်ပိဿာလျှင် ၂၀၀၀၀ကျပ်၊ ဂျင်း တစ်ပိဿာလျှင် ၈၀၀၀ ကျပ်ခန့်ရှိပါသည်။

              အသားဈေးနှုန်းအနေဖြင့်ကြက်သား (မြန်မာ) တစ်ပိဿာလျှင် ၃၅၀၀၀ ကျပ်၊ (စီပီ) ကြက် တစ်ပိဿာလျှင် ၂၀၀၀၀ ကျပ်၊ ဝက်သား တစ်ပိဿာလျှင် ၂၀၀၀၀ ကျပ်၊ အမဲသား တစ်ပိဿာလျှင် ၁၈၀၀၀ ကျပ်၊ ဆိတ်သား တစ်ပိဿာလျှင် ၃၀၀၀၀ ကျပ်၊ ငါးခူ၊ ငါးကျီးတစ်ပိဿာ လျှင် ၂၀၀၀၀ ကျပ်၊ ကြက်ဥ၊ ဘဲဥအနေဖြင့် ကြက်ဥ (အသေး) တစ်လုံးလျှင် ၃၀၀ ကျပ်၊ (အကြီး) တစ်လုံးလျှင် ၃၅၀ ကျပ်၊ ဘဲဥ(အသေး) တစ်လုံးလျှင် ၄၅၀ ကျပ်၊ (အကြီး) တစ်လုံးလျှင် ၅၀၀ ကျပ် တို့ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(ပဲခူး)