ပြည်တွင်းကုန်သွယ်မှုသတင်း

     ပြည်ပဲဈေးကွက်မှာ ဈေးအမြင့်ဖြင့်  ရောင်းဝယ်လျက်ရှိသော အခြားပဲများထက် ဈေးကောင်းရလျက်ရှိသော ပဲကြီးသီးနှံဟာဆိုလျှင် ယခုအောက်တိုဘာ လဆန်းပိုင်းတွင်လည်း ဈေးအမြင့်ဖြင့် ဆက်လက်အရောင်းအဝယ်ဖြစ်နေခဲ့ပါသည်။ ပဲကြီးသီးနှံသည် အောက်တိုဘာလတွင် စိုက်ပျိုးမှု များကြသည့်နည်းတူ  မိုးစပါးစိုက်လယ်မြေများ၏ လယ်ကန်သင်းများတွင် တောင်သူအချို့ စိုက်ပျိုးမှုရှိကြသည့်အတွက် မျိုးပဲအဝယ်အနည်းငယ်ရှိသလို ဒေသတွင်းပဲကြော်ဖို လုပ်ငန်းသမား များကလည်း ပုံမှန်ဝယ်ယူမှုရှိကြပါသည်။ ဒါကြောင့် တစ်ရက် အိတ် ၂၀၀/၃၀၀ ကျော် ရောင်းဝယ်မှုဖြစ်ပြီး ဈေးအနေဖြင့် (ရွှေကျွန်း) တစ်တင်း ၁၀၃၅၀၀ ကျပ်၊ (ကမ်းနား) တစ်တင်း ၁၀၂၀၀၀ ကျပ်တို့ဖြင့် အသီးသီးရောင်းဝယ်နေကြပါသည်။ ပဲကြီးသီးနှံသည် ဈေးကွက်အတွင်း လက်ကား ရောင်းဝယ်မှုအဖြစ်များသော ပဲဈေးကွက်၌ ဈေးအမြင့်ဆုံးဖြစ်သလို အရောင်းအဝယ်လည်း သွက်နေသည့် ပဲသီးနှံဖြစ်နေခဲ့ပါသည်။ ယခင်နှစ်က ပဲကြီးသီးနှံ၏ အောက်တိုဘာလအတွင်း အရောင်းအဝယ်ဖြစ်ခဲ့သောဈေးမှာ တစ်တင်း ၇၁၀၀၀ ကျပ်မှ ၈၀၀၀၀ ကျပ်အထိ ရရှိခဲ့သည့်အတွက် အခြားပဲများနှင့်ယှဉ်လျှင် ဈေးကောင်းပိုရသည့် သီးနှံဖြစ်ပြီး ယခုနှစ်မှာလည်း ယခင်နှစ်ထက် ဈေးပိုရကာ ဈေးကောင်းဆက်ရနေသည့် သီးနှံဖြစ်ကြောင်း လေ့လာသိရှိရပါသည်။

DOCA(ပဲခူး)

    ကုန်ဈေးနှုန်းမြင့်တက်မှုကြောင့် စားသုံးသူပြည်သူများ ဝန်ထုပ်ဝန်ပိုးမဖြစ်စေရေးနှင့် ဖြစ်သင့်ဖြစ်ထိုက်သည့် ဈေးနှုန်းအတိုင်း ဝယ်ယူရရှိနိုင်ရေးအတွက် ရောင်းသူမှ ဝယ်သူသို့ တိုက်ရိုက်ရောင်းချခြင်းဖြင့် ကရင်ပြည်နယ်အတွင်း ကုန်ဈေးနှုန်းတည်ငြိမ်ရေးနှင့် ကျဆင်းနိုင်စေရန် ကရင်ပြည်နယ်ကုန်ဈေးနှုန်း တည်ငြိမ်ရေးနှင့် ကျဆင်းရေးကော်မတီမှ ဘားအံမြို့  အမှတ်(၃)ရပ်ကွက် ကမ်းနားလမ်းအခွန်လွတ်ဈေးအား  ၁၄.၁၀.၂၀၂၃ ရက်နေ့မှစ၍ အပတ်စဉ် စနေနေ့၌ ဖွင့်လှစ်ရောင်းချ ပေးလျက်ရှိကြောင်း သိရသည်။

  ဖွင့်လှစ်ရောင်းချပေးလျက်ရှိသော အခွန်လွတ်ဈေးတွင် ကိုယ်တိုင်စိုက်ပျိုး ထုတ်လုပ်သူများနှင့် အသား/ငါးအရောင်းဒိုင်များ စည်ပင်သာယာမှသတ်မှတ်ဈေးနှုန်းဖြင့်ရောင်းချရာတွင် ဝက်သား ၁ပိဿာ၁၂၀၀၀ကျပ်၊ အမဲသား၁ပိဿာ၁၄၀၀၀ကျပ်၊ဆိတ်သား၁ပိဿ၁၇၀၀၀ကျပ်၊ ကြက်သား (အိမ်ကြက်)၁၂၀၀၀ကျပ်၊ ကြက်သား(မွေးမြူရေး) ၁၀၀၀၀ကျပ်၊ မွေးမြူရေးငါးကြင်း ၁ပိဿာ ၈၀၀၀ကျပ်၊ ချောင်းငါးကြင်း၁ပိဿာ၁၂၀၀၀ကျပ်၊ ငါးတန် ၁ပိဿာ၆၀၀၀ကျပ်၊ ပလာတူး၁ပိဿာ ၆၀၀၀ကျပ်၊ ဘဲဥ၁လုံး၃၀၀ကျပ်၊ကြက်ဥ၁လုံး၂၅၀ကျပ်၊ကန်စွန်းရွက်၁စည်း ၂၀၀ကျပ်၊ ချဉ်ပေါင်ရွက် ၁စည်း ၂၀၀ကျပ်၊ ဂေါ်ဖီထုပ် ၁ထုပ် ၅၀၀ကျပ်၊ခရမ်းချဉ်သီး ၁ပိဿာ  ၁၀၀၀ကျပ်၊ စားသုံးဆီ ၁ပိဿာ ၄၉၅၀ကျပ်နှင့် ဧည့်မထ/မနှောသုခဆန်  ၁ပြည် ၂၇၀၀ကျပ်စသည့်ဖြင့် စားသုံးသူပြည်သူများထံ ဈေးနှုန်းချိုသာစွာဖြင့် တိုက်ရိုက် ရောင်းချပေးလျက်ရှိကြောင်း သိရသည်။

    အဆိုပါအခွန်လွတ်ဈေးများ ဖွင့်လှစ်ရောင်းချပေးခြင်းဖြင့်  ကိုယ်တိုင်စိုက်ပျိုးထုတ်လုပ်သူများအနေဖြင့် ဝယ်သူများထံသို့ ကြားပွဲစားမခံဘဲ တိုက်ရိုက်ရောင်းချနိုင်သောကြောင့် သီးနှံ၊ အသား/ငါး ထုတ်လုပ်ရောင်းချမှုအပေါ် အမြတ်အစွန်းပိုမိုရရှိနိုင်မည်ဖြစ်ပြီး စားသုံးသူပြည်သူများအနေဖြင့်လည်း ဈေးနှုန်းသက်သာစွာဖြင့် တိုက်ရိုက်ဝယ်ယူနိုင်သောကြောင့် နေ့စဉ်စားသောက်ရေးအတွက် ကုန်ကျစရိတ်အပေါ်ကာမိကာ ကုန်ဈေးနှုန်းအဆမတန်ကြီးမြင့်မှုကြောင့် လှုမှုစီးပွားဘဝ ရိုက်ခတ်မှု လျော့နည်းသက်သာလာမည်ဖြစ်ကြောင်း သိရသည်။အဆိုပါကမ်းနားလမ်း အခွန်လွတ်ဈေးအား ပြည်နယ်အစိုးရအဖွဲ့၏ လမ်းညွှန်မှုဖြင့် (၁၄.၁၀.၂၀၂၃)ရက်နေ့ နံနက်(၀၆:၀၀)နာရီတွင် စတင်ဖွင့်လှစ်ခဲ့၍ ကမ်းနားလမ်းအခွန်လွတ်ဈေးကို ပြည်နယ်အစိုးအရအဖွဲ့၊ ဆက်စပ်ဌာနအဖွဲ့များ၊ စားသုံးသူရေးရာဦးစီးဌာနနှင့်ပြည်သူလူထုတို့မှ ဝယ်ယူအားပေး ကြည့်ရှု့ခဲ့ကြောင်း သတင်းရရှိပါသည်။

DOCA(ကရင်)

  “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်” ဆိုသည့် မျှော်မှန်းချက်နှင့်အညီ အကောင်အထည်ဖော်ဆောင်ရွက်လျက်ရှိရာ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးအနေဖြင့် သီးနှံဈေးနှုန်း၊ ဈေးကွက်နှင့် စီးဝင်/ စီးထွက်မှုအခြေအနေများကို စာရင်းကောက်ယူလျက်ရှိရာ ကန့်ဘလူခရိုင်အတွင်း  ဆန်စီးဝင်/ စီးထွက်အခြေအနေများကို ဖော်ပြလိုက်ရပါသည်။

   ကန့်ဘလူခရိုင်အနေဖြင့် ၂၀၂၃ခုနှစ်၊ အောက်တိုဘာလ ဒုတိယအပတ်အတွင်း ဖြစ်ပေါ်ခဲ့သော စပါး၊ ဆန်ဈေးနှုန်းများမှာ ရွှေဘိုပေါ်ဆန်း စပါးတင်း(၁၀၀)လျှင် ကျပ်၃၄၀၀၀၀၀၊ ဧရာမင်း စပါးတင်း (၁၀၀)လျှင် ကျပ်၃၀၀၀၀၀၀ နှင့် ရွှေဝါထွန်း နွေစပါးတင်း(၁၀၀)လျှင် ကျပ်၁၇၀၀၀၀၀၊ ရွှေဘိုပေါ်ဆန်း ဆန်(၂၄)ပြည်ပါ တစ်အိတ်လျှင် ကျပ်၁၂၃၀၀၀၊ ဧရာမင်းဆန်(၂၄)ပြည်ပါ တစ်အိတ်လျှင် ကျပ်၁၂၈၀၀၀နှင့် ရွှေဝါထွန်းဆန်(၂၄)ပြည်ပါ တစ်အိတ်လျှင် ကျပ်၇၀၀၀၀ဖြစ်ပြီး  ကန့်ဘလူခရိုင်မှ အခြားတိုင်းဒေသကြီးနှင့်ပြည်နယ်များသို့ ဆန်စီးထွက်မှုမှာ  မန္တလေးတိုင်းသို့ အိတ်ရေ ၇၀၀အိတ်၊ ရန်ကုန်တိုင်းသို့အိတ်ရေ ၃၀၀အိတ်နှင့် ကချင်ပြည်နယ်သို့ အိတ်ရေ ၅၀၀အိတ်၊ စုစုပေါင်းအိတ်ရေ ၁၅၀၀အိတ်၊ တန်အားဖြင့် (၇၅)တန်စီးထွက်ခဲ့ကြောင်း ဒေသခံဆန်စက်လုပ်ငန်းရှင်နှင့်ချိတ်ဆက်မေးမြန်းမှုအရ သတင်းရရှိပါသည်။   

DOCA(စစ်ကိုင်း)       

     ၂၀၂၃ ခုနှစ်၊ အောက်တိုဘာလ ဒုတိယပတ်အတွင်း ရှမ်းပြည်နယ်(အရှေ့ပိုင်း) ကျိုင်းတုံမြို့ရှိ အခြေခံစားသောက်ကုန်များဖြစ်သော ရွှေဘိုပေါ်ဆန်မွှေး(သိင်္ဂီ) တစ်ပြည် ၇၀၅၀ ကျပ်၊ ဧည့်မထ (ဒေသ)ဆန် တစ်ပြည် ၃၉၅၀ ကျပ်ဖြင့် ရောင်းဝယ်လျက်ရှိပါသည်။ စားဖိုဆောင်စားသောက်ကုန်များ အနေဖြင့် ကြက်သွန်နီ တစ်ပိဿာ ၄၅၀၀ ကျပ်၊ ကြက်သွန်ဖြူ(ကြူကုတ်) တစ်ပိဿာ ၉၀၀၀ ကျပ်၊ (ရှမ်းစ)တစ်ပိဿာ ၁၀၀၀၀ ကျပ်၊ ငရုတ်သီးခြောက်(ရှည်)တစ်ပိဿာ ၁၈၀၀၀ ကျပ်၊ ခရမ်းချဉ်သီး တစ်ပိဿာ ၂၃၀၀ ကျပ်၊ အာလူး တစ်ပိဿာ ၃၅၀၀ ကျပ်၊ မန်ကျည်းသီးမှည့် တစ်ပိဿာ ၄၀၀၀ ကျပ်နှင့် ချင်း တစ်ပိဿာ ၅၅၀၀ ကျပ် စသဖြင့် ရောင်းဝယ်လျက်ရှိပါသည်။

      ကျိုင်းတုံမြို့တွင် အောက်တိုဘာလ ဒုတိယပတ် စားသုံးဆီဈေးနှုန်းများအနေဖြင့် စားအုန်းဆီ တစ်ပိဿာ ၇၁၀၀ ကျပ်နှင့် ပဲဆီ(ရိုးရိုး) တစ်ပိဿာ ၁၆၀၀၀ ကျပ်၊ ကြက်ဥဈေးမှာ တစ်လုံး ၃၀၀ ကျပ် နှင့် ဘဲဥ တစ်လုံး ၄၀၀ ကျပ်ဖြင့် ရောင်းဝယ်လျက်ရှိပါသည်။ အသား/ငါးဈေးနှုန်းများမှာ ကြက်သား (CP) တစ်ပိဿာ ၁၄၀၀၀ ကျပ်၊ ဝက်သား တစ်ပိဿာ ၂၀၀၀၀ ကျပ်၊ အမဲသား တစ်ပိဿာ ၂၄၀၀၀ ကျပ်၊ ငါးကြင်း တစ်ပိဿာ ၁၇၅၀၀ ကျပ်၊ ငါးမြစ်ချင်း တစ်ပိဿာ ၁၅၅၀၀ ကျပ် ဈေးနှုန်းများဖြင့် ရောင်းဝယ်လျက်ရှိကြောင်း သိရှိရပါသည်။

       ကျိုင်းတုံမြို့ အခြေခံစားသောက်ကုန်ဈေးနှုန်းများသည် ယခင် အောက်တိုဘာလ ပထမပတ်နှင့် ဈေးနှုန်းနှိုင်းယှဉ်ပါက ကြက်သွန်ဖြူ(ရှမ်းစ)၊ ကြက်သွန်ဖြူ(ကြူကုတ်) ဈေးနှုန်းတို့မှာ ကျဆင်းလျက်ရှိပြီး ငါးကြင်းနှင့် ငါးမြစ်ချင်းဈေးနှုန်းတို့မှာ အနည်းငယ်မြင့်တက်လျက်ရှိပါသည်။ ကျန်အခြေခံစားသောက်ကုန်များမှာ ဈေးနှုန်းတည်ငြိမ်လျက်ရှိကြောင်း သိရှိရပါသည်။

DOCA(ရှမ်း)

    ၂၀၂၃ ခုနှစ်၊ အောက်တိုဘာလ ဒုတိယအပတ်တွင် ကျိုင်းတုံမြို့ဈေးကွက်ရှိ ဘိလပ်မြေနှင့် ဓာတ်မြေဩဇာဈေးနှုန်းအနေဖြင့် ဘိလပ်မြေ ကျားတံဆိပ် (40)kg တစ်အိတ်လျှင် (၁၆၃၀၀) ကျပ်၊ ဆင်တံဆိပ် (50)kg တစ်အိတ်လျှင် (၁၈၀၀၀)ကျပ်၊ စိန်တံဆိပ် (50)kg တစ်အိတ်လျှင် (၁၈၀၀၀)ကျပ် ဖြစ်ပါသည်။ ဓာတ်မြေဩဇာဈေးနှုန်းများမှာ ပုလဲ (MEP) (50)kg တစ်အိတ်လျှင် (၈၅၀၀၀)ကျပ်၊ တီဆူပါ (လေဆာ) (50)kg တစ်အိတ်လျှင် (၂၃၀၀၀) ကျပ် ဖြစ်ပါသည်။

   တာချီလိတ်မြို့ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၁၄၀၀၀) ကျပ်၊ ဆင်တံဆိပ်(50)kg တစ်အိတ်လျှင် (၁၅၂၀၀)ကျပ်၊ စိန်တံဆိပ်(50)kg တစ်အိတ်လျှင် (၁၅၂၀၀)ကျပ် ဖြစ်ပါသည်။ ဓာတ်မြေဩဇာဈေးနှုန်းအနေဖြင့် တီဆူပါ (may) (50)kg တစ်အိတ်လျှင် (၈၉၂၀၀)ကျပ်၊ ချာန (သုံးမျိုးစပ်) (50)kg တစ်အိတ်လျှင် (၄၄၆၀၀)ကျပ် ဖြစ်ပါသည်။

   ရှမ်းပြည်နယ်(အရှေ့ပိုင်း)၊ ကျိုင်းတုံမြို့၏ ဘိလပ်မြေနှင့် ဓာတ်မြေဩဇာဈေးနှုန်းများမှာ ယခင် အောက်တိုဘာလ ပထမပတ်နှင့် ဈေးနှုန်းနှိုင်းယှဉ်ပါက ဘိလပ်မြေဈေးနှုန်းသည် ကျဆင်းလျက်ရှိပြီး ဓာတ်မြေဩဇာဈေးနှုန်းသည် တည်ငြိမ်လျက်ရှိပါသည်။ တာချီလိတ်မြို့၏ ဘိလပ်မြေဈေးနှုန်းမှာ အနည်းငယ်မြင့်တက်လျက်ရှိပြီး ဓာတ်မြေဩဇာဈေးနှုန်းသည် တည်ငြိမ်လျက်ရှိကြောင်း သိရှိရပါသည်။

DOCA(ရှမ်း)