ပြည်တွင်းကုန်သွယ်မှုသတင်း

           ပဲခူးတိုင်းဒေသကြီး၊ ပြည်ခရိုင်တွင် ၂၀၂၂-၂၀၂၃ ဘဏ္ဍာနှစ် ကြံသီးနှံ(ခင်းသစ်) စိုက်ဧက (၂၀၄၉၈)ဧကလျှင် အထွက်နှုန်း(၂၅)တန်ခန့် ထွက်ရှိပါက ကြံတန်ချိန် (၅၀၀၀၀၀) ကျော်ခန့်၊  (လမိုင်း) စိုက်ဧက (၇၃၄၀)ဧကလျှင် အထွက်နှုန်း(၁၇)တန်ခန့် ထွက်ရှိပါက ကြံတန်ချိန် (၁၂၀၀၀၀) ကျော်ခန့်၊ စုစုပေါင်း (၂၇၈၃၈)ဧကလျှင် အထွက်နှုန်း(၂၃)တန်ခန့် ထွက်ရှိပြီး ကြံတန်ချိန်ပေါင်း (၆၀၀၀၀၀) ကျော်ခန့်ထွက်ရှိနိုင်ပါကြောင်း သိရှိရပါသည်။

          ယခုကာလသည် ကြံခုတ်သိမ်းထွက်ရှိချိန်ကာလဖြစ်၍ ပြည်မြို့နယ်ရှိ နဝဒေးသကြားစက်မှာ ၆.၁၂.၂၀၂၂ရက်နေ့တွင် စတင်လည်ပတ်လျက်ရှိပြီး ယခုဘဏ္ဍာနှစ်ကြံတန်ချိန် (၂၀၀၀၀၀) ကြိတ်ခွဲရန် လျာထားပြီး သကြားတန်ချိန်(၂၀၀၀၀) ထုတ်လုပ်ရန် လျာထားကြောင်း သိရှိရပါသည်။ ယခု ဒီဇင်ဘာလလယ်ထိ ကြံတန်ချိန်(၃၁၄၁၀)တန်ကြိတ်ခွဲပြီး သကြားတန်ချိန်(၃၁၄၁)တန် ထုတ်လုပ်ပြီးကြောင်း သိရှိရပါသည်။

           ပေါက်ခေါင်းမြို့နယ် အင်ငါးခွ သကြားစက်အနေဖြင့် ၇.၁၂.၂၀၂၂ ရက်နေ့တွင် စတင် လည်ပတ်ခဲ့ပြီး ယခုနှစ်တွင် ကြံတန်ချိန်(၁၅၀၀၀၀)ကြိတ်ခွဲရန်လျာထားပြီး သကြားတန်ချိန် (၁၅၀၀၀) ထုတ်လုပ်ရန် လျာထားကြောင်းသိရှိရပါသည်။ အင်ငါးခွသကြားစက် အနေဖြင့် ယခု ဒီဇင်ဘာလလယ်ထိ ကြံတန်ချိန်(၁၃၄၉၄)တန်ကြိတ်ခွဲပြီး သကြားတန်ချိန်(၁၃၄၉)တန် ထုတ်လုပ်ပြီး ဖြစ်ပါကြောင်းသိရှိရပါသည်။

           ကြံ(၁)တန်ဈေးနှုန်းအနေဖြင့် စက်အရောက်ဈေး တစ်တန်လျှင် (၇၅၀၀၀)ကျပ်ဈေးဖြင့် သကြားစက်များမှ ဝယ်ယူလျက်ရှိကြောင်း သိရှိရပါသည်။

DOCA(ပဲခူး)

          ပဲခူးတိုင်းဒေသကြီး ၊ သာယာဝတီခရိုင် ၊ ကြို့ပင်ကောက်မြို့နယ် ၊ ကြို့ပင်ကောက်မြို့မ ယင်းချောင်းခွအုပ်စု ၊ ရန်ကြီးအောင်ကျေးရွာတွင် ကြံကို ကိုယ်ပိုင်စိုက်ပျိုး၍ ကြံသကာ ထုတ်လုပ် သော လုပ်ငန်းရှိပါသည်။

          ရန်ကြီးအောင်ကျေးရွာတွင် ချက်ကြံ စိုက်ပျိုးဧက ၃ ဧကနှင့် ဇီးကုန်းမြို့တွင် ၃ ဧကဖြင့် ကြံစိုက်တောင်သူ တစ်ဦးမှ ကိုယ်ပိုင်စိုက်ပျိုးထားရှိပြီး ကြံသကာချက်လုပ်ငန်းများကို လုပ်ကိုင် လျက်ရှိပါသည်။ ကြံကို သီတင်းကျွတ်မှ စတင်စိုက်ပျိုးပြီး နတ်တော်လတွင် ရိတ်သိမ်းပါသည်။ တစ်ဧက ကြံချောင်းထွက်ရှိသည်မှ ကြံသကာ ထွက်ရှိသည်အထိ လုပ်သားခအပါအဝင် စုစုပေါင်း ကုန်ကျစရိတ်မှာ (၇၆၄၀၀ဝိ-/) ကျပ်ခန့် ကုန်ကျပါသည် ။ တစ်ဧကထွက် ကြံချောင်းများကို ကြံသကာ ချက်သည့်အခါ ပိဿာချိန် (၅၀၀) ခန့်ရရှိပါသည်။ ကြံသကာ တစ်ပိဿာရောင်းဈေး ၂၈၀ဝိ-/ ကျပ်ဖြင့် ရောင်းချရပြီး ပိဿာချိန် ၅၀၀ ရောင်းရငွေမှာ ၁၄ သိန်းကျပ်ခန့် ရရှိသဖြင့် တစ်ဧက အကျိုးအမြတ်အနေဖြင့် (၆၃၆၀၀ဝိ-/) ကျပ်ခန့်ရရှိပါသည်။

          တစ်နေ့လျှင် ကြံသကာ ထုတ်လုပ်ရန် ကြံချောင်းရေ (၂၀၀၀)ကျော်ပါ ပုဇဉ်းကား (၅)စီးဖြင့် သယ်ယူရရှိပြီး ရရှိသော ကြံချောင်းများကို အင်ဂျင်စက်ဖြင့် ကြိတ်ချေ၍ မီးဖို(၇)လုံးတန်းအိုး များထဲသို့ ကြံရည် နှင့် သရော်ခေျာင်း ၅ ချောင်း၏ ဘေးပလပ်များခွာပြီး ထုချေကာ ရောမွှေ၍ ရသော အရည်ကို  ရေဂါလံပုံး ၂ ပုံးဖြင့် မွဆေးအနည်းငယ်ထည့်၍ တစ်ပြိုင်တည်း ထင်း ၊ ကြံ ၊ ကြိတ်ဖတ် များဖြင့် (၂)နာရီကြာ မီးထိုး၍ ကျိုရပါသည်။ ကျို၍ရသော ကြံရည်များကို နောက်ဆုံး ဒယ်အိုးငယ် ထဲသို့ ထည့်ပြီး ထပ်မံ၍ ကျိုရပြီးမှ ဖြန့်ခင်းနိုင်ရန် ပုံစံခွက်ဗန်းများပေါ်တွင် အနံ ၃ ပေ ၊ အလျား ၅ပေရှိသော နှီးကြမ်းဖျာများကို ဗန်းထဲတွင် ဖြန့်ခင်းထားပြီး ကြံသကာရည်ကို အအေးခံ ၊ မျက်နှာပြင်ညှိပြီး အနည်းငယ်မာကျောလာလျှင် ၁၅မိနစ်ကြာထားပြီးပါက ကြံသကာများ ရရှိ ပါသည် ။ တစ်ဗန်းလျှင် ကြံသကာ ၅ ပိဿာခန့်ရရှိပြီး တစ်ခါကျိုလျှင် ၁၅မိနစ်ကြာထားပြီးပါက ကြံသကာများရရှိသည့်အတွက်  ၅၀ ပိဿာခန့် ရရှိပါသည်။ ကြံသကာ ၁၅ ချပ်စာပုံး (၁၀)ပိဿာဝင် ပုံးများဖြင့် ထည့်သို၍ လေလုံအောင် ထုတ်ပိုးထားရပါသည်။

          ကြံသကာ ဈေးကွက်အနေဖြင့် ကြို့ပင်ကောက်မြို့နယ်တွင်းနှင့် ဇီးကုန်းမြို့ ၊ နတ်တလင်းမြို့ ၊ ပေါင်းတည်မြို့ ၊ ပုတီးကုန်းမြို့ ၊ သဲကုန်း ၊ ဝက်ပုတ်မြို့များသို့ တင်ပို့ရောင်းချလျက်ရှိကြောင်း သိရှိ ရပါသည်။

DOCA(ပဲခူး)

       ၂၀၂၂ ခုနှစ် ဒီဇင်ဘာလ တတိယပတ်အတွင်း မုံရွာမြို့နယ်တွက် အခြေခံစားကုန်များဖြစ်ပေါ်ခဲ့သော  ဈေးနှုန်းများမှာ ရွှေဘိုပေါ်ဆန်းဆန်တစ်ပြည် (၃၅၀၀)ကျပ်၊ ဧရာမင်းဆန် တစ်ပြည် အဟောင်း (၂၅၀၀)ကျပ်နှင့် ဧရာမင်းဆန်တစ်ပြည် အသစ်(၂၀၀၀)ကျပ်ဖြင့် အရောင်းအဝယ် ဖြစ်လျက်ရှိပါသည်။ စားအုန်းဆီ တစ်ပိဿာလျှင်(၅၅၅၀)ကျပ်၊ မြေပဲဆီ တစ်ပိဿာလျှင် (၉၅၀၀) ကျပ်၊ နှမ်းဆီ တစ်ပိဿာလျှင် (၉၅၀၀) ကျပ်၊ ကြက်သွန်နီ လက်လီ တစ်ပိဿာလျှင် (၄၀၀၀)ကျပ်မှ (၄၅၀၀) ကျပ်ထိ၊ ကြက်သွန်ဖြူလက်လီ(ဗမာ) တစ်ပိဿာ လျှင် (၅၀၀၀)ကျပ်မှ (၅၅၀၀) ကျပ်ထိ၊ ကြက်သွန်ဖြူ (ရှမ်း)တစ်ပိဿာလျှင် (၄၅၀၀)ကျပ်မှ (၅၀၀၀)ကျပ်ထိ၊ ကြက်သွန်ဖြူ(ကြူကုတ်) တစ်ပိဿာလျှင် (၄၅၀၀)ကျပ်မှ(၅၀၀၀)ကျပ်ထိ၊ ချင်းတက်တစ်ပိဿာလျှင် (၁၅၀၀)ကျပ်မှ (၁၇၀၀)ကျပ်ထိ၊ ငရုတ် ခြောက်အမျိုးအစားအလိုက်  (၁၆၀၀၀)  ကျပ်မှ (၁၇၀၀၀)ကျပ်ထိ၊ အာလူး (၂၂၀၀)ကျပ်မှ (၂၃၀၀) ကျပ်ထိ၊ ခရမ်းချဉ်သီး တစ်ပိဿာလျှင် (၁၀၀၀)ကျပ်မှ (၁၁၀၀)ကျပ်တို့ဖြင့် အသီးသီးအရောင်းအဝယ်ဖြစ်လျက်ရှိပါသည်။

     ကြက်ဥလက်လီဈေးနှုန်းမှ ကြီး တစ်လုံး(၂၅၀)ကျပ်၊ သေးတစ်လုံး(၂၀၀)ကျပ်၊ ဘဲဥ(ကြီး) တစ်လုံး (၃၀၀)ကျပ်၊ သေးတစ်လုံး(၂၅၀)ကျပ်ရှိသည်။ မုံရွာမြို့၏ သား/ ငါးဈေးနှုန်းမှ ကြက်သား (CP) တစ်ပိဿာ( ၉၀၀၀)ကျပ်မှ  (၁၀၀၀၀)ကျပ်ထိ ၊ ကြက်သား(ဗမာ) တစ်ပိဿာလျှင် (၁၂၀၀၀) ကျပ်၊ ဝက်သားတစ်ပိဿာ(၁၅၀၀၀)ကျပ်မှ (၁၆၀၀၀) ကျပ်ထိ၊ အမဲသား တစ်ပိဿာ (၁၅၀၀၀) ကျပ်မှ (၁၆၀၀၀)ကျပ်ထိ၊ ငါးမြစ်ချင်း တစ်ပိဿာလျှင်(၆၀၀၀)ကျပ်၊ ငါးကြင်း တစ်ပိဿာလျှင် (၆၀၀၀) ကျပ် တို့ဖြင့်အရောင်းအဝယ်ဖြစ်နေကြောင်းသိရပါသည်။

        ဒီဇင်ဘာလ တတိယပတ်တွင် အခြေခံစားကုန်များဖြစ်သည့် ကြက်သွန်နီ/ဖြူ၊ အာလူး  ယခင်လပတ်ထက်  ဈေးအနည်းငယ်ကျဆင်းကြောင်း  သိရှိရပါသည်။

DOCA(စစ်ကိုင်း)

       ရွှေဘိုမြို့၌  ဈေးကွက်အတွင်း ရောင်းချလျက်ရှိသော ခရမ်းချဉ်သီးများကို ဒေသတွင်းမှ စိုက်ပျိုးထွက်ရှိသော ခရမ်းချဉ်သီးများအပြင် ၊နောင်ချို၊ အင်းလေးဘက်မှ ဝယ်ယူရောင်းချမှုများရှိသော်လည်း ယခုအခါတွင် သယ်ယူစရိတ် ကုန်ကျစရိတ်များလာသောကြောင့် ဈေးကွက်အတွင်းတွင် မိမိတို့ဒေသမှထွက်သော ခရမ်းချဉ်သီးများကိုသာ အဓိကထား၍  ရောင်းချလျက်ရှိကြောင်း၊ ဒီဇင်ဘာလဒုတိယပတ်တွင် ခရမ်းချဉ်သီး တစ်ပိဿာလျှင် ၁၄၀၀ကျပ်ဖြင့် အရောင်းအဝယ်ဖြစ်နေ၍ ယခင် ဒီဇင်ဘာလ ပထမပတ်တွင် ခရမ်းချဉ်သီး တစ်ပိဿာလျှင် ၂၀၀၀ကျပ် ဈေးရှိခဲ့သဖြင့် ယခင်ပတ်နှင့် ယခုပတ် ဈေးနှုန်းနှိုင်းယှဉ်ပါက ခရမ်းချဉ်သီး တစ်ပိဿာလျှင် ယခင်ပတ်အောက် ၆၀၀ကျပ် ဈေးနှုန်း ကျဆင်းလာခဲ့ကြောင်း၊ ခရမ်းချဉ်သီး ဈေးနှုန်း ကျဆင်းရခြင်းမှာ မုံရွာမြို့နှင့် မန္တလေးမြို့ရှိ ပွဲရုံများမှ ရာသီစာကျားခြေရာသီးခေါ် ဗမာ ခရမ်းချဉ်သီးများ လှိုင်လှိုင်ဝင်ရောက်လာခြင်းကြောင့်ဖြစ်ပြီး ဗမာသီးတစ်ပိဿာလျှင် ၁၄၀၀ ကျပ်မှ ၁၈၀၀ကျပ်ထိ အလုံးအကြီးအသေးပေါ် မူတည်၍ အရောင်းအဝယ်ဖြစ်နေကြောင်း အောင်ဇေယျဈေးတွင် ခရမ်းချဉ်သီး လက်လီရောင်းချသော ဈေးသည်များထံမှ သတင်းရရှိသည်။

DOCA(စစ်ကိုင်း)

         ရွှေဘိုခရိုင်အတွင်းရှိ မြို့နယ်များ၌ ဒီဇင်ဘာလ ‌ဒုတိယပတ်တွင် စပါး /ဆန် ဈေးနှုန်းမှာ အနည်းငယ် မြင့်တက်ခဲ့ပါသည်။ ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ဒီဇင်ဘာလ ပထမပတ်တွင် ရန်ကုန်သို့ အိတ်ရေ ၃၂၀၀၀ ၊ မန္တလေးသို့ အိတ်ရေ၄၃၆၀၀၊ နေပြည်တော်သို့ အိတ်ရေ ၁၀၀၀၀၊ ရှမ်း(တောင်)သို့ အိတ်ရေ ၉၅၀၀၊ ရှမ်း(မြောက်)သို့ အိတ်ရေ ၉၅၀၀၊ ပခုက္ကူသို့ အိတ်ရေ ၁၀၀၀၊ စုစုပေါင်းအိတ်ရေ ၁၀၅၆၀၀၊ တန်အားဖြင့် ၅၂၈၀တန် စီးထွက်ခဲ့ပါသည်။ယခုအပတ်တွင် ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၂၀၀၀၊ မန္တလေးသို့ အိတ်ရေ ၄၅၆၀၀၊ နေပြည်တော်သို့ အိတ်ရေ၉၅၀၀ ၊ ရှမ်း(တောင်)သို့ အိတ်ရေ၉၀၀၀ ၊ ရှမ်း(မြောက်)သို့ အိတ်ရေ ၉၀၀၀၊ပခုက္ကူသို့ အိတ်ရေ ၁၀၀၀ ၊ စုစုပေါင်းအိတ်ရေ ၁၀၆၁၀၀ ၊ တန်အားဖြင့် ၅၃၀၅တန် စီးထွက်ခဲ့သည့်အတွက် ယခင်အပတ်နှင့် နှိုင်းယှဉ်ပါက ယခုအပတ်အတွင်း အိတ်ရေ ၅၀၀၊ တန်အားဖြင့် ၂၅တန် ပို၍ စီးထွက်ခဲ့ပါသည်။

      ရွှေဘိုမြို့၏ ဒီဇင်ဘာလ ဒုတိယပတ်တွင် ဖြစ်ပေါ်နေသော စပါး/ဆန်  ဈေးနှုန်းများမှာ ရွှေဘိုပေါ်ဆန်းစပါး တင်း၁၀၀လျှင် ကျပ်၂၆၀၀၀၀၀၊ ရွှေဘိုပေါ်ဆန်း ဆန်၂၄ပြည်ပါ တစ်အိတ်လျှင် ကျပ်၈၈၀၀၀၊ ဧရာမင်းစပါး တင်း၁၀၀လျှင် ကျပ်၁၄၅၀၀၀၀၊ ဧရာမင်းဆန် ၂၄ပြည်ပါတစ်အိတ်လျှင် ကျပ် ၆၅၀၀၀၊ ၂၀၂၁-၂၀၂၂ခုနှစ်ထွက် နွေစပါး ရွှေဝါထွန်းစပါး တင်း၁၀၀လျှင် ကျပ် ၁၁၀၀၀၀၀၊ ‌ရွှေဝါထွန်းဆန် ၂၄ပြည်ပါ တစ်အိတ်လျှင် ကျပ် ၄၃၀၀၀ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)