ပြည်တွင်းကုန်သွယ်မှုသတင်း

            ရွှေဘိုမြို့ အမှတ်(၁၀)ရပ်ကွက်ရှိ ကုန်းဘောင်ဈေးတွင် ဖေဖော်ဝါရီလ ဒုတိယပတ်တွင် ဖြစ်ပေါ်ခဲ့သော သစ်သီးဝလံဈေးနှုန်းများမှာ ပုပ္ပားမြို့နှင့် မတ္တရာမြို့မှထွက်ရှိသည့် မာလကာသီး တစ်လုံးလျှင်(၂၀၀)ကျပ်မှ(၄၀၀)ကျပ်ထိ၊ တောင်ကြီး မြို့နှင့်  ပြင်ဦးလွင်မြို့မှ ထွက်ရှိသည့် ထောပတ်သီး တစ်လုံးလျှင် (၃၅၀)ကျပ်မှ (၇၀၀)ကျပ်ထိ၊ ဒေသတွင်းနှင့် ပြင်ဦးလွင်မြို့မှ စတော်ဘယ်ရီသီး တစ်ပိဿာလျှင် (၇၀၀၀)ကျပ်မှ (၉၀၀၀)ကျပ်ထိ၊ ဆားတောင်ဒေသမှ ဇီးချိုသီး တစ်ပြည်လျှင် (၃၅၀၀)ကျပ်၊ ဒေသတွင်းမှ ဇီးသီး တစ်ပြည်လျှင် (၁၂၀၀)ကျပ်၊ မြစ်ကြီးနားမြို့မှ မှာယူရောင်းချသည့် လိမ္မော်သီး တစ်ပိဿာလျှင်(၄၀၀၀)ကျပ်၊ ပန်းသီး တစ်လုံးလျှင် (၅၀၀)ကျပ်မှ (၁၅၀၀)ကျပ်ထိ၊  မန္တလေး ပွဲရုံများမှ မှာယူရောင်းချသည့် ပျားလိမ္မော် တစ်ပိဿာလျှင်(၇၀၀၀)ကျပ်၊ ရမည်းသင်းမြို့မှ ထွက်ရှိသည့် စပျစ်သီး အဝိုင်းသီး တစ်ပိဿာလျှင် (၈၀၀၀)ကျပ်၊ အချွန်းသီး တစ်ပိဿာ လျှင်(၁၀၀၀၀)ကျပ်၊ ဆားတောင်မြို့ နှင့် ရွှေပန်းကုန်းရွာမှ ထွက်ရှိသည့် ငှက်ပျောသီး ဖီးကြမ်း တစ်ဖီးလျှင်( ၁၀၀၀)ကျပ်၊ ဝက်လက်မြို့၊ ရွှေကျင်ရွာမှ ထွက်ရှိသည့် ဖရဲသီးတစ်လုံးလျှင် (၂၀၀၀)ကျပ်မှ (၃၀၀၀)ကျပ်၊ သခွားသီး တစ်လုံးလျှင်(၅၀၀)ကျပ်မှ (၈၀၀)ကျပ်၊ ဗန်းမော်မြို့မှ မှာယူ ရောင်းချသည့် သစ်ကြားသီး တစ်လုံးလျှင်(၁၀၀)ကျပ်ဖြင့် အသီးသီး အရောင်းအဝယ်ဖြစ်နေကြောင်း ကုန်းဘောင်ဈေးအတွင်း ရောင်းချသော သစ်သီးဆိုင်များမှ သိရှိရပါသည်။

DOCA(စစ်ကိုင်း)

        ၂၀၂၃ ခုနှစ် ဖေဖေါ်ဝါရီလ ဒုတိယအပတ်အတွင်း မုံရွာမြို့နယ်အတွင်း၌ အခြေခံစားကုန်များဖြစ်သော ရွှေဘိုပေါ်ဆန်းဆန်တစ်ပြည် (၃၆၀၀)ကျပ်၊ ဧရာမင်းဆန်တစ်ပြည်အဟောင်း (၃၁၀၀) ကျပ်နှင့် ဧရာမင်းဆန်တစ်ပြည်အသစ်(၂၈၀၀)ကျပ်၊ စားအုန်းဆီ တစ်ပိဿာလျှင်(၆၇၀၀)ကျပ်၊ မြေပဲဆီတစ်ပိဿာလျှင်(၁၂၀၀၀) ကျပ်၊ နှမ်းဆီ တစ်ပိဿာလျှင် (၁၁၀၀၀) ကျပ်၊ ကြက်သွန်နီ လက်လီ တစ်ပိဿာလျှင် (၂၂၀၀)ကျပ်မှ (၂၅၀၀) ကျပ်ထိ၊ ကြက်သွန်ဖြူလက်လီ (ဗမာ) တစ်ပိဿာ လျှင် (၇၀၀၀)ကျပ်မှ (၈၀၀၀) ကျပ်ထိ၊ ကြက်သွန်ဖြူ (ရှမ်း)တစ်ပိဿာလျှင် (၅၀၀၀)ကျပ်မှ (၅၅၀၀)ကျပ်ထိ၊ ကြက်သွန်ဖြူ(ကြူကုတ်) တစ်ပိဿာလျှင် (၅၀၀၀)ကျပ်မှ(၅၅၀၀)ကျပ်ထိ၊ ချင်း တက်တစ်ပိဿာ လျှင် (၁၄၀၀)ကျပ်မှ (၁၅၀၀)ကျပ်ထိ၊ ငရုတ် ခြောက်အမျိုးအစားအလိုက်  (၁၈၀၀၀)  ကျပ် မှ (၁၉၀၀၀)ကျပ်ထိ၊ အာလူးတစ်ပိဿာလျှင်း (၂၄၀၀)ကျပ်မှ (၂၅၀၀) ကျပ်ထိ၊ ခရမ်းချဉ်သီး တစ်ပိဿာလျှင် (၁၀၀၀)ကျပ်မှ (၁၂၀၀)ကျပ်တို့ ဖြင့်အရောင်းအဝယ်ဖြစ်လျက်ရှိပါသည်။

       ကြက်ဥလက်လီဈေးနှုန်းမှကြီး တစ်လုံး(၂၅၀)ကျပ်၊ သေးတစ်လုံး(၂၀၀)ကျပ်၊ ဘဲဥ(ကြီး) တစ်လုံး (၃၅၀)ကျပ်၊ သေးတစ်လုံး(၃၀၀)ကျပ်ရှိပါသည်။ မုံရွာမြို့၏ သား/ ငါးဈေးနှုန်းမှ ကြက်သား (CP) တစ်ပိဿာ( ၉၅၀၀)ကျပ်မှ  (၁၀၀၀)ကျပ်ထိ ၊ ကြက်သား(ဗမာ) တစ်ပိဿာလျှင် (၁၂၀၀၀) ကျပ်၊ ဝက်သားတစ်ပိဿာ(၁၆၀၀၀)ကျပ်မှ (၁၇၀၀၀) ကျပ်ထိ၊ အမဲသားတစ်ပိဿာ (၁၆၀၀၀) ကျပ်မှ (၁၇၀၀၀)ကျပ်ထိ၊ ငါးမြစ်ချင်းတစ်ပိဿာလျှင်(၇၀၀၀)ကျပ်၊ ငါးကြင်း တစ်ပိဿာလျှင် (၈၀၀၀) ကျပ် တို့ဖြင့်အရောင်းအဝယ်ဖြစ်နေကြောင်းသိရပါသည်။

     ဖေဖော်ဝါရီလ ဒုတိယပတ်အတွင်း အခြေခံစားကုန်ဈေးနှုန်းများနှင့် ယခင်အပတ်ဈေးနှုန်းများ နှိုင်းယှဉ်ကြည့်လျှင် စားအုန်းဆီတစ်ပိဿာလျှင်(၂၅၀)ကျပ်၊ ကြက်သွန်ဖြူ(ဗမာ)တစ်ပိဿာလျှင် (၅၀၀/၁၀၀၀)ကျပ်၊ အာလူးတစ်ပိဿာလျှင်(၁၀၀)ကျပ်၊ ဘဲဥတစ်လုံးလျှင်(၅၀)ကျပ်နှင့်  အမဲသား တစ်ပိဿာလျှင်(၁၀၀၀)ကျပ်တို့ ဈေးတက်ကြောင်း၊  ခရန်းချဉ်သီး တစ်ပိဿာလျှင် (၈၀၀)ကျပ်နှင့် ငါးမြစ်ချင်းတစ်ပိဿာ လျှင်(၂၀၀၀)ကျပ်ဈေးကျသွားကြောင်း၊ အခြားအခြေခံစားကုန်ဈေးနှုန်များ ဈေးတည်ငြိမ်နေကြောင်း မုံရွာမြို့ဈေးရောင်းချသူများထံမှ  သိရှိရပါသည်။

DOCA(စစ်ကိုင်း)

      ရွှေဘိုမြို့၌ ဈေးကွက်အတွင်းတွင်ရောင်းချလျက်ရှိသော ခရမ်းချဉ်သီးများ   ဖေဖော်ဝါရီလဒုတိယပတ်တွင်  ဈေးနှုန်းကျဆင်းခဲ့ပြီး ခရမ်းချဉ်သီး တစ်ပိဿာ ှင် ၁၀၀၀ကျပ်ဖြင့် အရောင်းအဝယ်ဖြစ်နေ၍ ယခင်  ဖေဖော်ဝါရီလ ပထမပတ်တွင် ခရမ်းချဉ်သီး တစ်ပိဿာ လျှင် ၁၆၀၀ကျပ် ဈေးရရှိခဲ့သဖြင့် ယခင်အပတ်နှင့် ယခုအပတ် ဈေးနှုန်းနှိုင်းယှဉ်ပါက ခရမ်းချဉ်သီး တစ်ပိဿာလျှင် ယခင်အပတ်ထက် ၆၀၀ကျပ် ဈေးနှုန်း ကျဆင်းလာခဲ့ပါသည်။

     ခရမ်းချဉ်သီးဈေးနှုန်း ကျဆင်းလာရခြင်းမှာ ဒေသတွင်းမှ စိုက်ပျိုးသော  ခရမ်းချဉ်သီး အဝင်များလာခြင်းကြောင့်ဖြစ်ပြီး ၊ တစ်ရက်လျှင် ခရမ်းချဉ်သီး(၂၅)ပိဿာ  ပါဝင်သော ခရမ်းချဉ်သီး တောင်း(၅၀၀)ခန့်လှိုင်လှိုင် ဝင်ရောက်လျက်ရှိသည်ဟု ရွှေဘိုမြို့ စည်ပင် သာယာဈေးတွင် ရောင်းချလျက်ရှိသော ခရမ်းချဉ်သီး ပွဲရုံမှ  သတင်းရရှိပါသည်။

DOCA(စစ်ကိုင်း)

     ကျောက်ဆည်ခရိုင်တွင် စပါး၊ ပဲ၊ နှမ်း၊ ငရုတ် စသည့်သီးနှံများစိုက်ပျိုးမှုများပြီး ပဲမျိုးစုံအနက်မှ ပဲစင်းငုံသီးနှံကိုလည်းစိုက်ပျိုးကြရာ ကျောက်ဆည်မြို့နယ်တွင် (၁၃၁၂)ဧက၊ မြစ်သားမြို့နယ်တွင် (၇၀၂)ဧက စုစုပေါင်း (၂၀၁၄)ဧကစိုက်ပျိုးနိုင်ခဲ့ကြောင်း သက်ဆိုင်ရာဌာန၏ စာရင်းများအရရှိရပါသည်။ ပဲစင်းငုံကို သီးသန့်စိုက်ပျိုးမှုနည်းပြီး  နှမ်း၊ ဝါ၊ ပဲတီစိမ်းသီးနှံများထဲတွင် သီးညှပ်အဖြစ်စိုက်ပျိုးကြပါသည်။ ပဲစင်းငုံကို သီးသန့်တစ်မျိုးတည်းစိုက်ပျိုးပါက မျိုးအနေဖြင့် တစ်ဧကလျှင် (၂)ပြည်စိုက်ပျိုးရပြီး သီးညှပ်အဖြစ်စိုက်ပျိုးပါက တစ်ဧကလျှင် (၁)ပြည် စိုက်ပျိုးကြကြောင်း၊ မျိုးစေ့စျေးနှုန်းအနေဖြင့် (၁)ပြည်လျှင် (၃၅၀၀/-)ကျပ်စျေးနှုန်းဖြင့်ဝယ်ယူရကြောင်း၊ စိုက်ပျိုးသည့်မျိုးများမှာ ကြေးနီရောင်တဘက်လှဲမျိုး၊ ရွှေဝါရောင်လုံးသေးဒင်္ဂါးမျိုးများကို အများဆုံးစိုက်ပျိုးကြကြောင်း၊ မိမိစိုက်ခင်းမှ မျိုးကိုချန်ပြီး စိုက်ပျိုးမှုရှိသကဲ့သို့ စိုက်ပျိုးချိန်ရောက်မှဝယ်ယူ၍စိုက်ပျိုးကြကြောင်း၊ ဇွန်လ(သို့မဟုတ်) ဇူလိုင်လများတွင် စတင်စိုက်ပျိုးကြပြီး ယခုအချိန်တွင်စတင်ရိတ်သိမ်းနေပြီဖြစ်ကြောင်း၊ ပဲစင်းငုံတစ်ဧကကုန်ကျစရိတ်အနေဖြင့် မျိုး၊ သွင်းအားစုအပါအဝင် လုပ်သားခစုစုပေါင်း (၁၈၀၀၀၀/-)ကျပ် ဝန်းကျင်ခန့်ကုန်ကျပြီး အထွက်နှုန်းအနေဖြင့် (၉-၁၀)တင်းခန့်ထွက်ရှိကြောင်း၊ ယခင်နှစ်တွင် ပဲစင်းငုံစျေးနှုန်းအနေဖြင့် တစ်တင်းလျှင် (၄၁၅၀၀/-)ကျပ်စျေးနှုန်းရှိခဲ့ပြီး ယခုနှစ်တွင် (၆၀၀၀၀/-)ကျပ်စျေးနှုန်းဖြင့် အရောင်းအဝယ်ဖြစ်နေကြောင်း ယခင်နှစ်နှင့်နှိုင်းယှဉ်ပါက ပဲစင်းငုံတစ်တင်းလျှင် (၁၈၅၀၀/-)ကျပ်အထိစျေးနှုန်းပိုမိုရရှိခဲ့ကြောင်း၊ (၁)ဧကလျှင် အကျိုးအမြတ်အနေဖြင့် (၃၆၀၀၀၀/-)ကျပ်ဝန်းကျင်ခန့်ရရှိကြောင်း ပဲစင်းငုံစိုက်တောင်သူတစ်ဦး၏ ပြောပြချက်အရသိရှိရပါသည်။

DOCA(မန္တလေး)

      မန္တလေးတိုင်းဒေသကြီး၊ ကျောက်ဆည်ခရိုင်အတွင်းတွင် ၂၀၂၂ - ၂၀၂၃ ဘဏ္ဍာနှစ်တွင် ကြက်သွန်နီ(ဆောင်း) စိုက်ဧကပေါင်း (၂၆၇၁၄)ဧကစိုက်ပျိုးနိုင်ခဲ့ပြီး မတ်လ တတိယအပတ်တွင် စိုက်ဧကအားလုံးကို ရိတ်သိမ်းနိုင်မည်ဖြစ်ကြောင်း သက်ဆိုင်ရာဌာန၏ စာရင်းများအရသိရှိရပါသည်။ ဆောင်းကြက်သွန်များကို ဩဂုတ်လတွင်ပျိုးထောင်ပြီး စက်တင်ဘာလတွင် စတင်စိုက်ပျိုး၍ ဒီဇင်ဘာလကုန်တွင် စတင်ရိတ်သိမ်းနေပြီဖြစ်ကြောင်း၊ မျိုးအနေဖြင့် ရွှေဖလားမျိုးအားအသုံးပြုပြီး တစ်ဧကလျှင် (၂)ပြည်စိုက်ပျိုးရကြောင်း၊ မျိုးစေ့ဈေးနှုန်းအနေဖြင့် အစောစိုက်ပျိုးချိန်တွင် (၁)ပြည်လျှင် (၅၀၀၀၀/-)ကျပ်ပေးရပြီး နောက်ပိုင်းတွင် (၁၀၀၀၀၀/-)ကျပ်အထိဈေးနှုန်းများရှိလာကြောင်း၊ တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် မြေအမျိုးအစားကောင်းလျှင် (၁၀၀၀၀၀၀- ၁၅၀၀၀၀၀/-)ကျပ်နှင့် မြေအမျိုးအစားညံ့လျှင် (၁၅၀၀၀၀၀-၂၀၀၀၀၀၀/-)ကျပ်အထိကုန်ကျကြောင်း၊ ဒီဇင်ဘာလတွင် ထွက်ရှိသော ကြက်သွန်နီများမှာ (၁)ဧကလျှင် (၁၉၀၀)ပိဿာထွက်ရှိပြီး ဖေဖော်ဝါရီလ နောက်ပိုင်းထွက်ရှိသောကြက်သွန်များမှာ (၁)ဧကလျှင် (၂၉၀၀-၃၀၀၀)ပိဿာထွက်ရှိမည်ဟု ခန့်မှန်းရပါကြောင်း၊ ကြက်သွန်အား ပွဲရုံများ၌ အမျိုးအစား(၄)မျိုးခွဲခြားထားသော်လည်း တောင်သူများထံမှ တိုက်ရိုက်ဝယ်ယူရာတွင် အမျိုးအစားခွဲခြားမှုမရှိဘဲ ထွက်ရှိသည့်အတိုင်းဝယ်ယူခဲ့ကြောင်း၊ စတင်ထွက်ရှိသည့်ဒီဇင်ဘာလဆန်းတွင် ကြက်သွန်နီတစ်ပိဿာလျှင် (၂၅၀၀-၂၈၀၀)ကျပ်ရရှိပြီး ဒီဇင်ဘာလကုန်ပိုင်းတွင် ကြက်သွန်နီတစ်ပိဿာလျှင် (၂၀၀၀-၂၃၀၀)ကျပ်အထိကျဆင်းလာကြောင်း၊ (၈-၂-၂၀၂၃)ရက်နေ့တွင် ဘုရင့်နောင်ဈေးကွက်၌ ကြက်သွန်ဈေးနှုန်းများအနေဖြင့် တစ်ပိဿာလျှင် အရည်အသွေးကောင်းပါက အဆင့်(၁)ဈေးနှုန်းမှာ (၁၅၅၀)ကျပ်၊ အဆင့်(၂)ဈေးနှုန်းမှာ (၁၈၀၀)ကျပ်၊ အဆင့်(၃)ဈေးနှုန်းမှာ (၁၉၀၀)ကျပ်၊ အဆင့်(၄)ဈေးနှုန်းမှာ (၁၅၅၀)ကျပ်နှင့် အရည်သွေးနိမ့်လျှင် အဆင့်(၁)ဈေးနှုန်းမှာ (၁၃၅၀)ကျပ်၊ အဆင့်(၂)ဈေးနှုန်းမှာ (၁၆၀၀)ကျပ်၊ အဆင့်(၃)ဈေးနှုန်းမှာ (၁၇၀၀)ကျပ်၊ အဆင့်(၄)ဈေးနှုန်းမှာ (၁၁၅၀)ကျပ်ဈေးနှုန်းများရှိကြောင်း၊ ကားခဈေးနှုန်းများအနေဖြင့် ကြက်သွန်နီတစ်ပိဿာလျှင် (ကျောက်ဆည်-မူဆယ်)ပို့ဆောင်ခမှာ (၁၆၅)ကျပ်၊ (ကျောက်ဆည်-မြဝတီ)ပို့ဆောင်ခမှာ (၁၆၀)ကျပ်၊ (ကျောက်ဆည်-ရန်ကုန်)ပို့ဆောင်ခမှာ (၁၃၅)ကျပ်ဈေးနှုန်းများဖြင့် တင်ပို့လျက်ရှိကြောင်း ကြက်သွန်နီစိုက်ပျိုးသော တောင်သူ၊ ကုန်သည်နှင့် ပွဲစားများထံသို့ ကွင်းဆင်းမေးမြန်းမှုအရသိရှိရပါသည်။  

DOCA(မန္တလေး)