ပြည်တွင်းကုန်သွယ်မှုသတင်း

   အောက်တိုဘာလ ဒုတိယပတ်အတွင်း ကော့ကရိတ်မြို့နယ်၌  အခြေခံစားကုန်များဖြစ်သော ရွှေဘို ပေါ်ဆန်းဆန် တစ်ပြည် ၆၄၀၀ ကျပ်၊ ဖျာပုံပေါ်ဆန်းဆန် တစ်ပြည် ၅၂၀၀ ကျပ်၊ သထုံပေါ်ဆန်းဆန် တစ်ပြည် ၄၄၀၀ ကျပ်၊ ဧည့်မထဆန်(မနောသုခ)တစ်ပြည်   ၃၄၀၀ ကျပ်၊ ဧည့်မထဆန်(ဇီယာ) တစ်ပြည် ၃၄၀၀ ကျပ်၊ ငစိန် တစ်ပြည် ၃၂၀၀ ဖြင့် အရောင်းအဝယ်ဖြစ်လျက်ရှိပြီး ကြက်သွန်နီ(ကြီး)လက်လီဈေးမှာ တစ်ပိဿာ ၃၂၀၀ ကျပ်၊ ကြက်သွန်နီ(လတ်)တစ်ပိဿာ ၂၈၀၀ ကျပ်၊ ကြက်သွန်နီ(သေး) တစ်ပိဿာ ၂၅၀၀ ကျပ်၊ ကြက်သွန်ဖြူ(ဗမာ) တစ်ပိဿာ ၁၂၀၀၀ ကျပ်၊ ကြက်သွန်ဖြူ (ကြူကုတ်) တစ်ပိဿာ ၁၀၀၀၀ ကျပ်၊ ဂျင်း တစ်ပိဿာ ၇၀၀၀ ကျပ်၊ ငရုတ်သီးခြောက် အမျိုးအစားအလိုက် တစ်ပိဿာ ၁၆၀၀၀ ကျပ် မှ ၁၉၀၀၀ ကျပ်ထိ၊ အာလူး တစ်ပိဿာ ကျပ် ၂၃၀၀ မှ ၂၅၀၀ ထိ ၊ ကုလားပဲခြမ်း တစ်ပိဿာ ၆၅၀၀ ကျပ်၊ ပဲနီလေး တစ်ပိဿာ ၇၀၀၀ ကျပ်၊ ခရမ်းချဉ်သီး တစ်ပိဿာ ၂၅၀၀ ကျပ် ဖြင့် အရောင်းအဝယ်ဖြစ်နေသည်။

      ကြက်ဥ လက်လီဈေးနှုန်းမှာ (ကြီး)တစ်လုံးလျှင် ၃၀၀ ကျပ်၊ (သေး) တစ်လုံးလျှင် ၂၅၀ ကျပ်၊ ဘဲဥ(ကြီး)တစ်လုံး ၃၅၀ ကျပ်၊ (သေး) တစ်လုံး ၃၀၀ ကျပ်ရှိသည်။ အသား/ငါး ဈေးနှုန်းများမှာ ကြက်သား (CP) တစ်ပိဿာ ၁၂၀၀၀ ကျပ်၊ ကြက်သား(ဗမာ)တစ်ပိဿာ ၁၈၀၀၀ ကျပ်၊ ကြက်သား (ဥတုံး) တစ်ပိဿာ ၁၃၀၀၀ ကျပ်၊ ဝက်သား တစ်ပိဿာ ၂၀၀၀၀ ကျပ်၊ ဆိတ်သား တစ်ပိဿာ  ၃၀၀၀၀ ကျပ်၊ ငါးမြစ်ချင်း တစ်ပိဿာ ၆၀၀၀ ကျပ်၊ ချောင်း ငါးကြင်း တစ်ပိဿာ ၂၀၀၀၀ ကျပ်မှ ၂၅၀၀၀ ကျပ်ထိ၊ ငါးတန် တစ်ပိဿာ ၅၀၀၀ ကျပ်ဖြင့် အရောင်းအဝယ်ဖြစ်လျက်ရှိပါသည်။

     စားသုံးဆီ ဈေးနှုန်းများမှာ ပဲဆီသန့် တစ်ပိဿာလျှင် ၁၅၀၀၀ ကျပ်၊ စားအုန်းဆီ (ယိုးဒယား)တစ်ပိဿာလျှင် ၇၅၀၀ ကျပ်တို့ဖြင့် အရောင်းအဝယ်ဖြစ်နေကြောင်း သိရသည်။

DOCA(ကရင်)

   ကရင်ပြည်နယ် ၊ ဘားအံမြို့ပေါ်ရှိဈေးများတွင် နေ့စဉ်ကုန်ဈေးနှုန်းဖြစ်ပေါ်လျက်ရှိသော အခြေခံစားသောက်ကုန်ဈေးနှုန်းများအား စာရင်းကောက်ယူလျက်ရှိရာ ၂၀၂၃ ခုနှစ် အောက်တိုဘာလ ဒုတိယပတ်တွင် ကြက်သွန်နီကြီးဈေးနှုန်းမှာ အနည်းငယ်မြင့်တက်ခဲ့ကြောင်း သိရသည်။

    ဘားအံမြို့ပေါ်ရှိဈေးများတွင် စားဖိုဆောင်သီးနှံဖြစ်သည့် ကြက်သွန်နီဈေးနှုန်းများမှာ  အောက်တိုဘာလ ပထမပတ်တွင် ကြက်သွန်နီသေး တစ်ပိဿာလျှင် (၃၂၀၀) ကျပ်၊ကြက်သွန်နီလတ် တစ်ပိဿာလျှင် (၃၃၀၀) ကျပ်၊ကြက်သွန်နီကြီး တစ်ပိဿာလျှင် (၃၅၀၀)ကျပ်ဖြင့် ရောင်းချခဲ့ပြီး ယခုအောက်တိုဘာလ ဒုတိယပတ်တွင် ကြက်သွန်နီသေး တစ်ပိဿာလျှင် (၃၂၀၀) ကျပ် ၊ ကြက်သွန်နီလတ် တစ်ပိဿာလျှင် (၃၃၀၀) ကျပ်၊ ကြက်သွန်နီကြီး တစ်ပိဿာလျှင် (၃၇၀၀)ကျပ်ဖြင့် ရောင်းချလျက်ရှိသောကြောင့် ကြက်သွန်နီ(အသေးနှင့်အလတ်)မှာ ဈေးနှုန်းပြောင်းလဲမှု မရှိသော်လည်း ကြက်သွန်နီကြီးဈေးနှုန်းမှာ အနည်းငယ်မြင့်တက်ခဲ့ကြောင်း သိရသည်။

DOCA(ကရင်)

       ကရင်ပြည်နယ်၊ဘားအံမြို့ပေါ်တွင် ၂၀၂၃ ခုနှစ်၊ အောက်တိုဘာလ ဒုတိယပတ်အတွင်း အရောင်းအဝယ်ဖြစ်လျက်ရှိသော ပဲမျိုးစုံ၏ ဈေးနှုန်း/ဈေးကွက်အခြေအနေများကို ဘားအံမြို့၊ ကျော်စိုး(ပဲပွဲရုံ)သို့ ကွင်းဆင်းလေ့လာမေးမြန်းခဲ့ရာ ပဲမျိုးစုံ၏ ၁ပိဿာဈေးနှုန်းများမှာ ထောပတ်ပဲ ၈၀၀၀/-ကျပ်၊ ပဲလွန်းဖြူ ၃၀၀၀/-ကျပ်၊ ဘိုကိတ် ၃၅၀၀/-ကျပ်၊ ပဲပုတ် ၃၇၀၀/-ကျပ်၊ မတ်ပဲ ၃၈၀၀/-ကျပ်၊ ပဲတီ‌ရွှေဝါ ၃၅၀၀/-ကျပ်၊ ပဲတီစိမ်း ၃၀၀၀/-ကျပ်၊ မြေပဲဆန် ၉၀၀၀/-ကျပ်၊ နှမ်း(ကိုင်း) ၇၀၀၀/-ကျပ်၊ နှမ်း(တောင်ယာ) ၈၀၀၀/-ကျပ် ဖြစ်ကြောင်း သိရသည်။

      ဈေးကွက်အနေဖြင့် နှမ်း(တောင်ယာ)၏ဈေးနှုန်းမှာ တည်ငြိမ်နေပြီး ထောပတ်ပဲနှင့် ကျန်ပဲဈေးနှုန်းများမှာ အနည်းငယ်မြင့်တက်လျက်ရှိကြောင်း သိရသည်။

DOCA(ကရင်)

      ကရင်ပြည်နယ်၊ ဘားအံမြို့တွင် ၂၀၂၃ အောက်တိုဘာလအတွင်း ကြက်ဥဈေးအနည်းငယ် ကျဆင်းခဲ့ကြောင်း သိရသည်။

      ဈေးနှုန်းစာရင်းများအရ ယခင်က ကြက်ဥ အလတ်ဆိုဒ် ၃၀ ပါ တစ်ကတ်လျှင် ၇၅၀၀/ ကျပ်ဖြစ်ပြီး ယခုအခါ တစ်ကတ်လျှင် ၆၉၀၀ ကျပ်ဖြင့် အရောင်းအဝယ်ဖြစ်လျက်ရှိကြောင်း သိရသည်။

    ကြက်ဥဈေးနှုန်းကျဆင်းရခြင်းနှင့်ပတ်သက်၍ ကရင်ပြည်နယ်၊ ဘားအံမြို့ဇာသပြင် အဖြောင့် လမ်း မှ  ဘားအံမြို့သို့ လက်လီ/ လက်ကား လာရောက်ဖြန့်ဖြူးရောင်းချလျက်ရှိသော နိုင်ဝင်းအောင် ကြက်ဥ/ ဘဲဥအရောင်းဒိုင်က  “ ကြက်ဥအရောင်းအဝယ်က နည်းနည်းအေးသွား တယ်၊ ဈေးလည်း တစ်လုံး ၃၀ လောက်ဈေးကျတယ်၊ အစာဖိုးကတော့ ဈေးမကျပါဘူး၊ အခုက သားငါးတွေ ပေါလာလို့ ကြက်ဥ အဝယ်အေးပြီးဈေးကျသွားတဲ့ သဘောပါပဲ” ဟု ဈေးကွက် အခြေအနေအား ပြောပြသည်။

    ကရင်ပြည်နယ်တွင် ကြက်ဥများအား ဒေသတွင်း မွေးမြူရေးခြံများမှ ဈေးကွက်အတွင်း ဖြန့်ဖြူးမှုများရှိသကဲ့သို ပဲခူး( တောင်သုံးလုံး)၊ တောင်ကြီး စသည့် မွေးမြူရေးခြံများမှ ကြက်ဥများ လည်း ဝင်ရောက်ကြောင်း သိရသည်။

DOCA(ကရင်)

      ၂၀၂၃ခုနှစ်၊ အောက်တိုဘာလ ပထမအပတ်အတွင်း မုံရွာမြို့နယ်အတွင်း အခြေခံစားသောက်ကုန်များဖြစ်သော ရွှေဘိုပေါ်ဆန်းဆန်တစ်ပြည်လျှင် (၅၇၀၀) ကျပ်၊ ဧရာမင်းဆန်တစ်ပြည်လျှင် (၅၇၀၀)  ကျပ်ဖြင့် အရောင်းအဝယ်ဖြစ်လျက်ရှိပါသည်။ စားအုန်းဆီတစ်ပိဿာလျှင် (၅၀၀၀) ကျပ်၊ မြေပဲဆီတစ်ပိဿာလျှင် (၁၂၅၀၀)ကျပ်၊ နှမ်းဆီတစ်ပိဿာလျှင် (၁၂၅၀၀) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။ ကြက်သွန်နီလက်လီတစ်ပိဿာလျှင် (၂၀၀၀) ကျပ်မှ (၂၅၀၀) ကျပ်ထိ၊ ကြက်သွန်ဖြူလက်လီ (ဗမာ) တစ်ပိဿာလျှင် (၉၅၀၀) ကျပ်မှ (၁၀၀၀၀) ကျပ်ထိ၊ ကြက်သွန်ဖြူ (ရှမ်း) တစ်ပိဿာလျှင် (၈၀၀၀) ကျပ်မှ (၉၀၀၀) ကျပ်ထိ၊ ကြက်သွန်ဖြူ(ကြူကုတ်) တစ်ပိဿာ လျှင် (၉၀၀၀)ကျပ်မှ (၉၅၀၀) ကျပ်ထိ၊ ချင်းတက်တစ်ပိဿာလျှင် (၃၅၀၀) ကျပ်မှ (၅၀၀၀) ကျပ်ထိ၊ ငရုတ်ခြောက်တစ်ပိဿာလျှင် အမျိုးအစားအလိုက်  (၁၅၀၀၀)  ကျပ်မှ (၁၆၀၀၀) ကျပ်ထိ၊ အာလူးတစ်ပိဿာလျှင် (၂၂၀၀) ကျပ် မှ (၂၅၀၀) ကျပ်ထိ၊ ခရမ်းချဉ်သီးတစ်ပိဿာလျှင် (၂၀၀၀) ကျပ်မှ (၂၂၀၀)ကျပ် တို့ဖြင့် အရောင်းအဝယ်ဖြစ်လျက်ရှိပါသည်။

      ကြက်ဥလက်လီဈေးနှုန်းမှာ အကြီးတစ်လုံးလျှင် (၃၀၀) ကျပ်၊ အသေးတစ်လုံးလျှင် (၂၅၀) ကျပ်၊ ဘဲဥ(ကြီး) တစ်လုံးလျှင် (၄၀၀) ကျပ်၊ အသေးတစ်လုံးလျှင် (၃၅၀) ကျပ်ရှိသည်။ မုံရွာမြို့၏ အသားငါးဈေးနှုန်းမှာ ကြက်သား(အကောင်လိုက်) (CP) တစ်ပိဿာလျှင် (၆၀၀၀) ကျပ်မှ  (၈၀၀၀) ကျပ်ထိ၊ ကြက်သား (ဗမာ) တစ်ပိဿာလျှင် (၁၈၀၀၀) ကျပ်၊ ဝက်သားတစ်ပိဿာလျှင် (၁၉၀၀၀) ကျပ်မှ (၂၀၀၀၀) ကျပ်ထိ၊ အမဲသားတစ်ပိဿာလျှင် (၁၂၀၀၀) ကျပ်မှ (၁၃၀၀၀)ကျပ်ထိ၊ ငါးမြစ်ချင်းတစ်ပိဿာလျှင် (၇၀၀၀) ကျပ်၊ ငါးကြင်းတစ်ပိဿာလျှင် (၈၀၀၀) ကျပ်တို့ဖြင့် အရောင်းအဝယ်ဖြစ်နေကြောင်းသိရပါသည်။

          စက်တင်ဘာလ ပထမအပတ်အတွင်းဖြစ်ပေါ်နေသော အခြေခံစားသောက်ကုန်ဈေးနှုန်းများနှင့် ယခင်အပတ်ဈေးနှုန်းတို့ကိုနှိုင်းယှဉ်လျှင် တခြားအခြေခံစားသောက်ကုန်ဈေးနှုန်းများမှာ ကွာဟမှုမရှိကြောင်း မုံရွာမြို့၊ ကန်သာယာဈေး၌ ဈေးရောင်းချနေသူများထံမှသိရှိရပါသည်။

DOCA(စစ်ကိုင်း)