ပြည်တွင်းကုန်သွယ်မှုသတင်း

    ကျောက်ဖရုံသီးသည် ကျန်းမာရေးအတွက် တန်ဖိုးရှိသောအသီးအနှံဖြစ်ပါသည်။ အထူးသဖြင့် ဆီးနှင့်ကျောက်ကပ်အတွက် အလွန်ကောင်းမွန်ပါသည်။ အရွက်၊ အညွှန့်၊ အသီး သုံးမျိုးလုံး စားလို့ကောင်းသော အသီးဖြစ်ပါသည်။ ဟင်းချက်၍ စားသုံးကြသလို ကျောက်ဖရုံသီးရင့်ရင့်ကို နှစ်ချို့အဖြစ်ထားရှိပြီး ကျောက်ဖရုံသီးကို သကြားဖြင့်ယိုထိုးပြီး စားသုံးကြသည့်အတွက် ကျောက်ဖရုံယိုထုတ်လုပ်သူလုပ်ငန်းရှင်များမှလည်း ဝယ်ယူကြကြောင်း သိရပါသည်။ ကျောက်ဖရုံပင်ကို စင်ထိုး၍ စီးပွားဖြစ် စိုက်ပျိုးနိုင်သည့်အပြင် နေရာဒေသမရွေး အလေ့ကျပေါက်သော အပင်တစ်မျိုးလည်းဖြစ်ပါသည်။ ပြည်ဈေး ကွက်တွင် ကျောက်ဖရုံသီးများကို ပြည်ဒေသအနီးတဝိုက်ကျေးရွာများ၊ သဲကုန်းမြို့နယ်ရှိ ပုတီးကုန်း၊ ဝက်ပုတ်နှင့် ရွှေတောင်မြို့နယ်အတွင်းရှိ ကျေးရွာများမှ တင်ပို့ရောင်းချကြပါသည်။ ပြည်မြို့နယ်၊ ရွှေတောင်မြို့နယ်၊ သဲကုန်းမြို့နယ်များမှ တစ်ဆင့် ရန်ကုန်မြို့ရှိ ကုန်စိမ်းဈေးများသို့ တင်ပို့ရောင်းချကြပါသည်။ ကျောက်ဖရုံသီး တစ်လုံးလျှင် (၁၃၀၀-၁၂၀၀-၁၀၀၀)ကျပ်ဖြင့် အရောင်းအဝယ်ဖြစ်နေပြီး၊ ကျောက်ဖရုံယို တစ်ပိဿာလျှင် (၇၀၀၀)ကျပ်နှုန်းဖြင့် အရောင်းအဝယ်ဖြစ်နေကြောင်း သိရပါသည်။

DOCA(ပဲခူး)

     ယခုတစ်ပတ် ပြည်မြို့၏ ပရဆေးဈေးကွက်တွင် အရောင်းအဝယ်သွက်လျက်ရှိသည်မှာ နနွင်းတက်ပင်ဖြစ်ပါသည်။ မိုးတွင်းကာလဖြစ်သောကြောင့် ခြင်၊ ယင်ပေါသည့်အချိန် ဖြစ်သည့် အတွက် ခြင်ဆေးခွေအစား ကျန်းမာရေးအရလည်း အဆင်ပြေသော သဘာဝနနွင်းတက်ကိုသာ လူအများကဝယ်ယူသုံးစွဲခြင်း၊ ဟင်းချက်ရာတွင်လည်း အသုံးပြုခြင်းတို့ကြောင့် အရောင်းအဝယ်ဖြစ်လျက်ရှိပါသည်။ နနွင်းတက်ကို ခြင်ပြေးစေရန် အသုံးပြုခြင်းကြောင့် လူတို့အတွက် အန္တရာယ်မဖြစ်စေဘဲ ကျန်းမာရေးအတွက် ခေါင်းအုံခြင်း၊ ဇက်ကြောတက်ခြင်းများကို ပျောက်ကင်းစေပါသည်။ နနွင်းတက်ကို မီးဖိုထားလျှင် ခြင်၊ ယင်နှင့် အင်းဆက်ပိုးမွှားများ ကင်းဝေးစေပါသည်။ တစ်ချို့ဈေးဆိုင်များတွင် နနွင်းတက်ကို မီးထွန်းညှိဖို့ မီးဖိုသီးသန့်ရှာစရာမလိုဘဲ တစ်ခါထဲတွဲ၍ ရောင်းချကြောင်း သိရပါသည်။ နနွင်းတက်ဈေးမှာ တစ်ပိဿာလျှင် လက်လီဈေး (၄၀၀၀)ကျပ် ဖြစ်ကြောင်း သိရပါသည်။

    နနွင်းတက်များကို ပြည်မြို့ရှိ ပရဆေးဆိုင်များသို့ နယ်စုံမှဝင်ရောက်မှုရှိပြီး မင်းတုန်း၊ ဟင်္သာတနှင့် အောင်ပန်းမြို့များမှ အများဆုံးဝင်ရောက်မှုရှိပြီး တစ်ရက်လျှင် ပျမ်းမျှပိဿာချိန် (၁၅/၂၀)ခန့် ရောင်းဝယ်လျက်ရှိကြောင်း သိရပါသည်။

DOCA(ပဲခူး)

     ပြည်ဈေးကွက်ရှိ ပွဲရုံများတွင် ယခင်တစ်ပတ်က ကြက်သွန်ဖြူ(ရှမ်း) လက်ကား တစ်ပိဿာလျှင် (၅၅၀၀)ကျပ်၊ လက်လီတစ်ပိဿာလျှင် (၅၅၀၀-၆၀၀၀)ကျပ် ဈေးဖြင့် လည်း ကောင်း၊ ကြူကုတ် တစ်ပိဿာလျှင် လက်ကားဈေး (၇၀၀၀-၇၅၀၀)ကျပ်၊ လက်လီဈေး တစ်ပိဿာလျှင် (၇၅၀၀-၈၀၀၀)ကျပ်ဖြင့်လည်းကောင်းဈေးရှိခဲ့ပြီး Online ဈေးရောင်းချသူများအနေဖြင့် ကြူကုတ် တစ်ပိဿာလျှင် (၇၄၀၀-၇၆၀၀)ကျပ်ဖြင့် အရောင်းအဝယ်ဖြစ်လျက်ရှိရာ ယခုတစ်ပတ်တွင် ဈေးအပြောင်းအလဲမရှိ ဒေသတွင်း လက်လီဝယ်ယူသူများ၊ လက်ကားဝယ်ယူသူများဖြင့် အရောင်းအဝယ်ဖြစ်ကြောင်း သိရှိရပါသည်။

   ခရမ်းချဉ်သီးအနေဖြင့် ယခင်လက တစ်ပိဿာလျှင် (၂၈၀၀-၃၀၀၀)ကျပ်ဈေးဖြင့် ဈေးကွက်အတွင်း အရောင်းအဝယ်ရှိခဲ့ပြီး ယခင်တစ်ပတ်က (၂၅၀၀-၂၈၀၀) ကျပ်ဈေးရှိပြီး ယခုတစ်ပတ်မှာလည်း ဈေးနှုန်းအပြောင်းအလဲမရှိ အရောင်းအဝယ်ဖြစ်လျက်ရှိပါသည်။

    အာလူးသီးနှံအနေဖြင့် ပြည်ဈေးကွက်တွင် ယခင်တစ်ပတ်က လက်ကားတစ်ပိဿာလျှင် (၃၀၀၀)ကျပ်၊ လက်လီတစ်ပိဿာလျှင် (၃၂၀၀)ကျပ် ဈေးရှိခဲ့ပြီး ယခုတစ်ပတ်တွင် လက်ကား တစ်ပိဿာလျှင် (၃၀၀၀)ကျပ်၊ လက်လီတစ်ပိဿာလျှင် (၃၄၀၀)ကျပ်ဈေးရှိပြီး ယခင်တစ်ပတ် ဈေးဖြင့် နှိုင်းယှဉ်ကြည့်ပါက ဈေးအနည်းငယ်တက်လာရခြင်းမှာ ပြည်ဈေးကွက်သို့ သီးနှံအဝင်နည်းနေခြင်းကြောင့်ဖြစ်ကြောင်း သိရှိရပါသည်။

DOCA(ပဲခူး)

     မြန်မာနိုင်ငံတွင် ဗာဒံပင်များ အလေ့ကျ အများအပြားပေါက်ရောက်လျက်ရှိကြပါသည်။ ဗာဒံပင်ကို အရိပ်ရရန်အိမ်မှာ စိုက်ပျိုးကြပြီး ဗာဒံပင်၏ အသီးထဲမှ အဆံကို လူတိုင်း စားသုံးရကောင်းမှန်းမသိကြပါ။ ထိုကြောင့် သိသူဖော်စား မသိသူကျော်သွား ဆိုသလို မသိသူများ မရှိအောင် ကျန်းမာရေးအတွက် အရေးပါတာများသိရှိအောင် ရေးသားလိုက်ရပါသည်။

      ဗာဒံစေ့ကို ပြည်မြို့ လေးဆူဓါတ်ပျော် ရွှေဆံတော် မြောက်စောင်းတန်းလမ်းနှင့် စစ်ကဲလမ်းထောင့်တွင် ဗာဒံသီးများကို အခြောက်ခံထု၍ အဆံကိုရောင်းချတာတွေ့ရပါသည်။ ဗာဒံသီး အဆံများကို နို့ဆီဘူးတစ်ဘူးလျှင် (၁၅၀၀)ကျပ်ဖြင့် ရောင်းချသလို (၁၀၀၀)ကျပ်၊ (၅၀၀)ကျပ်ဖိုး အထိရောင်းချကြပါသည်။ ဒေသတွင်းစားဖူးသူများကလည်း ဝယ်စားသလို နယ်ဘက်မှလာသော သူများကလည်း ဝယ်ယူသွားကြပါသည်။ နေ့စဉ် ဗာဒံစေ့များ အရောင်း အဝယ်ဖြစ်ကြောင်း သိရပါသည်။ ကျန်းမာရေးအရလည်း ဗာဒံစေ့ကိုစားသုံးခြင်းဖြင့် ဗီတာမင်အီး ပါဝင်သောကြောင့် မိန်းခလေးများနှင့် အထူးသင့်တော်ပြီး ဝက်ခြံပေါက်သူများသာမက အရေပြားရောဂါရှိသူများ နှင့်လည်း သင့်တော်ပါသည်။ ဗာဒံစေ့သည် အားနည်းသောသူများနှင့် နလန်ထစလူနာများအတွက် အထူးကောင်းမွန်သည့် ဖြည့်စွက်စာတစ်မျိုးဖြစ်ပါသည်။ ဆံပင်ကျွတ်သူများ အနေဖြင့် ဗာဒံဆီကို လိမ်းပေးနိုင်ပါသည်။

      ဗာဒံစေ့ ဝယ်/ရောင်းဒိုင်များကို ရန်ကုန်၊ ပြည်၊ မန္တလေး၊ မော်လမြိုင်၊ ထားဝယ်၊ မြိတ်၊ မြစ်ကြီးနားမြို့များတွင် ဖွင့်လှစ်ထားရှိကြောင်းသိရပါသည်။ ဈေးနှုန်းများမှာ ဗာဒံစေ့ တစ်ပိဿာလျှင် (၁၈၀၀၀)ကျပ်ဖြင့် ရောင်းချပြီး တစ်ပိဿာလျှင် ဗာဒံစေ့ (၃)ထောင်နီးပါးပါဝင်သည်ဟု သိရပါသည်။ လက်ကားဝယ်ယူသူများအတွက် ပိဿာချိန် (၃၀)အထက်တစ်ပိဿာလျှင် (၁၅၀၀၀) ကျပ်ဖြင့် လည်းကောင်း၊ အချိန်(၅၀)အထက် တစ်ပိဿာလျှင် (၁၂၀၀၀)ကျပ်ဈေးဖြင့်လည်းကောင်း ရောင်းချကြောင်း သိရပါသည်။

DOCA(ပဲခူး)

   မန္တလေးတိုင်းဒေသကြီး၊ ကျောက်ဆည်ခရိုင်၊ မြို့နယ်များရှိ စည်ပင်သာယာဈေးများတွင် ၂၀၂၃ခုနှစ်၊ ဇူလိုင်လ၊ ပထမအပတ်အတွင်း ရောင်းချလျက်ရှိသောအခြေခံစားကုန်များမှာ ဧရာပဒေသာဆန်တစ်ပြည်လျှင် (၄၂၀ဝိ/-) ကျပ်၊ ဧရာပဒေသာဆန်(၂၄)ပြည်ပါ တစ်အိတ်လျှင် (၁၀၀၀၀ဝိ/-) ကျပ်၊ မနောသုခဆန်တစ်ပြည်လျှင် (၃၅၀ဝိ/-) ကျပ်၊ မနောသုခဆန်(၂၄)ပြည်ပါ တစ်အိတ်လျှင် (၈၃၀၀ဝိ/) ကျပ်၊ ခရမ်းချဉ်သီး(ရှမ်း)လက်လီဈေးနှုန်းမှာ တစ်ပိဿာလျှင် (၁၆၀ဝိ/-) ကျပ်၊ ကြက်သွန်နီလက်လီဈေးနှုန်းမှာ (ကြီး)တစ်ပိဿာလျှင် (၂၈၀ဝိ/-) ကျပ်၊ (လတ်)တစ်ပိဿာလျှင် (၂၆၀ဝိ/-) ကျပ်၊ (အသေး)တစ်ပိဿာလျှင် (၂၄၀ဝိ/-) ကျပ်၊ ကြက်သွန်ဖြူလက်လီ(ဗမာ)တစ်ပိဿာလျှင် (၈၀၀ဝိ/-) ကျပ်၊ (ရှမ်း)တစ်ပိဿာလျှင် (၇၅၀ဝိ/-) ကျပ်၊ အာလူးတစ်ပိဿာလျှင် (၃၀၀ဝိ/-) ကျပ်၊ မန်ကျည်းသီး(ဟောင်း)တစ်ပိဿာလျှင် (၄၅၀ဝိ/-) ကျပ်၊ မန်ကျည်းသီး(သစ်)တစ်ပိဿာလျှင် (၄၀၀ဝိ/-) ကျပ်၊ ချင်းတစ်ပိဿာလျှင် (၇၀၀ဝိ/-) ကျပ်၊ ဆားတစ်ပိဿာလျှင် (၅၀ဝိ/-) ကျပ်ဈေးနှုန်းများဖြင့် အရောင်းအဝယ်ဖြစ်လျက်ရှိပါသည်။ ကျောက်ဆည်ခရိုင်၏ အသားငါးဈေးနှုန်းများမှာ ကြက်သား(ဗမာ)တစ်ပိဿာလျှင် (၁၆၀၀ဝိ/-) ကျပ်၊ ကြက်သား(CP)တစ်ပိဿာလျှင် (၁၄၀၀ဝိ/-) ကျပ်၊ဝက်သားတစ်ပိဿာလျှင် (၂၀၀၀ဝိ/-) ကျပ်၊အမဲသားတစ်ပိဿာလျှင် (၁၆၀၀ဝိ/-) ကျပ်၊ ဆိတ်သားတစ်ပိဿာလျှင် (၂၄၀၀ဝိ/-) ကျပ်နှင့် ငါးအုံတုံတစ်ပိဿာလျှင် (၁၀၀၀၀) ကျပ်၊ ငါးမြစ်ချင်းတစ်ပိဿာလျှင် (၈၀၀၀) ကျပ်၊ ဈေးနှုန်းများဖြင့် အရောင်းအဝယ်ဖြစ်လျက်ရှိကြောင်း၊ ဆီဈေးနှုန်းများအနေဖြင့် ပဲဆီသန့်တစ်ပိဿာလျှင် (၁၄၅၀ဝိ/-) ကျပ်၊ နှမ်းဆီသန့်တစ်ပိဿာလျှင် (၁၄၅၀ဝိ/-) ကျပ်၊ နေကြာဆီသန့်တစ်ပိဿာလျှင် (၁၃၀၀၀) ကျပ်နှင့် စားဆီတစ်ပိဿာလျှင် (၇၅၀ဝိ/-) ကျပ် ဈေးနှုန်းများဖြင့် အရောင်းအဝယ်ဖြစ်နေကြောင်းသိရှိရပါသည်။ အခြေခံစားသောက်ကုန်များ၏ဈေးနှုန်းများကို ယခင်ဇွန်လ၊ နောက်ဆုံးအပတ်နှင့်နှိုင်းယှဉ်ပါက ဧရာပဒေသာဆန်၊ မနောသုခဆန်၊ ကြက်သွန်နီ၊ အာလူး၊ ချင်း၊ ပဲဆီနှင့်စားဆီဈေးနှုန်းများမှာ အနည်းငယ်မြင့်တက်လာခဲ့ပြီး ကျန်အခြေခံစားသောက်ကုန်ဈေးနှုန်းများမှာ တည်ငြိမ်လျက်ရှိကြောင်းသိရှိရပါသည်။

DOCA(မန္တလေး)