ပြည်တွင်းကုန်သွယ်မှုသတင်း

              ငါးဖောင်ရိုးငါးသည် နှုတ်သီးချွန်ချွန်၊ အရောင်ကြည်ကြည်နဲ့ ပိန်သွယ်သွယ်ငါးမျိုးဖြစ်သော်လည်း အသားမှာတော့ မာမာလေးဖြစ်ပါသည်။ ငါးဖောင်ရိုးဟုခေါ်သော်လည်း ထိုငါးမှာ အလယ်ရိုးတစ်ရိုးသာပါသောကြောင့် အရိုးများတဲ့ငါးကိုကြောက်တတ်ကြတဲ့ စားသုံးသူတွေေအတွက် စားသုံးဖို့သင့်တော်သောငါးမျိုးလည်း ဖြစ်ပါသည်။ ငါးဖောင်ရိုးငါးမှာ နှုတ်သီးချွန်ချွန်၊ အရောင်ကြည်ကြည်လေးနှင့် ပိန်သွယ်သွယ်ငါးတစ်မျိုးဖြစ်သော်လည်း ငါးအသားမှာတော့ မာဆတ်ဆတ်လေးဖြစ်နေပါသည်။ သူ့ခန္ဓာကိုယ်သည် ငွေမှင်ရောင်နှင့် အစိမ်းရောင်လဲ့လဲ့စပ်ထား သည့် အရောင်မျိုးရှိကြပါသည်။ ငါးဖောင်ရိုးငါးမှာ တစ်ခြားငါးများကဲ့သို့ အကြေးခွံများကို မမြင်ရသော်ငြား ငါးကိုယ်ထည်လေးကိုလက်သည်းနှင့် အသာခြစ်ယူလိုက်ပါကအရောင်ကြည်ကြည် အကြေးခွံသေးသေးလေးတွေကို ဖယ်ရှားပြီးသားဖြစ်သွားပါလိမ့်မည်။ ထိုငါးသည် ရေချိုနှင့် ရေငန်စပ်တို့တွင် နေထိုင်ကျက်စားတတ်သည်ကို တွေ့ရှိရပါသည်။  စားသုံးသူများမှာ ငါးဖောင်ရိုးငါးအစိုကို အကြွပ်ကြော်၊ ငါးဖောင်ရိုးအိုးကပ်၊ ငါးဖောင်ရိုးခရမ်းချဉ်သီးအစပ်ချက်၊ ငါးဖောင်ရိုးချဉ်စပ်ဟင်းဟူ၍ ချက်စားတတ်ကြပြီး ငါးဖောင်ရိုးခြောက်ကိုမူ ကင်စား၊ ကြော်စား ခြင်းများပြုလုပ်ကြပါသည်။ ထိုငါးဖောင်ရိုးခြောက်ငါးများကို ရာသီပေါ်ချိန်တွင်သာ ဈေးကောင်းကောင်းပေး၍ စားသုံးသူများမှ ဝယ်ယူစားသုံးကြပြီး ဈေးကွက်ထဲတွင် ပစ္စည်းပြတ်လပ်သည်အထိ အရောင်းအဝယ်သွက်သော နာမည်ကြီးငါးခြောက် တစ်မျိုးဖြစ်ပါသည်။ ငါးဖောင်ရိုးခြောက်ကို စက်တင်ဘာလ စတုတ္ထပတ်မှစတင်၍ ဈေးများတွင်တွေ့ရှိရပြီး ပေါ်ဦးပေါ်ဖျားတွင်အကောင်ကြီး တစ်ပိဿာလျှင် ကျပ် (၅၇ဝဝဝိ)၊ အကောင်လတ်တစ်ပိဿာလျှင် (၅ဝဝဝဝိ) ကျပ်ရှိပြီး၊ ယခုအောက်တိုဘာလ တတိယပတ်တွင် တစ်ပိဿာလျှင် အကောင်ကြီးတစ်ပိဿာလျှင် ကျပ် (၅ဝဝဝဝိ)ကျပ်၊ အကောင်လတ်တစ်ပိဿာလျှင် (၄ဝဝဝဝိ) ကျပ်ရှိပြီး ဈေးကြီးသော်လည်း စားသုံးသူများပြားသည့်အတွက် ဈေးကွက်တွင်ပစ္စည်းများ ပြတ်လပ်သည်အထိ အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(ပဲခူး)

                 ပြည်ကုန်စည်ဒိုင်သည် သွားလာရေးအချက်အခြာကျသော ပြည်မြို့တွင်ရှိသောကြောင့် ပဲမျိုးစုံအရောင်းအဝယ် သွက်လျက်ရှိပါသည်။

           အောက်တိုဘာလတတိယပတ်တွင် မတ်ပဲတစ်တင်းကို (၁၂၃၅၀၀)ကျပ်ဖြင့် ရန်ကုန်အဝယ် တစ်ရက်ကိုအိတ် (၁၅၀)ခန့်ရှိပါသည်။ ပဲစင်းငုံဈေးမှာအေးလျက်ရှိပြီး တစ်တင်းကို (၁၅၂၀၀၀)ကျပ် ဖြင့် အရောင်းအဝယ်ရှိပြီး ရန်ကုန်သို့တစ်ရက်ကိုအိတ် (၁၅၀)ခန့်တင်ပို့မှုရှိပါသည်။ ပြည်ကုန်စည်ဒိုင်၏ အောက်တိုဘာလတတိယပတ်တွင် ကုလားပဲ(HL)တစ်တင်းကို (၁၀၂၅၀၀-၁၀၃၀၀၀)ကျပ်၊ မြကြေးမှုံတစ်တင်းကို (၁၂၂၀၀၀)ကျပ်ဖြင့် မြို့တွင်းခွဲစက်သမားများ တစ်ရက်ကို အိတ်(၂၅၀)ခန့် အဝယ်ရှိပါသည်။ ပဲကြီး(ရွှေကျွန်း)တစ်တင်းကို (၉၂၀၀၀)ကျပ်၊ ပဲကြီး(ကုန်းပဲ) တစ်တင်းကို (၈၇၀၀၀)ကျပ်ဖြင့် မြို့တွင်းပဲကြော်သမားနှင့် ရန်ကုန်အဝယ်တစ်ရက်ကိုအိတ် (၂၅၀-၃၀၀)ခန့် အဝယ်ရှိပါသည်။

         အောက်တိုဘာလတတိယပတ်တွင် ဘိုကိတ်ပဲတစ်တင်းကို (၁၀၀၀၀၀)ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်ကိုအိတ် ၁၀၀-၁၅၀ခန့် အဝယ်ရှိပါသည်။ အောက်တိုဘာလတတိယပတ် ပြည်ကုန်စည်ဒိုင်တွင် စားတော်ပဲတစ်တင်းကို (၁၃၀၀၀၀)ကျပ်ဖြင့် မြို့တွင်းအဝယ်တစ်ရက်ကို အိတ် (၅၅)အိတ်ခန့်အဝယ်ရှိပါသည်။ ထို့ကြောင့် ပြည်ကုန်စည်ဒိုင်တွင် အရောင်းအဝယ်သွက်လျက်ရှိသောပဲများမှာ ကုလားပဲ၊ မတ်ပဲ သီးနှံများဖြစ်ပါသည်။

DOCA(ပဲခူး)

           ပြည်ခရိုင်အနေဖြင့် မိုးစပါးစိုက်ဧကမှာ ပြည်မြို့နယ်တွင် ၇၃၆၄၂ဧက၊ ပေါက်ခေါင်းမြို့နယ်တွင် ၄၆၇၅၇ဧက၊ ပန်းတောင်းမြို့နယ်တွင် ၄၆၉၅၃ဧက၊ ရွှေတောင်မြို့နယ်တွင် ၅၈၁၆၃ဧက ဖြင့် စုစုပေါင်း ၂၂၆၄၉၇ဧက စိုက်ပျိုးထားရှိပါသည်။ ယခင်နှစ်မိုးစပါးပေါ်စအချိန်တွင် (၄၆)ပေါင်တင်း (၁၀၀)လျှင် (၁၆၅၀၀၀၀)ကျပ်ရှိခဲ့ပြီး ယခုနှစ်၌ ပြည်ခရိုင်တွင် မိုးစပါးများထွက်ပေါ်မှုမရှိသေးသော်လည်း နတ်တလင်းခရိုင်၊ သဲကုန်းမြို့နယ်တွင် စပါးအသစ်များအရောင်းအဝယ်ဖြစ်လျက်ရှိရာ (၄၆)ပေါင်တင်း(၁၀၀)လျှင် ၁၅၀၀၀၀၀ကျပ်၊ ဆန်တစ်အိတ်လျှင် (၆၈၀၀၀) ကျပ်ဈေးဖြင့် ရောင်းဝယ်လျက်ရှိပါသည်။ ပြည်ခရိုင်အနေဖြင့် စိုက်ပျိုးသောစပါးမျိုးများမှာ ဧည့်မထစပါး၊ GW-11 နှင့် ထိုင်းနှံကောက်၊ အင်းမနှင့် မှော်ဘီစပါးများကို အများဆုံးစိုက်ပျိုးကြကြောင်းသိရှိရပါသည်။

DOCA(ပဲခူး)

         တောင်ငူခရိုင်၊ အုတ်တွင်းမြို့နယ်၊ ခပေါင်းဈေးတွင် ဒေသထွက်နှင့် အခြားဒေသများမှတင်ပို့သော ဟင်းသီးဟင်းရွက်များ စုံလင်စွာရောင်းချလျက်ရှိပါသည်။ ခပေါင်းဈေးတည်ရှိရာ ကျောင်းရှစ်ဆယ်ကျေးရွာအုပ်စုသည် စစ်တောင်းမြစ်နှင့် ခပေါင်းချောင်းဆုံရာဒေသဖြစ်သဖြင့် ဟင်းသီးဟင်းရွက်များ အောင်မြင်စွာစိုက်ပျိုးဖြစ်ထွန်းသည့် ဒေသဖြစ်ပါသည်။

      ယခင်လက တောင်ငူခရိုင်အတွင်း စစ်တောင်းမြစ်ဝှမ်းတစ်လျှောက်တွင် ရေကြီးရေလျှံမှုများ ဖြစ်ပေါ်ခဲ့သဖြင့် ကျောင်းရှစ်ဆယ်ကျေးရွာအုပ်စုအတွင်း စိုက်ပျိုးသောဟင်းသီးဟင်းရွက်များလည်း ရေကြီးနစ်မြှုပ်မှုဖြစ်ကာ ပျက်စီးခဲ့ရသောကြောင့် ခပေါင်းဈေးရှိ ဟင်းသီးဟင်းရွက်များ ဈေးနှုန်းကြီးမြင့်ခဲ့ပါသည်။

          ဒေသထွက်ဖြစ်သော ကန်စွန်းရွက်မှာ ယခင်စက်တင်ဘာလ နောက်ဆုံးအပတ်တွင်တစ် စည်းလျှင် ၄၀၀ ကျပ်၊ ချဉ်ပေါင်ရွက်မှာ တစ်စည်းလျှင် ၅၀၀ ကျပ်အထိ ဈေးမြင့်တက်ခဲ့ရာမှ ယခုအောက်တိုဘာလ တတိယအပတ်တွင် ကန်စွန်းရွက်တစ်စည်းလျှင် ၂၅၀ ကျပ်၊ ချဉ်ပေါင်ရွက် တစ်စည်းလျှင် ၃၅၀ ကျပ်အထိ ဈေးနှုန်းပြန်လည်ကျဆင်းကြောင်း ဟင်းသီးဟင်းရွက်အရောင်းဆိုင်များမှ သိရှိရပါသည်။

 DOCA(ပဲခူး)

            စားသောက်ဆိုင်များတွင် အသုံးပြုလျက်ရှိသော ဝါးတူများထုတ်လုပ်သည့်စက်ရုံမှ စွန့်ပစ်ပစ္စည်းများဖြစ်သော ဝါးဖတ်များနှင့်ဝါးဆစ်အတိုအစများကို ထင်းအစားထိုးလောင်စာအဖြစ် ပြန်လည်အသုံးပြုခြင်းအား အသုံးပြုသူများရော စက်ရုံပါ နှစ်ဦးနှစ်ဖက်အကျိုးဖြစ်ထွန်းစေပါသည်။

              ကျေးလက်နေပြည်သူအများစုမှာ ထင်းကိုလောင်စာအဖြစ် အသုံးပြုလျက်ရှိရာ စွန့်ပစ်ဝါးဖတ်နှင့် ဝါးဆစ်များအား လောင်စာအဖြစ်အသုံးပြုခြင်းဖြင့် ထင်းတောတက်ရန်၊ ထင်းခုတ်ရန်မလိုဘဲ ကုန်ကျစရိတ်သက်သာစွာဖြင့် သုံးစွဲနိုင်သကဲ့သို့ စက်ရုံမှလည်း အလေအလွင့်မဖြစ်တော့ဘဲ သင့်တင့်သောစရိတ်စကကို ပြန်လည်ရရှိစေပါသည်။

               ဝါးဆစ်များမှာ ထမင်းဟင်းချက်ပြုတ်ရာတွင်မက မြေအိုးလုပ်ငန်းများမှ အိုးဖုတ်ရာတွင်လည်း အသုံးပြုနိုင်ပါသည်။ ထမင်းဟင်းချက်ပြုတ်သူများအတွက် ထော်လာဂျီအကြီးတစ်စီးတိုက်စာကို လေးလခန့်အသုံးပြုနိုင်ကြောင်း သိရှိရပါသည်။

              တောင်ငူမြို့နယ် ငါးဖယ်အင်းကျေးရွာအုပ်စု မင်းလမ်းကျေးရွာရှိ ရွှေဝါး ဝါးတူစက်ရုံတွင် စွန့်ပစ်ဝါးဆစ်နှင့် ဝါးဖတ်များကို မှာယူနိုင်ကြောင်း၊ ထော်လာဂျီ(အသေး)တစ်စီးတိုက်လျှင် ၄၅၀၀၀ ကျပ်နှင့် ထော်လာဂျီ(အကြီး)တစ်စီးတိုက်လျှင် ၆၀၀၀၀ ကျပ်ဖြင့် ပို့ဆောင်ပေးကြောင်း စက်ရုံဝန်ထမ်းတစ်ဦးထံမှ သိရှိရပါသည်။

 DOCA(ပဲခူး)