ပြည်ပကုန်သွယ်မှုသတင်းများ

          အင်ဒိုနီးရှားကုန်သွယ်ရေးဝန်ကြီးဖြစ်သူ Budi Santoso က MSME လုပ်ငန်းများအား ၎င်းတို့၏ စီးပွားရေးစွမ်းရည်နှင့် တင်ပို့ရာဈေးကွက်ဝင်ရောက်မှု မြှင့်တင်ရန်အတွက် AI ပါဝင် သော နည်းပညာများကိုအသုံးချရန် တိုက်တွန်းခဲ့ကြောင်း သိရပါသည်။ ဝန်ကြီးက AI သည် MSME လုပ်ငန်းများအား ၎င်းတို့၏တင်ပို့ရာဈေးကွက်များ၏ အရေးပါသောအချက်အလက် များစုစည်းရန်၊ ပို့ကုန်ဦးတည်ရာနိုင်ငံများ၊ ပြည်ပကုန်သွယ်မှုစည်းမျဉ်းများနှင့် စားသုံးသူများ ကိုဆွဲဆောင်နိုင်သည့်ထုတ်ကုန်ဒီဇိုင်းများနှင့်ပတ်သတ်၍ ကူညီပေးနိုင်ကြောင်း ပြောကြားခဲ့ ပါသည်။ ကုန်သွယ်ရေးဝန်ကြီးရုံးတွင် ၂၁.၂.၂၀၂၅ ခုနှစ်ကကျင်းပခဲ့သည့် Gemini Academy ဖွင့်ပွဲအခမ်းအနားတွင် ဝန်ကြီးက MSME လုပ်ငန်းရှင်များက စီးပွားရေးနှင့် စီမံခန့်ခွဲမှု၏ များစွာသောရှုထောင့်များကို ရှာဖွေရာတွင် AI ၏ပံ့ပိုးပေးနိုင်မှုအလားအလာကို အသားပေး ပြောကြားခဲ့ကြောင်း သိရပါသည်။ ဝန်ကြီးက အောင်မြင်မှုရရှိရန်အတွက် MSME လုပ်ငန်း များသည် အားကောင်းသောယှဉ်ပြိုင်နိုင်စွမ်း၊ ထိရောက်သောစီမံခန့်ခွဲမှုနှင့် ထုတ်ကုန် တည်ငြိမ်ရေးတို့ကို ပိုင်ဆိုင်ထားရမည်ဖြစ်ကြောင်းနှင့် AI သည် ပိုမိုမြန်ဆန်လွယ်ကူသော သတင်းအချက်အလက်လမ်းကြောင်းကို ပံ့ပိုးပေးနိုင်မည်ဟု ပြောကြားခဲ့ပါသည်။ ထို့ပြင် ထိုသို့အောင်မြင်မှုအခွင့်အလမ်းမြင့်တက်လာမှုသည် အင်ဒိုနီးရှားနိုင်ငံ၏ စီးပွား‌ရေး လုပ်ငန်းရှင်အရေအတွက်ကိုမြင့်တက်လာနိုင်ပြီး ထိုမှတစ်ဆင့် လတ်တလောတွင် ၃.၄၇ ရာခိုင်နှုန်း၌ ရပ်တည်နေသည့် အင်ဒိုနီးရှားနိုင်ငံ၏စီးပွားရေးလုပ်ငန်းရှင်အချိုးကို မြှင့်တင်ပေး နိုင်မည်ဟု သိရပါသည်။ ထိုကိန်းဂဏန်းပမာဏသည် အချိုး ၄ ရာခိုင်နှုန်းကျော်သည့် ထိုင်းနှင့် မလေးရှားတို့နှင့်နှိုင်းယှဉ်ပါက အတန်အသင့်နည်းပါးကြောင်း သိရပါသည်။ Santoso ၏အဆိုအရ အင်ဒိုနီးရှားနိုင်ငံ၏စီးပွားရေးလုပ်ငန်းရှင်အချိုးမြင့်တက်လာမှုသည် နိုင်ငံ၏ ၂၀၄၅ ခုနှစ်တွင် ဖွံ့ဖြိုးပြီးတိုင်းပြည်ဖြစ်လာရန် ရည်မှန်းချက်ကိုကူညီပေးနိုင်မည်ဟု သိရပါသည်။ ကုန်သွယ်ရေးဝန်ကြီးဌာနသည် ပို့ကုန်ဈေးကွက်တိုးချဲ့ခြင်း၊ ပြည်တွင်း ဈေးကွက်ခိုင်မာရေးနှင့် ပြည်ပသို့ထုတ်ကုန်များတင်ပို့နိုင်သည့် MSME လုပ်ငန်းအ‌ရေအတွက်  မြင့်တက်ရေးစသည့် ဦးစား‌ပေးပရိုဂရမ် ၃ ခုကိုအာရုံစိုက်ထားကြောင်း သိရပါသည်။ ထို့ပြင် ဝန်ကြီးဌာနသည် MSME လုပ်ငန်းများအတွက် အလာအလာရှိသောဝယ်ယူသူများနှင့် စီးပွားရေးချိတ်ဆက်ပေးရာတွင် လွယ်ကူချောမွေ့စေရေးပံ့ပိုးပေးလျှက်ရှိကြောင်း သိရ ပါသည်။

DOCA(ရန်ကုန်)

          နာမည်ကျော်အဝတ်အထည်ထုတ်လုပ်သည့် H&M ၏ လုပ်ငန်းခွဲဖြစ်သည့် Syre သည် ဗီယက်နမ်၏ Binh Dinh ပြည်နယ်အား စက်ဝန်းပုံအဝတ်အထည်ထုပ်လုပ်ရာ ကမ္ဘာ့အချက် အချာအဖြစ် ပြောင်းလဲရန်ရည်ရွည်၍ ပြည်နယ်တွင် နည်းပညာမြင့်အထည်ထုတ်လုပ်သည့် စက်ရုံတည်ထောင်ရန် အမေရိကန်ဒေါ်လာ ၁ ဘီလီယံထိ ရင်းနှီးမြှုပ်နှံရန်အစီအစဉ် ရှိကြောင်း သိရပါသည်။ စက်မှုနှင့် ကုန်သွယ်ရေးဝန်ကြီးဌာနှင့်ဆွေးနွေးမှုများအတွင်း Syre Group သည် စုစုပေါင်းရင်းနှီးမြှုပ်နှံမှုတန်ဖိုး အမေရိကန်ဒေါ်လာ သန်း ၇၀၀ မှ ၁ ဘီလီယံထိ မြင့်တက်နိုင်ပြီး တစ်နှစ်လျှင် ခန့်မှန်း တန်ချိန် ၂၅၀၀၀၀ ထုတ်လုပ်နိုင်စွမ်းရှိသည့် နည်းပညာ မြင့်အထည်ထုတ်လုပ်သည့်စက်ရုံကို Nhon Hoi စီးပွားရေးဇုန်ရှိ Nhon Hoi A စက်မှုဇုန်တွင် တည်ဆောက်မည့် ၎င်းတို့၏ဆန္ဒကို ထုတ်ဖော်ပြောကြားခဲ့ကြောင်း သိရပါသည်။ Syre ၏ Senior Operations Director ဖြစ်သူ Tim King က ၎င်းတို့ကုမ္ပဏီသည် ကမ္ဘာလုံးဆိုင်ရာ သဘာဝပတ်ဝန်းကျင်ဆိုင်ရာစံနှုန်းများ၊ ဗီယက်နမ်၏သဘာဝပတ်ဝန်းကျင်ကာကွယ်ရေး စည်းမျဉ်းများနှင့် လိုက်လျောညီထွေရှိသော ပိုလီအက်စတာအထည်ပြန်လည်ပြုပြင်သုံးစွဲ မည့်စီမံကိန်းနှင့်ပတ်သတ်၍ အာမခံကြောင်းပြောကြားခဲ့ပါသည်။ အဆင့်မြင့်ကုန်ထုတ်လုပ်မှု အစီအစဉ်များအပြင် Syre သည် Recycle ပစ္စည်းများတင်သွင်းရေးလုပ်ငန်းစဉ်များနှင့် သဘာ  ဝပတ်ဝန်းကျင်သက်ရောက်မှုသုံးသပ်ချက်များနှင့် ပတ်သတ်၍ မူဝါဒပံ့ပိုးပေးရန်တောင်းဆို ခဲ့ကြောင်း သိရပါသည်။ ကုမ္ပဏီသည် စီမံကိန်းအကောင်အထည်ဖော်မှုလျှင်မြန်ရေးအတွက်  သက်ဆိုင်ရာစည်းမျဉ်းအဖွဲ့အစည်းများ၏ ပံ့ပိုးမှုကို ရှာဖွေနေကြောင်း သိရပါသည်။ Syre ၏ တာဝန်ရှိသူတစ်ဦးက ၎င်းတို့သည် စက်မှုနှင့်ကုန်သွယ်ရေးဝန်ကြီးဌာနအား တည်ငြိမ်သော Recycle ကုန်ကြမ်းပစ္စည်းရရှိမှုသေချာစေရန်အတွက် ပြည်တွင်းအသုံးပြုပြီးအဝတ်အထည် စုဆောင်းခြင်း၊ ရှာဖွေခြင်းနှင့် ပြုပြင်ထုတ်လုပ်ခြင်းတို့အတွက် လုပ်ထုံးလုပ်နည်းများနှင့် အထူးထိန်းကြောင်းပေးမှုများ ပြုလုပ်ပေးရန် ကမ်းလှမ်းခဲ့ကြောင်း သိရပါသည်။ Binh Dinh ပြည်နယ်ပြည်သူ့ကော်မတီ၏ ဥက္ကဌဖြစ်သူ Pham Anh Tuan က Syre ၏ စီမံကိန်း၏ မဟာ ဗျူဟာမြောက် သိသာထင်ရှားမှုကို အသားပေးပြောကြားခဲ့ပြီး ၎င်းစီမံကိန်းသည် ဗီယက်နမ် အား စက်ဝန်းပုံအဝတ်အထည်ထုတ်လုပ်မှုအတွက် ကမ္ဘာလုံးဆိုင်ရာအချက်အချာအဖြစ် အသွင်ကူးပြောင်းရန်၊ များစွာသောအလုပ်အကိုင်အခွင့်အလမ်းများကိုဖန်တီးပေးရန်နှင့် အစိမ်းရောင်စီးပွားရေးတွင် ပူးပေါင်းပါဝင်နိုင်ရန် အလားအလာရှိကြောင်း ပြောကြားခဲ့ ပါသည်။ တစ်ချိန်တည်းမှာပင် စက်မှုနှင့်ကုန်သွယ်ရေးဝန်ကြီးဌာန၏ ဒုတိယဝန်ကြီးဖြစ်သူ Truong Thanh Hoai က စီမံကိန်းသည်ထူးခြားပြီး ရှေ့ပြေးစီမံကိန်းတစ်ခုဖြစ်ကြောင်းနှင့် အသုံးပြုပြီးကုန်ကြမ်းပစ္စည်းများပေါ် တင်းကျပ်သည့်ထိန်းချုပ်မှုစီမံချက်များ လိုအပ်ကြောင်း ပြောကြားခဲ့ပါသည်။

DOCA(ရန်ကုန်)

          ဗီယက်နမ်သည် ၂၀၂၄ ခုနှစ်တွင် ပြောင်းတန်ချိန် ၆ သန်းနှင့် ပဲပိစပ်အမှုန့် တန်ချိန် ၃.၄ သန်းကျော်နှင့်အတူ အာဂျင်တီးနားနိုင်ငံ၏ အဓိကပြောင်းနှင့် ပဲပိစပ်အမှုန့်တင်သွင်းသူ ဖြစ်လာကြောင်း သိရပါသည်။ အာဂျင်တီးနားနိုင်ငံ၏ Rosario Grain Exchange (BCR) ထံ မှ အချက်အလက်များအရ ဗီယက်နမ်သည် အာဂျင်တီးနား၏ အဓိကစိုက်ပျိုးမွေးမြူရေး ကုန်သွယ်ဖက်အဖြစ်ရပ်တည်နေကြောင်း သိရပါသည်။ BCR ၏အဆိုအရ လွန်ခဲ့သည့် ၆ နှစ် အတွင်း ကမ္ဘာ့ထိပ်တန်းစိုက်ပျိုးမွေးမြူရေးထုတ်လုပ်သူဖြစ်သည့် အာဂျင်တီးနားသည် နှံစား အစေ့အဆံတန်ချိန် ၅၃၆ သန်းတင်ပို့ရာမှ ဝင်ငွေ အမေရိကန်ဒေါ်လာ ၁၈၉ ဘီလီယံ ရရှိခဲ့ ကြောင်း သိရပါသည်။ မိုးခေါင်မှုဖြစ်ပေါ်ခဲ့သည့် ၂၀၂၃ ခုနှစ်မှအမ ၂၀၁၉ ခုနှစ်မှ ၂၀၂၄ ခုနှစ် အတွင်း အာဂျင်တီးနားသည် နှစ်စဉ် ပျမ်းမျှနှံစားအ‌စေ့အဆံတန်ချိန် ၉၆ သန်းနီးပါး တင်ပို့ လျှက်ရှိကြောင်း သိရပါသည်။ ၎င်းပမာဏထဲမှထက်ဝက်ခန့်သည်အာရှတိုက်နှင့် လေးပုံ တစ်ပုံမှာ အရှေ့တောင်အာရှသို့ဖြစ်ကြောင်း သိရပါသည်။ အရှေ့တောင်အာရှသည် လျှင်မြန် သောစီးပွားရေးကြီးထွားမှုနှင့်အတူ ဒေသတွင်းအစားအစာစားသုံးမှုပုံစံမှာ အလွန်ကွဲပြား ကြောင်း သိရပါသည်။  အရှေ့တောင်အာရှသည် စိုက်ပျိုးမွေးမြူရေးကဏ္ဍအတွက် မဟာ ဗျူဟာကျသောဈေးကွက်ဖြစ်လာပြီး ကမ္ဘာ့ပဲပိစပ်မှုန့်ကုန်သွယ်မှု၏ ၂၈ ရာခိုင်နှုန်း၊ ကမ္ဘာ့ ဝက်သားစားသုံးမှု၏ ၁၀ ရာခိုင်နှုန်းနှင့် မွေးမြူရေးထုတ်ကုန်စားသုံးမှု၏ ၉ ရာခိုင်နှုန်း ရှိကြောင်း သိရပါသည်။ အရှေ့တောင်အာရှတွင် ဗီယက်နမ်သည် အာဂျင်တီးနား၏ ဒေသသို့ ပြောင်းနှင့် ပဲပိစပ်အမှုန့်တင်ပို့မှု၏ ထက်ဝက်ခန့်ရှိကြောင်း သိရပါသည်။ လွန်ခဲ့သည့် ဆယ်စု နှစ်ကျော်တွင် အရှေ့တောင်အာရှသည် အာဂျင်တီးနားစိုက်ပျိုးမွေးမြူရေးထုတ်ကုန်များ အတွက် အဓိကဦးတည်ရာနေရာဖြစ်လာကြောင်း သိရပါသည်။ လတ်တလောတွင် ၂၀၁၉ ခုနှစ်မှစ၍ အာဂျင်တီးနား၏ အရှေ့တောင်အာရှသို့တင်ပို့မှုမှာ ၂.၇ ဆနှင့် အရှေ့တောင်အာရှ သို့တင်ပို့မှုမှာ ၄ ဆမြင့်တက်ခဲ့ကြောင်း သိရပါသည်။ ဒေသ၏စီးပွားရေးကြီးထွားမှုက ထိုဖြစ်စဉ်တွင် အဓိကကဏ္ဍက ရပ်တည်နေကြောင်း သိရပါသည်။ ၂၀၀၉ မှ ၂၀၂၃ အတွင် ဗီယက်နမ်၏ GDP သည် နှစ်ဆနှင့် အင်ဒိုနီးရှားနှင့် ဖိလစ်ပိုင်၏ GDP သည် ၆၀ ရာခိုင်နှုန်း ကြီးထွားခဲ့ကြောင်း သိရပါသည်။ ‌ဒေသ၏ပျမ်းမျှကြီးထွားနှုန်းသည် တစ်နှစ်လျှင် ၃.၂ ရာခိုင်နှုန်းရှိပြီး လူသားအရင်းအမြစ်ဖွံ့ဖြိုးတိုးတက်မှုအညွှန်းကိန်းသည်လည်း သိသာစွာ မြင့်တက်လျှက်ရှိကြောင်း သိရပါသည်။ ထို့ပြင် အရှေ့တောင်အာရှ၏ တိရိစ္ဆာန်အစားအစာ အတွက် ဝယ်လိုအားမှုသည်း မြင့်တက်ရန်မျှော်လင့်ရကြောင်း သိရပါသည်။ ဒေသသည် ကမ္ဘာ့ပြောင်းတင်သွင်းသည့် ဈေးကွက်ဝေစု၏ ၂၀ ရာခိုင်နှုန်းနှင့် ပဲပိစပ်အမှုန့် တင်သွင်းသည့် ဈေးကွက်ဝေစု၏ ၇၀ ရာခိုင်နှုန်း ရှိကြောင်း သိရပါသည်။ ဗီယက်နမ်သည် အာဂျင်တီးနား၏ စိုက်ပျိုးမွေးမြူရေးထုတ်ကုန်အတွက် အဓိကကုန်သွယ်ဖက်အဖြစ် ဆက်လက်တည်ရှိနေမည် ဖြစ်ပြီး ၂၀၃၄ ခုနှစ်တွင် ပြောင်း တန်ချိန် ၆ သန်းနှင့် ပဲပိစပ်အမှုန့် တန်ချိန် ၁.၇ သန်း ထပ်တိုး တင်သွင်းရန်ခန့်မှန်းရကြောင်း သိရပါသည်။

DOCA(ရန်ကုန်)

ဘီလာရုစ် သည် ၂၀၂၄ ခုနှစ်တွင် နိုင်ငံပေါင်း ၆၉ နိုင်ငံသို့ နို့နှင့်နို့ထွက်ပစ္စည်း တန်ချိန် ၆ သန်း ကို တင်ပို့ခဲ့ကြောင်း ဘီလာရုစ် ပထမ စိုက်ပျိုးရေးနှင့် စားနပ်ရိက္ခာဝန်ကြီး Alexander Lomsky က Minsk ၌ သောကြာနေ့က ကျင်းပသော Dairy Farm Forum တွင် ပြောကြားခဲ့သည်။ နို့ထွက်ပစ္စည်း တင်ပို့မှု တိုးတက်မှုနှုန်းသည် ပမာဏအားဖြင့် ၁၁.၅ ရာခိုင်နှုန်း တိုးလာပြီး ၂၀၂၄ ခုနှစ်တွင် တန်ဖိုး အားဖြင့် ၁၇.၈ ရာခိုင်နှုန်း တိုးလာသည်ဟု တာဝန်ရှိသူက ဆိုသည်။ စုစုပေါင်း စားသောက်ကုန်တင်ပို့ မှုတွင် နို့ထွက်ပစ္စည်း ရှယ်ယာ ၄၀.၃ ရာခိုင်နှုန်း ရှိသည်။ Lomsky က ဘီလာရုစ် သည် ကမ္ဘာပေါ် တွင် နို့ထွက်ပစ္စည်းတင်ပို့သည့် ထိပ်တန်းနိုင်ငံများထဲတွင်ပါဝင်နေဆဲ ဖြစ်ကြောင်း အလေးပေးပြောကြား ခဲ့သည်။ အယ်လ်ဂျီးရီးယား၊ မက္ကဆီကို၊ ကူဝိတ်၊ နိုင်ဂျီးရီးယား၊ ကင်ညာနှင့် အခြားနိုင်ငံများသည် ဘီလာရုစ်မှ နို့ထွက်ပစ္စည်းများအတွက် ၎င်းတို့၏ ဈေးကွက်များကို ဖွင့်လှစ်ထားသည်။ ဘီလာရုစ် နိုင်ငံမှ ထုတ်လုပ်သူများသည် စျေးကွက်အသစ်များ ဖွံ့ဖြိုးတိုးတက်ရန် သာမက ထုတ်ကုန်အကွာ အဝေးကို ကွဲပြားစေရန်လည်း ကြိုးပမ်းခဲ့ကြောင်း တာဝန်ရှိသူကအလေး ပေးပြောကြားခဲ့သည်။

DOCA(ရန်ကုန်)

အမေရိကန် ပထမရင်းနှီးမြှုပ်နှံမှု မူဝါဒစာချွန်လွှာကိုထုတ်ပြန်ရန် အမေရိကန်၏ လှုပ်ရှားမှုသည် တရုတ်နှင့်အမေရိကန် လုပ်ငန်းရှင်များကြား ပုံမှန်စီးပွားရေးနှင့် ကုန်သွယ်မှု ပူးပေါင်းဆောင်ရွက်မှုကို အကြီးအကျယ်ထိခိုက်စေကြောင်း တရုတ်ကူးသန်း ရောင်းဝယ်ရေးဝန်ကြီးဌာနမှ ပြောရေးဆိုခွင့်ရှိသူက စနေနေ့တွင် ပြောကြားခဲ့သည်။ အမျိုးသား လုံခြုံရေး အယူအဆကို ယေဘူယျအားဖြင့် ဖော်ပြသည့် အဆိုပါ လှုပ်ရှားမှုသည် ခွဲခြားဆက်ဆံမှုဖြစ်ပြီး “ပုံမှန်မဟုတ်သော ဈေးကွက်ကျင့်သုံးမှု” ဖြစ်သည်ကြောင်း၊ တရုတ်နိုင်ငံမှ ရင်းနှီးမြုပ်နှံမှုများကို ပစ်မှတ်ထား၍ လုံခြုံရေး ပြန်လည်သုံးသပ် ခြင်းအား တင်းကျပ်ရန် အမေရိကန်၏ ဆုံးဖြတ်ချက်သည် အမေရိကန် ရင်းနှီးမြုပ်နှံမှုတွင် တရုတ် လုပ်ငန်းများ၏ ယုံကြည်မှုကို ဆိုးရွားစွာ ထိခိုက်စေကြောင်း၊ “အမေရိကန်ဘက်မှ မျှတသော ပွင့်လင်း မြင်သာမှု တည်ငြိမ်၍ ကြိုတင်ခန့်မှန်းနိုင်သော စီးပွားရေးပတ်ဝန်းကျင်တစ်ခု ပေးစွမ်းနိုင်မည်ဟု မျှော်လင့်ကြောင်း၊ တရုတ်နိုင်ငံတွင် အမေရိကန်၏ ရင်းနှီးမြှုပ်နှံမှုများ အတွက် ပိုမိုတင်းကျပ်သော အရေးယူဆောင်ရွက်မှုများကို အမေရိကန်ဘက်မှ ထပ်မံ အကောင်အထည်ဖော်ရန်စီစဉ်နေခြင်းသည် ကျိုးကြောင်းဆီလျော်မှုမရှိသော အလေ့အကျင့် တစ်ခုဖြစ်ကြောင်း ပြောရေးဆိုခွင့်ရှိသူက ပြောကြားခဲ့ သည်။ သက်ဆိုင်ရာ အစီအမံများ အကောင်အထည်ဖော်လိုက်သည်နှင့် တပြိုင်နက် နှစ်နိုင်ငံရင်းနှီး မြုပ်နှံမှုများကို ကမောက်ကမ ဖြစ်စေပြီး အမေရိကန် ကိုယ်တိုင်လည်းကောင်းကျိုးရရှိနိုင်မည်မ ဟုတ်ကြောင်း၊ အမေရိကန် စီးပွားရေးအသင်းများနှင့် လုပ်ငန်းအများအပြားသည် တရုတ်နိုင်ငံတွင် အမေရိကန်၏ ရင်းနှီးမြုပ်နှံမှုအပေါ် ကန့်သတ်ချုပ်ချယ်မှုများကြောင့် အမေရိကန်စီးပွားရေး လုပ်ငန်းများသည် တရုတ်ဈေးကွက်ကို အခြားပြိုင်ဘက်များထံ ဆုံးရှုံးသွားစေမည်ကို စိုးရိမ်ကြောင်း ထုတ်ဖော် ပြောဆိုထားပြီးဖြစ်ကြောင်း ပြောရေးဆိုခွင့်ရှိသူက ပြောကြားခဲ့သည်။ နိုင်ငံတကာရင်းနှီး မြုပ်နှံမှုနှင့် ကုန်သွယ်မှု စည်းမျဉ်းများကို လိုက်နာရန်၊ စျေးကွက်စီးပွားရေး ဥပဒေများ ကိုလေးစား လိုက်နာရန်၊ နိုင်ငံရေးနှင့် စီးပွားရေးနှင့် ကုန်သွယ်ရေးဆိုင်ရာ ကိစ္စရပ်များကို လက်နက်ဖြင့်အသုံးချ ခြင်းတို့ကို ရပ်တန့်ရန် တရုတ်ကအမေရိကန်ကိုတိုက်တွန်းထားသည်။ တရုတ်နိုင်ငံသည် အမေရိကန်၏ လှုပ်ရှားမှုများကို အနီးကပ်လိုက်နာပြီး ၎င်း၏တရားဝင် အခွင့်အရေးများနှင့် အကျိုးစီးပွားများကိုကာကွယ်ရန် လိုအပ်သောအစီအမံများကို လုပ်ဆောင်မည်ဖြစ်ကြောင်း ပြောရေးဆိုခွင့်ရှိသူကပြော ကြားခဲ့သည်။

DOCA(ရန်ကုန်)