ကုန်သွယ်မှုသတင်းများ
တောင်ငူဒေသတွင် ယခင်အပတ်က မိုးရွာသွန်းမှုများသောကြောင့် ရေကြီးနစ်မြှုပ်မှုများ ဖြစ်ခဲ့၍ တပိုင်တနိုင်စိုက်ပျိုးကြသော သခွာသီးနှင့် ရုံးပတီသီးများပျက်စီးမှုများ ရှိခဲ့သဖြင့် ယခုအပတ်တွင် ဈေးနှုန်းမြင့်တက်လာပါသည်။
တောင်ငူမြို့သို့ အနယ်နယ်အရပ်ရပ်မှ သစ်သီးဝလံများ ဟင်းသီးဟင်းရွက်များ လာရောက်ရောင်းချလျက်ရှိရာ မော်လမြိုင်ဒညင်းသီးမှာ လူသိများပြီး အရောင်းသွက်သောသီးနှံ တစ်မျိုးဖြစ်ပါသည်။
ယခုအပတ်တွင် ဒညင်းသီးအလုံးသေး ၁၀ လုံးလျှင် ၃၅၀ ကျပ်၊ အလုံး ၁၀၀ ယူလျှင် ၃၀၀၀ ကျပ်၊ ဒညင်းသီးအလတ် ၁၀ လုံးလျှင် ၅၅၀ ကျပ်၊ အလုံး ၁၀၀ ယူလျှင် ၅၀၀၀ ကျပ်၊ အကြီး ၁၀ လုံးလျှင် ၈၅၀ ကျပ်၊ အလုံး ၁၀၀ ယူလျှင် ၈၀၀၀ ကျပ် ရောင်းချပါသည်။
မြန်မာလူမျိုးတို့သည် မြန်မာ့ရိုးရာ အစားအစာများကို အများဆုံးနှစ်သက်ကြပါသည်။ မနက်ခင်းတမျိုး၊ နေ့လယ်ခင်းတဖုံ၊ ညနေခင်းတမယ်ဖြင့် အဆာပြေစားလေ့ရှိရာ မြန်မာ့ရိုးရာ ခေါက်မုန့်ကိုလည်း ရေနွေးကြမ်း၊ လက်ဖက်ရည်၊ ကော်ဖီတို့ဖြင့် တွဲဖက်စားသုံးကြပါသည်။
တောင်ငူခရိုင်၊ ဖြူးမြို့နယ်၊ ချင်းခင်ကျေးရွာတွင် ဘုန်းပြည့်ကျော် ငရုတ်ဆီနှင့် မန်ကျည်းမှည့် အချဉ်ရည်လုပ်ငန်းသည် မိသားစုတပိုင်တနိုင်လုပ်ငန်းဖြစ်ပြီး ဖြူးမြို့နယ်အတွင်း ဖြန့်ဖြူးရောင်းချရပါသည်။
မြန်မာတို့၏ မနက်ခင်းထမင်းကြမ်းဝိုင်းတွင် ပဲပြုတ်သည် မပါမဖြစ်သည့် ဟင်းအမည် တစ်မျိုးဖြစ်ပါသည်။ ပဲပြုတ်ပူပူလေး ဆိုသည့်အသံကို မနက်တိုင်း ရပ်ကွက်တိုင်း၊ လမ်းတိုင်းတွင် ကြားနေရပါသည်။ ပဲပြုတ်ကို ထမင်းပူပူလေးနှင့်ဖြစ်စေ၊ ထမင်းကြော်၊ ပလာတာ၊ အီကြာကွေးတို့နှင့်ဖြစ်စေ စားသုံးလေ့ရှိပါသည်။
