HighLight News

   မွန်ပြည်နယ်၊ စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံရုံးမှ ဝန်ထမ်းများသည် (၅-၁၀-၂၀၂၃) ရက်နေ့တွင် ဘီးလင်းမြို့နယ်၊ ဆရာစံရပ်ကွက် (အ.မ.က-၃) ကျောင်း၌ စားသုံးသူကာကွယ်ရေးအသိပညာပေးဟောပြောဆွေးနွေးခဲ့ကြသည်။

      အဆိုပါဟောပြောဆွေးနွေးပွဲတွင် ကျောင်းအုပ်ဆရာမကြီးက အဖွင့်အမှာစကားပြောကြားခဲ့ပြီး စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံ ဒေါ်ဇင်ဖြူဝင်းက ဦးစီးဌာန၏မျှော်မှန်းချက်၊ ရည်မှန်းချက်၊ လုပ်ငန်းတာဝန်များ၊ စားသုံးသူအခွင့်အရေးနှင့်တာဝန်များ၊ ကုန်အညွှန်းအမှတ်အသားနှင့်ပတ်သက်သည့် သိကောင်းစရာများ၊ စားသုံးသူများနစ်နာဆုံးရှုံးမှုများဖြစ်ပေါ်လာပါက တိုင်ကြားနိုင်သည့်နေရာများ၊ နည်းလမ်းများ၊ Consumer Call Center ဖွင့်လှစ်ထားရှိမှုအခြေအနေများနှင့် www. doca. gov. mm တွင်လည်း ဝင်ရောက်ကြည့်ရှုလေ့လာနိုင်ကြောင်း ဟောပြောဆွေးနွေးခဲ့ပါသည်။

     အဆိုပါ ဟောပြောဆွေနွေးပွဲသို့ ဆရာ၊ ဆရာမ၊ ကျောင်းသား၊ ကျောင်းသူများ (၁၅၀) ဦး တက်ရောက်ခဲ့ကြပြီး စားသုံးသူအသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(မွန်)

     စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံး၌ ဝန်ထမ်းများသည်     (၅-၁၀-၂၀၂၃) ရက်နေ့တွင် စွမ်းဆောင်ရည်မြှင့်အထောက်အကူပြု Thursday Talk ကျင်းပပြုလုပ်ခဲ့ရာ ပြည်နယ်ရုံးနှင့် မော်လမြိုင်ခရိုင်ရုံးတို့မှ ဝန်ထမ်းစုစုပေါင်း (၂၅) ဦးတက်ရောက်ခဲ့ကြပါသည်။

  ဆွေးနွေးပွဲတွင် ပြည်နယ်ဦးစီးမှူးက အဖွင့်အမှာစကားပြောကြားပြီးနောက် စီမံရေးရာဌာနခွဲမှ ဦးစီးမှူး ဦးမင်းနောင်က ခေါင်းဆောင်မှု (Leadership) အကြောင်းကိုလည်းကောင်း၊ ပြည်တွင်းကုန်သွယ်ရေးဖွံ့ဖြိုးမှုနှင့်သုတေသနဌာနခွဲမှ ဒု-ဦးစီးမှူး ဒေါ်သီတာလွင်က ပြည်တွင်းကုန်သွယ်ရေးဖွံ့ဖြိုးမှုနှင့်သုတေသနဌာနခွဲလုပ်ငန်းတာဝန်များကိုလည်းကောင်း၊ ငွေစာရင်းဌာနခွဲမှ အငယ်တန်းစာရေး ဒေါ်အေးမြင့်မြတ်ထက်က ဓနိဝိုင်ပြုလုပ်နည်းအကြောင်းကိုလည်းကောင်း အသီးသီးရှင်းလင်းဆွေးနွေးခဲ့ကြပြီး တက်ရောက်လာသူများက သိလိုသည်များကို အပြန်အလှန်မေးမြန်းဆွေးနွေးခဲ့ကြောင်းသိရှိရပါသည်။

DOCA(မွန်)

      တနင်္သာရီတိုင်း‌ဒေသကြီး၊ စားသုံးသူရေးရာဦးစီဌာနနှင့် အစားအသောက်နှင့်ဆေးဝါးကွပ်ကဲရေးဦးစီးဌာနတို့ပူးပေါင်း၍ ၂၀၂၃ခုနှစ်၊ အောက်တိုဘာလ ၆ရက်နေ့၊ နံနက်(၇း၃၀)နာရီအချိန်တွင် ထားဝယ်မြို့၊ အမှတ်(၆)၊ အခြေခံပညာအထက်တန်းကျောင်း၌ စားသုံးသူကာကွယ်ရေးဥပဒေအကြောင်းသိကောင်းစရာများနှင့်ပတ်သက်၍ အသိပညာပေးဟောပြောဆွေးနွေးပွဲကျင်းပပြုလုပ်ခဲ့ကြပါသည်။

   ရှေးဦးစွာ ကျောင်းအုပ်ဆရာမကြီးက အဖွင့်အမှာစကားပြောကြားပြီး စားသုံးသူရေးရာဦးစီးဌာနမှ ဦးစီးအရာရှိ‌   ဒေါ်အေးအေးလွင်က စားသုံးသူကာကွယ်ရေးဥပဒေကို ကျယ်ကျယ်ပြန့်ပြန့်သိရှိနိုင်စေရေးအတွက် စားသုံးသူအခွင့်အရေးနှင့်တာဝန်များ၊ ကုန်အညွှန်းအမှတ်အသားဖော်ပြခြင်းဆိုင်ရာများအကြောင်း၊ စားသုံးသူပြည်သူများ ကုန်စည်နှင့်ဝန်ဆောင်မှုများကိုဝယ်ယူသုံးဆောင်ရာတွင် ဘေးအန္တရာယ်ကင်းရှင်းစေရေး၊ စားသုံးသူ၏နစ်နာဆုံးရှုံးမှုများအတွက် တိုင်ကြားနိုင်သည့်နည်းလမ်းများ စသည့် စားသုံးသူကာကွယ်ရေးဥပဒေအကြောင်းသိကောင်းစရာများကိုလည်းကောင်း၊ အစားအသောက်နှင့်ဆေးဝါးကွပ်ကဲရေးဦးစီးဌာနမှ ဦးစီးအရာရှိ ဦးတင်မောင်ထွေးက အန္တရာယ်ကင်းသောအစားအစာများဖြစ်ပေါ်စေ‌‌ရေးအတွက် ဆောင်ရွက်ရမည့်အချက်များကိုလည်းကောင်း ဆွေးနွေးဟောပြောခဲ့ကြကာ စားသုံးသူအသိပညာပေးလက်ကမ်းစာစောင်များဖြန့်ဝေပေးခဲ့ပါသည်။

      အခမ်းအနားသို့ အမှတ်(၆)၊ အခြေခံပညာအထက်တန်းကျောင်း၊ ကျောင်းအုပ်ဆရာကြီးနှင့် ဆရာမများ၊ ကျောင်းသား/ကျောင်းသူများ၊ အင်အား(၁၄၀)ဦးခန့်တက်ရောက်ခဲ့ကြကြောင်း၊ အဆိုပါအခမ်းအနားကို နံနက်(၁၀း၀၀) နာရီအချိန်တွင်  ရုပ်သိမ်းခဲ့ကြောင်းသိရှိရပါသည်။

DOCA(တနင်္သာရီ)

    စားသုံးသူရေးရာဦးစီးဌာန၊ တနင်္သာရီတိုင်းဒေသကြီး၊ ထားဝယ်မြို့မှ စစ်ဆေးရေးအရာရှိနှင့်ဝန်ထမ်းများသည် ၂၀၂၃ခုနှစ်၊ အောက်တိုဘာလ ၄ရက်နေ့၊ နံနက် (၀၇:၃၀) နာရီအချိန်တွင် ထားဝယ်လေဆိပ်တွင် မြန်မာနိုင်ငံမှုခင်းရဲတပ်ဖွဲ့၊ အစားအသောက်နှင့်ဆေးဝါးကွပ်ကဲရေးဦးစီးဌာနတို့ကဦးဆောင်၍ မြန်မာနိုင်ငံဆေးဝါးမှတ်ပုံတင်မပါရှိသည့် တရားမဝင်ဆေးဝါများသယ်ဆောင်မှုများရှိ/မရှိကို အထွေထွေအုပ်ချုပ်ရေးဦးစီးဌာန၊ ပြည်သူ့ကျန်းမာရေးဦးစီးဌာန၊ အကောက်ခွန်ဦးစီးဌာန၊ စည်ပင်သာယာရေးအဖွဲ့တို့နှင့်အတူပူးပေါင်း၍ သွားရောက်စစ်ဆေးခဲ့ကြကြောင်းသိရှိရပါသည်။

DOCA(တနင်္သာရီ)

    ရန်ကုန်တိုင်းဒေသကြီး၊ တောင်ပိုင်းခရိုင်ဦးစီးမှူးရုံးလက်အောက်ရှိ ကော့မှူးမြို့နယ်တာဝန်ခံ ဦးတင်မင်းသည် ကော့မှူးမြို့နယ်အတွင်းရှိ ဒေသခံပြည်သူများအနေဖြင့် စားသောက်ကုန်ပစ္စည်းများရွေးချယ်ဝယ်သူစားသုံးရန်နှင့် စနစ်တကျဝယ်ယူစားသုံးတတ်စေရန်ရည်ရွယ်၍ ၂၀၂၃ခုနှစ်၊ အောက်တိုဘာလ(၂)ရက်နေ့၊ နံနက်(၁၀:၀၀)နာရီအချိန်တွင် မြို့မစည်ပင်ဈေးပတ်ဝန်း၌ကျင်ရှိသော ဗိုလ်ချုပ်လမ်း၊ မကျီးကန်ရပ်ကွက်၌ရှိသော ဆေးပစ္စည်းများနှင့်စတိုးဆိုင်များသို့သွားရောက်ပြီး ဆိုင်ပိုင်ရှင်များကိုတွေ့ဆုံ၍ ကလေးအာဟာရဖြည့်စွက်စာအမျိုးမျိုးဖြန့်ဖြူးရောင်းချနေမှုတို့ကို ကွင်းဆင်းစစ်ဆေးအသိပညာပေးခဲ့ကြပါသည်။

     ထိုသို့ကွင်းဆင်းအသိပညာပေးရာတွင် မြို့နယ်စည်ပင်သာယာရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စားသုံးသူရေးရာဦးစီးဌာနတို့မှ ဝန်ထမ်းများပူးပေါင်း၍ ကော့မှူးမြို့နယ်၊ ဗိုလ်ချုပ်လမ်းမှ ဇာနည်ဆေးနှင့်စတိုး၊ စန္ဒာစတိုးဆိုင်များသို့သွားရောက်ပြီး လုပ်ငန်းရှင်များ၊ ဆိုင်ပိုင်ရှင်များနှင့်တွေ့ဆုံကာ ကလေးအာဟာရဖြည့်စွက်စာအမျိုးမျိုးဖြန့်ဖြူးရောင်းချရာ၌ စားသုံးသူကာကွယ်ရေးဥပဒေဖြင့်ထုတ်ပြန်ထားသော “ကုန်စည်များတွင် မြန်မာဘာသာဖြင့် ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ဖြစ်စေ ဖော်ပြရာ၌ စီးပွားရေးလုပ်ငန်းရှင်များလိုက်နာဆောင်ရွက်ရန် ညွှန်ကြားချက်အရ ကလေးအာဟာရဖြည့်စွက်စာအမျိုးမျိုးနှင့်စပ်လျဉ်း၍ ကုန်ညွှန်းအမှတ်အသားဆိုင်ရာ လိုက်နာရမည့်အချက်တို့ကို အသိပညာပေးပြောကြားခဲ့ပြီး စားသုံးသူပြည်သူများ ဘေးအန္တရာယ်ကင်းရှင်းစေရေးအတွက် စံချိန်စံညွှန်းများနှင့်ကိုက်ညီမှုမရှိသောစားသောက်ကုန်များနှင့် သက်တမ်းလွန်နေသောအစားအသောက်များရောင်းချခြင်းမပြုစေရေး စသည့်စားသုံးသူကာကွယ်ရေးဆိုင်ရာ သိကောင်းစရာများကိုအကြံပြုဆွေးနွေးပြီး ဈေးကွက်ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ကြောင်းသိရှိရပါသည်။

DOCA(ရန်ကုန်)