ပြည်တွင်းကုန်သွယ်မှုသတင်း

          ရန်ကုန်တိုင်းဒေသကြီး၊ အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ဧပြီလ (၂၂)ရက်နေ့မှ ဧပြီလ (၂၈)ရက်အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စု ကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက် ရောင်းချနေကြောင်း သိရှိရပါတယ်။ ထိုသို့ဝင်ရောက် ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ် (ပိဿာ)ကျပ် ၅၀၀ မှ ၇၀၀ အတွင်း၊ ဂေါ်ဖီထုပ်(တစ်ထုပ်)ကျပ် ၄၀၀ မှ ၉၀၀ အတွင်း၊ ပန်းဂေါ်ဖီ(ထုပ်)ကျပ် ၄၀၀ မှ ၈၀၀ အတွင်း၊ အာလူး(ပိဿာ)ကျပ် ၁၃၀၀ မှ ၂၅၀၀ အတွင်း၊ မုန်လာဥနီ(ပိဿာ) ကျပ် ၇၀၀ မှ ၁၃၀၀ အတွင်း၊ ရွှေဖရုံသီး(လုံး)ကျပ် ၅၀၀ မှ ၁၀၀၀ အတွင်း၊ ဗူးသီး(လုံး) ကျပ် ၅၀၀ မှ ၁၈၀၀ အတွင်း၊ မုန်ညှင်း(ထုပ်)(ပိဿာ)ကျပ် ၈၀၀ မှ ၁၅၀၀ အတွင်း၊ ကြက်သွန်နီ(ဆိပ်ဖြူ)ကျပ် ၅၀၀ မှ ၁၅၀၀ အတွင်း၊ ကြက်သွန်ဖြူ(ရှမ်း)(ပိဿာ) ၁၄၀၀ မှ ၃၆၀၀ အတွင်း၊ ကြက်သွန်ဖြူ(ကြူကုတ်)(ပိဿာ) ကျပ် ၃၀၀၀ မှ ၄၇၀၀ အတွင်း၊ ချင်း(ပိဿာ)ကျပ် ၇၀၀ မှ ၁၂၀၀ အတွင်း၊ ဆလပ်ရွက်(စီး)ကျပ် ၅၀ မှ ၈၀ အတွင်း၊ ချဉ်ပေါင်ရွက်(စီး) ကျပ် ၅၀ မှ ၁၀၀ အတွင်း၊ ခရမ်းသီး(ရှည်)(ပိဿာ)ကျပ် ၅၀၀ မှ ၁၄၅၀ အတွင်း၊ သံပရာသီး(လုံး)ကျပ် ၁၅၀ မှ ၂၀၀ အတွင်း၊ ငရုတ်သီးစိမ်း (ကျောက်စိမ်း) (ပိဿာ) ၈၀၀ မှ ၁၃၀၀ အတွင်း၊ ဖရဲသီး(အကြီး၊ အလတ်၊ အသေး)ကျပ် ၂၀၀၀ မှ ၄၃၀၀ အတွင်း ဖြစ်ကြောင်း သိရှိရပါတယ်။

         တညင်းကုန်းလက်ကားဈေးကြီးအတွင်းသို့ ယခုရက်သတ္တပတ်အတွင်း သံပုရာသီးအလုံးပေါင်း (၁၂၁၀၀၀)ကျော်၊ ခရမ်းသီး(ရှည်)(ပိဿာ)(၁၀၆၇၀)ကျော်၊ ဗူးသီးအလုံး ပေါင်း (၃၉၅၀)ကျော်၊ ရွှေဖရုံသီးအလုံးပေါင်း (၆၂၅၀)ကျော်၊ ဂေါ်ဖီထုပ်ပေါင်း (၃၇၈၀၀)ကျော်၊ ပန်းဂေါ်ဖီ ထုပ်ပေါင်း (၁၇၁၀၀)ကျော်၊ မုန်ညှင်းထုပ်(ပိဿာ)ပေါင်း (၁၂၆၆၅)ကျော်၊ ဖရဲသီးလုံး ပေါင်း (၄၈၀၀) ကျော် အသီးသီးကုန်အဝင်ရှိကြောင်း သိရပါတယ်။

DOCA(ရန်ကုန်)

        ပြည်ထောင်စုနယ်မြေ၊ နေပြည်တော်အတွင်းရှိ စိုက်ပျိုးထုတ်လုပ်မှုအနေအထားများတွင် ရေသွင်း၍ မိုးကြိုစိုက်ပျိုးထားသော သီးနှံများရှိရာ သီးနှံများ စိုက်ပျိုးရန်အတွက် ထယ်ရေးပြင်ဆင်မှုနှင့် မျိုးစေ့ ဝယ်ယူစုဆောင်းပြင်ဆင်မှုတို့သည် ဧပြီလအတွင်း၌ လုပ်ဆောင်မှုအများဆုံးဖြစ်ကြောင်း လေ့လာတွေ့ရှိရပါသည်။ မျိုးစေ့ဝယ်ယူစုဆောင်းမှုအများဆုံးကာလဖြစ်သော ဧပြီလအတွင်း သီးနှံ၊ မျိုးစေ့ ဈေးနှုန်းများ ဖြစ်ပေါ်နေမှုကို ရေးသားဖော်ပြအပ်ပါသည်-   

DOCA(ပြည်ထောင်စုနယ်မြေ)

          ရန်ကုန်တိုင်းဒေသကြီး၊ မင်္ဂလာတောင်ညွှန့်မြို့နယ်ရှိ ကြက်/ဘဲဈေးဒိုင်မှ ကြက်/ဘဲများကို စားသုံးသူပြည်သူများအနေဖြင့် လွယ်ကူစွာဝယ်ယူစားသုံးနိုင်ရန်အတွက် ပြည်နယ်/တိုင်းဒေသများသို့ နေ့စဉ်လက်လီ/လက်ကားဖြန့်ဖြူးတင်ပို့ရောင်းချလျက်ရှိကြောင်း သိရှိရပါသည်။

          ထိုသို့တင်ပို့ရောင်းချလျက်ရှိရာ စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ရုံးမှ ဝန်ထမ်း များမှ (၂၅.၄.၂၀၂၂) ရက်နေ့တွင် မင်္ဂလာတောင်ညွှန့်မြို့နယ်ရှိ ကြက်/ဘဲဈေးသို့သွားရောက်၍ ကြက်/ဘဲများ၏ ဈေးကွက်ဈေးနှုန်းစုံစမ်းခြင်းများ ပြုလုပ်ခဲ့ရာတွင် ရန်ကုန်တိုင်းဒေသကြီးအတွင်းရှိ မြို့နယ်များမှ ခြံဖမ်းဈေးစနစ်ဖြင့်လည်းကောင်း၊ အခြားတိုင်းနှင့် ပြည်နယ်များမှလည်း ဈေးကွက် အတွင်းလိုအပ်ချက်ရှိလျှင် ကြက်/ဘဲများဝင်ရောက်လာခြင်းနှင့် ပြန်လည်ပို့ဆောင်ရောင်းချခြင်းများ လည်းရှိကြောင်း သိရှိရပါသည်။

          သို့ဖြစ်ပါ၍ ပြန်လည်ရောင်းချရာ၌ အိမ်မွေးကြက် ၁ ပိဿာလျှင် (၉၅၀၀/၁၀၀၀၀)ကျပ်၊ အသားထိုးကြက် ၁ ပိဿာလျှင် (၅၆၀၀/5700) ကျပ်၊ မွေးမြူရေးကြက် (ထီး/မ) ၁ ပိဿာလျှင် (၆၅၀၀/7800) ကျပ်၊ ဘဲ ၁ ပိဿာလျှင် (4800/5500) ကျပ်ဖြင့် အသီးသီးလက်လီ/လက်ကား ရောင်းချလျက်ရှိပါသည်။ သင်္ကြန်ကာလအတွင်း ကြက်/ဘဲဈေးနှုန်းများ အနည်းငယ်မြင့်တက်လျက်ခဲ့ သော်လည်း ယခုအချိန်တွင် ဈေးနှုန်းများမှာ ပုံမှန်ပြန်လည်ရောင်းချလျက်ရှိပြီး တစ်နေ့လျှင် ကုန် ပိဿာချိန် (93880) ခန့် ပျမ်းမျှရောင်းချပေးနေကြောင်း သိရှိရပါသည်။

DOCA(ရန်ကုန်)

      မကွေးတိုင်းဒေသကြီး၊ မင်းဘူးခရိုင်၊ စလင်းမြို့နယ်၊ စာစီကျောင်းကျေးရွာအုပ်စု၊ စာစီကျောင်းကျေးရွာသည် ဝါး၊ ကြိမ်တို့ဖြင့် တောင်း၊ ဇကော၊ ဇကာ၊ တင်းတောင်း၊ ခံတောင်းယက်လုပ်သောလုပ်ငန်းဖြင့် အသက်မွေးဝမ်းကျောင်း ပြုနေသည့် ကျေးရွာ(၁)ရွာဖြစ်ပါသည်။ အဆိုပါပစ္စည်းများပြုလုပ်ရာတွင် စလင်းမြို့၏ အနောက်ဘက်ရှိ ကန်ပြား၊ မြောင်ဦးဒေသမှထွက်ရှိသော ဝါးများကိုအသုံးပြုခြင်းဖြစ်လည်းကောင်း၊ ကြိမ်ကို မန္တလေးမြို့မှ မှာယူ၍လည်းကောင်း ဇကော၊ ဇကာများယက်လုပ်ကြပါသည်။ ဇကော၊ ဇကာ (၁)ချပ်လျှင် (၅၀၀ဝိ/-)၊ တောင်းအမျိုးအစား/အရွယ်အစားအလိုက် (၁)လုံး (၃၀၀ဝိ/-) မှ (၁၀၀၀ဝိ/-)အထိရောင်းချရပြီး အိမ်ခြေ (၂၀၀)ခန့်ရှိသော စာစီကျောင်းကျေးရွာမှ လေးပုံတစ်ပုံမှာ တောင်း၊ ဇကော၊ ဇကာလုပ်ငန်းဖြင့် အသက်မွေး ဝမ်းကျောင်းပြုလုပ်ကြောင်း၊ လုပ်ငန်းရှင် ဒေါ်မြင့်မြင့်မှ ၎င်းတို့မိသားစုအနေဖြင့် (၁)ရက်လျှင် တောင်း(၅) လုံး၊ ဇကော(၃)ချပ်၊ ဇကာ(၄)ချပ်၊ ခံတောင်း(၂)လုံးယက်လုပ်နိုင်ကြောင်း၊ ဝါး၊ ကြိမ်တို့ဖြင့်ပြုလုပ်သော တောင်း(၁)လုံးလျှင် (၂၀၀ဝိ/-)၊ ဇကော/ဇကာ(၁)ချပ်လျှင် (၁၅၀ဝိ/-)၊ တင်းတောင်းကြမ်း(၁)လုံးလျှင် (၂၅၀ဝိ/-)အမြတ်ရရှိ၍ နေ့စဉ်မိသားစုဝင်ငွေ(၂၀၀၀ဝိ/-)ခန့်ရရှိကြောင်း၊ ဇကော/ဇကာယက်လုပ်သည့် လုပ်ငန်းကို လယ်ယာလုပ်ငန်းခွင်နားချိန် ဆောင်းအကုန်နှင့်နွေရာသီတို့တွင် နေ့စဉ်လုပ်ကိုင်ရကြောင်း၊ မိုးတွင်းကာလအတွင်းအလုပ်ပါးပြီး ယက်လုပ်ထားသည့် တောင်း၊ ဇကော၊ ဇကာများအား သိမ်းဆည်းစုဆောင်းထားပြီး ရာသီချိန်ရောက်မှသာ ရောင်းချရသည့်အတွက် အရင်းအနှီးစိုက်ထုတ်ရကြောင်း လုပ်ငန်းရှင် ဒေါ်မြင့်မြင့်၏ ပြောကြားချက်အရ သိရှိရပါသည်။

      စလင်းဒေသမှထွက်ရှိသည့် တောင်းအမျိုးမျိူး၊ ဇကော/ဇကာအမျိုးမျိုး၊ တင်းတောင်းကြမ်း၊ ခံတောင်းတို့ကို ဒေသတွင်းကျေးရွာများမှမှာယူကြပြီး စလင်းမြို့နှင့် နီးစပ်သော ပွင့်ဖြူ၊ ဆိပ်ဖြူမြို့များသို့ တင်ပို့ဖြန့်ဖြူး ရောင်းချလျက်ရှိကြောင်း၊ စလင်းဒေသထွက် ဇကော/ဇကာများမှာ လက်ရာသေသပ်ကောင်းမွန်ပြီး နှုတ်ခမ်းသားကို ကြိမ်ဖြင့်ကွပ်ထားသည့်အတွက် လေးငါးနှစ်အသုံးခံ၍ စားသုံးသူများမှ အထူးနှစ်သက်ကြကြောင်း လေ့လာသိရှိရပါသည်။

DOCA(မကွေး)

         တောင်ငူမြို့နယ်၏ အရှေ့ဘက် မိုင် ၂၀ ခန့်ကွာဝေးသော ကရင်ပြည်နယ် လိပ်သိုဒေသရှိ ကျောက်ဗျားကျေးရွာမှ ထွက်ရှိသော လိုင်ချီးသီးများသည် လိပ်သိုဒေသအတွင်း၌ ရောင်းချပါက အလုံး ၁၀၀ ပါ တစ်ထုပ်လျှင် ၂၄၀၀ ကျပ်မှ ၂၅၀၀ ကျပ်အထိ ရောင်းချရပြီး တောင်ငူမြို့ရှိ လိုင်ချီးသီးအဝယ်ဒိုင်များသို့ ရောင်းချမည်ဆိုပါက ၃၀၀၀ ကျပ်ရရှိ၍ အဝယ်ဒိုင်မှတစ်ဆင့် လက်ကားဈေး ၃၅၀၀ ကျပ်ဖြင့် ဖြန့်ဖြူးရောင်းချနေပြီး လက်လီဈေးအနေဖြင့် လိုင်ချီးသီးတစ်ထုပ်လျှင် ၄၀၀၀ ကျပ်မှ ၅၀၀၀ ကျပ်အထိ အသီးအရွယ်အစားပေါ်မူတည်၍ ရောင်းချနေကြောင်း သိရှိရပါသည်။

DOCA(ပဲခူး)