ပြည်တွင်းကုန်သွယ်မှုသတင်း

   “ပန်းထိမ်ဆရာလက်မှိုင်ချရသည်အထိ” ဟု တင်စားခေါ်ဆိုနိုင်သည့် အရောင်အသွေးစုံလင်လှသော ပန်းထိမ်ငိုပန်းသည် မြင်သူတိုင်း သဘောကျနှစ်ခြိုက်သောပန်းဖြစ်ပါသည်။ ပန်းတိမ်ငိုပန်းကို ဘုရားပန်းအဖြစ်လည်းကောင်း၊ အလှူ၊ မင်္ဂလာဆောင်အခမ်းအနားများတွင် အလှဆင်သည့်ပန်းအဖြစ်လည်းကောင်း နှစ်ခြိုက်စွာအသုံးပြုကြသောပန်းဖြစ်ပါသည်။

    စစ်ကိုင်းတိုင်းဒေသကြီး၊ မုံရွာမြို့နယ်အတွင်း ချင်းတွင်းမြစ်ရိုးအရှေ့ဘက်တွင်တည်ရှိသော ညောင်ဖြူပင်၊ သစ်ဆိမ့်၊ ထနောင်းတော၊ နဂါးတွင်းကျေးရွာများသည်  ပန်းမန်ဥယျာဉ်ခြံမြေစိုက်ပျိုးခြင်းလုပ်ငန်းများကို အဓိကထားလုပ်ကိုင်လျက်ရှိပြီး အရောင်အသွေးစုံလင်လှသော ပန်းထိမ်ငိုပန်းကိုလည်းစိုက်ပျိုးထားရှိလျက်ရှိသည်။

          ပန်းထိမ်ငိုမျိုးတွင် တစ်ထပ်ပန်းထိမ်ငို၊ နှစ်ထပ်ပန်းထိမ်ငို၊ သုံးထပ်ပန်းထိမ်ငို (ခေါ်) ဆင်စွယ်ဟူ၍သုံးမျိုးရှိသည်။ မျိုးကွဲပေါင်းများစွာရှိပြီး ပန်း၏အရောင်မှာ မရမ်းရောင်နှင့် အဖြူရောင်တို့ရှိကြသည်။ ပန်းထိမ်မနိုင်  (ခေါ်) ပန်းထိမ်ငိုပန်းစိုက်ပျိုးရန် ပြင်ဦးလွင်ပျိုးဥယျာဉ်ခြံများမှ ပန်းပျိုးဥများကိုမှာယူပြီး ပန်းထိမ်မနိုင်ပန်းဥတို့ကို သင်္ကြန်မတိုင်မီအချိန်တွင် စိုက်ပျိုးကြရသည်။ အပင်အမြင့်သည် ၁၈လက်မမှ ၂၄လက်မအထိရှိပြီး အရွက်များမှာ အမြဲစိမ်းစိုနေသည်။ ပန်းထိမ်ငိုပန်းကို အအေးပိုင်းဒေသများတွင် အများဆုံးစိုက်ပျိုးကြပါသည်။ ယခုအခါ အပူပိုင်းဒေသများတွင်လည်း စတင်စိုက်ပျိုးလျက်ပြီး အပူရှိန်မြင့်မားသည့်ဒေသများ၌ ပန်းထိမ်ငိုပန်းကိုစိုက်ပျိုးနိုင်ရန် အမိုးအကာပြုလုပ်၍ စိုက်ပျိုးကြသည်။

၂၀၂၃ခုနှစ်၊ ဇူလိုင်လ၊ တတိယအပတ်တွင် ပန်းထိမ်မနိုင်ပန်းတစ်ခက်လျှင် အနည်းဆုံး ငွေကျပ် (၈ဝ-၁၀၀) နှုန်းဖြင့် ဖောက်သည်ဈေးရောင်းချရပါကြောင်း၊ ပေါ်ဦးပေါ်ဖျားဖြစ်သဖြင့် ပန်းဈေးကွက်တွင် အရောင်းသွက်လျက်ရှိပြီး ပန်းပေါခြင်း/ရှားခြင်းအပေါ်မူတည်ကာ ဈေးနှုန်းအတက်အကျရှိကြောင်း သိရှိရပါသည်။

DOCA(စစ်ကိုင်း)

  စီးပွား‌‌ရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများအပြင် အခြေခံစားကုန်ဈေးနှုန်းများကို အပတ်စဉ် မေးမြန်းတင်ပြလျက်ရှိရာ ရွှေဘိုမြို့တွင် စားသုံးဆီဈေးနှုန်းများအနည်းငယ်ကျဆင်းလျက်ရှိကြောင်း စားသုံးဆီအရောင်းဆိုင်များမှသိရသည်။

   ရွှေဘိုမြို့ပေါ်တွင် စားသုံးဆီလက်လီ/လက်ကားရောင်းချသောဆိုင် (၁၂) ဆိုင်ရှိပြီး ၂၀၂၃ခုနှစ်၊ ဇူလိုင်လ၊ ဒုတိယအပတ်တွင် စားအုန်းဆီတစ်ပိဿာလျှင် (၈၀၀၀) ကျပ်၊ ပဲဆီသန့်တစ်ပိဿာလျှင် (၁၅၀၀၀) ကျပ်နှင့် နှမ်းဆီသန့်တစ်ပိဿာလျှင် (၁၅၀၀၀) ကျပ်တို့ဖြင့် အရောင်းအဝယ်ဖြစ်ခဲ့ပြီး ယခုဇူလိုင်လ၊ တတိယအပတ်တွင် စားအုန်းဆီတစ်ပိဿာလျှင် (၇၂၅၀) ကျပ်၊ ပဲဆီသန့်တစ်ပိဿာလျှင် (၁၅၀၀၀) ကျပ်နှင့် နှမ်းဆီသန့်တစ်ပိဿာလျှင် (၁၅၀၀၀) ကျပ်တို့ဖြင့်အရောင်းအဝယ်ဖြစ်နေသဖြင့် ယခင်ပတ်နှင့် ယခုအပတ်တို့၏ စားသုံးဆီတစ်ပိဿာဈေးနှုန်းတို့ကိုနှိုင်းယှဉ်ကြည့်ပါက စားအုန်းဆီတစ်ပိဿာလျှင် (၇၅၀) ကျပ်ဖြင့် ဈေးနှုန်းအနည်းငယ်ကျဆင်းခဲ့ကြောင်းနှင့် ပဲဆီသန့်နှင့် နှမ်းဆီသန့်ဈေးနှုန်းများမှာ ယခင်ပတ်နည်းတူ ဈေးနှုန်းတည်ငြိမ်လျက်ရှိကြောင်း  စားသုံးဆီလက်ကားဆိုင်များမှသတင်း ရရှိပါသည်။

DOCA(စစ်ကိုင်း)

    ရွှေဘိုခရိုင်အတွင်းရှိ မြို့နယ်များ၌ ၂၀၂၃ခုနှစ်၊ ဇူလိုင်လ၊ ‌တတိယအပတ်တွင် စပါး/ဆန်ဈေးနှုန်းများတည်ငြိမ်နေပါသည်။ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ဇူလိုင်လ၊အ ဒုတိယပတ်တွင်  ရန်ကုန်သို့ အိတ်ရေ ၁၄၅၀၀အိတ်၊ မန္တလေးသို့ အိတ်ရေ ၂၇၉၀၀အိတ်၊ နေပြည်တော်သို့ အိတ်ရေ ၆၅၀၀အိတ်၊ ရှမ်း (တောင်) သို့ အိတ်ရေ ၅၀၀၀အိတ်၊ ရှမ်း (မြောက်) သို့ အိတ်ရေ ၅၀၀၀အိတ်၊ ပခုက္ကူသို့ အိတ်ရေ ၆၀၀အိတ်၊ စုစုပေါင်းအိတ်ရေ ၅၉၅၀၀အိတ်၊ တန်အားဖြင့် ၂၉၇၅တန်စီးထွက်ခဲ့ပါသည်။ ဇူလိုင်လ၊ တတိယအပတ်တွင် ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၁၅၅၀၀အိတ်၊ မန္တလေးသို့ အိတ်ရေ ၂၅၄၀၀အိတ်၊ နေပြည်တော်သို့ အိတ်ရေ ၆၀၀၀အိတ်၊ ရှမ်း (တောင်) သို့ အိတ်ရေ ၄၅၀၀အိတ်၊ ရှမ်း (မြောက်) သို့ အိတ်ရေ ၄၅၀၀အိတ်၊ ပခုက္ကူသို့ အိတ်ရေ ၆၀၀အိတ်၊ စုစုပေါင်းအိတ်ရေ ၅၆၅၀၀အိတ်၊ တန်အားဖြင့် ၂၈၂၅တန်စီးထွက်ခဲ့၍ ယခင်အပတ်နှင့် နှိုင်းယှဉ်လျှင် ယခုအပတ်အတွင်း အိတ်ရေ ၃၀၀၀အိတ်၊ တန်အားဖြင့် ၁၅၀တန်လျော့၍ စီးထွက်ခဲ့ပါသည်။

    ဇူလိုင်လ၊ တတိယအပတ်တွင် ဖြစ်ပေါ်နေသောစပါး/ဆန် ဈေးနှုန်းများမှာ ရွှေဘိုပေါ်ဆန်းစပါးတင်း၁၀၀လျှင် ကျပ်၂၉၀၀၀၀၀၊ ရွှေဘိုပေါ်ဆန်းဆန်၂၄ပြည်ပါတစ်အိတ်လျှင် ကျပ်၁၀၀၀၀၀၊ ဧရာမင်းစပါးတင်း၁၀၀လျှင် ကျပ်၂၅၀၀၀၀၀၊ ဧရာမင်းဆန်၂၄ပြည်ပါ တစ်အိတ်လျှင် ကျပ်၁၀၀၀၀၀နှင့် (၂၀၂၂-၂၀၂၃) ခုနှစ်  ရွှေဝါထွန်း (နွေစပါး) တင်း၁၀၀လျှင် ကျပ် ၁၅၅၀၀၀၀နှင့် ရွှေဝါထွန်းဆန်၂၄ပြည်ပါတစ်အိတ်လျှင် ကျပ်၆၄၀၀၀တို့ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)

   တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။

    မုံရွာမြို့ သီရိရတနာစျေးရှိ သစ်သီးဝလံများမှာ ရှမ်းပြည်နယ်၊ တောင်ကြီး၊ မြစ်ကြီးနား၊ သီပေါ၊  စစ်ကိုင်း၊ ပြင်ဦးလွင်နှင့် ဒေသတွင်းတို့မှ အသီးသီးဝင်ရောက်လျက်ရှိကြောင်း သိရပါသည်။

    ၂၀၂၃ခုနှစ်၊ဇူလိုင်လ ဒုတိယအပတ်တွင် ရွှေလိမ္မော် (၁)ပိဿာလျှင် ကျပ်(၇၀၀၀မှ ၈၀၀၀)ကြား၊ ပျားလိမ္မော်(၁)ပိဿာလျှင် ကျပ်(၇၀၀၀မှ ၉၀၀၀)ကြား၊ လိမ္မော်(ရိုးရိုး) (၁)ပိဿာလျှင် ကျပ်(၅၀၀၀မှ ၇၀၀၀) ကြား၊ စတော်ဘယ်ရီ(၁)ပိဿာလျှင် ကျပ်(၇၅၀၀မှ ၈၅၀၀)ကြား၊  ပန်းသစ်တော် (၁)လုံး လျှင် ကျပ်(၁၀၀၀မှ ၁၅၀၀)ကြား၊ ပန်းသီး (၁)လုံးလျှင် ကျပ်(၇၀၀မှ ၁၅၀၀)ကြား၊ ထောပတ်သီး (၁)လုံးလျှင် ကျပ်(၇၀၀ မှ ၁၅၀၀)ကြား၊ ကျွဲကောသီး (၁)လုံးလျှင် ကျပ်(၁၀၀၀မှ ၁၅၀၀)ကြား၊ တယ်သီး (၁)လုံးလျှင် ကျပ်(၈၀၀မှ ၁၀၀၀)ကြား၊ သခွားမွှေး (၁)လုံးလျှင် ကျပ်(၁၅၀၀မှ ၃၅၀၀)ကြား၊ ဖရဲသီး(ကြီး) (၁)လုံးလျှင် ကျပ်(၂၀၀၀မှ ၃၅၀၀)ကြား၊ ဖရဲသီး(သေး) (၁)လုံးလျှင် ကျပ်(၁၀၀၀မှ ၂၅၀၀)ကြား၊ နာနတ်သီး (၁)လုံးလျှင် ကျပ်(၁၀၀၀မှ ၁၅၀၀)ကြား၊ နှင်းသီး(၁)ပိဿာလျှင် ကျပ်(၅၀၀၀မှ ၇၀၀၀)ကြား၊ နဂါးမောက်သီး (၁)လုံးလျှင် ကျပ်(၈၀၀မှ ၁၅၀၀)ကြား၊ ငှက်ပျောသီး ဖီးကြမ်း တစ်ဖီးလျှင် (၁၂၀၀)ကျပ်၊ ငှက်ပျောသီးမွှေး တစ်ဖီးလျှင် ကျပ်(၁၅၀၀မှ ၂၅၀၀)ကြား၊ စပျစ်သီး (၁)ပိဿာလျှင် ကျပ်(၈၀၀၀မှ ၁၂၀၀၀)ကြား ဈေးနှုန်းများဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)