ပြည်တွင်းကုန်သွယ်မှုသတင်း

    ဖြူးမြို့နေပြည်သူများ အခြေခံစားကုန်နှင့်အသားငါးများကို ဈေးနှုန်းသက်သာစွာဝယ်ယူနိုင်ရန်အတွက် မြို့နယ်စီမံအုပ်ချုပ်ရေးအဖွဲ့၏ လမ်းညွှန်မှုဖြင့် မြို့မဈေးအနီးတွင် ကိုယ်တိုင်စိုက်ပျိုးထုတ်လုပ်သူများက တိုက်ရိုက်အရောင်းဈေးဖွင့်လှစ်၍ ရောင်းချလျက်ရှိရာ မည်သူမဆို လွတ်လပ်စွာဝယ်ယူနိုင်ပါသည်။

    ဆန်ကုန်သည်နှင့်ဆန်စက်ပိုင်ရှင်များက ၂၀၂၃ခုနှစ်၊ အောက်တိုဘာလ ဒုတိယအပတ်တွင် ဆန်တစ်ပြည်လျှင် ၂၅၀၀ကျပ်၊ မွေးမြူရေးထုတ်ကုန်လုပ်ငန်းရှင်များက ကြက်ဥတစ်လုံးလျှင် ၂၅၀ကျပ်၊ ကြက်သား ၁၀ကျပ်သားလျှင် ၁၀၀၀ကျပ်၊ ဝက်သား ၁၀ကျပ်သားလျှင် ၁၃၀၀ကျပ်၊ အမဲသား ၁၀ကျပ်သားလျှင် ၁၂၀၀ကျပ်၊ ဆိတ်သား ၁၀ကျပ်သားလျှင် ၁၅၀၀ကျပ်၊ ငါး ၁၀ကျပ်သားလျှင် ၉၀၀ကျပ်ဖြင့် ရောင်းချပေးလျက်ရှိပါသည်။

   တစ်နိုင်တစ်ပိုင်စိုက်ပျိုးသူများကလည်း ယခုအောက်တိုဘာလ ဒုတိယအပတ်တွင် ကန်စွန်းရွက်တစ်စည်းလျှင် ၁၅၀ကျပ်၊ ချဉ်ပေါင်ရွက်တစ်စည်းလျှင် ၁၅၀ကျပ်၊ မုန်လာရွက်တစ်စည်းလျှင် ၂၅၀ကျပ်၊ ဖရဲသီးတစ်လုံးလျှင် ၁၅၀၀ကျပ်ဖြင့်ရောင်းချပေးလျက်ရှိကြောင်းနှင့် တိုက်ရိုက်အရောင်းဈေးသို့ သက်ဆိုင်ရာဌာဆိုင်ရာများကကြီးကြပ်၍ လိုအပ်သည်များ ကူညီဆောင်ရွက်ပေးကြောင်းသိရှိရပါသည်။

DOCA(ပဲခူး)

     တောင်ငူမြို့သို့ အထက်တောင်ပေါ်ဒေသ၊ ရှမ်းပြည်နယ်ဘက်မှ သစ်သီးဝလံများ တင်ပို့ရောင်းချလျက်ရှိရာ ၂၀၂၃ခုနှစ်၊ အောက်တိုဘာလ ပထမအပတ်တွင် လိမ္မော်သီးများ စတင်ဝင်ရောက်လာပါသည်။

       ဈေးနှုန်းမှာ ယခုအောက်တိုဘာလ ဒုတိယအပတ်တွင် လိမ္မော်သီးအသေးတစ်ပိဿာလျှင် ၅၀၀၀ကျပ်၊ အလတ်တစ်ပိဿာလျှင် ၆၀၀၀ကျပ်နှင့် အကြီးတစ်ပိဿာလျှင် ၇၀၀၀ကျပ်ရှိပါသည်။

     ဂျပန်လိမ္မော်ဟုခေါ်သော ပျားလိမ္မော်မှာ ယခုအောက်တိုဘာလ ဒုတိယအပတ်တွင် တစ်ပိဿာလျှင် အသေး ၉၀၀၀ကျပ်နှင့် အကြီး ၁၂၀၀၀ကျပ်ရှိပါသည်။

     ယခုအခါ လိမ္မော်သီးများလှိုင်လှိုင်ပေါ်လာပြီဖြစ်ရာ နောက်အပတ်တို့တွင် ဈေးနှုန်းများ ယခုထက်ပိုမိုကျဆင်းနိုင်ကြောင်းသိရှိရပါသည်။

DOCA(ပဲခူး)

      တောင်ငူမြို့တွင် အခြေခံစားသောက်ကုန်များဖြစ်သော မြေပဲဆီမှာ ၂၀၂၃ခုနှစ်၊ အောက်တိုဘာလ ပထမအပတ်တွင် တစ်ပိဿာလျှင် ၁၆၀၀၀ကျပ်ရှိခဲ့ရာမှ ယခုအောက်တိုဘာလ ဒုတိယအပတ်တွင် တစ်ပိဿာလျှင် ၁၇၀၀၀ကျပ်ဖြင့် ဈေးနှုန်းအနည်းငယ်တက်လာပြီး စားအုန်းဆီမှာ ယခုအောက်တိုဘာလ ဒုတိယအပတ်တွင် တစ်ပိဿာလျှင် ၅၂၀၀ကျပ်ဖြင့် ရောင်းချလျက်ရှိပါသည်။

    ကြက်သွန်နီမှာ ယခင်အောက်တိုဘာလ ပထမအပတ်တွင် တစ်ပိဿာလျှင် အသေး ၂၄၀၀ကျပ်၊ အလတ် ၂၈၀၀ကျပ်၊ အကြီး ၃၅၀၀ကျပ်နှင့် တရုတ်ကြက်သွန်နီ ၃၅၀၀ကျပ်ရှိခဲ့ရာမှ ယခုအောက်တိုဘာလ ဒုတိယအပတ်တွင် တစ်ပိဿာလျှင် အသေး ၃၅၀၀ကျပ်၊ အလတ် ၃၆၀၀ကျပ်၊ အကြီး ၄၂၀၀ကျပ်နှင့် တရုတ်ကြက်သွန်နီ ၄၀၀၀ကျပ်ဖြင့် ဈေးနှုန်းအနည်းငယ်တက်လာခဲ့ပါသည်။

     ကြက်သွန်ဖြူမှာ ယခုအောက်တိုဘာလ ဒုတိယအပတ်တွင် တစ်ပိဿာလျှင် အသေး ၈၀၀၀ကျပ်၊ အလတ် ၉၀၀၀ကျပ်၊ အကြီး ၁၀၀၀၀ကျပ်၊ တရုတ်ကြက်သွန်ဖြူ ၉၀၀၀ကျပ်ဖြင့် ဈေးနှုန်းတည်ငြိမ်နေပါသည်။

    အာလူးမှာ  ယခင်အောက်တိုဘာလ ပထမအပတ်တွင် တစ်ပိဿာလျှင် အသေး ၂၂၀၀ကျပ်၊ အလတ် ၂၆၀၀ကျပ်၊ အကြီး ၃၅၀၀ကျပ်၊ တရုတ်အာလူး ၃၅၀၀ကျပ်ရှိခဲ့ရာမှ ယခုအောက်တိုဘာလ ဒုတိယအပတ်တွင် တစ်ပိဿာလျှင် အသေး ၁၇၀၀ကျပ်၊ အလတ် ၂၂၀၀ကျပ်၊ အကြီး ၂၈၀၀ကျပ်၊ တရုတ်အာလူး ၃၂၀၀ကျပ်ဖြင့် ဈေးနှုန်းအနည်းငယ်ကျဆင်းလာခဲ့ပါသည်။

      ငရုတ်သီးခြောက် (အရှည်) တစ်ပိဿာလျှင် ယခုအောက်တိုဘာလ ဒုတိယအပတ်တွင် တစ်ပိဿာလျှင် ၁၆၀၀၀ကျပ်မှ ၁၈၀၀၀ကျပ်၊ ငရုတ်သီးခြောက်အပွတစ်ပိဿာလျှင် ၂၃၀၀၀ကျပ်မှ ၂၅၀၀၀ကျပ်ဖြင့် ဈေးနှုန်းတည်ငြိမ်နေပါသည်။

      မြေပဲဆံ(အနီ)မှာ ယခင်အောက်တိုဘာလ ပထမအပတ်တွင် တစ်ပိဿာလျှင် ၁၀၀၀၀ကျပ်ရှိခဲ့ရာမှ ယခုအောက်တိုဘာလ ဒုတိယအပတ်တွင် တစ်ပိဿာလျှင် ၉၂၀၀ကျပ်၊ မြေပဲဆံ(အဖြူ)မှာ ယခင်အောက်တိုဘာလ ပထမအပတ်တွင် တစ်ပိဿာလျှင် ၉၀၀၀ကျပ်ရှိခဲ့ရာမှ ယခုအောက်တိုဘာလ ဒုတိယအပတ်တွင် တစ်ပိဿာလျှင် ၈၆၀၀ကျပ်ဖြင့် ဈေးနှုန်းအနည်းငယ်ကျဆင်းလာခဲ့ပါသည်။  ကုလားပဲခြမ်းမှာ ယခင်အောက်တိုဘာလ ပထမအပတ်တွင် တစ်ပိဿာလျှင် ၆၅၀၀ကျပ်ရှိခဲ့ရာမှ ယခုအောက်တိုဘာလ ဒုတိယအပတ်တွင် တစ်ပိဿာလျှင် ၆၀၀၀ကျပ်ဖြင့် ဈေးနှုန်းအနည်းငယ်ကျဆင်းကြောင်းနှင့် အရောင်းအဝယ်မှာ ပုံမှန်အတိုင်းရှိကြောင်းသိရှိရပါသည်။

DOCA(ပဲခူး)

    တောင်ငူမြို့တွင် တပိုင်တနိုင်မှိုစိုက်ပျိုးသူများရှိပါသည်။ အိမ်၌နေရင်း အိမ်တွင်းစီးပွားအဖြစ်လည်း ခြံထဲတွင်စိုက်ပျိုးကြပါသည်။ မှိုစိုက်ပျိုးရာတွင် ပေါင်လုပ်၍ စိုက်ပျိုးရပါသည်။ ပေါင်တစ်ပေါင်လျှင် မှိုထုပ် ၅ထုပ်စိုက်ပျိုးရပါသည်။

       မှိုမစိုက်ပျိုးမီ ဗေဒါကိုစင်း၍ တစ်လက်မ၊ နှစ်လက်မခန့်ခင်းရပါသည်။ ထို့နောက် ကတ္ထူစက္ကူကို ရေနူးအောင်ဆွတ်ပြီး ဗေဒါပေါ်တွင် ခင်းရပါသည်။ မှိုမျိုးထုပ်ထဲရှိ မှိုများကိုမွ၍ ကတ္ထူစက္ကူပေါ်တွင် စိုက်ရပါသည်။ ပေါင်၏ဘေးနှုတ်ခမ်းကို လေးလက်မခန့်ခွာ၍ စိုက်ရပါသည်။

     ထိုမှိုပေါ်တွင် စင်းထားသောဗေဒါကိုထပ်ဖြူး၍ နွားချေးကိုအရည်ဖျော်ပြီး ကျဲကျဲလောင်းပေးရပါသည်။ ထိုသို့လောင်းပြီးနောက် မှိုအားဆေးတစ်ခါဖျန်းပေးရပါသည်။ အားဆေးဖျန်းပြီးလျှင် လေသလပ်လို့မရသောကြောင့် ပလတ်စတစ်အကြည်အုပ်ပေးရပါသည်။ စိုက်ပြီး ၅ရက်အကြာတွင် မှိုများစထွက်ပါသည်။

    မှိုစထွက်ပြီး ၉ရက်၊ ၁၀ ရက်ခန့်ကြာလျှင် နုတ်ကာ ဈေးများသို့ပို့၍ ရောင်းချနိုင်ပါသည်။ တစ်ပေါင်လျှင် မှို ၁၀ပိဿာခန့်ထွက်ရှိပါသည်။ တောင်ငူမြို့၊ ညောင်ပင်ဈေးတွင် မှိုရောင်းချသူများက မှိုစိုက်တောင်သူများထံမှ တစ်ပိဿာလျှင် ၈၀၀၀ကျပ်ဖြင့်ဝယ်ယူပြီး ၁၂၀၀၀ကျပ်ဖြင့် ပြန်လည်ရောင်းချကြောင်းသိရှိရပါသည်။

DOCA(ပဲခူး)

      ပခုက္ကူမြို့၌ ၂၀၂၃ခုနှစ်၊ အောက်တိုဘာလ(ဒုတိယပတ်)တွင် ဘိလပ်မြေဈေးကွက်မှာ မိုးတွင်း ကာလဖြစ်သောကြောင့် အရောင်းအဝယ်အနည်းငယ်အေးနေပြီး    ကြံနှစ်ကောင်ဘိလပ်မြေ တစ်အိတ်လျှင် ကျပ်(၈၇၀၀)၊ အယ်လဖာဘိလပ်မြေ တစ်အိတ်လျှင် ကျပ်(၈၇၀၀)ဖြင့် အရောင်းအဝယ်ဖြစ်ကြောင်း သိရသည်။

    စိုက်ပျိုးရာသီဖြစ်သောကြောင့်  ဓာတ်မြေဩဇာဈေးနှုန်းများမှာလည်း   အသုံးအများဆုံးဖြစ်သော အာမိုယူရီးယား၊ ဩဘာယူရီးယား၊ ပုလဲရွှေတောင်၊ ရွှေကောမက်၊ ပိုတက်အမျိုးအစားများမှာ ဈေးတက်လာသည်ကို တွေ့ရပါသည်။ ယခု အောက်တိုဘာလ(ဒုတိယပတ်)တွင် အာမိုယူရီးယား (50)kgပါတစ်အိတ်လျှင် ကျပ်(၉၇၀၀၀)၊ ဩဘာယူရီးယား(50)kgပါ တစ်အိတ်လျှင် ကျပ်(၁၀၅၀၀၀)၊ တရုတ်ပုလဲရွှေတောင်(50)kgပါ  တစ်အိတ်လျှင် ကျပ်(၉၈၀၀၀) အသီးသီးရှိခဲ့ပါသည်။ ပုံမှန်အရောင်းအဝယ်ဖြစ်သော ဓာတ်မြေဩဇာများမှာ ရွှေနဂါးယူရီးယား (50k)g ပါ တစ်အိတ်လျှင် ကျပ်(၈၅၀၀၀)၊ တီစူပါသံကွင်း(50)kgပါ တစ်အိတ်လျှင် ကျပ်(၉၅၀၀၀)၊ မြန်မာဩဘာရွှေကောမက်(50)kgပါ တစ်အိတ်လျှင် ကျပ်(၁၂၅၀၀၀)၊ အာမိုကွန်ပေါင်း(50)kgပါ တစ်အိတ်လျှင် ကျပ်(၁၃၉၀၀၀)၊ ဩဘာ ကွန်ပေါင်း(50)kgပါ တစ်အိတ်လျှင် ကျပ်(၁၅၇၀၀၀)၊ ကောမက်ကွန်ပေါင်း ၁၅း၁၅း၁၅(50kg)ပါ တစ်အိတ်လျှင် ကျပ်(၁၃၄၀၀၀)ဖြင့် အသီးသီးအရောင်းအဝယ်ဖြစ်လျက်ရှိပါသည်။

     ပိုးသတ်ဆေး ဈေးနှုန်းများအနေဖြင့် ယခုရာသီတွင် ဈေးတက်လာသည်ကိုတွေ့ရပြီး အာမို မက်နီဖော့(500)cc တစ်ဘူးလျှင် ကျပ်(၃၀၀၀၀)၊ အာမိုအီမာ (၁)လီတာဘူးတစ်ဘူးလျှင် ကျပ်(၃၆၅၀၀)၊ မင်းမဟော်စီအက်စ်(500)gပါ တစ်ထုပ်လျှင် ကျပ်(၂၀၀၀၀)၊ ဩဘာပို့စ်(၂၅၀)cc ဘူးတစ်ဘူးလျှင် ကျပ်(၁၁၀၀၀)၊ ဩဘာအဆီဖိတ်(500)gပါ တစ်ထုပ်လျှင် ကျပ်(၂၃၀၀၀)၊ ဩဘာငှက်ကြီးတောင်(၁၀၀)cc တစ်ဘူးလျှင် ကျပ်(၁၇၅၀၀)၊ ဩဘာငှက်ကြီးတောင်(၂၅၀)cc တစ်ဘူးလျှင် ကျပ်(၄၁၀၀၀)၊ မင်းမဟော်ဖော်ယူဘိုး(500)cc တစ်ဘူးလျှင် ကျပ်(၃၀၀၀၀)၊ မင်းမဟော်ဖော်ယူဘိုး (250)cc တစ်ဘူးလျှင် ကျပ်(၁၆၀၀၀)အသီးသီးရှိပြီး ပိုးသတ်ဆေးများမှာရောင်းအားအနေဖြင့် ပုံမှန်အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မကွေး)