ပြည်ပကုန်သွယ်မှုသတင်းများ

လာအိုနိုင်ငံ စက်မှုနှင့် ကူးသန်းရောင်းဝယ်ရေးဝန်ကြီးဌာနသည် လာအိုနိုင်ငံရှိ Lao Wood Furniture Fair 2025 ကို ပြည်တွင်းသုံးပစ္စည်းများ အသုံးပြု၍ လာအိုနိုင်ငံမှ ထုတ်လုပ်သော သစ်သား ပရိဘောဂများ ထုတ်လုပ်မှုကို မြှင့်တင်ရန် လာအိုနိုင်ငံ စက်မှုနှင့်ကူးသန်းရောင်းဝယ်ရေးဝန်ကြီး ဌာနက အိမ်ရှင်အဖြစ် လက်ခံကျင်းပမည်ဖြစ်သည်။ မတ်လ ၈ ရက်မှ ၁၆ ရက်အထိလာအိုမြို့တော် ဗီယင်ကျန်းတွင် ကျင်းပမည့် အဆိုပါပွဲသည် ပြည်တွင်းထုတ်လုပ်သူများ၏ ထုတ်ကုန်များကို ပြသရန် နှင့် ပြည်တွင်းနှင့်နိုင်ငံတကာ ဈေးကွက်များနှင့် ထိတွေ့ဆက်ဆံနိုင်ရန်အရေးကြီးသော ပလက်ဖောင်း တစ်ခုဖြစ်သည်။

သစ်သားပရိဘောဂလုပ်ငန်းတွင် အသေးစားနှင့် အလတ်စားစီးပွားရေးလုပ်ငန်းများ (SMEs) အတွက် ရည်စူးထားသည့် အထူးပြခန်း ၅၀ အပါအဝင် ပြခန်းပေါင်း ၁၅၀ ပါဝင်မည်ဟု မျှော်လင့်ထား ကြောင်း လာအိုနိုင်ငံပိုင် တီဗွီသတင်းတွင် ဖော်ပြထားသည်။

ပြပွဲသည် ထုတ်ကုန်ပြပွဲများနှင့် စီးပွားရေးကွန်ရက်များအပါအဝင် ပရိုမိုးရှင်း အခွင့်အလမ်းများကို ပေးဆောင်မည်ဖြစ်သည်။

ပြပွဲသည် စိမ်းလန်းသောစက်မှုလုပ်ငန်းကို မြှင့်တင်ရန်နှင့် လာအိုသစ်သားပရိဘောဂများ ၏တန်ဖိုးကို လူအများသိရှိနားလည်စေရန်ရည်ရွယ်ခြင်းဖြစ်သည်။ ၎င်းသည် ရေရှည်တည်တံ့ ခိုင်မြဲသော ၊ အရည်အသွေးမြင့်စက်မှုလုပ်ငန်းများ ဖွံ့ဖြိုးတိုးတက်ရန်နှင့် ကမ္ဘာ့ဈေးကွက်တွင် လာအိုထုတ်ကုန်များကိုမြှင့်တင်ရန် ဆက်လက်ကြိုးပမ်းမှုများ၏ အဓိက အစိတ်အပိုင်းတစ်ခု လည်း ဖြစ်ကြောင်းသိရ သည်။

DOCA(ရန်ကုန်)

အိန္ဒိယနိုင်ငံ၊ ကာလကတ္တားရှိ ရာသီဥတုနှင့် သဘာဝဘေးဒဏ်ခံနိုင်ရည်ရှိ ရေဆိုးမြောင်းများ နှင့် ရေနုတ်မြောင်းဆိုင်ရာ အခြေခံအဆောက်အအုံများ ဖွံ့ဖြိုးတိုးတက်ရေးအတွက် အမေရိကန် ဒေါ်လာ သန်း ၂၀၀ ချေးရန် အာရှဖွံ့ဖြိုးရေးဘဏ် (ADB) က ဖေဖော်ဝါရီ ၂၆ ရက်တွင် အတည်ပြုခဲ့ ကြောင်းသိရသည်။

စီမံကိန်းသည် ၈၄ ကီလိုမီတာရှည်လျားသော ပိုက်စည်နှင့် ဆင့်ပွားရေဆိုးမြောင်းနှင့်ရေနုတ် မြောင်းများ သွယ်တန်းခြင်း၊ ပေါင်းစပ်ရေဆိုးမြောင်း ၁၇၆ ကီလိုမီတာနှင့် အိမ်သုံးမြောင်းပေါင်း ၅၀၀၀၀ တို့ကို တည်ဆောက်မည်ဖြစ်သည်။ မိလ္လာသန့်စင်ရေးစက်ရုံတစ်ရုံနှင့် ရေစုပ်စက်ရုံ ၅ ရုံ တို့ကို လည်း တည်ဆောက်သွားမည်ဖြစ်ကြောင်း ADB ၏ သတင်းထုတ်ပြန်ချက်တွင် ဖော်ပြထား သည်။

အိန္ဒိယနိုင်ငံ၏ လူဦးရေအထူထပ်ဆုံးမြို့များထဲမှတစ်ခုဖြစ်သည့် ကာလကတ္တားသည် မြို့ပြ ရေလွှမ်းမိုးမှုနှင့် သန့်ရှင်းမှုမရှိသောပတ်ဝန်းကျင်ကိုဖြစ်စေသည့် ရေနုတ်မြောင်းနှင့် ရေမြောင်းစနစ် များ မလုံလောက်ခြင်းကြောင့် သိသာထင်ရှားသောစိန်ခေါ်မှုများနှင့် ရင်ဆိုင်နေရကြောင်း ADB မှ ပြောကြားခဲ့သည်။ အဆိုပါစီမံကိန်းသည် ရေလွှမ်းမိုးမှုအန္တရာယ်များကို ကိုင်တွယ်ဖြေရှင်းခြင်းဖြင့် ရေလွှမ်းမိုးမှုနှင့် ဗိုင်းရပ်စ်ကူးစက်မှုဆိုင်ရာရောဂါများကို လျှော့ချခြင်းဖြင့် လူနေမှုအခြေအနေနှင့် ကျန်းမာရေးရလဒ်များကို မြှင့်တင်ပေးမည်ဖြစ်ကြောင်း မနီလာအခြေစိုက် ဘဏ်ကပြောကြားခဲ့ သည်။

DOCA(ရန်ကုန်)

          TikTok သည် ထိုင်းနိုင်ငံတွင် ဘတ် ၃၀၀ ဘီလီယံပတ်လည် ရင်းနှီးမြှုပ်နှံရန် အစီ အစဉ်ကိုကြေညာခဲ့ပြီး နိုင်ငံအား အာဆီယံနည်းပညာအချက်အချာဖြစ်လာရန် ကူညီပေးမည် ဟု သိရပါသည်။ ထိုအာမခံချက်ကို TikTok အတွက် Public Policy ဒုတိယဥက္ကဌဖြစ်သူ Helena Lersch နှင့် ထိုင်းဝန်ကြီးချုပ် Paetongtarn Shinawatra တို့၏ ဘန်ကောက်မြို့ တွင် ဖေဖော်ဝါရီလ ၂၈ ရက်နေ့က ဆွေးနွေးမှုအတွင်း ရရှိခဲ့ခြင်းဖြစ်ကြောင်း အစိုးရပြောခွင့်ရ ပုဂ္ဂိုလ် Jirayu Houngsub ကပြောကြားခဲ့ပါသည်။ Ms Lersch သည် ထိုင်းနိုင်ငံတွင် ရင်းနှီး မြှုပ်နှံမှုနှင့် လုပ်ငန်းလည်ပတ်မှုများအတွက် ထိုင်းအစိုးရ၏ပံ့ပိုးမှုကို ကျေးဇူးတင်ကြောင်း ပြောကြားခဲ့ပါသည်။ တရုတ်အခြေစိုက်ကုမ္ပဏီသည် ထိုင်း၏ နည်းပညာအခြေခံအဆောက် အအုံ အားကောင်းစေရန် ရည်ရွယ်၍ လာမည့်ငါးနှစ်အတွင်း အမေရိကန်ဒေါ်လာ ၈.၈ ဘီလီယံ( ဘတ် ၃၀၀ ဘီလီယံ) ရင်းနှီးမြှုပ်နှံမည်ဟု သိရပါသည်။ ထိုထဲတွင် ထိုင်းနှင့် အရှေ့ တောင်အာရှတွင် အသုံးပြုသူများအတွက် အချက်အလက်စီမံခန့်ခွဲမှု တိုးတက်ရန် အချက် အလက်လက်ခံသည့်စင်တာ တည်ထောင်ရန်ပါဝင်ကြောင်း သိရပါသည်။ Mr Jirayu က ဆွေးနွေးမှုများအတွင်း အစိုးရသည် မီဒီယာကျွမ်းကျင်မှုမြှင့်တင်ခြင်း၏ အ‌ရေးပါမှုကို အသား ပေးပြောကြားခဲ့ပြီး Ms Paetongtarn သည် သတင်းမှားများနှင့် အွန်လိုင်းလိမ်လည်မှုများကို ဖြေရှင်းရန် TikTok နှင့် ပူးပေါင်းဆောင်ရွက်ရန် ဆန္ဒရှိကြောင်း ဖော်ပြခဲ့သည်ဟု သိရ ပါသည်။ TikTok မှ အလုပ်အမှုဆောင်အဖွဲ့ဝင်များကလည်း စားသုံးသူကာကွယ်ရေးနှင့် အွန်လိုင်းခြိမ်းခြောက်များနှင့်ပတ်သတ်၍ နားလည်သဘောပေါက်မှုမြှင့်တင်ရန်ရည်ရွယ်၍ ဒစ်ဂျစ်တယ်ကျွမ်းကျင်တတ်မြောက်မှု မြှင့်တင်မှု campaign များ ပြုလုပ်ရန်နှင့် စောင့်ကြည့် ရန် အစိုးရနှင့်ပူးပေါင်းဆောင်ရွက်သွားမည်ဟု အတည်ပြုခဲ့ကြောင်း သိရပါသည်။ ထိုပူးပေါင်း ဆောင်ရွက်မှုသည် ထိုင်းနိုင်ငံ၏ စီးပွားရေးကိုအရှိန်မြှင့်တင်ရန် ဒစ်ဂျစ်တယ်ကဏ္ဍတွင် Public-Private မိတ်ဖက်ဖွဲ့မှု အားကောင်းစေရန် သိသာသောခြေလှမ်းတစ်ရမ်ဖြစ်ခဲ့ကြောင်း သိရပါသည်။ ထိုင်းဝန်ကြီးချုပ်သည် ထိုင်းနိုင်ငံတွင် အချက်အလက်လက်ခံသည့်စင်တာ တည်ထောင်သည့်အတွက် TikTok ကိုကျေးဇူးတင်ကြောင်းနှင့် TikTok Shop platform မှတစ်ဆင့် ထိုင်းထုတ်ကုန်များကို ကြေညာမြှင့်တင်ရန်အားထုတ်မှုများအတွက် အမွှမ်းတင် ပြောကြားခဲ့ပါသည်။ ထိုင်းနိုင်ငံတွင် TikTok အသုံးပြုသူ သန်း ၅၀ ကျော်ရှိပြီး TikTok Shop Account အသုံးသူ ၃ သန်းကျော်ရှိကြောင်း သိရပါသည်။ ကုမ္ပဏီတွင် ထိုင်းဝန်ထမ်း ၁၀၀၀ ကျော်ရှိကြောင်း သိရပါသည်။ ထိုင်းဝန်ကြီးချုပ်က ကုမ္ပဏီအား ဖျော်ဖြေရေးသက်သက် သာမက အလုပ်အကိုင်ဖန်တီးခြင်းနှင့် ယဉ်ကျေးမှုဖလှယ်ခြင်းတို့တွင် အဓိကကဏ္ဍ၌ပါဝင်‌ ပေးလျှက်ရှိသည့်အတွက် ချီးကျူးပြောကြားခဲ့ပါသည်။

DOCA(ရန်ကုန်)

          ဗီယက်နမ်၏ ဗျူဟာကျသောတည်နေရာ၊ ရေရှည်တည်ငြိမ်ရေး အာမခံချက်နှင့် ဆန်းသစ်တီထွင်မှုတို့သည် ၎င်းတို့အား နိုင်ငံတကာအဝတ်အထည်ထုတ်လုပ်သူများက ကမ္ဘာ လုံးဆိုင်ရာထောက်ပံ့မှုကွင်းဆက်ကွဲပြားမှုကို ရှာဖွေရာတွင် ဆွဲဆောင်မှုရှိသော တည်နေရာ ဖြစ်စေခဲ့ကြောင်း သိရပါသည်။ ထိုအချက်ကို ဟိုချီမင်းမြို့တွင် ဖေဖော်ဝါရီလ ၂၇ ရက်နေ့ ကျင်းပပြုလုပ်ခဲ့သည့် Vietnam International Trade Fair of Apparel, Textiles and Textile Technology 2025 တွင် အသားပေးပြောကြားခဲ့ခြင်းဖြစ်ကြောင်း သိရပါသည်။ ကျွမ်းကျင်သူများက ဗီယက်နမ်၏အဝတ်အထည်လုပ်ငန်းနယ်ပယ်သည် ၂၀၂၄ ခုနှစ်တွင် ရရှိ ခဲ့သည့်အောင်မြင်မှုအဟုန်ကို ၂၀၂၅ ခုနှစ်ထိ ဆက်လက်သယ်ဆောင်နိုင်ကြောင်း မှတ်ချက် ပြုခဲ့ကြပါသည်။ ဗီယက်နမ်သည် တရုတ်နိုင်ငံနောက် ကမ္ဘာဒုတိယအကြီးဆုံးအဝတ်အထည် တင်ပို့သူအဖြစ် ဘင်္ဂလားဒေ့ရှ်ကို ကျော်ဖြတ်ကာ ရပ်တည်နိုင်ရန်မျှော်လင့်ရကြောင်း သိရ ပါသည်။ ဗီယက်နမ်၏အဝတ်အထည်ကဏ္ဍသည် ကုမ္ပဏီပေါင်း ၇၀၀၀ ပတ်လည်နှင့် လုပ်သားပေါင်း ၃ သန်းကျော်နှင့် ဖွဲ့စည်းထားကြောင်း သိရပါသည်။ လုပ်ငန်းနယ်ပယ်၏ ကြီးထွားမှုသည် ကောင်းမွန်စွာဖွံ့ဖြိုးတိုးတက်လာသော ထောက်ပံ့ပို့ဆောင်ရေးကွန်ယက်၊ ကျွမ်းကျင်သောလုပ်သားထုနှင့် တည်ငြိမ်သောနိုင်ငံရေးဝန်းကျင်တို့ကြောင့်ဖြစ်ကြောင်း သိရ ပါသည်။ စဉ်ဆက်မပြတ်တည်ငြိမ်မှုနှင့် အဆင့်မြင့်နည်းပညာတို့သည် ကဏ္ဍ၏အနာဂတ်ကို မောင်းနှင်နေကြောင်း သိရပါသည်။ များစွာသော ပြည်တွင်းကုမ္ပဏီများသည် အော်ဂဲနစ် ချည်မျှင်၊ recycle polyester နှင့် Tencel ချည်ကဲသို့သော သဘာဝပတ်ဝန်းကျင်နှင့် သင့်လျော်သောပစ္စည်းများကို အသုံးပြုလျှက်ရှိကြောင်း သိရပါသည်။ အဆင့်မြင့်နည်းပညာ များသည် ဒီဇိုင်းနှင့်ထုတ်လုပ်မှုကို ပုံစံအသစ်ကိုပြောင်းလဲပေးခဲ့ပြီး ရင်းနှီးမြှုပ်နှံသူများသည် ဆက်လက်ယှဉ်ပြိုင်နိုင်စွမ်းရှိနေရန် ထုတ်လုပ်နိုင်စွမ်း၊ ထောက်ပံ့မှုကွင်းဆက်နှင့် ထုတ်ကုန် အရည်အသွေးကို ဆက်လက်မြှင့်တင်ရန် အဓိကထားကြောင်း သိရပါသည်။ ဗီယက်နမ်နိုင်ငံ စက်မှုနှင့် ကုန်သွယ်ရေးဒုတိယဝန်ကြီးဖြစ်သူ Phan Thi Thang က ကဏ္ဍ၏ အားကောင်း သော ဖွံ့ဖြိုးတိုးတက်မှုသည် ဗီယက်နမ်၏ စီးပွားရေးဖွံ့ဖြိုးတိုးတက်မှုတွင် အရေးပါသော နေရာတွင် ရှိနေကြောင်း ပြောကြားခဲ့ပါသည်။ ဗီယက်နမ်သည် ၂၀၂၄ ခုနှစ်တွင် အဝတ် အထည်နှင့် အထည်အလိပ်တင်ပို့မှုမှတစ်ဆင့် ဝင်ငွေအမေရိကန်ဒေါ်လာ ၄၄ ဘီလီယံနီးပါး ရရှိခဲ့ပြီး ၂၀၂၃ ခုနှစ်ကထက် ၁၁.၂၆ ရာခိုင်နှုန်းမြင့်တက်ခဲ့ကာ နိုင်ငံ၏စုစုပေါင်းပို့ကုန်ဝင်ငွေ ရရှိမှု၏ ၁၂ မှ ၁၅ ရာခိုင်နှုန်းရှိကြောင်း သိရပါသည်။ လွတ်လပ်သောကုန်သွယ်ရေးသဘော တူညီချက်(FTA) ၁၇ ခု၏ပံ့ပိုးမှုနှင့်အတူ ကဏ္ဍသည် ၂၀၂၅ ခုနှစ်တွင် တင်ပို့မှုမှတစ်ဆင့် ဝင်ငွေ အမေရိကန်‌ဒေါ်လာ ၄၈ ဘီလီယံရရှိရန် ရည်မှန်းထားကြောင်း သိရပါသည်။ ပြည်ပကုမ္ပဏီ များသည်လည်း ဈေးကွက်ဝယ်လိုအားကွဲပြားမှု ပြည့်မီရန်နှင့် ကုန်သွယ်ရေးချိတ်ဆက်မှု အားကောင်းရန် အားထား၍ရသော ပြည်တွင်းမိတ်ဖက်များအား တက်ကြွစွာ ရှာဖွေလျှက် ရှိကြောင်း သိရပါသည်။ ထိုပူးပေါင်းဆောင်ရွက်မှုသည် FTA မူလ လိုအပ်ချက်များနှင့် ထုတ်ကုန်တန်ဖိုးပြည့်မီရန်နှင့် ကမ္ဘာလုံးဆိုင်ရာဦးတည်ရာနှင့် ချိန်ငြှိ နိုင်ရန်အတွက် ဗီယက်နမ်ကုန်ထုတ်လုပ်သူများ၏ အရည်အသွေးကိုမြှင့်တင်ပေးနိုင်မည်ဟု သိရပါသည်။

DOCA(ရန်ကုန်)

          ကမ္ဘောဒီးယားနိုင်ငံသည် တရုတ်နိုင်ငံသို့ ၎င်းတို့၏ လယ်ယာထွက်ကုန်တင်ပို့မှုကို မြှင့်တင်ရန် စိတ်အားထက်သန်နေပြီး တရုတ်နိုင်ငံသည် ကမ္ဘောဒီးယားနိုင်ငံ၏ လယ်ယာထွက် ကုန်များ တိုးပွားလာရေးအတွက် အဓိကဦးတည်ရာတစ်ခုဖြစ်ကြောင်း  တရုတ်နိုင်ငံ၊  Guangzhou ပြည်နယ်တွင် ကျင်းပပြုလုပ်ခဲ့သော China Association for Promoting UN Procurement (CAPUNP) ဖွင့်ပွဲအခမ်းအနားတွင် ကမ္ဘောဒီးယား ကူးသန်းရောင်းဝယ်ရေး သံမှူး Lao Nguon Eng ကပြောကြားခဲ့သည်။ (CAPUNP) သည် အာရှနှင့်အာဆီယံနိုင်ငံများမှ တရုတ်လယ်ယာထွက်ကုန်တင်သွင်းသူများအတွက် ပလပ်ဖောင်းတစ်ခုဖြစ်ပြီး အဆိုပါ တင်သွင်း သူများသည်ကမ္ဘာတစ်ဝှမ်းမှ တရုတ်နိုင်ငံသို့ တင်သွင်းသည့်လယ်ယာထွက် ကုန်များပြုပြင်းရေး တွင် အများစုပါဝင်နေသည်။ Lao Nguon Eng က ကမ္ဘောဒီးယားနိုင်ငံ၏ လယ်ယာထွက်ကုန် ပို့ကုန်တွင် ဆန်၊ သီဟိုဠ်စေ့၊ ငရုတ်ကောင်း၊ သရက်သီး၊ ပီလောပီနံနှင့် အခြားထွက်ကုန် အများ အပြားပါဝင်သည်။ ကမ္ဘောဒီးယားနိုင်ငံသည် ၂၀၂၄ ခုနှစ်တွင် နိုင်ငံတကာဈေးကွက်သို့ လယ်ယာထွက်ကုန် တန်ချိန် ၁၁.၆ သန်းတင်ပို့ခဲ့ပြီး တစ်နှစ်ထက်တစ်နှစ် ၃.၂ ရာခိုင်နှုန်း တိုးတက်ခဲ့ကြောင်း စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာန (MAFF) မှ ထုတ်ပြန် ချက်အရ သိရသည်။ ကမ္ဘောဒီးယားနိုင်ငံသည် ၂၀၂၄ ခုနှစ်အတွင်း ဗီယက်နမ်၊ ထိုင်း၊ တရုတ်၊ တောင်ကိုရီးယားနှင့် ဥရောပနိုင်ငံများသို့  ကုန်စည်တင်ပို့မှုမှ စုစုပေါင်းဝင်ငွေ ကန်ဒေါ်လာ ၄.၇၉ ဘီလီယံ ရရှိခဲ့ပြီး တစ်နှစ်ထက်တစ်နှစ် ၃ ရာခိုင်နှုန်း မြင့်တက်လာခဲ့သည်။

DOCA(ရန်ကုန်)