ပြည်တွင်းကုန်သွယ်မှုသတင်း

     တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။

    တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။

 တောင်ငူမြို့ရှိ အခြေခံလူတန်းစားများအတွက် စားအုန်းဆီများကို သက်သာသောနှုန်းထားဖြင့် ဝယ်ယူရရှိနိုင်ရေးအတွက် ပဲခူးခရိုင်ဆီကုန်သည်များအသင်းမှ ဆီအရောင်းဈေးကားသည် တောင်ငူမြို့သို့ လာရောက်ရောင်းချပေးလျက်ရှိရာ ယခုအပတ်တွင်လည်း ၎င်းဈေးကားသည် စားအုန်းဆီ ၁၁၀၀ပိဿာကို တစ်ပိဿာလျှင် ၅၀၀၀ကျပ်နှုန်းဖြင့် အခြေခံလူတန်းစားများရှိရာရပ်ကွက်များနှင့် ဌာနဆိုင်ရာဝန်ထမ်းများအား ရောင်းချပေးခဲ့ပါသည်။

     ၂၀၂၃ခုနှစ်၊ ဇွန်လ ၂၆ရက်နေ့တွင် တောင်ငူမြို့၊ အမှတ်(၄)ရပ်ကွက်၊ ကြက်တည်နှင့် အထွေထွေအုပ်ချုပ်ရေးဦးစီးဌာနမှ ဝန်ထမ်းမိသားစုများကို စားအုန်းဆီပိဿာချိန် ၅၅၀ကိုလည်းကောင်း၊ ဇွန်လ ၂၇ရက်နေ့တွင် တောင်ငူမြို့၊ အမှတ်(၁၄)ရပ်ကွက်၊ ဈေးတန်းနှင့် အခြေခံပညာဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ကျေးလက်လမ်းဦးစီးဌာနတို့မှ ဝန်ထမ်းမိသားစုများအား ဆီပိဿာချိန် ၅၅၀ကိုလည်းကောင်း လူတစ်ဦးလျှင် တစ်ပိဿာနှုန်းစီဖြင့် ရောင်းချပေးခဲ့ပါသည်။

   ပဲခူးခရိုင်မှ ဆီဈေးကားသည် ၅၀ကျပ်သားဝင်ဘူးများဖြင့် လာရောက်ရောင်းချခြင်းဖြစ်ကြောင်း၊ ယခုအကြိမ်အပါအဝင် တောင်ငူမြို့သို့ လေးကြိမ်လာရောက်ရောင်းချပေးပြီးဖြစ်ရာ စားအုန်းဆီပိဿာချိန်ပေါင်း ၄၄၀၀ကို တောင်ငူမြို့၌ရောင်းချပေးခဲ့ပြီးဖြစ်ကြောင်းနှင့် ဈေးနှုန်းမှာ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်မှုကော်မတီကထုတ်ပြန်သည့် ရည်ညွှန်းဈေးအပေါ် အခြေခံ၍ အပြောင်းအလဲရှိကြောင်း သိရပါသည်။

DOCA(ပဲခူး)

  တောင်ငူခရိုင်၊ ဖြူးမြို့နယ်၌ ကုန်ဈေးနှုန်းတည်ငြိမ်ရေးရည်ရွယ်၍ ပဲခူးတိုင်းဒေသကြီးအစိုးရအဖွဲ့၏ အစီအစဉ်ဖြင့် အခြေခံစားသောက်ကုန်များကို သက်သာသောဈေးနှုန်းဖြင့် ၂၀၂၃ခုနှစ်၊ ဇွန်လ ၂၀ရက်နေ့ ညနေပိုင်းမှစတင်၍ ဖြူးမြို့၊ မြို့မဈေးကြီးအနီးရှိ စားသုံးသူရေးရာဦးစီးဌာန၏ရုံးရှေ့တွင် ရောင်းချပေးလျက်ရှိပါသည်။

    ဖြူးမြို့နယ်စီမံအုပ်ချုပ်ရေးအဖွဲ့နှင့် ဖြူးမြို့နယ်ဆန်စက်လုပ်ငန်းရှင်များအသင်းတို့ပူးပေါင်း၍ ဝန်ကြီးဧရာဆန်တစ်ပြည်လျှင် ၂၆၀၀ကျပ်နှင့် နှံကောက်ဆန်တစ်ပြည်လျှင် ၂၄၀၀ကျပ်တို့ဖြင့်ရောင်းချပြီး ကိုယ်တိုင်စိုက်ပျိုးမွေးမြူထုတ်လုပ်သူများက ကြက်ဥ၊ အသားငါးနှင့် ဟင်းသီးဟင်းရွက်များကို သင့်တင့်သောဈေးနှုန်းတို့ဖြင့် တိုက်ရိုက်ရောင်းချပေးပါသည်။

    သက်သာသောဈေးနှုန်းဖြင့် အခြေခံစားသောက်ကုန်များကိုရောင်းချရာတွင် အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာနနှင့် မြို့နယ်စည်ပင်သာယာရေးအဖွဲ့မှ တာဝန်ရှိသူများနှင့် ဝန်ထမ်းများက ကြီးကြပ်၍ကူညီဆောင်ရွက်ပေးခဲ့ကြောင်းနှင့် နေ့စဉ်ရောင်းချနိုင်ရေး စီစဉ်ဆောင်ရွက်ထားကြောင်း သိရှိရပါသည်။

DOCA(ပဲခူး)

   တောင်ငူမြို့၊  ညောင်ပင်လေးဈေးရှိ ဟင်းသီးဟင်းရွက်ဈေးတွင် ငရုတ်သီးစိမ်း (မိုးထောင်သီး) မှာ တစ်ပိဿာလျှင် ၇၀၀၀ကျပ်မှ ၈၀၀၀ကျပ်အထိ၊ ငရုတ်သီးစိမ်း (ကျောက်စိမ်းသီး) များမှာ တစ်ပိဿာလျှင် ၃၀၀၀ကျပ်မှ ၄၀၀၀ကျပ်အထိတို့ဖြင့် ဈေးနှုန်းတည်ငြိမ်နေပြီး  ကုလားအော်သီးမှာ ယခင်အပတ်တွင် တစ်ပိဿာလျှင် ၂၂၀၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၁၈၀၀၀ကျပ်မှ ၂၀၀၀၀ကျပ်အထိဈေးနှုန်းတို့ဖြစ်၍ ဈေးနှုန်းအနည်းငယ်ကျဆင်းလာခဲ့ပါသည်။

   ခရမ်းသီး (အဖြူ) မှာ တစ်ပိဿာလျှင် ၁၃၀၀ကျပ်မှ ၁၅၀၀ကျပ်၊ ခရမ်းသီး (အညို) မှာ တစ်ပိဿာလျှင်  ၁၆၀၀ကျပ်မှ ၁၈၀၀ကျပ်၊ ဂေါ်ဖီထုပ်မှာ တစ်ပိဿာလျှင် ၆၀၀ကျပ်မှ ၈၀၀ကျပ်ဖြင့် ဈေးနှုန်းတည်ငြိမ်နေပါသည်။

    ဒေသသခွားသီးမှာ ယခင်အပတ်တွင် တစ်ပိဿာလျှင် ၆၀၀ကျပ်မှ ၇၀၀ကျပ်အထိရှိခဲ့ရာမှ ယခုအပတ်တွင် တစ်ပိဿာလျှင် ၅၀၀ကျပ်မှ ၆၀၀ ကျပ်အထိ၊ ရှမ်းပြည်သခွားသီးမှာ ယခင်အပတ်တွင် တစ်ပိဿာလျှင် ၈၀၀ကျပ်မှ ၁၀၀၀ကျပ်အထိရှိခဲ့ရာမှ ယခုအပတ်တွင် တစ်ပိဿာလျှင် ၇၀၀ကျပ်မှ ၈၀၀ကျပ်အထိဖြစ်၍ ဈေးနှုန်းအနည်းငယ်ကျဆင်းလာခဲ့ပါသည်။

    ခရမ်းချဉ်သီးမှာ ယခင်အပတ်တွင် တစ်ပိဿာလျှင် ၁၁၀၀ကျပ်မှ ၁၃၀၀ကျပ်အထိရှိခဲ့ရာမှ ယခုအပတ်တွင် တစ်ပိဿာလျှင် ၁၃၀၀ကျပ်မှ ၁၅၀၀ကျပ်အထိတို့ဖြင့် ဈေးနှုန်းအနည်းငယ်မြင့်တက်လာခဲ့ပြီး နံနံပင်မှာ ယခင်အပတ်တွင် တစ်ဆယ်ကျပ်သားလျှင် ၆၀၀ကျပ်ရှိခဲ့ရာမှ ယခုအပတ်တွင် တစ်ဆယ်ကျပ်သားလျှင် ၄၀၀ကျပ်မှ ၅၀၀ကျပ်အထိတို့ဖြင့် ဈေးနှုန်းဆက်လက်ကျဆင်းလာခဲ့ပါသည်။

  ပြောင်းဖူးအကြီးတစ်ဖူးလျှင် ၂၅၀ကျပ်မှ ၃၀၀ကျပ်အထိ၊ ပြောင်းဖူးအသေးတစ်ဖူးလျှင် ၁၅၀ကျပ်မှ ၂၀၀ကျပ်အထိ၊ မုံလာဥဖြူမှာ တစ်ပိဿာလျှင် ၁၆၀၀ကျပ်မှ ၁၈၀၀ကျပ်အထိနှင့် မုန်ညင်းဖြူမှာ တစ်ပိဿာလျှင် ၁၅၀၀ကျပ်မှ ၁၇၀၀ကျပ်အထိတို့ဖြင့် ဈေးနှုန်းတည်ငြိမ်နေပြီး မုန်လာဥနီမှာ ယခင်အပတ်တွင် တစ်ပိဿာလျှင် ၁၆၀၀ကျပ်မှ ၁၈၀၀ကျပ်အထိရှိခဲ့ရာမှ ယခုအပတ်တွင် တစ်ပိဿာလျှင် ၁၈၀၀ကျပ်မှ ၂၀၀၀ကျပ်အထိတို့ဖြင့် ဈေးနှုန်းအနည်းငယ်မြင့်တက်လာခဲ့ပါသည်။

    ကန်စွန်းရွက်မှာ တစ်စည်းလျှင် ၁၀၀ကျပ်၊ ၁၀စည်းယူလျှင် ၆၀၀ကျပ်၊ ချဉ်ပေါင်ရွက်မှာ တစ်စည်းလျှင် ၁၀၀ကျပ်၊ ၁၀စည်းယူလျှင် ၇၀၀ကျပ်၊ ကင်ပွန်းချဉ်ရွက်မှာ တစ်စီးလျှင် ၁၀၀ကျပ်၊ ၁၀စည်းယူလျှင် ၈၀၀ကျပ်ဈေးနှုန်းတို့ရှိကြောင်း သိရှိရ၀ပါသည်။

DOCA(ပဲခူး)