ပြည်တွင်းကုန်သွယ်မှုသတင်း

  ရန်ကုန်တိုင်းဒေသကြီး၊ သုံးခွမြို့နယ်၊ အမှတ်(၉)ရပ်ကွက်၊ ဗန္ဓုလလမ်း၊ အိမ်အမှတ် (၂၀)ရှိ မအေးပုစွန်ခြောက်ငပိကြော်လုပ်ငန်းမှာ ဈေးကွက်အတွင်း အရောင်းအဝယ်ဖြစ်လျက် ရှိရာ မအေးပုဇွန်ခြောက် ငပိကြော်ကို အချိုနှင့်အစပ်(၂)မျိုးထုတ်လုပ်ပြီး သုံးခွမြို့နယ်၊ စည်ပင်သာယာမြို့မဈေး တောင်ဘက်ပေါက်ဝတွင် ဆိုင်ခန်းငှားရမ်း၍ နေ့စဉ်နံနက်(၇)နာရီမှ (၁၁)နာရီအချိန်ထိ ရောင်းချကြောင်း သိရှိရပါသည်။

   ငပိကြော်များကို ပုံမှန်အားဖြင့် တစ်ရက်လျှင် ပိဿာချိန်(၁၀)ပိဿာမှ (၁၅)ပိဿာအထိ ရောင်းချရ ကြောင်း၊ အော်ဒါမှာယူမှု အနည်းအများပေါ်မူတည်၍ ရောင်းချရကြောင်း၊ ငပိကြော်လုပ်ငန်းကို လုပ်ကိုင်ရာတွင် အလုပ်သမား ငှားရမ်းလုပ်ကိုင်ခြင်းမရှိဘဲ မိသားစု(၅)ဦး လုပ်အားဖြင့် ထုတ်လုပ်ကြောင်း၊ လုပ်ငန်းစတင်   လုပ်ကိုင်စဉ်က ငပိကြော်(၁)ပိဿာဈေးနှုန်းမှာ (၈၀၀၀)ကျပ်ဖြစ်ပြီး ကာလကြာမြင့်လာသည်နှင့်အမျှ ကုန်ကြမ်း ပစ္စည်းဈေးနှုန်းများမှာလည်း တစ်စနှင့်တစ်စ မြင့်မားလာသည့်အတွက် ယခုအချိန်တွင် ငပိကြော်တစ်ပိဿာလျှင် (၂၀၀၀၀)ကျပ်အထိ ဖြစ်လာကြောင်း သိရှိရပါသည်။

   ငပိကြော်များကို ကြိုတင်ထုပ်ပိုးထားခြင်းမရှိပဲ ဝယ်ယူသူများ လိုအပ်သလောက်သာ ချိန်တွယ်၍ ရောင်းချကြောင်း၊ ငပိကြော်(၂၅)ကျပ်သားမှ (၅၀)ကျပ်သားအထိ ဝယ်ယူသူများကိုသာ မအေးပုစွန်ခြောက် ငပိကြော်တံဆိပ်ပါ ပလတ်စတစ်အိတ်များဖြင့် ထည့်သွင်းရောင်းချကြောင်း၊ အမှတ်တံဆိပ်ပါ ပလပ်စတစ်အိတ်ဖြင့် ရောင်းချလာခဲ့သည်မှာ (၁၀)နှစ်ခန့်ရှိပြီ ဖြစ်ကြောင်းနှင့် သက်တမ်းအားဖြင့် အနှစ်(၂၀)ခန့် ရှိပြီဖြစ်ကြောင်း ယခုအချိန်တွင်အဆိုပါ ငပိကြော်များကို ဒေသတွင်းရောင်းချရုံသာမက မြို့ပေါ်ရပ်ကွက်နှင့် ကျေးရွာများမှ ပြည်ပနိုင်ငံများသို့ သွားရောက်အလုပ်လုပ်ကိုင်သော မိသားစုများမှလည်း သုံးခွငပိကြော်အား ဝယ်ယူပြီး ပေးပို့လျက်ရှိကြောင်း သိရှိရပါသည်။ 

DOCA(ရန်ကုန်)

   ရန်ကုန်တိုင်းဒေသကြီး၊ လှိုင်မြို့နယ် ၊သီရိမင်္ဂလာဈေးတွင် ၂၀၂၃ခုနှစ်၊ဇွန်လ(၂၈) ရက်နေ့မှ ဇူလိုင်လ(၄) ရက်နေ့အထိဖြစ်ပေါ်ခဲ့သော သစ်သီးဝလံဈေးနှုန်းများမှာ ဝမ်းတွင်းမှ ဖရဲသီး (211) အလုံးကြီး ကျပ် ၃၅၀၀ ၊ အလုံးလတ် ကျပ် ၃၀၀၀၊ အလုံးသေး ကျပ် ၂၅၀၀၊ ပုပ္ပါးမှ မာလကာသီး အလုံးကြီး ကျပ် ၄၀၀၊ အလုံးလတ် ကျပ်  ၃၀၀၊ အလုံးသေး ကျပ် ၂၀၀ ၊ သီပေါမှ နာနတ်သီး အလုံးကြီး ကျပ် ၈၀၀ ၊ အလုံးလတ် ကျပ် ၇၀၀ ၊ အလုံးသေး ကျပ် ၆၀၀ ၊ ကျိုက်ကော်မှ မင်းကွတ်သီး အလုံးကြီး တစ်ခြင်း ကျပ် ၂၄၅၀၀၊ တိုက်ကြီး မှ သရက်သီး (စိန်တလုံး) အလုံးကြီး ကျပ် ၁၀၀၀၊ အလုံးလတ် ကျပ် ၈၀၀၊ အလုံးသေး  ကျပ် ၇၀၀ ၊ မန္တလေး မှ သရက်သီး (ရင်ကွဲ) အလုံးကြီး ကျပ် ၂၀၀ ၊ အလုံးလတ် ကျပ် ၁၅၀၊ အလုံးသေး  ကျပ် ၁၀၀ ၊ တိုက်ကြီး မှ ပိန္နဲသီး (ကိုင်းဆက်) အလုံးကြီး ကျပ် ၁၀၀၀၀ ၊ အလုံးလတ် ကျပ် ၈၀၀၀၊ အလုံးသေး ကျပ် ၇၀၀၀၊ တိုက်ကြီး မှ ပိန္နဲသီး အလုံးကြီး ကျပ် ၃၀၀၀ ၊ အလုံးလတ် ကျပ် ၂၅၀၀၊ အလုံးသေး ကျပ် ၂၀၀၀၊ ပြင်ဦးလွင် မှ နဂါးမောက်သီး တစ်ခြင်း အလုံးကြီး ကျပ် ၂၂၀၀၀ ၊ အလုံးလတ် ကျပ် ၁၇၀၀၀ ၊ အလုံးသေး ကျပ် ၁၂၀၀၀ ၊ ရေး မှ ဒူးရင်းသီး အလုံးကြီး ကျပ် ၈၀၀၀ ၊ အလုံးလတ် ကျပ် ၇၀၀၀၊ အလုံးသေး ကျပ် ၆၀၀၀၊ ကလော မှ ပန်းသီး စက္ကူပုံးတစ်ပုံး အလုံးကြီး ကျပ် ၃၇၀၀၀၊ အလုံးသေး ကျပ် ၂၈၀၀၀ ၊ မော်လမြိုင် မှ ကျွဲကော်သီး အလုံးကြီး ကျပ် ၃၀၀၀၀၊ အလုံးသေး ကျပ် ၁၀၀၀ ဈေးတို့ရှိကြောင်း သီရိမင်္ဂလာဈေးရှိ မြန်မာနိုင်ငံသစ်သီးဝလံပန်းမန် ဟင်းသီးဟင်းရွက်စိုက်ပျိုး ထုတ်လုပ်တင်ပို့ရောင်းချသူများအသင်း (MFVP) မှ သိရှိရပါသည်။

DOCA(ရန်ကုန်)

    မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့မဈေးကြီးတွင် သီးနှံမျိုးစုံစိုက်ပျိုးထွက်ရှိသော ပခုက္ကူ၊ မုံရွာ၊ မန္တလေးမြို့နှင့် ရေစကြိုမြို့ရှိ ကျေးရွာများဖြစ်သည့် ညောင်တောနှင့် ကူတုတ်ရွာတို့မှ သီးနှံအများဆုံးဝင်ရောက်ရောင်းဝယ်ဖောက်ကားလျက်ရှိပါသည်။

  ၂၀၂၃ခုနှစ်၊ ဇွန်လ၊ စတုတ္ထအပတ်တွင် ရေစကြိုမြို့မဈေးအတွင်း အရောင်းအဝယ်ဖြစ်လျက်ရှိသော အခြေခံစားကုန်ဈေးနှုန်းများမှာ ခရမ်းချဉ်သီး (အင်းသီး) (၁) ပိဿာလျှင် ကျပ် (၂၃၀၀)မှ ကျပ် (၂၅၀၀)၊ ခရမ်းသီး (၁) ပိဿာလျှင် ကျပ် (၂၃၀၀) မှ ကျပ် (၂၅၀၀)၊ အာလူး (၁) ပိဿာလျှင် ကျပ် (၃၃၀၀) မှ ကျပ် (၃၅၀၀)၊ မျှစ် (၁) ပိဿာလျှင် ကျပ် (၂၆၀၀) မှ ကျပ် (၂၈၀၀)၊ ပဲသီးရှည် (၁) ပိဿာလျှင် ကျပ် (၂၃၀၀) မှ ကျပ် (၂၅၀၀)၊ ကင်းမွန်သီး (၁) ပိဿာလျှင် ကျပ် (၂၃၀၀) မှ ကျပ် (၂၅၀၀)၊ ငရုတ်သီးစိမ်း (၁) ပိဿာလျှင် ကျပ် (၆၅၀၀) မှ ကျပ် (၆၈၀၀)၊ ဆင်ခြေယာငရုတ်သီးခြောက် (၁) ပိဿာလျှင် ကျပ် (၁၈၅၀၀) မှ ကျပ် (၁၈၇၀၀)၊ ကြက်သွန်နီ (၁) ပိဿာလျှင် ကျပ် (၂၂၀၀) မှ ကျပ် (၂၄၀၀)၊ ကြက်သွန်ဖြူ (၁) ပိဿာလျှင် ကျပ် (၇၀၀၀) မှ ကျပ် (၇၅၀၀)၊ ချင်းတက် (၁) ပိဿာလျှင် ကျပ် (၇၀၀၀) မှ ကျပ် (၇၅၀၀)၊ ကြက်ဟင်းခါးသီး (၁) ပိဿာလျှင် ကျပ် (၁၆၀၀) မှ ကျပ် (၁၈၀၀)၊ ရုံးပတီသီး (၁) ပိဿာလျှင် ကျပ် (၂၃၀၀) မှ ကျပ် (၂၅၀၀)၊ မေမြို့ပဲသီး (အပြား) (၁) ပိဿာလျှင် ကျပ် (၃၃၀၀) မှ ကျပ် (၃၅၀၀)၊ မေမြို့ပဲသီး (အလုံး) (၁) ပိဿာလျှင် ကျပ် (၁၅၀၀) မှ ကျပ် (၁၇၀၀)၊ သခွားသီးတစ်လုံးလျှင် ကျပ် (၃၀၀)၊ ဒညင်းသီးတစ်လုံးလျှင် ကျပ် (၄၀) မှ ကျပ် (၆၀)၊ ပဲရှည်သီး (ပဲလင်းမြွေသီး) တစ်ချောင်းလျှင် ကျပ် (၆၀၀)၊ ခါကြက်ဥ (၁) ပိဿာလျှင် ကျပ် (၂၅၀၀) မှ ကျပ် (၃၀၀၀)၊ ကန်စွန်းရွက် (၁) စည်းလျှင် ကျပ် (၅၀)၊ ချဉ်ပေါင်ရွက် (၁) စည်းလျှင် ကျပ် (၅၀)၊ ဘူးရွက် (၁) စည်းလျှင် ကျပ် (၅၀)၊ သံပရာသီး (၁) လုံးလျှင် ကျပ် (၅၀)၊ သကြားပြောင်းဖူး (၁) ဖူးလျှင် ကျပ် (၃၅၀)၊ မန်ကျည်းသီးမှည့်(အစေ့လွတ်) (၁) ပိဿာလျှင် ကျပ် (၃၅၀၀) မှ ကျပ် (၄၀၀၀)၊ မြေပဲဆံ (၁) ပြည်လျှင် ကျပ် (၈၃၀၀) မှ ကျပ် (၈၅၀၀)၊ ကုလားပဲခြမ်း (အနီဆံ) (၁) ပြည်လျှင် ကျပ် (၈၀၀၀)၊ ဆား (၁) ပိဿာလျှင် ကျပ် (၅၀၀) စသည့်ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိကြောင်း ရေစကြိုမြို့မဈေးအတွင်းတွင် ရောင်းချနေကြသော ဈေးသည်များထံမှ သိရှိရပါသည်။     

DOCA(မကွေး)

   မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့နယ်၌ ၂၀၂၃ခုနှစ်၊ မေလတွင်ဖြစ်ပွားခဲ့သည့် မိုခါမုန်တိုင်းကြောင့် မိုးရွာသွန်းခဲ့သည့်အတွက် မိုးသီးနှံများစတင်စိုက်ပျိုးခဲ့ကြပါသည်။ (၂၀၂၃-၂၀၂၄) ခုနှစ် (၂၀၂၃ခုနှစ်၊ ဇွန်လ၊ စတုတ္ထအပတ်ထိ) ရေစကြိုမြို့နယ်၌ မိုးသီးနှံများဖြစ်သည့် မြေပဲ၊ ပဲတီစိမ်း(ပဲနှောက်စိမ်း)နှင့် နှမ်းသီးနှံများကို (၄၀၆၁၂)ဧကလျာထားကာ (၃၂၇၇၁)ဧကစိုက်ပျိုုးပြီးဖြစ်ကြောင်း၊ ပဲတီစိမ်း(ပဲနှောက်စိမ်း)သီးနှံကို (၂၉၄၁၂)ဧကလျာထားကာ (၂၈၈၂၅)ဧကတို့စိုက်ပျိုးပြီးဖြစ်ကြောင်း သိရှိရပါသည်။ ရေစကြိုမြို့နယ်၊ ထန်းငယ်တောကျေးရွာအုပ်စု၊ ကွမ်းသီးကန် ကျေးရွာတွင် မြေပဲ၊ ပဲတီစိမ်း(ပဲနှောက်စိမ်း)နှင့် နှမ်းသီးနှံများကိုစိုက်ပျိုးကြပြီး မိုးသီးနှံဖြစ်သည့် ပဲတီစိမ်း(ပဲနှောက်စိမ်း)ကို အဓိကအများဆုံးစိုက်ပျိုးလျက်ရှိပါသည်။  

      ပဲတီစိမ်း(ပဲနှောက်စိမ်း)သီးနှံမျိုးများကို အများအားဖြင့် မိုးလေဝသရာသီဥတုဒဏ်ခံနိုင်သောဒေသများတွင် မေလနှင့် ဇွန်လတို့၌ စိုက်ပျိုးကြရာ အတန်းလိုက်သီးသန့်စိုက်ပျိုးနည်းနှင့် တန်းကြားသီးညှပ်စိုက်ပျိုးနည်းနှစ်နည်းတို့ဖြင့် စိုက်ပျိုးကြကြောင်း၊ မိုးလေဝသရာသီဥတုကိုမျှော်ပြီး စိုက်ပျိုးရသောသီးနှံဖြစ်သောကြောင့် တစ်ဧကလျှင်  ၅တင်းမှ ၁၀တင်းခန့်ထွက်ရှိပါကြောင်း၊ မိုးလေဝသရာသီဥတုကောင်းလျှင် (၁၀)တင်းကျော် ထွက်ရှိပါကြောင်း၊ တစ်ဧကကုန်ကျစရိတ်အနေဖြင့် ယခင်နှစ်တွင် ကျပ်(၂၀၀၀၀၀)ခန့်ကုန်ကျခဲ့ပြီး ယခုနှစ်တွင် ကျပ်(၃၅၀၀၀၀)ခန့်ကုန်ကျပါကြောင်း၊ ယခင်နှစ် ပဲတီစိမ်း(ပဲနှောက်စိမ်း)ဈေးနှုန်းများမှာ တစ်တင်းလျှင် ကျပ်(၄၄၀၀၀)မှ ကျပ်(၅၀၀၀၀)တို့ဖြင့် ရောင်းချရပါကြောင်း၊ ယခုနှစ်၏ လက်ရှိဈေးနှုန်းများမှာ တစ်တင်းလျှင် ကျပ်(၄၇၀၀၀)မှ ကျပ်(၅၅၀၀၀)တို့ဖြင့် အရောင်းအဝယ်ဖြစ်လျက်ရှိကြောင်း တောင်သူများ၏ အကျိုးအမြတ်မှာမူ  မိုးလေဝသရာသီဥတုအပေါ် မူတည်နေပါကြောင်း၊ ယခုလက်ရှိ ပဲခင်းများတွင် အဖူးအပွင့်များစတင်ပွင့်ဖူးနေပြီဖြစ်ပါကြောင်း၊ ယခု ဇွန်လတွင် မုတ်သုံမိုးများရွာသွန်းမည်ဆိုလျှင် အသီးအပွင့်များအောင်မြင်စွာဖြစ်ထွန်းနိုင်ပြီး အထွက်နှုန်းကောင်းနိုင်ကြောင်းနှင့် တောင်သူများအနေဖြင့်လည်း အကျိုးအမြတ်များစွာရရှိနိုင်ပါကြောင်း စိုက်ပျိုးတောင်သူတစ်ဦး၏ ပြောပြချက်အရသိရှိရပါသည်။

DOCA(မကွေး)

   ၂၀၂၂ခုနှစ်တွင် အောင်လံမြို့နယ်၌ မိုးဦးကာလစောခဲ့၍ ပဲစိုက်တောင်သူများအနေဖြင့်  မေလ၊ ပထမအပတ်တွင် စတင်စိုက်ပျိုးနိုင်ခဲ့ကြပါသည်။ သီးနှံပေါ်ချိန်မှာ ပုံမှန်ထက် (၁)လစော၍ ထွက်ရှိပြီး ဇူလိုင်လတွင် ‌ဈေးကွက်အတွင်း စတင်ရောက်ရှိလာသောဈေးနှုန်းမှာ ပိဿာ(၂၀)ဝင် (၁)တင်းလျှင် ကျပ်(၄၅၀၀၀)မှ ကျပ်(၅၀၀၀၀)ဖြင့် အရည်အသွေးအလိုက် အရောင်းအဝယ်စတင်ခဲ့ပြီး ရန်ကုန်နှင့် မန္တလေးဈေးကွက်များကဝယ်ယူခဲ့ကြပါသည်။ ဩဂုတ်လတွင် ကျပ်(၄၄၀၀၀)မှ ကျပ်၉၅၁၀၀၀)အတွင်း မန္တလေးဝယ်လက်မှာ ပိုမိုဝယ်ယူမှုရှိပြီး ရန်ကုန်ဝယ်လက်မှာမူ ပုံမှန်သာအဝယ်ရှိခဲ့ပါသည်။ စက်တင်ဘာလ၊ အောက်တိုဘာလနှင့် ဒီဇင်ဘာလများတွင် ပိဿာ(၂၀)ဝင် (၁)တင်းလျှင် ကျပ်(၄၅၀၀၀)မှ ကျပ်(၅၀၀၀၀)အထိဈေးနှုန်းတို့ဖြင့် ဈေးဖွင့်ဝယ်ယူခဲ့ကြကြောင်းသိရှိရပါသည်။ ယခု၂၀၂၃ခုနှစ်၊ ဇွန်လတွင် ပိဿာ(၂၀)ဝင် (၁)တင်းလျှင် ကျပ်(၅၅၀၀၀)ဖြင့် အရောင်းအဝယ်ဖြစ်လျက်ရှိပါသည်။

   (၂၀၂၃-၂၀၂၄) ခုနှစ်၊ မိုးဦးရာသီတွင် အောင်လံမြို့နယ်၌ ပဲတီစိမ်းလျာထားစိုက်ဧကမှာ (၅၉၂၁၁)ဧကဖြစ်ပြီး ယခုဇွန်လ၊ တတိယအပတ်၌ ဧက(၃၀၀၀၀)ခန့်စိုက်ပျိုးပြီးစီးပြီဖြစ်ကြောင်း စိုက်ပျိုးရေးဦးစီးဌာနမှသိရှိရပါသည်။

DOCA(မကွေး)