ပြည်ပကုန်သွယ်မှုသတင်းများ

             ဘရာဇီးရင်းနှီးမြှုပ်နှံသူများသည် အင်ဒိုနီးရှားနိုင်ငံ East Sumba တွင် ကျွဲနွားမွေးမြူရေး ကဏ္ဍ၌ ရင်းနှီးမြှုပ်နှံရန်စိတ်ဝင်စားမှုကို ပြသခဲ့ကြောင်း သိရပါသည်။ အင်ဒိုနီးရှားနိုင်ငံ Transmigration ဝန်ကြီး  Muhammad Iftitah Sulaiman Suryanagara က ဘရာဇီးရင်းနှီး မြှုပ်နှံသူများအတွက် East Sumba သည် ပြီးပြည့်စုံစွာသင့်လျော်ကြောင်း၊ ၎င်းတို့အနေဖြင့် ပြည်တွင်းလူမှုအသိုင်းအဝိုင်းကို စစ်မှန်သောအကျိုးအမြတ်များသယ်ယူလာပေးနိုင်မည့် ရင်းနှီး မြှုပ်နှံသူများကိုပံ့ပိုးပေးရန်ကြိုးပမ်းသွားမည်ဖြစ်ကြောင်းပြောကြားခဲ့ပါသည်။ East Sumba သည်မွေးမြူရေးအတွက် အထူးစီးပွားရေးဇုန်(SEZ)အနေဖြင့် ဒီဇိုင်းဆွဲထားသည့်အတွက် ကျွဲနွား မွေးမြူမည့်ဘရာဇီးရင်းနှီးမြှုပ်နှံသူများအတွက် ဗျူဟာမြောက်ဒေသဖြစ်ကြောင်း သိရပါသည်။ သို့သော် SEZ သည် ရင်းနှီးမြှုပ်နှံသူများကင်းမဲ့နေသောကြောင့် ဆက်လက်မဖွံ့ဖြိုးနိုင်ကြောင်း သိရပါသည်။ ယခုတွင်မူ ဘရာဇီး၏စိတ်ဝင်စားမှုနှင့်အတူ Suryanagara သည် ထိုဒေသတွင် စီးပွားရေးဖွံ့ဖြိုးတိုးတက်မှုအလားအလာအတွက် နှစ်နိုင်ငံကြားဆက်လက်ဆွေးနွေးသွားမည်ဟု သိရပါသည်။ ၎င်း၏ဝန်ကြီးဌာနသည်လည်း East Sumba ဖွံ့ဖြိုးတိုးတက်ရေးအတွက် Transmigration Settlement Development Program  အောက်တွင် ဘဏ္ဍာငွေချမှတ်ပေးရန် လုပ်ကိုင်လျှက်ရှိကြောင်း သိရပါသည်။ ထိုဘဏ္ဍာငွေများကို ရေသန့်ရရှိရေး၊ ၃ ကီလိုမီတာရှည် သော လမ်းမများတိုးတက်ရေးနှင့် အများသုံးအိမ်သာများပြင်ဆင်ရေးအတွက် အသုံးပြုသွားမည်ဟု သိရပါသည်။ စိုက်ပျိုးမွေးမြူရေးဝန်ကြီးဌာနသည်လည်း East Sumba တွင်ကျွဲနွားမွေးမြူ ရေးဖွံ့ဖြိုးတိုးတက်ရန်အတွက် ‌ရှေ့ပြေးစီမံကိန်းပြင်ဆင်လျှက်ရှိကြောင်း သိရပါသည်။

Antara News

DOCA (ရန်ကုန်)                                                                             

          ဗီယက်နမ်ကော်ဖီသည် ချီလီနိုင်ငံ ဆန်တီယာဂိုမြို့တော်ရှိ Espacio Riesco exhibition centre တွင် ဇူလိုင်လ ၁၉ ရက်နေ့မှ ၂၀ ရက်နေ့ထိကျင်းပခဲ့သည့် ချီလီနိုင်ငံ၏အကြီးမားဆုံး ကော်ဖီကုန်စည်ပြပွဲတွင် ပွဲဦးထွက်ပါဝင်ဆင်နွှဲခဲ့ကြောင်း သိရပါသည်။ ချီလီနိုင်ငံဆိုင်ရာ ဗီယက်နမ်သံရုံးကလက်ခံကျင်းပသည့် ဗီယက်နမ်ပြခန်းတွင် robusta၊ arabica၊ roasted ground ကော်ဖီ၊ အသင့်ဖျော်ကော်ဖီ၊ drip bag ကော်ဖီနှင့် ကော်ဖီ capsules များနှင့် အခြား အမျိုးအစားများတို့ပါဝင်သည့် ကျယ်ပြန့်သောကော်ဖီထုတ်ကုန်များကို ပြသခဲ့ကြောင်း သိရပါ သည်။ ထိုအမျိုးအစားများထဲတွင် ဗီယက်နမ် robusta ကော်ဖီသည် အဓိကစိတ်ဝင်စားလူကြိုက် များမှုကိုရရှိခဲ့ကြောင်း သိရပါသည်။ ဗီယက်နမ်သည် ကမ္ဘာ့ဒုတိယအကြီးမားဆုံးကော်ဖီ ထုတ်လုပ်သူဖြစ်ပြီး နှစ်စဉ်ကော်ဖီတန်ချိန် ၂ သန်းပတ်လည် ထုတ်လုပ်နိုင်စွမ်းရှိကြောင်း သိရပါ သည်။ ဗီယက်နမ်ကော်ဖီထုတ်ကုန်များသည် ဥရောပ၊ အမေရိကန်၊ ဂျပန်၊ ရုရှား၊ ယူကေနှင့် ကနေဒါအစရှိသည့် အဓိကဈေးကွက်များပါဝင်သည့် နိုင်ငံပေါင်း ၈၀ ကျော်တွင် ရောက်ရှိနေပြီ ဖြစ်ကြောင်း သိရပါသည်။ ထိုအခမ်းအနားတွင် ကော်ဖီထုတ်လုပ်သည့်၊ ကော်ဖီသောက်သုံး သည့် နိုင်ငံများမှစီးပွားရေးလုပ်ငန်းပေါင်း ၁၅၀ ကျော်ပါဝင်ဆင်နွှဲခဲ့ကြောင်း သိရပါသည်။ ချီလီ နိုင်ငံဆိုင်ရာဗီယက်နမ်သံရုံး၏အဆိုအရ ထိုအခမ်းအနားသည် ဗီယက်နမ်၏နိုင်ငံ‌တော်အမှတ် တံဆိပ်မြှင့်တင်ရန်၊ ပို့ကုန်ဈေးကွက်များတိုးချဲ့ရန်နှင့် လတ်တင်အမေရိကအစရှိသည့် ဒေသများ တွင် အခွင့်အလမ်းသစ်များရှာဖွေရန် အရေးပါသောမှတ်တိုင်တစ်ခုဖြစ်ခဲ့ကြောင်း သိရပါသည်။

Vietnam Plus

DOCA (ရန်ကုန်)                                                                            

          ဗီယက်နမ်သည် ၎င်းတို့၏စိုက်ပျိုးမွေးမြူရေးကဏ္ဍခေတ်မီရန်နှင့် ကမ္ဘာလုံးဆိုင်ရာ ယှဉ်ပြိုင်နိုင်စွမ်းဆက်လက်တည်ရှိနေရန်နည်းလမ်းများကိုရှာဖွေလျှက်ရှိပြီး စက်ဝန်းပုံစီးပွားရေး သည် ပိုမိုစိမ်းလန်းမှုဆီဦးတည်သည့် အရေးပါသောလမ်းကြောင်းနှင့် ပိုမိုစဉ်ဆက်မပြတ်စိုက်ပျိုး မွေးမြူနိုင်ရန် အဓိကအရာအဖြစ်ပေါ်ထွန်းလာကြောင်း သိရပါသည်။ ဟနွိုင်းမြို့တွင် ဇူလိုင်လ ၁၆ ရက်နေ့ကကျင်းပခဲ့သည့် စိုက်ပျိုးမွေးမြူရေးဖိုရမ်တွင် ဗီယက်နမ်စီးပွားရေးနှင့် စက်မှုလုပ်ငန်းအသင်း၏ ဒုတိယဥက္ကဌဖြစ်သူ Hoang Quang Phong က နိုင်ငံ၏ကာလ ကြာရှည် စိုက်ပျိုးမွေးမြူရေးကဏ္ဍအားကောင်းမှုကို အသားပေးပြောကြားခဲ့ပြီး ဆက်လက်ဖွံ့ဖြိုး တိုးတက်ရန်ပံ့ပိုးပေးမည့် များစွာသောမူဝါဒများကို မိတ်ဆက်ခဲ့ကြောင်း သိရပါသည်။ Phong က စက်ဝန်းပုံအလေ့အထကျင့်သုံးခြင်းသည် ရွေးချယ်စရာတစ်ခုမဟုတ်ပဲ မရှိမဖြစ်လိုအပ်ကြောင်း၊ စွန့်ပစ်ပစ္စည်းလျှော့ချပေးပြီး အရင်းအမြစ်များကို ပြန်လည်အသုံးပြုခြင်းမည့် ထိုမော်ဒယ်သည် ထုတ်လုပ်မှုအရှိန်မြှင့်တင်ရန်၊ သဘာဝပတ်ဝန်းကျင်ကာကွယ်ရန်နှင့် စိုက်ပျိုးမွေးမြူရေးသမား များ၏ ဝင်ငွေများတိုးတက်ရန် အလွန်အရေးပါကြောင်း ပြောကြားခဲ့ပါသည်။ ထိုအခမ်းအနား ပြုလုပ်ရသည့်ရည်ရွယ်ချက်မှာ ရိုးရာမှအသွင်ကူးပြောင်းမှုအရှိန်မြှင့်တင်ရန်နှင့် အရင်းအမြစ် အလွန်သုံးစွဲခြင်းမှ ပိုမိုထိရောက်စွာ စိုက်ပျိုးမွေးမြူရန်ရည်ရွယ်ကြောင်း သိရပါသည်။ ထိုမော်ဒယ်များတွင် စိုက်ပျိုးမွေးမြူရေးစွန့်ပစ်ပစ္စည်းများကို ပြန်လည်အသုံးပြုရန်၊ ကောက်ရိုး များနှင့် မွေးမြူရေးစွန့်ပစ်ပစ္စည်းများကို သဘာဝမြေဩဇာအဖြစ်အသုံးပြုရန်၊ သီးနှံအကြွင်း အကျန်များကို တိရိစ္ဆာန်အစာအဖြစ်အသုံးပြုရန်နှင့် နွားချေးကို ပြန်လည်အသုံးပြုရန်အတွက် လုပ်ဆောင်ရန်တို့ပါဝင်ကြောင်း သိရပါသည်။ ၂၀၂၄ ခုနှစ် ဇွန်လတွင် ထုတ်ပြန်ခဲ့သည့် အစိုးရ ဆုံးဖြတ်ချက်သည် ၂၀၃၀ ခုနှစ်တွင် စိုက်ပျိုးမွေးမြူရေးသိပ္ပံနှင့် နည်းပညာစီမံကိန်းများ၏ အနည်းဆုံး ၂၀ ရာခိုင်နှုန်းသည် စက်ဝန်းပုံစီးပွားရေးမော်ဒယ်များနှင့်ချိတ်ဆက်မည်ဟု သိရပါ သည်။ Phong ကထိုအသွင်ကူးပြောင်းမှုအောင်မြင်စေရန်အတွက် ၎င်းကို ရေရှည်မူဝါဒများ၊ ဆန်းသစ်တီထွင်မှုများနှင့် စဉ်ဆက်မပြတ်ရင်းနှီးမြှုပ်နှံမှုတို့ဖြင့် ပံ့ပိုးပေးရန် လိုအပ်ကြောင်း ပြောကြားခဲ့ပါသည်။

Vietnam Plus 

DOCA (ရန်ကုန်)                                                                           

          ဗီယက်နမ်နိုင်ငံ၏ Hai Phong မြို့တော်မှအာဏာပိုင်များသည် အမေရိကန်ဒေါ်လာ ၁၅ ဘီလီယံကျော်တန်ဖိုးရှိသော ရင်းနှီးမြှုပ်နှံမှုလိုင်စင်များချပေးခြင်းနှင့် နားလည်မှုသဝဏ်လွှာများ လက်မှတ်ရေးထိုးခြင်းတို့ ပြုလုပ်ခဲ့ကြောင်း သိရပါသည်။ LG Display Vietnam Hai Phong သည် မြို့တော်၏ အထင်ရှားဆုံးနိုင်ငံခြားရင်းနှီးမြှုပ်နှံသူများထဲမှတစ်ခုဖြစ်ကြောင်း သိရပါ သည်။ ၂၀၁၆ ခုနှစ်တွင် မတည်ငွေ အမေရိကန်ဒေါ်လာ ၁.၅ ဘီလီယံတန်ဖိုးရှိသော ပထမဆုံး စီမံကိန်းစတင်ချိန်မှစ၍ ကုမ္ပဏီသည် စုစုပေါင်းရင်းနှီးမြှုပ်နှံမှု အမေရိကန်ဒေါ်လာ ၁၀ ဘီလီယံ ကျော်ထိ သိသာထင်ရှားစွာတိုးချဲ့ခဲ့ကြောင်း သိရပါသည်။ ကုမ္ပဏီ၏ အထွေထွေညွှန်ကြားရေး မှူး Choi In Kwan က ကုမ္ပဏီ၏အောင်မြင်မှုအတွက် သဘာဝဘေးများနှင့် ကပ်ရောဂါ အစရှိသည့် စိန်ခေါ်မှုများအတွင်း Hai Phong ၏အားကောင်းပြီးစဉ်ဆက်မပြတ်ပံ့ပိုးပေးမှု၊ ကျွမ်းကျင်သောလုပ်သားထု၊ ခေတ်မီအခြေခံအဆောက်အအုံနှင့် ဗျူဟာမြောက်တည်နေရာတို့ ကိုအသိအမှတ်ပြုပြောကြားခဲ့ပါသည်။ ကားအစိတ်အပိုင်းမျာထုတ်လုပ်ခြင်းတွင် ထိပ်တန်းရင်းနှီး မြှုပ်နှံသူဖြစ်သည့် Trakmotive ၏ Corporate Culture and Public Relations ညွှန်ကြားရေးမှူး Carlos Ottery က ကုမ္ပဏီသည် များစွာသော နိုင်ငံများနှင့် ‌‌ဒေသများကို ချင့်ချိန်တွက်ချက်ပြီးနောက် Hai Phong အား ၂၀၂၅ ခုနှစ်တွင်ရွေးချယ်ခဲ့ခြင်းဖြစ်ကြောင်း သိရ ပါသည်။ ၎င်းတို့၏ဆုံးဖြတ်ချက်သည် မြို့တော်၏စက်မှုဆိုင်ရာအမွေအနှစ်၊ ဗျူဟာမြောက် အခြေခံအဆောက်အအုံနှင့် အရည်အသွေးမြင့်လုပ်သားထုအပေါ် အခြေခံခဲ့ခြင်းဖြစ်ကြောင်း သိရပါသည်။ Tarkmotive သည် အလုပ်အကိုင် ၄၀၀၀ ပတ်လည်ဖန်တီးနိုင်သည့် ၂၂၀၀၀ စတုရန်းမီတာကျယ်ဝန်းသည့်စက်ရုံကို ၂၀၂၆ ခုနှစ်တွင် ဖွင့်လှစ်မည်ဟု သိရပါသည်။ Hai Phong သည် သွက်လက်မြန်ဆန်သောလုပ်ထုံးလုပ်နည်းများနှင့် တိုးတက်လာသောဝန်ဆောင်မှု တို့မှတစ်ဆင့် အားကောင်းပြီးပွင့်လင်းမြင်သာရှိကာ ရင်းနှီးမြှုပ်နှံသူသင့်လျော်သည့်ဝန်းကျင်ကို တည်‌ဆောက်လျက်ရှိကြောင်း သိရှိရပါသည်။

Vietnam Plus

DOCA (ရန်ကုန်)                                                                            

     ကမ္ဘောဒီးယား-တရုတ် ခရီးသွားလုပ်ငန်း ပူးပေါင်းဆောင်ရွက်မှု၏ စာမျက်နှာသစ်ကို နိုင်ငံ၏ အဓိကမြို့ကြီးလေးမြို့ဖြစ်သည့် Siem Reap Angkor အပြည်ပြည်ဆိုင်ရာလေဆိပ်နှင့် တရုတ်နိုင်ငံ၊ Shenzhen မြို့အကြားတွင် ပထမဆုံးသော တိုက်ရိုက်လေကြောင်း ခရီးစဉ်ကို ၁၈-၇-၂၀၂၅ ရက်နေ့တွင် တရားဝင် စတင်ခဲ့ကြောင်းသိရသည်။ အဆိုပါလေကြောင်းလိုင်း အသစ်သည် ယူနက်စကိုစာရင်းဝင် Angkor Wat နှင့် တရုတ်နိုင်ငံ၏ အလုံးစုံဖွံဖြိုးတိုးတက်မှု အတွက် အရေးပါသော စီးပွားရေးဩဇာလွှမ်းမိုးမှုရှိသော ဒေသတစ်ခုဖြစ်သည့် Guangdong-Hong Kong-Macao Greater Bay Area(GBA) တို့ကို ချိတ်ဆက်ထားပြီး တရုတ်ခရီးသွားများ အတွက် ပိုမိုလွယ်ကူစွာဝင်ရောက်နိုင်ရန် မျှော်မှန်းထားသည်။ ယခင်က တရုတ်ခရီးသွားများ သည် Siem Reap သို့ တိုက်ရိုက်ဆက်သွယ်မှု မရှိခြင်းကြောင့် ဖနွမ်းပင်မှတဆင့် လာရောက် လည်ပတ်ခဲ့ကြရသည်။ Air Cambodia မှ Airbus A320/A321 လေယာဉ်ကို အသုံးပြု၍ ဝန်ဆောင်မှုများကို တစ်ပတ်လျှင်တစ်ကြိမ်ပြေးဆွဲမည်ဖြစ်ဖြစ်သည်။ ခရီးစဉ်သည် အပတ်စဉ် ကြာသပတေးနေ့တိုင်း ကမ္ဘောဒီးယားနိုင်ငံ၊ Siem Reap ပြည်နယ်မှ စတင်ထွက်ခွာ မည်ဖြစ်ပြီး သောကြာနေ့နံနက်တွင် တရုတ်နိုင်ငံ၊ Shenzhen ပြည်နယ် မှ ပြန်လည်ထွက်ခွာမည်ဖြစ်သည်။ ကမ္ဘောဒီးယားနိုင်ငံသည် ၂၀၂၅ ခုနှစ် ပထမ(၆)လအတွင်း နိုင်ငံတကာလေကြောင်းခရီးသည် ပေါင်း ၃.၄၂ သန်းရရှိခဲ့ပြီး ၂၀၂၄ ခုနှစ် အလားတူကာလနှင့်နှိုင်းယှဉ်ပါက ၁၆ ရာခိုင်နှုန်း တိုးလာ ကြောင်း နိုင်ငံခြားရေးဝန်ကြီးရုံး (SSCA) က ထုတ်ပြန်သော အစီရင်ခံစာအရ သိရသည်။

DOCA (ရန်ကုန်)