ပြည်ပကုန်သွယ်မှုသတင်းများ

       ဝါရှင်တန်မှ တရုတ်ကုန်ပစ္စည်းများအပေါ် အခွန်ကောက်ခံမှုလျော့အပြီးတွင် တရုတ်နိုင်ငံသည် အမေရိကန်နိုင်ငံစိုက်ပျိုးရေးကုန်ပစ္စည်းများအပေါ် တန်ပြန်အခွန်အဖြစ်ကောက်ခံသော အခွန်များကို ရပ်နားလိုက်ကြောင်း သိရပါသည်။ တရုတ်နိုင်ငံ ဘဏ္ဍာရေးဝန်ကြီးဌာနသည် နိုဝင်ဘာလ ၅ ရက်နေ့တွင် အမေရိကန်နိုင်ငံမှ စိုက်ပျိုးရေးထွက်ကုန်များဖြစ်သော ပဲပိစပ်၊ ပြောင်းဖူး၊ ဂျုံအပြင်ကြက်သားများကိုပါ အခွန်ကောက်ခံမှုရပ်ဆိုင်းလိုက်ကြောင်း ထုတ်ပြန်ကြေညာခဲ့ပါသည်။ အဆိုပါရပ်နားခြင်းသည် အမေရိကန်သမ္မတ Donald Trump ၏ အထူးအမိန့် လက်မှတ်ထိုးမှုအပြီး နာရီပိုင်းအတွင်း ဖြစ်ပေါ်လာခြင်းဖြစ်ကြောင်း သိရပါသည်။ အမေရိကန်နိုင်ငံမှအစိုးရအဖွဲ့သည် တရုတ်နိုင်ငံကုန်ပစ္စည်းများအပေါ် အခွန် ၃၄ ရာခိုင်နှုန်းကောက်ခံရာမှ ၁၀ ရာခိုင်နှုန်းအထိ လျော့ချခဲ့ကြောင်း သိရပါသည်။ အဆိုပါလုပ်ဆောင်ချက်သည် အမေရိကန်နိုင်ငံ သမ္မတ Donald Trump နှင့် တရုတ်နိုင်ငံ သမ္မတ Xi Jinping တို့အကြား ကုန်သွယ်ရေး သဘောထားများကျယ်ပြန့်စေရန်အတွက် တစ်စိတ်တစ်ပိုင်းဖြစ်ကြောင်းနှင့် ၎င်းလုပ်ဆောင်ချက်ကြောင့် အဆိုပါနိုင်ငံ‌ရေးခေါင်းဆောင် ၂ ဦးအကြား ရှပ်ထွေးသောဆက်ဆံရေးကို ယာယီတည်ငြိမ် နိုင်စေမည်ဖြစ်ကြောင်း သိရပါသည်။ တောင်ကိုရီးယားနိုင်ငံတွင်၎င်းတို့ ၂ ဦး သဘောတူညီမှုများ မပြုလုပ်ခင်တွင် အဆိုပါခေါင်းဆောင် ၂ ဦးသည် ကုန်သွယ်ရေးအပြန်အလှန်တိုက်ခိုက်မှုများ ပြုလုပ်ခဲ့ကြောင်း သိရပါသည်။ နိုင်ငံများအချင်းချင်း တင်းမာမှုလျော့လာခြင်းသည် နှစ်နိုင်ငံကြား စိုက်ပျိုးရေးကုန်သွယ်မှုရှင်သန်ရေးအတွက် ကောင်းကျိုးများရရှိလာစေရန် အရှိန်အဟုန်မြှင့်တင် ပေးမည်ဖြစ်ပြီး ကမ္ဘာ့သီးနှံစျေးကွက်ကို မြှင့်တင်ရန်အတွက် အ‌ထောက်အပံ့များရရှိနိုင်ကြောင်း သိရပါသည်။ တရုတ်နိုင်ငံမှ ဝယ်သူများသည် နှစ်နိုင်ငံကြားတင်းမာမှုများကြောင့် အမေရိကန် ပဲပိစပ်များဝယ်ယူမှုကို ရှောင်ရှားခဲ့ပြီး တောင်အမေရိကမှသာ ဝယ်ယူလျက်ရှိကြောင်း သိရပါသည်။ အာရှနိုင်ငံများသည် Trump နှင့် Xi တို့ တောင်ကိုရီးယားနိုင်ငံတွင် တွေ့ဆုံမှုအပြီး တွင် အမေရိကန်နိုင်ငံမှ ပဲပိစပ်များကို ပိုမိုဝယ်ယူခဲ့ကြောင်း သိရပါသည်။ တရုတ်နိုင်ငံသည် ၂၀၂၄ ခုနှစ်တွင် အမေရိကန်နိုင်ငံမှ အမေရိကန်ဒေါ်လာ ၁၂ ဘီလီယံတန်ကြေးရှိသော ပဲပိစပ်များကို ဝယ်ယူခဲ့ပါသည်။ သို့ရာတွင် အမေရိကန်နိုင်ငံမှ ပဲပိစပ်များသည် အကောက်ခွန်လျော့ချမှုအပြီး တွင်တောင်မှ တရုတ်နိုင်ငံ၏ တင်သွင်းခွန် ၁၃ ရာခိုင်နှုန်းကောက်ခံခြင်းနှင့် ရင်ဆိုင်နေရကြောင်း ကုန်သည်များ၏ ပြောကြားချက်အရ သိရပါသည်။ Beijing သည်လည်း အမေရိကန်နိုင်ငံမှ ဂျုံများအပေါ် အခါန် ၁၅ ရာခိုင်နှုန်းတန်ပြန်ကောက်ခံမှုကို ဖယ်ရှားခဲ့ကြောင်း ဘဏ္ဍာရေးဝန်ကြီးဌာန၏ ထုတ်ပြန်ချက်အရ သိရပါသည်။ တရုတ်နိုင်ငံ၏ အဓိကဝယ်ယူသည် နောင်တစ်နှစ်အတွင်း အာရှနိုင်ငံများမှ ဝယ်ယူနိုင်မည့် အမေရိကန်နိုင်ငံမှ ကောက်ပဲသီးတင်ပို့မှုကို ရှာဖွေနေကြောင်း သိရပါသည်။ တရုတ်နိုင်ငံ ဝန်ကြီးဌာနသည် နိုဝင်ဘာလ ၅ ရက်နေ့တွင် အမေရိကန်နိုင်ငံ၏ ကုန်ပစ္စည်းများအပေါ် အခွန် ၂၄ ရာခိုင်နှုန်းကောက်ခံမှုကို ရပ်နားလိုက်ပြီဖြစ်ကြောင်း ကြေညာခဲ့ကြောင်း သိရှိရပါသည်။

Source: The Edge Malaysia                                                                

DOCA (ရန်ကုန်)

          ဗီယက်နမ်နိုင်ငံ ဟနွိုင်းမြို့တော်သည် ၂၀၂၅ ခုနှစ်၏ ပထမ ၁၀ လတွင် အမေရိကန်ဒေါ်လာ ၃.၉၁ ဘီလီယံတန်ဖိုးရှိသော နိုင်ငံခြားတိုက်ရိုက်ရင်းနှီးမြှုပ်နှံမှု (FDI) များရရှိခဲ့ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၂.၄ ဆမြင့်တက်ခဲ့ကြောင်း မြို့တော်၏ စာရင်းအင်းရုံး၏ အဆိုအရသိရပါသည်။ ဇန်နဝါရီလမှ အောက်တိုဘာလအထိတွင် စုစုပေါင်းအမေရိကန်ဒေါ်လာ ၃၁၆.၇ သန်းမတည်ရင်းနှီးငွေရှိသော FDI စီမံကိန်းသစ် ၃၄၂ ခုကို မှတ်ပုံတင်ခဲ့ပြီး တည်ရှိပြီး စီမံကိန်း ၁၂၀ ခု၏ မတည်ရင်းနှီးငွေချိန်ညှိမှုတန်ဖိုးမှာ စုစုပေါင်းအမေရိကန်ဒေါ်လာ ၃.၂၁ ဘီလီယံရှိကြောင်း သိရပါသည်။ သိသာထင်ရှားစွာပါဝင်သူမှာ မလေးရှား၏ Gamuda Land Vietnam ကုမ္ပဏီလီမိတက်ဖြစ်ပြီး ၎င်းတို့၏ Yen So စက်မှုဥယျာဉ်၏ ရင်းနှီးမြှုပ်နှံမှုကို အမေရိကန်ဒေါ်လာ ၁.၁၂ ဘီလီယံထိမြှင့်တင်ခဲ့ကြောင်း သိရပါသည်။ ထို့ပြင် နိုင်ငံခြားရင်းနှီး မြုပ်နှံသူများမှာ အမေရိကန်ဒေါ်လာ ၃၇၅.၃ သန်းတန်ဖိုးရှိသော မတည်ငွေပူးပေါင်းပါဝင်မှုနှင့် ရှယ်ယာဝယ်ယူမှုများပြုလုပ်ခဲ့ကြောင်း သိရပါသည်။ အောက်တိုဘာလ၌ ဟနွိုင်းတွင် စုစုပေါင်း မတည်မှတ်ပုံတင်ရင်းနှီးမြှုပ်နှံမှု အမေရိကန်‌ဒေါ်လာ ၁.၈၇ ဘီလီယံတန်ဖိုးရှိသော လုပ်ငန်းသစ် ၂၈၁၄ ခုတည်ထောင်ခဲ့ကြောင်း သိရပါသည်။ စီးပွားရေးလည်ပတ်မှု ပြန်လည်စတင်သည့် လုပ်ငန်း အရေအတွက်မှာ ၇၉၃ ခု၊ လည်ပတ်မှုယာယီပိတ်သိမ်းသည့် လုပ်ငန်းအရေအတွက်မှာ ၁၆၅၈ ခုနှင့် လည်ပတ်မှုတရားဝင်ဖျတ်သိမ်းသည့်လုပ်ငန်းအရေအတွက်မှာ ၉၃၇ ခုရှိကြောင်း သိရပါသည်။ ယခု ၂၀၂၅ ခုနှစ်၏ ပထမ ၁၀ လတွင်မူ မြို့တော်သည် စုစုပေါင်းမတည်ငွေ ဗီယက်နမ်ဒေါင် ၃၃၇.၉ ဘီလီယံတန်ဖိုးရှိသော စီးပွားရေးလုပ်ငန်း ၂၇၈၀၀ ခုကို မှတ်ပုံတင်ခဲ့ပြီး ၂၀၂၄ ခုနှစ်တူညီ သည့်ကာလနှင့်နှိုင်းယှဉ်ပါက ၁၁.၁ ရာခိုင်နှုန်းနှင့် ၃၈ ရာခိုင်နှုန်း မြင့်တက်ခဲ့ကြောင်း သိရပါသည်။ ထိုကာလအတွင်း လုပ်ငန်းပေါင်း ၈၀၀၀ မှာ လည်ပတ်မှုပြန်လည်စတင်ခဲ့ပြီး ၂၅၅၀၀ ခုမှာ ဆိုင်းငံ့ထားကာ ၆၃၀၀ ခုမှာ တရားဝင်ဖျတ် သိမ်းခဲ့ကြောင်း သိရပါသည်။ မြို့တော်သည် အချိန်မီနှင့် ထိရောက်စွာဆောင်ရွက်ပေးနိုင်ရန်အတွက် ၁၀၀ ရာခိုင်နှုန်းအွန်လိုင်းမှတ်ပုံတင်နှုန်းထားကို ထိန်းသိမ်းထားကြောင်း သိရှိရပါသည်။

Vietnam Plus                                                                            

DOCA (ရန်ကုန်)

          ဗီယက်နမ်နှင့် မက္ကဆီကိုတို့သည် ၎င်းတို့၏ ကုန်သွယ်ရေးနှင့် ရင်းနှီးမြှုပ်နှံမှုဆက်ဆံရေးတွင် အောင်မြင်မှုကို ထိန်းသိမ်းရန်အတွက် ပူးပေါင်းဆောင်ရွက်မှု အရှိန်မြှင့်တင်ခြင်း၊ အခက်ခဲများကို ဖြေရှင်းရန်အတွက် လက်တွေ့ကျသောဖြေရှင်းချက်များနှင့် ဦးတည်ချက်အသစ်များကိုရှာဖွေခြင်းနှင့် ထိုမှတစ်ဆင့် ကုန်သွယ်ရေးနှင့် ရင်းနှီးမြှုပ်နှံမှုဆက်ဆံရေးအားကောင်းရန်အတွက် နှစ်နိုင်ငံစလုံးမှ စီးပွားရေးလုပ်ငန်းများအတွက် သင့်လျော်သောအခြေအနေများကို ဖန်တီးခြင်းတို့တွင် ပူးပေါင်းဆောင်ရွက်မှုအရှိန်မြှင့်တင်ရန် သဘောတူညီခဲ့ကြကြောင်း သိရပါသည်။ ထိုသဘောတူညီ ချက်ကို ၃၆ ကြိမ်မြောက် APEC Ministerial Meeting အတွင်း ဗီယက်နမ်စက်မှုနှင့် ကုန်သွယ်ရေးဝန်ကြီး Nguyen Hong Dien နှင့် မက္ကဆီကိုစီးပွားရေးအတွင်းရေးမှူး Marcelo Ebrard Casaubon တို့အကြား သီးခြားအစည်းအဝေးတွင် ရရှိခဲ့ခြင်းဖြစ်ကြောင်း သိရပါသည်။ နှစ်နိုင်ငံစလုံးသည် ကုန်သွယ်ရေး၊ စီးပွားရေးနှင့် ရင်းနှီးမြှုပ်နှံမှုတို့တွင် ပူးပေါင်းဆောင်ရွက်မှု မြှင့်တင်ရန်နှင့် CPTPP ကဲ့သို့သောဒေသတွင်းနှင့် ကမ္ဘာလုံးဆိုင်ရာ မူဘောင်များအတွင်းညှိနှိုင်း ဆွေးနွေးရန်အတွက် စီမံချက်များကို ဆွေးနွေးခဲ့ကြကြောင်း သိရပါသည်။ ဝန်ကြီးနှစ်ဦးသည် ဗီယက်နမ်နှင့် မက္ကဆီကိုအကြား ကုန်သွယ်ရေးနှင့် ရင်းနှီးမြှုပ်နှံမှုမြှင့်တင်‌‌ရေး၏ အရေးပါမှုကို ပြန်လည်အတည်ပြုခဲ့ပြီး အပြန်အလှန်ကုန်သွယ်ရေးသည် လတ်တလောနှစ်များအတွင်း ကြီးထွားမှုအားကောင်းခဲ့ကြောင်း မှတ်ချက်ပြုခဲ့ပြပါသည်။၂၀၂၄ ခုနှစ်တွင် နှစ်နိုင်ငံကုန်သွယ်မှု တန်ဖိုးမှာ အမေရိကန်ဒေါ်လာ ၆.၄ ဘီလီယံ ( ၂၀၂၃ ခုနှစ်နှင့်နှိုင်းယှဉ်ပါက ၂၁.၈ ရာခိုင်နှုန်းမြင့်တက်)နှင့် ၂၀၂၅ ခုနှစ်၏ ပထမ ၉ လတွင် အမေရိကန်ဒေါ်လာ ၅.၉ ဘီလီယံ ( ၂၀၂၄ ခုနှစ်ပထမ ၉ လနှင့်နှိုင်းယှဉ်ပါက ၂၄.၂ ရာခိုင် နှုန်းမြင့်တက်)ခဲ့ကြောင်း သိရပါသည်။ မက္ကဆီကိုသည် လတ်တလောတွင် လတ်တင်အမေရိကရှိ ဗီယက်နမ်၏ ဒုတိယမြောက် အကြီးမားဆုံးကုန်သွယ်‌ရေးမိတ်ဖက်ဖြစ်ပြီး ဗီယက်နမ်သည် မက္ကဆီကို၏ အာရှတွင် ၈ ခုမြောက်အကြီးမားဆုံးစီးပွားရေးမိတ်ဖက်ဖြစ်ကြောင်း သိရပါသည်။ ဝန်ကြီးနှစ်ဦးသည် ဗီယက်နမ်-မက္ကဆီကိုစီးပွားရေး၊ ကုန်သွယ်ရေးနှင့် ရင်းနှီးမြှုပ်နှံမှုပူးတွဲ ကော်မတီ တတိအကြိမ်မြောက်အစည်းအဝေးကို အကောင်အထည်ဖော်ရန်၊ စီးပွားရေးလုပ်ငန်းချင်းချိတ်ဆက်မှု ဆက်လက်အရှိန်မြှင့်တင်ရန်နှင့် တစ်နိုင်ငံတွင် ကျင်းပသည့်ကုန်သွယ်မှုမြှင့်တင်ရေး ပွဲအခမ်းအနားများတွင် တစ်နိုင်ငံကပါဝင်ဆင်နွှဲရန် သဘောတူညီခဲ့ကြကြောင်း သိရပါသည်။  Dien ကမက္ကဆီကိုအား ဗီယက်နမ်စတီလ်းတင်ပို့သူများ ရင်ဆိုင်နေရသည့် အတားအဆီးများကို ဖယ်ရှားပေးရန် အဆိုပြုခဲ့ပြီး Ebrard ကလည်း ထိုအဆိုပြုချက်ကို သဘောတူခဲ့ကာ နှစ်ဖက်စလုံးသည် စီးပွားရေးလုပ်ငန်းများ၏ အကျိုးစီးပွားနှင့် အခွင့်အရေးများရရှိရန်အတွက် သတင်းအချက်အလက်များဖလှယ်ရန် ကတိကဝတ်ပြုခဲ့ကြောင်း သိရှိရပါသည်။

Vietnam Plus                                                                            

DOCA (ရန်ကုန်)

          ဗီယက်နမ်နိုင်ငံမှ ကော်ဖီတင်ပို့မှုသည် ယခုနှစ် ပထမ ၁၀ လအတွင်း အမေရိကန်ဒေါ်လာ ၇.၄၁ ဘီလီယံ ရရှိခဲ့ကာ တစ်နှစ်ထက်တစ်နှစ် ၆၁.၈ ရာခိုင်နှုန်း တိုးလာခဲ့ကြောင်း ဗီယက်နမ်သတင်း အေဂျင်စီ၏ နိုဝင်ဘာလ ၅ ရက်နေ့တွင် ဖော်ပြခဲ့သည်။

          ယင်းကာလအတွင်း ကော်ဖီတင်ပို့မှုပမာဏမှာ တန်ချိန် ၁.၃ သန်းအထိ ၁၃.၅ ရာခိုင်နှုန်း မြင့်တက်ခဲ့ကြောင်း အစီရင်ခံစာအရ သိရသည်။

         ဂျာမနီ၊ အီတလီနှင့် စပိန်တို့နိုင်ငံတို့သည် ဗီယက်နမ်နိုင်ငံမှ ကော်ဖီများအား အများဆုံးတင်သွင်းသည့် အဓိကနိုင်ငံသုံးနိုင်ငံဖြစ်ပြီး စုစုပေါင်းစျေးကွက်ဝေစု၏ ၁၃.၄ ရာခိုင်နှုန်း၊ ၇.၈ ရာခိုင် နှုန်းနှင့် ၇.၄ ရာခိုင်နှုန်း အသီးသီးရှိသည်။

        ဇန်န၀ါရီလမှ အောက်တိုဘာလအတွင်း ပျမ်းမျှကော်ဖီတင်ပို့မှုတစ်တန်လျှင် အမေရိကန် ဒေါ်လာ ၅၆၅၃ ပေါက်ဈေးရှိကြောင်း ပြည်တွင်းနေ့စဉ် Kinh Te & Do Thi က ဖော်ပြချက်အရ သိရှိရပါသည်။

Source : Xinhua                                                                                   

DOCA(ရန်ကုန်)

     ပိုမိုအားကောင်းသော စီးပွားရေးဆိုင်ရာ ပူးပေါင်းဆောင်ရွက်မှုများကို ရှာဖွေရန်နှင့် ရေရှည် တည်တံ့သော အနာဂတ်ကို ဦးတည်သည့်လမ်းကြောင်းကို မျှဝေသွားရန် (၃၂)ကြိမ်မြောက် အာရှ-ပစိဖိတ်စီးပွားရေး ပူးပေါင်းဆောင်ရွက်မှု (အေပက်) စီးပွားရေးခေါင်းဆောင်များအစည်းအဝေးကို အောက်တိုဘာ ၃၁ ရက်တွင် တောင်ကိုရီးယားနိုင်ငံ ဂျုံဂျူး၌ ကျင်းပခဲ့သည်။

      အစည်းအဝေးတွင် ဥက္ကဋ္ဌအဖြစ် ဆောင်ရွက်သော တောင်ကိုရီးယားသမ္မတ လီဂျေမြောင်က ကမ္ဘာကြီး အဓိက အပြောင်းအလဲကာလတွင် စိန်ခေါ်မှုအသစ်များကို ရင်ဆိုင်ရန်ဒေသတွင်း ပူးပေါင်းဆောင်ရွက်မှု ပိုမိုခိုင်မာ အားကောင်းရန်နှင့် ပိုမိုစည်းလုံးညီညွတ်ရန်လိုအပ်သည်ဟုဆိုကာ တိုက်တွန်းခဲ့သည်။

     လွတ်လပ်သော ကုန်သွယ်မှုအမိန့်ကြေညာချက်သည် သိသိသာသာ အပြောင်းအလဲများ ကြုံတွေ့နေရချိန်တွင် ကမ္ဘာလုံးဆိုင်ရာ စီးပွားရေးမသေချာမှုသည်လည်း ပိုမိုနက်ရှိုင်းလာခဲ့ပြီး ကုန်သွယ်ရေးနှင့် ရင်းနှီးမြှုပ်နှံမှုသည် အရှိန်အဟုန်ဖြင့် ဆုံးရှုံးနိုင်ခြေများနှင့် ရင်ဆိုင်လျက်ရှိသည်ဟု လီက မှတ်ချက်ပြု ပြောကြားခဲ့သည်။

     ဉာဏ်ရည်တုနည်းပညာကိုယ်စားပြု နည်းပညာ တော်လှန်ရေးသည် မမျှော်မှန်းနိုင်သော ပဋိပက္ခ အကျပ်အတည်းကို ဖြစ်ပေါ်စေပြီး တစ်ချိန်တည်းမှာပင် မမျှော်မှန်းနိုင်သော အခွင့်အလမ်း များကိုလည်း ပေါ်ပေါက်စေသည်ဟု လီက ဆက်လက်ပြောကြားသည်။ ပြည့်စုံကြွယ်ဝသည့် ရည်မှန်းချက်ပန်းတိုင်ကို အတူတကွဝေမျှကြပါစို့ဟု လီက အလေးအနက် တိုက်တွန်း ပြောကြား ခဲ့သည်။

      ၁၉၈၉ ခုနှစ်က စတင်တည်ထောင်ခဲ့သော အေပက်သည် စီးပွားရေးဖွံ့ဖြိုးတိုးတက်မှုအတွက် တက်ကြွသော အင်ဂျင်တစ်ခုဖြစ်လာပြီး အာရှ-ပစိဖိတ်၏ အရေးအကြီးဆုံးဒေသတွင်း အစည်းအဝေး တစ်ခု ဖြစ်လာခဲ့သည်။                       

Source: ဆင်ဟွာ                                                               

DOCA(ပြည်ထောင်စုနယ်မြေ)