HighLight News

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးအသိပညာပေးဟောပြောပွဲများ၊  စီးပွားရေးလုပ်ငန်းရှင်များနှင့် တွေ့ဆုံပြီး ဥပဒေ၊ အမိန့်နှင့် ညွှန်ကြားချက်များအားရှင်းလင်းဆွေးနွေးခြင်းများဆောင်ရွက်လျက်ရှိသည့်အပြင် ထုတ်ကုန်များလုံခြုံစိတ်ချရမှုရှိစေရေးနှင့် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြရေးအတွက် ဈေးကွက်စောင့်ကြည့်စစ်ဆေးခြင်းများနှင့် အထူးဈေးကွက်စောင့်ကြည့်စစ်ဆေးခြင်းများကိုဆောင်ရွက်လျက်ရှိရာ (၁၄.၅.၂၀၂၄)ရက်နေ့၊  နံနက်(၁၀:၀၀)နာရီအချိန်မှစတင်၍ရွှေဘိုခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ရွှေဘိုမြို့နယ်တာဝန်ခံတို့သည် ရွှေဘိုမြို့နယ်ပြည်သူ့ကျန်းမာရေးဦးစီးဌာနမှတာဝန်ရှိသူများနှင့်ပူးပေါင်း၍ ရွှေဘိုမြို့၊ အမှတ်(၅)ရပ်ကွက်ရှိပုဂ္ဂလိကဆေးရုံ(၂)ခုနှင့် အမှတ်(၄)ရပ်ကွက်နှင့် အမှတ်(၅)ရပ်ကွက်ရှိဆေးနှင့်ဆေးပစ္စည်းအရောင်းဆိုင်(၂)ဆိုင်ရှိဆေးနှင့် ဆေးပစ္စည်းများအားအထူးဈေးကွက်စောင့်ကြည့်စစ်ဆေးခဲ့ပါသည်။

     အဆိုပါပုဂ္ဂလိကဆေးရုံနှင့် ဆေးနှင့်ဆေးပစ္စည်းအရောင်းဆိုင်များတွင် သာမာန်ထိန်းချုပ်ဆေးဝါးများ စနစ်တကျထားသိုရောင်းချခြင်းရှိ/ မရှိနှင့် စံမညီဆေးဝါးများရောင်းချခြင်းရှိ/ မရှိစစ်ဆေးခဲ့ရာ စံမညီဆေးဝါးများရောင်းချခြင်းမရှိသည့်အပြင်  သာမာန်ထိန်းချုပ်ဆေးဝါးများစနစ်တကျထားသိုရောင်းချမှုရှိကြောင်းစစ်ဆေးတွေ့ရှိရသဖြင့် စားသုံးသူရေးရာဦးစီးဌာနမှခရိုင်ဦးစီးမှူးက စားသုံးသူကာကွယ်ရေးဥပဒေပါစားသုံးသူအခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်များ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အမိန့်ကြော်ငြာစာ အမှတ်၊ ၂၁/၂၀၂၀ဖြင့် Covid-19 ကာကွယ်၊ ထိန်းချုပ်၊ ကုသရေးဆိုင်ရာ ကျန်းမာရေးအထောက်အကူပြုပစ္စည်းများ၊ ဆေးဝါးများ၊ စားသုံးကုန်ပစ္စည်းများအား ဈေးကွက်အတွင်းဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း သို့မဟုတ် ဈေးကစားရန်ရည်ရွယ်ချက်ဖြင့်သိုလှောင်ခြင်းကိုတားမြစ်သည့် အမိန့်ကြော်ငြာစာများကို ရှင်းလင်းဆွေးနွေးခဲ့ပြီး အသိပညာပေးလက်ကမ်းစာစောင်များ ဖြန့်ဝေခဲ့ကြကြောင်းသတင်းရရှိပါသည်။

DOCA(စစ်ကိုင်း)

      စားသုံးသူရေးရာဦးစီးဌာန၊ စစ်ကိုင်းခရိုင်၊ ခရိုင်ဦးစီးမှူး၊ ဒု-ခရိုင်ဦးစီးမှူးနှင့် ဝန်ထမ်း(၃)ဦးသည် ခရိုင်ပြည်သူ့ကျန်းမာရေးဦးစီးဌာန၊ ခရိုင်အထူးစုံစမ်းစစ်ဆေးရေးဦးစီးဌာန၊ မြို့နယ်စည်ပင်သာယာရေးအဖွဲ့တို့မှတာဝန်ရှိသူများနှင့် ပူးပေါင်း၍ မေလ(၈)ရက်နေ့ နံနက်(၁၀း၀၀)နာရီအချိန်တွင် စစ်ကိုင်းမြို့ပေါ်ရှိလက်လီ/  လက်ကား ဖြန့်ဖြူးရောင်းချသော “ မြကျွန်းသာ”၊ “ငွေမိုးလျှံ” ကုန်မျိုးစုံဆိုင် (၂)ဆိုင်နှင့် “မသီ”မုန့်မျိုးစုံဆိုင်တို့အားအဖွဲ့စုံ(IT) ဖြင့် ဈေးကွက်စောင့်ကြည့် စစ်ဆေးခဲ့ပါသည်။

    စစ်ဆေးခဲ့သောကုန်မျိုးစုံဆိုင် (၃)ဆိုင်သို့ ဖြန့်ဖြူးရောင်းချနေသော အသင့်သောက်အချိုရည်အမျိုးမျိုးနှင့် စပ်လျဉ်း၍ ကုန်အညွှန်းအမှတ်အသားတွင် ဖော်ပြရမည့်အချက်များပါဝင်မှုရှိ/ မရှိ၊ ကန့်သတ်တားမြစ်ထားသည့်ဓာတုဆိုးဆေးများ၊ ဓာတုသကြားမျာ အသုံးပြုထားခြင်းရှိ/ မရှိ       စစ်ဆေးခဲ့ရာ ဈေးကွက်အတွင်းရောင်းချမှုမရှိကြောင်းစစ်ဆေးတွေ့ရှိရပါသည်။ စစ်ကိုင်းခရိုင်ဦးစီးမှူးက စစ်ဆေးခဲ့သောဆိုင်ပိုင်ရှင်များအား စားသုံးသူကာကွယ်ရေးဥပဒေအခန်း(၁၈) ပုဒ်မ(၄၁)၊ ပုဒ်မခွဲ(ခ)နှင့် (ဆ)အရ မြန်မာဘာသာဖြင့်ဖြစ်စေ၊ မြန်မာနှင့်အခြားဘာသာတစ်ခု သို့မဟုတ် တစ်ခုထက်ပို၍တွဲလျက်ဖြစ်စေ၊ ကုန်အညွှန်းအမှတ်အသားဖော်ပြပါရှိသည့်ကုန်စည်များကိုသာရွေးချယ်ဝယ်ယူရောင်းချရန်နှင့်  အသိပညာပေးဆွေးနွေးခဲ့ကြောင်းသတင်းရရှိပါသည်။

DOCA(စစ်ကိုင်း)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် ပြည်သူများဘေးအန္တရာယ်ကင်းရှင်းသော ကုန်စည်များသုံးစွဲနိုင်ရန်နှင့် ဈေးကွက်အတွင်း ရောင်းချလျက်ရှိသောကုန်ပစ္စည်းများတွင် ကုန်အညွှန်းအမှတ်အသားပြည့်စုံစွာပါဝင်ခြင်းရှိ/ မရှိ စစ်ဆေးခြင်းလုပ်ငန်းများအား လစဉ်ဆောင်ရွက်လျက်ရှိရာ ၂၀၂၄ခုနှစ် မေလ(၁၃)ရက်နေ့တွင် စားသုံးသူရေးရာဦးစီးဌာန၊ ကသာခရိုင်ဦးစီးမှူးရုံးမှ စစ်ဆေးရေးမှူး ဦးကြည်နိုင်ဦး (ဦးစီးမှူး)နှင့် ဌာနမှဝန်ထမ်းများသည် ကသာမြို့ပေါ်ရှိကုန်စုံဆိုင်(၂)ဆိုင်အား ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးခြင်းများဆောင်ရွက်ရာတွင် အချိုရည်အမျိုးမျိုး၊ အသင့်စားစားသောက်ကုန်အမျိုးမျိုး၊ ခေါက်ဆွဲခြောက်အမျိုးမျိုး၊ မုန့်အမျိုးမျိုး စသည်တို့တွင် စားသုံးသူကာကွယ်ရေးဥပဒေ(၂၀၁၉)ပါ ကုန်အညွှန်းအမှတ်အသားဖော်ပြခြင်းဆိုင်ရာ သတ်မှတ်ချက်များနှင့်ကိုက်ညီမှုရှိ/ မရှိ၊ သက်ဆိုင်ရာဌာနများ၏ထောက်ခံချက် ရှိ/မရှိ စစ်ဆေးခြင်းများဆောင်ရွက်ခဲ့ပြီး  ရောင်းချသူဆိုင်ရှင်များအား ကုန်ပစ္စည်းများရောင်းချရာတွင် ကုန်အညွှန်းအမှတ်အသား ပြည့်စုံစွာပါဝင်သည့် စားသောက်ကုန်များကိုသာရောင်းချရန်နှင့် သက်တမ်းလွန်စားသောက်ကုန်များ၊ မြန်မာနိုင်ငံအစား အသောက်နှင့် ဆေးဝါးကွပ်ကဲရေးဦးစီးဌာနမှထုတ်ပြန်ထားသည့်တားမြစ်စားသောက်ကုန်များ စသည်တို့ကိုလည်းရောင်းချခြင်းမပြုရန်အသိပညာပေးခြင်း၊ ကုန်အညွှန်းအမှတ်အသားဆိုင်ရာအချက်များအား ရှင်းလင်းဆွေးနွေးခြင်းများ ဆောင်ရွက်ခဲ့ကြောင်းသိရှိရပါသည်။

DOCA(စစ်ကိုင်း)

        (၁၃-၅-၂၀၂၄) ရက်နေ့၌ ဘုရင့်နောင်ကုန်စည်ဒိုင်တွင်ဖြစ်ပေါ်ခဲ့သော ရေထွက်ကုန်ပစ္စည်းများ၏ တစ်ပိဿာဈေးနှုန်းများမှာ ဖျာပုံရွှေပုစွန်ရှယ် အနိမ့်ဆုံးဈေးမှာ ကျပ်၈၅၀၀၀မှ အမြင့်ဆုံးဈေးမှာ ကျပ်၁၀၀၀၀၊ ဖျာပုံရွှေပုစွန်ရိုးရိုး ကျပ်၇၀၀၀၀မှ  ကျပ်၇၅၀၀၀၊ ဖျာပုံချိုကြီးရှယ် ကျပ်၆၀၀၀၀မှ ကျပ်၇၀၀၀၀၊ ဖျာပုံချိုသေးရှယ် ကျပ်၄၀၀၀၀မှ ကျပ်၅၀၀၀၀၊ ဖျာပုံချိုသေးရိုးရိုး ကျပ်၂၅၀၀၀မှ ကျပ်၃၅၀၀၀၊ ရခိုင်ရွှေပုစွန်ရှယ်မှာ ကျပ်၇၀၀၀၀မှ ကျပ်၈၀၀၀၀၊ ရခိုင်ရွှေပုစွန်ရိုးရိုး ကျပ်၅၀၀၀၀မှ ကျပ်၆၀၀၀၀၊ ငါးကျီးကြပ်တိုက်ကြီး အနိမ့်ဆုံး ကျပ်၇၀၀၀၀မှ ကျပ်၇၅၀၀၀၊ ငါးကျီးကြပ်တိုက်သေး အနိမ့်ဆုံး ကျပ်၄၅၀၀၀မှ ကျပ်၅၀၀၀၀၊ ငါးမြွေထိုး ကျပ်၃၅၀၀၀မှ ကျပ်၄၀၀၀၀၊ ငါးရံ့ခြောက်ကြီး ကျပ်၆၅၀၀၀မှ ကျပ်၇၀၀၀၀၊ ငါးရံ့ခြောက်လတ် ကျပ်၄၅၀၀၀မှ ကျပ်၅၅၀၀၀၊ ငါးရံ့လုံး ကျပ်၃၅၀၀၀မှ ကျပ်၄၀၀၀၀၊ ကလိန် ကျပ်၉၅၀၀မှ ကျပ်၁၀၀၀၀၊ ငါးကွမ်းရှပ် ကျပ်၃၀၀၀၀မှ ကျပ်၃၅၀၀၀၊ ငါးတံခွန်မျှင်ကြီး ကျပ်၁၀၀၀၀မှ ကျပ်၁၅၀၀၀၊ ငါးနှပ်ချို ကျပ်၂၅၀၀၀မှ ကျပ်၃၀၀၀၀၊ ငါးပုပ်သင်တစ်ပိဿာလျှင် ကျပ်၂၀၀၀၀မှ ကျပ်၂၅၀၀၀၊ ငါးရောင်ကြီးတစ်ပိဿာလျှင် ကျပ်၃၅၀၀၀မှ ကျပ်၄၅၀၀၀၊ ငါးရောင်လတ်တစ်ပိဿာလျှင် ကျပ်၂၅၀၀၀မှ ကျပ်၃၅၀၀၀၊ ဆီငါးရောင်တစ်ပိဿာလျှင် ကျပ်၃၅၀၀၀မှ ကျပ်၄၀၀၀၀၊ ငါးရွှေသေးတစ်ပိဿာလျှင် ကျပ်၁၅၀၀၀မှ ကျပ်၂၀၀၀၀၊ ငါးမြီးတံသွယ်တစ်ပိဿာလျှင် ကျပ်၄၀၀၀မှ ကျပ်၄၅၀၀၊ ငါးပူးစီတစ်ပိဿာလျှင် ကျပ်၇၀၀၀မှ ကျပ်၈၀၀၀ဈေးနှုန်းတို့ရှိကြောင်း ကုန်စည်ဒိုင်မှစုံစမ်းသိရှိရပါသည်။

DOCA(ရန်ကုန်)

    စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ညွှန်ကြားချက်အရ လှိုင်မြို့နယ်၊ မရမ်းကုန်းမြို့နယ်အတွင်းရှိဒေသခံပြည်သူများ စားသောက်ကုန်အမျိုးမျိုးတို့အားဝယ်ယူသုံးစွဲရာတွင် အစားအစာဘေးကင်းလုံခြုံမှုရှိစေရန်နှင့် စနစ်တကျဝယ်ယူစားသုံးရန်ရည်ရွယ်၍ ထုတ်ကုန်များလုံခြုံ စိတ်ချရမှုရှိစေရေးတို့အတွက် မေလ(၃) ရက်နေ့ နံနက်(၁၀:၀၀) နာရီအချိန်တွင် လှိုင်မြို့နယ် လှိုင်ရတနာဈေးနှင့် မရမ်းကုန်းမြို့နယ် မြဂန္ဓမာဈေးတို့တွင် အသင့်သောက်အချိုရည်အမျိုးမျိုးနှင့် စားသုံးဆီအမျိုးမျိုး တို့တွင် သတ်မှတ်ထားသော ကုန်အညွှန်းအမှတ်အသား ပြည့်စုံစွာဖော်ပြထားခြင်း ရှိ/မရှိကွင်းဆင်းစစ်ဆေး ခဲ့ပါသည်။ ထိုသို့ ကွင်းဆင်းစစ်ဆေးရာတွင် ဈေးတာဝန်ခံနှင့် ဝန်ထမ်းများ၊ စားသုံးသူရေးရာဦးစီးဌာနမှ စစ် ဆေးရေးမှူးနှင့် မြို့နယ်တာဝန်ခံတို့ပူးပေါင်း၍ လှိုင်မြို့နယ် လှိုင်ရတနာဈေးနှင့် မရမ်းကုန်းမြို့နယ် မြဂန္ဓမာဈေးတို့တွင် အသင့်သောက်အချိုရည်အမျိုးမျိုးတို့နှင့် စားသုံးဆီအမျိုးမျိုးတို့အားရောင်းချရာတွင် သက်ဆိုင်ရာဌာနများမှ ညွှန်ကြားထားသော ကုန်အညွှန်းအမှတ်အသားဆိုင်ရာ လိုက်နာရမည့်အချက်များ မြန်မာဘာသာဖြင့်သော်လည်းကောင်း၊ မြန်မာဘာသာနှင့် အခြားဘာသာတစ်ခု(သို့) တစ်ခုထက်ပို၍ တွဲလျက်ရေးသားဖော်ပြရမည့်အချက်များ စံချိန်စံညွှန်းကိုက်ညီမှုမရှိသော အစားအသောက်များ၊(FDA)၏ခွင့် ပြုချက်မရှိသော စားသောက်ကုန်နှင့် သက်တမ်းကုန်းဆုံးသော အသင့်သောက်အချိုရည်အမျိုးမျိုးနှင့် စားသောက်ကုန်ပစ္စည်းများဖြန့်ဖြူးရောင်းချခြင်းမပြုလုပ်ရန် စားသုံးသူကာကွယ်ရေးဆိုင်ရာသိကောင်းစရာများကို ဆွေးနွေးခဲ့ပြီး အသင့်သောက်အချိုရည်အမျိုးမျိုးတို့တွင် ကုန်အညွှန်းအမှတ်အသား ပြည့်စုံစွာဖော်ပြထားခြင်းရှိ/ မရှိကွင်းဆင်းစစ်ဆေးခဲ့ကြောင်းသိရှိရပါသည်။

DOCA(ရန်ကုန်)