“မိုးနှမ်းများရိတ်သိမ်းပြီးစီး”
မန္တလေးတိုင်းဒေသကြီး၊ ကျောက်ဆည်ခရိုင်သည် သီးနှံမျိုးစုံစိုက်ပျိုးဖြစ်ထွန်းလျှက်ရှိရာ ဆီထွက်သီးနှံတစ်မျိုးဖြစ်သည့် နှမ်းသီးနှံကိုလည်း အဓိကထားစိုက်ပျိုးလျှက်ရှိပါသည်။ မိုးနှမ်းစိုက်ဧကအနေဖြင့် ကျောက်ဆည်မြို့နယ်တွင်(၃၈၀၇)ဧက၊ စဉ့်ကိုင်မြို့နယ်တွင်(၁၀၂)ဧက၊ မြစ်သားမြို့နယ်တွင်(၃၅၆၁)ဧက စိုက်ပျိုးထားရှိပြီး အများဆုံးစိုက်ပျိုးသောမျိုးမှာ နှမ်းနက်နှင့်နှမ်းညိုမျိုး များကိုအများဆုံးစိုက်ပျိုးကြောင်း၊ မိုးနှမ်းကို မေလနှင့်ဇွန်လများတွင်စိုက်ပျိုးခဲ့ပြီး ယခု စက်တင်ဘာ လဆန်းပိုင်းမှစတင်၍မိုးနှမ်းများအားလုံးရိတ်သိမ်းပြီးစီးပြီဖြစ်ကြောင်း ခရိုင်ကြေးတိုင်နှင့်မြေစာရင်း ဦးစီးဌာန၏စာရင်းများအရသိရှိရပါသည် ။ မိုးနှမ်းကို မြစ်သားမြို့နယ်အတွင်းရှိ ရေဝင်ရောက်မှု မရှိသည့် နွားလျာရိုးကျေးရွာ၊ ရိုးကန်ကျေးရွာနှင့်မကျီးကန်ကျေးရွာများတွင် အများဆုံးစိုက်ပျိုးကြပါသည်။ (၁)ဧကကုန်ကျစရိတ်အနေဖြင့်မျိူး၊ သွင်းအားစု၊ လုပ်သားခအပါအဝင် စုစုပေါင်း (၃၀၀၀၀ဝိ/) ကျပ်ခန့်ကုန်ကျကြောင်း၊ မိုးနှမ်းစိုက်ပျိုးရာတွင် ယာမြေများတွင် ဘောင်ကြေးပေးစနစ်ဖြင့် စိုက်ပျိုးကြပါသည်။ မိုးနှမ်းတစ်ဧကအထွက်နှုန်းအနေဖြင့် (၉-၁၀)တင်းထွက်ရှိကြောင်း နှမ်းစျေးနှုန်းအနေဖြင့် နှမ်းညိုတစ်တင်းလျှင် (၁၀၀၀၀ဝ/-)ကျပ်၊ နှမ်းနက်တစ်တင်လျှင်(၈၅၀၀၀/-)ကျပ်စျေးနှုန်းများဖြင့် ရောင်းဝယ်လျှက်ရှိပါသည်။ ယခုလက်ရှိစျေးနှုန်းများဖြင့် ရောင်းဝယ်ရသောကြောင့် တောင်သူများအကျိုးအမြတ်များရရှိကြောင်း စျေးကွက်အနေဖြင့် တောင်သူများမှ နှမ်းများသန့်စင်ပြီး မြို့ပေါ်ရှိပွဲရုံများသို့ ကိုယ်တိုင်တိုက်ရိုက်ရောင်းချကြကြောင်း ပွဲရုံများမှမန္တလေးနှင့် ရန်ကုန်မြို့ များသို့ တင်ပို့ရောင်းချကြောင်း မိုးနှမ်းရိတ်သိမ်းမှုတွင် တစ်ဧကကုန်ကျစရိတ်နှုတ်ပြီးပါးက အကျိုးအမြတ်အနေဖြင့် (၆၀၀၀၀၀/-)ကျပ်ခန့်မြတ်ကြောင်း မိုးနှမ်းစိုက်ပျိုးသည့်တောင်သူတစ်ဦး၏ ပြောပြချက်အရ သိရှိရပါသည်။
DOCA(မန္တလေး)
