HighLight News

   စစ်ကိုင်းတိုင်းဒေသကြီး၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် ဌာန၏မျှော်မှန်းချက်ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှုဖွံ့ဖြိုးရေးလုပ်ငန်းများအပြင် စားသုံးသူကာကွယ်ရေးလုပ်ငန်းများဆောင်ရွက်လျက်ရှိပါသည်။

   မုံရွာခရိုင်အနေဖြင့် ၂၀၂၃ ခုနှစ်၊ စက်တင်ဘာလအတွင်း စီးပွားရေးလုပ်ငန်းရှင်များအား တွေ့ဆုံခြင်း (၂) ကြိမ်ဆောင်ရွက်ခဲ့ရာ ခရိုင်ဦးစီးမှူးနှင့်ဝန်ထမ်း(၂)ဦးတို့သည် (၈-၉-၂၀၂၃)ရက်နေ့တွင် မုံရွာမြို့၊ စက်မှုဇုန်ရပ်ကွက်ရှိ "ရှန်တက်" ဆန်စက်လုပ်ငန်းရှင်အားလည်းကောင်း၊ ဒု-ခရိုင်ဦးစီးမှူးနှင့် ဝန်ထမ်း(၂)ဦးတို့သည် (၁၄-၉-၂၀၂၃) ရက်နေ့တွင် မုံရွာမြို့၊ စက်မှုဇုန်ရပ်ကွက်ရှိ “မြင့်ရတနာ” ဆန်စက်လုပ်ငန်းရှင်အားလည်းကောင်း တွေ့ဆုံပြီး စားသုံးသူကာကွယ်ရေးဥပဒေပါ အကြောင်းအရာ များ၊ အမိန့်နှင့်ညွှန်ကြားချက်များ၊ ဌာနမှဆောင်ရွက်လျက်ရှိသောလုပ်ငန်းတို့ကို အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

  မွန်ပြည်နယ်၊ စားသုံးသူရေးရာဦးစီးဌာန၊ ကျိုက်မရောမြို့နယ်တာဝန်ခံသည် (၃၀-၉-၂၀၂၃) ရက်နေ့တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့်ကာယပညာဦးစီးဌာနတို့နှင့်ပူးပေါင်း၍ ကျိုက်မရောမြို့နယ်၊ အ.ထ.က တရနာကျောင်း၌ စားသုံးသူကာကွယ်ရေးအသိပညာပေးဟောပြောဆွေးနွေးပွဲကျင်းပပြုလုပ်ခဲ့သည်။

      အဆိုပါဟောပြောဆွေးနွေးပွဲတွင် ခတ္တကျောင်းအုပ်ဆရာကြီး ဦးမင်းကျော်ဇင်ထက်က အဖွင့်အမှာစကားပြောကြားခဲ့ပြီး စားသုံးသူရေးရာဦးစီးဌာန၊ ကျိုက်မရောမြို့နယ်တာဝန်ခံ ဦးအောင်ညီညီခန့်က ဌာန၏မျှော်မှန်းချက်၊ ရည်မှန်းချက်၊ လုပ်ငန်းတာဝန်များ၊ စားသုံးသူအခွင့်အရေးနှင့်တာဝန်များ၊ ကုန်အညွှန်းအမှတ်အသားနှင့်ပတ်သက်သည့်သိကောင်းစရာများ၊ စားသုံးသူများနစ်နာဆုံးရှုံးမှုများဖြစ်ပေါ်လာပါက တိုင်ကြားနိုင်သည့်နေရာများ၊ နည်းလမ်းများ၊ Consumer Call Center အကြောင်းအရာများနှင့် www. doca. gov. mm တွင်လည်းဝင်ရောက်ကြည့်ရှု့လေ့လာနိုင်ကြောင်း ဟောပြောဆွေးနွေးခဲ့ပါသည်။

     အဆိုပါဟောပြောဆွေနွေးပွဲသို့ ဆရာ၊ ဆရာမ၊ ကျောင်းသား၊ ကျောင်းသူများ (၂၀၀) ဦးတက်ရောက်ခဲ့ကြပြီး စားသုံးသူကာကွယ်ရေးအသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(မွန်)

   ကရင်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ပြည်နယ်ဦးစီးမှူး ဦးသန်းဦး၊ စီမံ/ငွေစာရင်းတာဝန်ခံ ဦးစီးအရာရှိ ဒေါ်စမ်းစမ်းမြင့်နှင့်ဝန်ထမ်းများသည် ရုံးချုပ်၊ ရုံးအမှတ်(၅၂)၊ နေပြည်တော်၌ ၂၀၂၃ခုနှစ်၊ စက်တင်ဘာလ ၃၀ရက်နေ့၊ နေ့လယ် (၁၅:၃၀) နာရီအချိန်တွင် Virtural  Zoom Meeting စနစ်ဖြင့် စားသုံးသူရေးရာဦးစီးဌာန၊ ခေတ္တညွှန်ကြားရေးမှူးချုပ် ဦးခင်မောင်လှိုင်ဦးဆောင်ကျင်းပပြုလုပ်သော ဆွေးနွေးပွဲသို့တက်ရောက်ခဲ့ကြပါသည်။

       အခမ်းအနားတွင် ခေတ္တာညွှန်ကြားရေးမှူးချုပ် ဦးခင်မောင်လှိုင်က စီမံ၊ ငွေစာရင်းဆိုင်ရာ ကိစ္စရပ်များစနစ်တကျရှိစေရေး အဖွင့်အမှာစကားပြောကြာပြီး အစီအစဉ်အရ တိုင်းဒေသကြီး/ ပြည်နယ်အသီးသီးမှ စီမံရေးရာဌာန၊ ငွေစာရင်းဌာနနှင့်သက်ဆိုင်သည့် လုပ်ငန်းအခြေအနေများကိုရှင်းလင်းတင်ပြ၍ ရှင်းလင်းတင်ပြချက်များအပေါ် စီမံရေးရာဌာနခွဲမှ ညွှန်ကြားရေးမှူး ဦးကျော်စွာဝင်းနှင့် ငွေစာရင်းဌာနခွဲမှ ညွှန်ကြားရေးမှူး ဒေါ်ဝင်းကြူတို့က ဖြည့်စွက်ဆွေးနွေးခဲ့ကြပြီး ဆွေးနွေးပွဲမှ ဖော်ထုတ်ရရှိချက်များအပေါ် ညွှန်ကြားရေမှူးချုပ်က လိုအပ်သည်များလမ်းညွှန်၍ ပေါင်းစပ်ညှိနှိုင်းပေးခဲ့ပါသည်။

     အစည်းအဝေးတွင် နေပြည်တော်၊ တိုင်းဒေသကြီး/ ပြည်နယ်များရှိ တာဝန်ခံအရာထမ်းများအား စီမံရေးရာဌာနခွဲနှင့် ငွေစာရင်းဌာနခွဲလုပ်ငန်းများညွှန်ကြားဆွေးနွေးခဲ့ပြီး ဆွေးနွေးပွဲကို ညနေ (၁၇:၃၀) နာရီအချိန်တွင် ရုပ်သိမ်းခဲ့ပါသည်။

DOCA(ကရင်)

  နေ့စဉ် ကုန်ဈေးနှုန်းစာရင်းများကောက်ယူရာတွင် ဈေးနှုန်းစာရင်းများစနစ်တကျနှင့်မှန်ကန်တိကျမှုရှိစေရေး လုပ်ငန်းညှိနှိုင်းအစည်းအဝေးကို Zoom Meeting စနစ်ဖြင့် (၃၀-၉-၂၀၂၃)ရက်နေ့၊ နေ့လယ်(၁၃:၀၀)နာရီအချိန်တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရုံးအမှတ်(၅၂)၊ အစည်းအဝေးခန်းမ(၃)၌ စားသုံးသူရေးရာဦးစီးဌာန၊ ခေတ္တညွှန်ကြားရေးမှူးချုပ်ဦးဆောင်၍ကျင်းပခဲ့ရာ အစည်းအဝေးသို့ ဗဟိုစာရင်းအဖွဲ့၊ ညွှန်ကြားရေးမှူးချုပ်နှင့်  တိုင်းဒေသကြီး/ ပြည်နယ်များမှ CSO အဖွဲ့ဝင်များ၊  စားသုံးသူရေးရာဦးစီးဌာန၊ တိုင်းဒေသကြီး/ ပြည်နယ်များမှ ပြည်နယ်ဦးစီးမှူးများ၊ သက်ဆိုင်ရာဌာနခွဲတာဝန်ခံများတက်ရောက်ခဲ့ကြပါသည်။

    အဆိုပါ အစည်းအဝေးတွင်  ဗဟိုစာရင်းအင်းအဖွဲ့၊ ညွှန်ကြားရေးမှူးချုပ်နှင့် စားသုံးသူရေးရာဦးစီးဌာန၊ ခေတ္တညွှန်ကြားရေးမှူးချုပ် ဦးခင်မောင်လှိုင်တို့က အဖွင့်အမှာစကားပြောကြားခဲ့ပြီး Online မှ Virtual စနစ်ဖြင့်တက်ရောက်ကြသော တိုင်းဒေသကြီး/ ပြည်နယ်များမှ ပြည်နယ်ဦးစီးမှူးများ၊ တိုင်းဒေသကြီး/ ပြည်နယ်များမှ CSO အဖွဲ့ဝင်များက  ကုန်ဈေးနှုန်းကောက်ယူရာတွင် နေ့စဉ် တင်ပြသည့်ဈေးနှုန်းစာရင်းကောက်ယူမှုအခြေအနေများနှင့် မြေပြင်ကွင်းဆင်းဆောင်ရွက်မှုအခြေ အနေများကို တိုင်းဒေသကြီး/ ပြည်နယ်ဌာနအလိုက် ဆွေးနွေးတင်ပြခဲ့ကြပြီး တင်ပြချက်များမှ ဖော်ထုတ်ရရှိချက်များအပေါ် စားသုံးသူရေးရာဦးစီးဌာနနှင့် CSO အဖွဲ့ဝင်များအနေဖြင့် နေ့စဉ် အခြေခံစားသောက်ကုန်ဈေးနှုန်းစာရင်းကောက်ယူရာတွင် ကွဲလွဲချက်များမဖြစ်ပေါ်စေရေးအတွက် အခြေခံစားသောက်ကုန်(၁၄)မျိုးဈေးနှုန်းကောက်ယူသည့် စံသတ်မှတ်ချက်နှင့် ကောက်ယူသည့်ပုံစံ၊ အချိန်၊ ဈေးနေရာသတ်မှတ်ချက်များကို တပြေးညီဖြစ်စေရန်အတွက် ညွှန်ကြားရေးမှူးချုပ်များက ပေါင်းစပ်ညှိနှိုင်းဆောင်ရွက်ပေးခဲ့ကြပါသည်။

    ထို့နောက် စားသုံးသူရေးရာဦးစီးဌာန၊ ခေတ္တညွှန်ကြားရေးမှူးချုပ်က နိဂုံးချုပ်စကားပြောကြားကာ အစည်းအဝေးကို နေ့လယ် (၁၆:၀၀) နာရီအချိန်တွင် ရုပ်သိမ်းခဲ့ပါသည်။ အဆိုပါ အစည်း အဝေးသို့ စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ပြည်နယ်ဦးစီးမှူး၊ ပြည်တွင်းဌာနခွဲတာဝန်၊ ဦးမျိုးဝင်းနိုင်(ဦးစီးအရာရှိ)နှင့် ပြည်တွင်းဌာနခွဲမှဝန်ထမ်းများတက်ရောက်ခဲ့ကြပြီး စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးဆိုင်ရာကိစ္စရပ်များသာမက ပြည်တွင်းကုန်သွယ်မှုဖွံ့ဖြိုးရေးအထောက်အကူပြုသီးနှံများ၊ အခြေခံစားသောက်ကုန်ဈေးနှုန်း/ ဈေးကွက်အခြေအနေများကို စာရင်းကောက်ယူပြုစုလျက်ရှိကြောင်းသိရပါသည်။

(DOCA)ကရင်

 မဲခေါင်-လန်ချန်း ပူးပေါင်းဆောင်ရွက်ရေး အထူးရန်ပုံငွေစီမံကိန်း (၂၀၂၀) ဖြင့်ဆောင်ရွက်နေသော မြန်မာနိုင်ငံအတွင်း စိုက်ပျိုးရေးအခြေခံ အစားအစာထုတ်ကုန်ပစ္စည်းထုတ်လုပ်မှုနည်းပညာများဖြန့်ဝေရေးအစီအစဉ်အရ သိပ္ပံနှင့်နည်းပညာဝန်ကြီးဌာနနှင့် မွန်ပြည်နယ်အစိုးရအဖွဲ့တို့ပူးပေါင်းကျင်းပသော မွန်ပြည်နယ်အတွင်း MSMEs လုပ်ငန်းများအတွက် စိုက်ပျိုးရေးအခြေခံ အစားအစာထုတ်လုပ်ကုန်ပစ္စည်းထုတ်လုပ်မှုနည်းပညာဖြန့်ဝေရေးသင်တန်းကို မော်လမြိုင်မြို့၊ ပြည်နယ်ခန်းမ၌ (၂၈-၉-၂၀၂၃) ရက်နေ့မှ (၃၀-၉-၂၀၂၃) ရက်နေ့ထိဖွင့်လှစ်ခဲ့ရာ အဆိုပါ သင်တန်းဖွင့်ပွဲနှင့် သင်တန်းဆင်းပွဲအခမ်းအနားသို့ မွန်ပြည်နယ်ဝန်ကြီးချုပ်နှင့် အစိုးရအဖွဲ့ဝင်ဝန်ကြီးများ၊ ပြည်နယ်အဆင့် ဌာနဆိုင်ရာများ၊ သင်တန်းသူ/ သားများတက်ရောက်ခဲ့ကြကြောင်းသိရှိရပါသည်။

  အဆိုပါသင်တန်း၌ ပြည်နယ်အတွင်း MSMEs လုပ်ငန်းရှင်များ ထုတ်လုပ်မှုကဏ္ဍများတိုးမြှင့်ထုတ်လုပ်လာနိုင်စေရန်၊ ကုန်ကြမ်းများကိုအခြေခံပြီး တန်ဖိုးမြှင့်ထုတ်ကုန်များ စီးပွားဖြစ်ထုတ်လုပ်နိုင်ခြင်းဖြင့် ဈေးကွက်နှင့် အရည်အသွေးယှဉ်ပြိုင်နိုင်စွမ်းတိုးမြှင့်ပေးနိုင်ရန်အတွက် အထောက်အကူဖြစ်စေရန်၊ စံချိန်စံညွှန်းပြည့်မီပြီး ကျန်းမာရေးနှင့်ညီညွတ်သော လူသုံးကုန်၊ စားသောက်ကုန်သစ်များတိုးချဲ့ထုတ်လုပ်လာနိုင်စေရန်နှင့် သွင်းကုန်အစားထိုးထုတ်ကုန်များတိုးမြှင့်ထုတ်လုပ်လာနိုင်စေရန် ရည်ရွယ်ပြုလုပ်ခြင်းဖြစ်ကြောင်းသိရှိရသည်။

   သင်တန်းတွင် မင်းဂွတ်သီး၊ ကြက်မောက်သီးဖျော်ရည်နည်းပညာ၊ ပိန္နဲသီး၊ ဒူးရင်းသီးခြောက်ပြုလုပ်ခြင်း (Freeze Dried တန်ဖိုးမြှင့်ထုတ်ကုန်ထုတ်လုပ်ခြင်း)၊ Vaccum-Frying အသီးအနှံခြောက်များပြုလုပ်ခြင်း၊ ကျွဲကောယို၊ ကျွဲကောသီးဝိုင်ထုတ်လုပ်ခြင်းနည်းပညာ၊ ဝါးပါကေးရာဘာသစ်ထုတ်ကုန်ပြုလုပ်သည့်နည်းပညာ၊ အုန်းသီးမှတန်ဖိုးမြှင့်ထုတ်ကုန်ထုတ်လုပ်သည့် နည်းပညာများကိုသင်ကြားပို့ချခဲ့ကြောင်းသိရှိရပါသည်။

DOCA(မွန်)