ပြည်ပကုန်သွယ်မှုသတင်းများ

၂၀၂၅ ခုနှစ်အတွင်း၌ စင်္ကာပူအခြေစိုက် AI နည်းပညာကုမ္ပဏီကြီးများသည် မြန်မာနှင့် လာအို နိုင်ငံများတွင် Pilot Project အဖြစ် AI Marketplace Support Centers (လုပ်ငန်း အထောက် အပံ့စင်တာ) များကို စတင်ဖွင့်လှစ်သွားမည် ဖြစ်ကြောင်း သိရှိရပါတယ်။ အဆိုပါ စင်တာများတွင် ဒစ်ဂျစ် တယ် AI စနစ်များ၊ စီးပွားရေးအတွက် Machine Learning Tools များ၊ Cloud Computing ဝန်ဆောင်မှု များ နှင့် E-commerce AI integration စနစ်များတို့ ပါဝင်ကာ ဒေသတွင်းလုပ်ငန်းရှင်များ အတွက် နည်းပညာ အထောက်အပံ့များလည်း ပြုလုပ်ဆောင်ရွက်ပေးသွားမည် ဖြစ်ပါတယ်။ စင်္ကာပူမှ AI ကုမ္ပဏီ များဖြစ်သည့် AI Foundry, NeuroNet, CodeLogic တို့သည် မြန်မာနိုင်ငံ Yangon နှင့် မန္တလေးမြို့များတွင် ဖွင့်မည့်စင်တာများကို SME Digitalization Program ဖြင့်ပံ့ပိုးမည် ဖြစ်ပြီး၊ လာအိုတွင်လည်း Vientiane မြို့၌ စတင်ဖွင့်လှစ်သွားမည်ဟု သိရပါတယ်။ ဤစီမံကိန်းသည် ASEAN ပတ်ဝန်းကျင်အတွင်း AI နည်း ပညာအသုံးပြုမှု တိုးတက်လာစေရန်နှင့် ဒေသတွင်း စီးပွားရေး ဖွံ့ဖြိုး တိုးတက်ရေးအတွက် နည်းပညာ အခြေခံစနစ်များတည်ဆောက်ပေးရန် ရည်ရွယ်ထားကြောင်း နိုင်ငံတကာ သတင်းများအရ သိရှိရပါတယ်။ DOCA(ဧရာဝတီ)

အင်ဒိုနီးရှားနိုင်ငံသည် ကုန်စည်တင်ပို့မြှင့်တင်ရေးအတွက် တည်ထားသော Export Promotion Zones (EPZs) များမှတစ်ဆင့် ပြည်ပနိုင်ငံရှိဈေးကွက်များထံသို့ Set-top Boxes၊ ပရိဘောဂ (Furniture)၊ အထည်အလိပ် (Textiles) တို့ကို များပြားစွာတင်ပို့နိုင်နေပြီ ဖြစ်ကြောင်းသိရှိရပါတယ်။ ယင်းကဲ့သို့ တင်ပို့နိုင်ခြင်းမှာ အင်ဒိုနီးရှားနိုင်ငံမှ အစိုးရမှ Logistics Support စနစ်များများကို လုံလောက်စွာ ထောက် ပံ့ ပေးနေသည့်အတွက် တင်ပို့လုပ်ငန်းများကို အချိန်တိုအတွင်း ဆောင်ရွက်လာနိုင်ခြင်း ဖြစ် ကြောင်း သိရှိရပါတယ်။ ထိုကဲ့သို့ တင်ပို့နိုင်ခြင်းကြောင့် EPZ တွင် တည်ရှိသော ထုတ်လုပ်ရေးလုပ်ငန်းများသည် နှစ်စဉ်ဝင်ငွေသည် Export Volume ၁၅% ခန့်တိုးတက်လာနေသကဲ့သို့ အလုပ်အကိုင်အခွင့်အလမ်း ၄၀,၀၀၀ ကျော် ဖန်တီးပေးနိုင်ခဲ့ကြောင်းကို Export Development Board မှထုတ်ပြန်ထားကြောင်း သတင်းရရှိပါသည်။ DOCA(ဧရာဝတီ)

ထိုင်းနိုင်ငံရှိ စိုက်ပျိုးမှုကုန်စည်တင်ပို့လုပ်ငန်းရှင်များသည် ဗီယက်နမ်မှ ထုတ်လုပ်သည့် အော်ဂဲနစ် ဆန်၊ ကော်ဖီ၊ လက်ဖက်ခြောက်နှင့် ငရုပ်သီးအမျိုးမျိုး တို့ကို ယခင်ကတည်းက ဝယ်ယူနေကြသော်လည်း ယခုတွင် ထိုင်းကုမ္ပဏီများသည် ဗီယက်နမ်မှ ထုတ်ကုန်များကို ဥရောပသမဂ္ဂဈေးကွက် သို့ ပြန်လည်တင်ပို့ ပြန်လည်တင်ပို့နိုင်ရန်အတွက် EU Standard နှင့် Organic Certification စံနှုန်းများနှင့် ကိုက်ညီအောင် ထုပ်ပိုးခြင်းနှင့် labeling ပြုပြင်ခြင်းများပြုလုပ်နေကြကြောင်း သိရှိရပါတယ်။ အဆိုပါလုပ်ငန်းစဉ်သည် အာဆီယံဒေသတွင်း လုပ်ငန်းပူးပေါင်းမှု၊ စီးပွားရေးတန်ဖိုးမြှင့်ခြင်းနှင့် ပြင်ပဈေးကွက်အကျိုးဖြစ်ထွန်းမှုကို မြှင့်တင်နေကြောင်း နိုင်ငံတကာ သတင်းများအရ သိရှိရပါသည်။ DOCA(ဧရာဝတီ)

ဗီယက်နမ် နိုင်ငံသည် Electric Vehicle (EV) ကားအစိတ်အပိုင်းများထုတ်လုပ်ရာတွင် အာဆီယံ ဒေသတွင်း ထင်ရှားသောထုတ်လုပ်သူတစ်ဦးအဖြစ် ရပ်တည်နေနိုင်ပြီ ဖြစ်ပါတယ်။ မော်တော်ကား ထုတ်လုပ်မှု အကြီးဆုံးကုမ္ပဏီဖြစ်သည့် Vingroup အပါအဝင်၊ ဗီယက်နမ်မှ EV ကားအစိတ်အပိုင်း ထုတ်လုပ်သူများသည် EV Battery၊ Motor Parts၊ Charging Systems စသည့်အဓိကပစ္စည်းများကို ထုတ်လုပ်၍ ထိုင်း၊ မလေးရှားနှင့် စင်္ကာပူ တို့သို့ တင်ပို့လျက်ရှိကြောင်း သိရှိရပါတယ်။ ဗီယက်နမ် နိုင်ငံသည် ထုတ်လုပ်မှုနှင့်တင်ပို့မှုကို တစ်စိတ်တစ်ပိုင်းစီလုပ်ဆောင်ခြင်းမရှိဘဲ၊ supply chain တစ်ခ ုတည်းဖြင့် စနစ်တကျစီမံခြင်း ကြောင့် ထုတ်ကုန်တင်ပို့ချိန်ကို ၂၅ ရာခိုင်နှုန်းအထိ လျှော့ချနိုင်ခဲ့ သည့်အပြင် ထုတ်လုပ်မှုကြာမြင့်ချိန်များကိုလည်း သိသိသာသာ မြှင့်တင်လာနိုင်ခြင်းကြောင့် ASEAN နှင့် အပြည်ပြည်ဆိုင်ရာဈေးကွက်များ က လက်ခံအသုံးပြုကြခြင်း ဖြစ်ကြောင်း နိုင်ငံတကာ သတင်းများ အရ သိရှိရပါသည်။ DOCA(ဧရာဝတီ)