ပြည်တွင်းကုန်သွယ်မှုသတင်း

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များ ဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များ ပိုမိုခိုင်မာအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန် စာရင်းတို့ကိုလည်း အပတ်စဉ်၊ လစဉ်တင်ပြလျက်ရှိပြီး ဇွန်လ၊ တတိယပတ်အတွင်း အရောင်းအဝယ် ဖြစ်သည့် သီးနှံနှင့်ဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့် ဆက်သွယ်မေးမြန်းရာ ပဲတီစိမ်းနှင့် နှမ်းများအရောင်းအဝယ်ဖြစ်လျက်ရှိကြောင်း သိရှိရပါသည်။

ပဲတီစိမ်း

ပဲတီစိမ်းမှာ ဧပြီလ၊ တတိယပတ်မှစတင်၍ ရွှေဘိုဈေးကွက်သို့ စတင်ဝင်ရောက်ခဲ့ပြီး ဇွန်လ၊ တတိယပတ်ထိ ဝင်ရောက်လျက်ရှိကြောင်း၊ ရွှေဘိုမြို့ ပဲ၊ နှမ်းကုန်စည်ဒိုင်သို့ ရွှေဘိုခရိုင်အတွင်းရှိ နွေသီးနှံစိုက်ပျိုးရန်အတွက် ဆည်ရေရရရှိသည့်မြို့နယ်များအပြင် မူးမြစ်ဝှမ်းဒေသများမှ ပဲတီစိမ်းများ ဝင်ရောက်လျက်ရှိကြောင်း၊  ဇွန်လ၊ တတိယပတ်တွင် အရောင်းအဝယ်ဖြစ်သည့် ဈေးနှုန်းမှာ ပဲတီစိမ်း တစ်တင်းလျှင်(၅၀၀၀ဝိ/-)ပေါက်ဈေးရှိပြီး အရောင်းအဝယ်ဖြစ်မှုမှာ (၃၅၀၀)တင်း/(၁၁၄)တန်ဖြစ်ကြောင်း၊ ယခင်နှစ်ကာလတူ၌ ပဲတီစိမ်းတစ်တင်းလျှင်(၄၃၀၀ဝိ/-)ဖြင့် အရောင်းအဝယ်ဖြစ်ခဲ့သဖြင့် ယခင်နှစ် ကာလတူနှင့် အရောင်းအဝယ်ဖြစ်သည့်ဈေးနှုန်း နှိုင်းယှဉ်ပါက ယခုနစ်တွင်ယခင်နှစ်ထက် ပဲတီစိမ်း တစ်တင်းလျှင်(၇၀၀ဝိ/-)ဈေးပိုခဲ့ကြောင်း၊ ဇွန်လ၊ ဒုတိယပတ်နှင့် တတိယပတ် အရောင်းအဝယ်ဖြစ်သည့် ဈေးနှုန်းနှိုင်းယှဉ်ပါက ဒုတိယပတ်၌ ပဲတီစိမ်းတစ်တင်းလျှင် (၅၄၃၀ဝိ/-) ပေါက်ဈေးရှိခဲ့သဖြင့် တတိယပတ် တွင်ဒုတိယပတ်အောက် ပဲတီစိမ်းတစ်တင်းလျှင် (၄၃၀ဝိ/-) ဈေးလျော့နည်းခဲ့ပြီး ဈေးနှုန်းလျော့နည်း သော်လည်း ဝင်ရောက်သမျှ အရောင်းအဝယ်ဖြစ်လျက်ရှိကြောင်း သတင်းရရှိပါသည်။

နှမ်းနက်

မေလ၊ စတုတ္ထပတ်မှစတင်၍ ရွှေဘိုဈေးကွက်သို့ နွေနှမ်းများ စတင်ဝင်ရောက်လာပြီး ဇွန်လ၊ တတိယပတ်အထိ အရောင်းအဝယ်ဖြစ်လျက်ရှိကြောင်း၊ ဇွန်လ၊ တတိယပတ်တွင် အရောင်းအဝယ်ဖြစ်သည့်ဈေးနှုန်းမှာ နှမ်းနက်တစ်တင်းလျှင် (၁၁၁၆၀ဝိ/-)ပေါက်ဈေးရှိပြီး အရောင်းအဝယ်ဖြစ်မှုမှာ (၂၅၀၀)တင်း/ (၆၁)တန်ဖြစ်ကြောင်း၊ ယခင်နှစ်ကာလတူ၌ နှမ်းနက်တစ်တင်းလျှင်(၆၈၀၀ဝိ/-)ဖြင့် အရောင်းအဝယ်ဖြစ်ခဲ့သဖြင့် ယခင်နှစ်ကာလတူနှင့် အရောင်းအဝယ်ဖြစ်သည့်ဈေးနှုန်း နှိုင်းယှဉ်ပါက ယခုနစ်တွင်ယခင်နှစ်ထက် နှမ်းတစ်တင်းလျှင် (၄၃၆၀ဝိ/-) ဈေးပိုခဲ့ကြောင်း၊ ဇွန်လ၊ ဒုတိယပတ်နှင့် တတိယပတ် အရောင်းအဝယ်ဖြစ်သည့် ဈေးနှုန်းနှိုင်းယှဉ်ပါက ဒုတိယပတ်၌ နှမ်းနက်တစ်တင်းလျှင် (၁၁၁၇၀ဝိ/-) ပေါက်ဈေးရှိခဲ့သဖြင့် တတိယပတ်တွင် ဒုတိယပတ်အောက် ပဲတီစိမ်းတစ်တင်းလျှင် (၁၀ဝိ/-) ဈေးလျော့နည်းခဲ့ပြီး ဈေးနှုန်းလျော့နည်းသော်လည်း ဝင်ရောက်သမျှ အရောင်းအဝယ်ဖြစ်လျက်ရှိကြောင်း သတင်းရရှိပါသည်။

DOCA(စစ်ကိုင်း)

       မုံရွာမြို့၊ ချင်းတွင်းရတနာစျေး၌  ရောင်းချနေသော ပုဇွန်ခြောက်၊ ငါးခြောက်များမှာ ရန်ကုန်၊ မန္တလေး၊ ရခိုင်ပြည်နယ်ဘက်မှ ဝင်ရောက်ကြောင်းသိရပါသည်။ ပုဇွန်၊ ငါးခြောက်စျေးနှုန်းများမှာ ဝင်ရောက်သည့် ဒေသအ‌ပေါ် မူတည်၍လည်းကောင်း၊ အရည်အသွေးကိုလိုက်၍လည်းကောင်း ကွာခြားလျက်ရှိပါသည်။

     ၂၀၂၃ခုနှစ်၊ဇွန်လ တတိယအပတ်တွင် ရောင်းချနေသော ဈေးနှုန်းများမှာ ပုဇွန်ခြောက် (၁)ပိဿာလျှင် ကျပ်(၆၅၀၀၀)မှ ကျပ်(၈၅၀၀၀)၊ ငါးရံ့ခြောက် (၁)ပိဿာလျှင် ကျပ်(၅၅၀၀၀မှ ၈၀၀၀၀)၊ ငါးပုတ်လုံးခြောက်(၁)ပိဿာလျှင် ကျပ်(၁၆၀၀၀မှ ၁၈၅၀၀)၊  ငါးပုတ်သင်(၁)ပိဿာလျှင် ကျပ်(၁၅၀၀၀မှ ၁၆၀၀၀) ၊ အာပြဲခြောက်(၁)ပိဿာလျှင် ကျပ်(၂၀၀၀၀မှ ၂၂၀၀၀)၊ ငါးကျည်းခြောက်(၁)ပိဿာလျှင် ကျပ်(၃၅၀၀၀မှ ၄၅၀၀၀)၊ ငါးနီတူးခြောက် (၁)ပိဿာလျှင် ကျပ်(၁၂၀၀၀ မှ ၁၄၀၀၀)၊ ငါးဖန့်ဝိုင်း(ငါးပိကောင်) (၁)ပိဿာလျှင် ကျပ်(၁၅၀၀၀မှ ၁၇၅၀၀) ရှိကြောင်း ချင်းတွင်းရတနာဈေးတွင်ရောင်းချနေသော ငါးခြောက်ကုန်သည်များထံမှ သိရပါသည်။

DOCA(စစ်ကိုင်း)

    တောင်ငူမြို့၊ ညောင်ပင်ဈေးတွင်၊ အင်ဥများပေါ်နေပြီဖြစ်ပါသည်။ အင်ဥသည် အင်ပင်များ၏ အောက်ရှိအမြစ်များနှင့် ဆက်စပ်နေသောမှိုတစ်မျိုးဖြစ်ကြောင်း လေ့လာသိရှိရပါသည်။ အင်ဥများကို ပဲခူးရိုးမတစ်ကြောတွင် ယခုကဲ့သို့ မိုးဦးကာလတွင် တွေ့ရပြီး တစ်နှစ်ပတ်လုံးတွင် တစ်ကြိမ်သာတွေ့ရှိရပါသည်။

    အင်ဥတူးသူများအနေဖြင့် မြေကြီးထဲရှိ အင်ဥအား ဝါးပြားနှင့်ကလော်ယူ၍ ရရှိလာသောအင်ဥများအား စုဆောင်းပြီး မြို့ပေါ်ရှိဈေးများသို့ ကိုယ်တိုင်လာရောက်ရောင်းသူများရှိသကဲ့သို့ ဖောက်သည်သွင်း၍ ရောင်းချသူများလည်းရှိပါသည်။ တောင်ငူမြို့သည် ပဲခူးရိုးမတောင်တန်းကြီး၏အနီးတွင် တည်ရှိသောကြောင့် ယခုကဲ့သို့ အင်ဥပေါ်သောရာသီတွင် တောင်ငူမြို့ပေါ်ရှိဈေးများ၌ အင်ဥရောင်းချသူများပေါများလျက်ရှိပါသည်။

    အင်ဥအား ရေ (၂) နာရီခန့်စိမ်ပြီးမှ စကာနှင့်တိုက်၍ ဆေးကြောသန့်စင်ပြီးလျှင် ဓားဖြင့်ပါးပါးလှီး၍ ကြော်စားရသောဟင်းလျာတစ်မျိုးဖြစ်ပါသည်။ တောင်ငူမြို့၊ ညောင်ပင်ဈေးတွင် အင်ဥအား နို့ဆီဘူး (၁) ဘူးလျှင် (၁၀၀၀) ကျပ်ဖြင့်ရောင်းချပေးနေပါသည်။ ပေါ်ခါစဖြစ်သောကြောင့် ဈေးနှုန်းအနည်းငယ်မြင့်မားနေသော်လည်း အင်ဥလှိုင်လှိုင်ပေါ်သော ရှေ့လများတွင် ဈေးနှုန်းကျဆင်းနိုင်ကြောင်း သိရှိရပါသည်။

DOCA(ပဲခူး)

   ၂၉.၆.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။