ပြည်တွင်းကုန်သွယ်မှုသတင်း

    မုံရွာမြို့၊ ချင်းတွင်းရတနာစျေး၌  ရောင်းချနေသော ပုဇွန်ခြောက်၊ ငါးခြောက်များမှာ ရန်ကုန်၊ မန္တလေး၊ ရခိုင်ပြည်နယ်ဘက်မှ ဝင်ရောက်ကြောင်းသိရပါသည်။ ပုဇွန်၊ ငါးခြောက်စျေးနှုန်းများမှာ ဝင်ရောက်သည့် ဒေသအ‌ပေါ် မူတည်၍လည်းကောင်း၊ အရည်အသွေးကိုလိုက်၍လည်းကောင်း ကွာခြားလျက်ရှိပါသည်။

   ၂၀၂၃ခုနှစ်၊ဇူလိုင်လ ပထမအပတ်တွင် ရောင်းချနေသော ဈေးနှုန်းများမှာ ပုဇွန်ခြောက် (၁)ပိဿာလျှင် ကျပ်(၆၅၀၀၀)မှ ကျပ်(၈၅၀၀၀)၊ ငါးရံ့ခြောက် (၁)ပိဿာလျှင် ကျပ်(၅၅၀၀၀မှ ၈၀၀၀၀)၊ ငါးပုတ်လုံးခြောက် (၁)ပိဿာလျှင် ကျပ်(၁၆၀၀၀မှ ၁၈၅၀၀)၊  ငါးပုတ်သင်(၁)ပိဿာလျှင် ကျပ်(၁၅၀၀၀မှ ၁၆၀၀၀) ၊ အာပြဲခြောက်(၁)ပိဿာလျှင် ကျပ်(၂၀၀၀၀မှ ၂၂၀၀၀)၊ ငါးကျည်း ခြောက်(၁)ပိဿာလျှင် ကျပ်(၃၅၀၀၀မှ ၄၅၀၀၀)၊ ငါးနီတူးခြောက် (၁)ပိဿာ လျှင် ကျပ်(၁၂၀၀၀ မှ ၁၄၀၀၀)၊ ငါးဖန့်ဝိုင်း(ငါးပိကောင်) (၁)ပိဿာလျှင် ကျပ်(၁၅၀၀၀မှ ၁၇၅၀၀) ရှိကြောင်း ချင်းတွင်းရတနာဈေးတွင်ရောင်းချနေသော ငါးခြောက်ကုန်သည်များထံမှ သိရပါသည်။

DOCA(စစ်ကိုင်း)

    ၂၀၂၃ခုနှစ်၊ ဇူလိုင်လ၊ ပထမအပတ်အတွင်း မိတ္ထီလာမြို့နယ်တွင် အခြေခံစားသောက်ကုန်များဖြစ်သော စိုက်ပျိုးရေးထွက်ကုန်များဖြစ်သည့် ရွှေဘိုပေါ်ဆန်းအသစ်တစ်ပြည်လျှင် ၄၅၀၀ကျပ်နှင့် အဟောင်းတစ်ပြည်လျှင် ၅၀၀၀ကျပ်၊ ဧည့်မထတစ်ပြည်လျှင် ၃၂၀၀ကျပ်နှင့် ငစိန်တစ်ပြည်လျှင် ၂၆၀၀ကျပ်တို့ဖြင့် အရောင်းအဝယ်ဖြစ်လျက်ရှိပါသည်။ စားအုန်းဆီတစ်ပိဿာလျှင် ၇၂၀၀ကျပ်၊ မြေပဲဆီတစ်ပိသာလျှင် ၁၄၀၀၀ကျပ်၊ နှမ်းဆီတစ်ပိဿာလျှင် ၁၄၀၀၀ကျပ်တို့ဖြင့် အရောင်းအဝယ်ဖြစ်လျက်ရှိသည်။ ကြက်သွန်နီလက်လီတစ်ပိဿာလျှင် ၂၂၀၀ကျပ်၊ ကြက်သွန်ဖြူတစ်ပိဿာလျှင် ၆၀၀၀ကျပ်၊ ချင်းတက်တစ်ပိဿာလျှင် ၆၅၀၀ကျပ်၊ ငရုတ်သီးခြောက်တစ်ပိဿာလျှင် အမျိုးအစားအလိုက် ၁၇၀၀၀ကျပ်မှ ၂၀၀၀၀ကျပ်အထိ၊ အာလူးတစ်ပိဿာလျှင် ၂၈၀၀ကျပ်၊ ခရမ်းချဉ်သီးတစ်ပိဿာလျှင် ၁၅၀၀ကျပ်နှင့် ကန်စွန်းရွက်၊ ချဉ်ပေါင်ရွက်၊ မုန်ညှင်းရွက်၊ ဆလပ်ရွက်တစ်စည်းစီလျှင် ၂၀၀ကျပ်တို့ဖြင့် အရောင်းအဝယ်ဖြစ်လျက်ရှိပါသည်။

  မွေးမြူရေးထွက်ကုန်များဖြစ်သော ကြက်ဥလက်လီဈေးနှုန်းမှာ အကြီးတစ်လုံးလျှင် ၂၈၀ကျပ်၊ အသေးတစ်လုံးလျှင် ၂၂၀ကျပ်၊ ဘဲဥကြီးတစ်လုံးလျှင် ၃၅၀ကျပ်၊အသေးတစ်လုံးလျှင် ၃၀၀ကျပ်ရှိသည်။ မိတ္ထီလာမြို့၏ အသားငါးဈေးနှုန်းနှင့် ငါးခြောက်ဈေးနှုန်းများမှာ ကြက်သား (ဒေသကြက်) တစ်ပိဿာလျှင် ၁၈၀၀၀ကျပ်၊ ကြက်သား (CP) တစ်ပိဿာလျှင် ၁၀၀၀၀ကျပ်၊ ဝက်သားတစ်ပိဿာလျှင် ၂၀၀၀၀ကျပ်၊ အမဲသားတစ်ပိဿာလျှင် ၂၀၀၀၀ကျပ်၊ ငါးကြင်းတစ်ပိဿာလျှင် ၁၂၀၀၀ကျပ်၊ ငါးမြင်းတစ်ပိဿာလျှင် ၁၆၀၀၀ကျပ်၊ ငါးမြစ်ချင်းတစ်ပိဿာလျှင် ၈၀၀၀ကျပ်၊ ငါးတန်တစ်ပိဿာလျှင် ၁၀၀၀၀ကျပ်၊ ငါးခူတစ်ပိဿာလျှင် ၁၀၀၀၀ကျပ်၊ ငါးရံ့တစ်ပိဿာလျှင် ၁၂၀၀၀ကျပ်၊ ငါးဘတ်တစ်ပိဿာလျှင် ၁၂၀၀၀ကျပ်၊ ငါးဖယ်တစ်ပိဿာလျှင် ၁၁၀၀၀ကျပ်၊ ငါးခြောက်လက်လီဈေးနှုန်းမှာ အာဗြဲခြောက်တစ်ပိဿာလျှင် ၂၃၀၀၀ကျပ်၊ ငါးရံ့ခြောက်တစ်ပိဿာလျှင် ၅၀၀၀၀ကျပ်၊ ငါးတံခွန်ခြောက်တစ်ပိဿာလျှင် ၁၆၀၀၀ကျပ်၊ ငါးနီတူခြောက်တစ်ပိဿာလျှင် ၁၂၀၀၀ကျပ်၊ ငါးရောင်ခြောက်တစ်ပိဿာလျှင် ၃၂၀၀၀ကျပ်၊ ပုစွန်ခြောက်တစ်ပိဿာလျှင် ၄၃၀၀၀ကျပ်တို့ဖြင့် အရောင်းအဝယ်ဖြစ်နေကြကြောင်း သိရှိရပါသည်။

DOCA(မန္တလေး)

   မိတ္ထီလာစျေးကွက်အတွင်း ၂၀၂၃ခုနှစ်၊ ဇူလိုင်လ၊ ပထမအပတ်တွင်ဖြစ်ပေါ်နေသော အခြေခံစားကုန်များအနက် ရွှေဘိုပေါ်ဆန်းမှာ တစ်အိတ်လျှင် ၁၀၅၀၀၀ကျပ်ဖြင့်လည်းကောင်း၊ မဂျမ်းတောဆန်မှာ တစ်အိတ်လျှင် ၈၅၀၀၀ကျပ်ဖြင့်လည်းကောင်းစျေးငြိမ်နေပြီး ‌ဒေသတွင်းစားသုံးမှုများသော မနောသုခဆန်မှာ တစ်အိတ်လျှင် ယခင်အပတ်တွင် ၇၅၀၀၀ကျပ်ရှိခဲ့ရာမှ ယခုအပတ်တွင် ၈၀၀၀၀ကျပ်အထိစျေးမြင့်လာခဲ့ပါသည်။ မန္တလေးတိုင်းဒေသကြီးအနေနှင့် နွေစပါးမှာ စိုက်ပျိုးချိန်နောက်ကျသကဲ့သို့ ထွက်ရှိမှုတွင်လည်း နောက်ကျလေ့ရှိပါသည်။ ဒေသတွင်းရှိသောသီးနှံများအနက် မန်ကျည်းသီးမှည့်မှာ ပြည်ပဝယ်လိုအားရှိသော သီးနှံဖြစ်ပါသည်။ မန်ကျည်းသီးမှည့်ကို ဖေဖော်ဝါရီလနှင့် မတ်လများတွင်ခူးဆွတ်ကာ စျေးကွက်သို့တင်ပို့ခြင်း၊ သိုလှောင်ခြင်းများပြုလုပ်ကြပါသည်။ မန်ကျည်းသီးမှည့်ပေါ်စအချိန်တွင် ပုံမှန်အားဖြင့် တစ်ပိဿာလျှင် ၃၀၀၀ကျပ်ရှိခဲ့ပြီး သီးနှံလှိုင်ချိန်တွင် ၂၅၀၀ကျပ်ရှိ၍ စျေးနှုန်းကျဆင်းသွားကာ ယခုလက်ရှိပေါက်စျေးတွင်မူ တစ်ပိဿာလျှင် ၁၆၀၀ကျပ်မှ ၁၇၀၀ကျပ်အထိသာရှိကြောင်း သိရှိရပါသည်။

DOCA(မန္တလေး)

 စားဖိုဆောင်သုံးစားသောက်ကုန်အနေဖြင့် ကြက်သွန်ဖြူသည် မရှိမဖြစ်လိုအပ်လှပါသည်။ နေ့စဉ် ချက်ပြုတ်စားသောက်ရာ ဟင်းလျာများတွင်လည်း မြန်မာလူမျိုးများသည် ကြက်သွန်ဖြူကို အခွံနွှာ၍သော်လည်းကောင်း၊ ငရုတ်ဆုံတွင် ထည့်ထောင်း၍သော်လည်းကောင်း ချက်ပြုတ်၍ စားသောက်ကြပါသည်။ ကြက်သွန်ဖြူကို ရှမ်းပြည်နယ်(တောင်ပိုင်း)တွင် ကြက်သွန်ဖြူစိုက်ဧက ၃၀,၀၀၀နီးပါးစိုက်ပျိုးကြပြီး တောင်ကြီး၊ ပင်လောင်း၊ ဟိုပုံးမြို့နယ်များတွင် အဓိကစိုက်ပျိုးကြကာ ကျန်မြို့နယ်များတွင်လည်း အနည်းငယ်စီစိုက်ပျိုးကြပါသည်။ကယားပြည်နယ်တွင် ယခုဇူလိုင်လ၊ ပထမအပတ်အတွင်း ဈေးကွက်တွင်ဖြစ်ပေါ်နေသော ကြက်သွန်ဖြူ(ရှမ်းစ/ဒေသစ)တစ်ပိဿာလျှင် (၇၀၀၀) ကျပ်၊ ယခင်ဇွန်လ၊ စတုတ္တအပတ်တွင် (၆၀၀၀) ကျပ်ခန့်ဖြင့် အရောင်းအဝယ်ဖြစ်လျက်ရှိပါသည်။ ယခင်ဇွန်လ၊ စတုတ္တအပတ်နှင့် ယခုဇူလိုင်လ၊ ပထမအပတ်ဈေးနှုန်းတို့ကိုနှိုင်းယှဉ်လျှင် (၁၀၀၀) ခန့်ဈေးနှုန်းမြင့်တက်လျက်ရှိပါသည်။ ဈေးနှုန်းမြင့်တက်လာရခြင်းမှာ ဒေသတွင်းစိုက်ပျိုးမှုနည်းပါးခြင်းကြောင့် အခြားဒေသမှ ဝယ်ယူရောင်းချရသည့်အတွက် သယ်ယူစရိတ်အနည်းငယ်မြင့်တက်လာကာ ဈေးတက်လာခြင်းဖြစ်သည်ဟု နောင်ယားဈေးအတွင်းရှိ ကြက်သွန်ဖြူရောင်းချနေသူတစ်ဦးထံမှသိရှိရပါသည်။

DOCA(ကယား)

  ကယားပြည်နယ်၊ လွိုင်ကော်မြို့တွင် စက်သုံးဆီအရောင်းဆိုင်(၁၄)ဆိုင်ဖွင့်လှစ်ရောင်းချလျက်ရှိပြီး စက်သုံးဆီလက်လီဈေးနှုန်းများမှာ ယခုဇူလိုင်လ၊ ပထမပတ်အတွင်း ဓာတ်ဆီ(92)တစ်လီတာလျှင် (၂၀၃၀) ကျပ်၊ ဓာတ်ဆီ(95)တစ်လီတာလျှင် (၂၁၄၀) ကျပ်၊ ဒီဇယ်(ရိုးရိုး) တစ်လီတာလျှင် (၂၀၈၅) ကျပ်၊ ဒီဇယ်(ပရီမီယမ်)တစ်လီတာလျှင် (၂၁၆၅)ကျပ်တို့ဖြင့် ရောင်းချလျက်ရှိပြီး ယခင်ဇွန်လ၊ နောက်ဆုံးအပတ်အတွင်း ဓာတ်ဆီ(92)တစ်လီတာလျှင် (၂၀၅၀) ကျပ်၊ ဓာတ်ဆီ(95)တစ်လီတာလျှင် (၂၁၄၅) ကျပ်၊ ဒီဇယ်(ရိုးရိုး)တစ်လီတာလျှင် (၂၀၄၅) ကျပ်၊ ဒီဇယ်(ပရီမီယမ်)တစ်လီတာလျှင် (၂၁၂၅)  ကျပ်တို့ဖြင့် ရောင်းချလျက်ရှိပါသည်။

    ယခင်ဇွန်လ၊ နောက်ဆုံးအပတ်နှင့် ယခုဇူလိုင်လ၊ ပထမအပတ်စက်သုံးဆီဈေးနှုန်းတို့ကို နှိုင်းယှဉ်ကြည့်လျှင် ဓာတ်ဆီ(92)တစ်လီတာလျှင် (၂၀) ကျပ်၊  ဓာတ်ဆီ(95)တစ်လီတာလျှင် (၅) ကျပ်ခန့်ကျဆင်းလျက်ရှိပြီး ဒီဇယ်(ရိုးရိုး)တစ်လီတာလျှင် (၄၀) ကျပ်၊ ဒီဇယ်(ပရီမီယမ်)တစ်လီတာလျှင် (၄၀) ကျပ်ခန့်မြင့်တက်လာကြောင်း စက်သုံးဆီအရောင်းဆိုင်တစ်ဆိုင်မှသိရှိရပါသည်။

DOCA(ကယား)