သတင်းနှင့် လှုပ်ရှားမှုများ

            ဘောဂဗေဒသည်လူမှုရေးသိပ္ပံဘာသာရပ်တစ်ခုဖြစ်ပြီး ကုန်စည်နှင့် ဝန်ဆောင်မှုများ ထုတ်လုပ်မှု၊ သုံးစွဲမှုနှင့် ဖြန့်ဖြူးမှုတို့ကို ဖော်ပြခြင်းနှင့် ခွဲခြမ်းစိတ်ဖြာခြင်း ပြုလုပ်သော ပညာရပ်ဖြစ်သည်။

        ကူးသန်းရောင်းဝယ်ခြင်း ဆိုသည်မှာ ကုန်ပစ္စည်းများကို လူပုဂ္ဂိုလ်တစ်ဦးမှ တစ်ဦးသို့ ရောင်းဝယ်၊ ကုန်သွယ်၊ ဖလှယ်ခြင်းဖြစ်ပါသည်။ ကူးသန်းရောင်းဝယ်ခြင်းအား လုပ်ဆောင်စေသည့်ကွန်ရက်ကိုမူ ဈေးကွက်ဟုခေါ်သည်။ ကူးသန်းရောင်းဝယ်မှု၏ မူလမှာ ပစ္စည်းများကို တိုက်ရိုက်အလဲအလှယ် ပေးယူခြင်းပင် ဖြစ်သည်။

          နိုင်ငံတကာကုန်သွယ်ရေးသည် ငွေကြေးအရင်းအနှီးများ၊ ကုန်ပစ္စည်းများ နှင့် ဝန်ဆောင်မှုများကို နိုင်ငံတကာနယ်နိမိတ်များ သို့မဟုတ် ပိုင်နက်များအား ဖြတ်သန်း၍ လဲလှယ်ဖလှယ်ကြခြင်း ဖြစ်ပါသည်။ များစွာသော နိုင်ငံတို့တွင် ၎င်းသည် စုစုပေါင်း ပြည်တွင်းထုတ်လုပ်မှုတန်ဘိုး၏ ထူးခြားထင်ရှားသည့် ဝေစုဟုဖေါ်ပြပါသည်။ 

         ဈေးကွက်ထိုးဖောက်ခြင်း ဆိုသည်မှာ ကုန်စည် ဝန်ဆောင်မှု့ကို ရောင်းချလိုသော ရည်ရွယ်ချက်ဖြင့် ထိုကုန်စည် ဝန်ဆောင်မှု့၏တန်ဖိုးကို ဝယ်ယူသူများထံသို့ ဆက်သွယ်ခြင်း လုပ်ငန်းစဉ် ဖြစ်သည်။ 

        စီးပွားရေး လုပ်ငန်းတစ်ခုအား စီမံအုပ်ချုပ်ရာတွင် စီးပွားရေးလုပ်ငန်း လည် ပတ်ခြင်း နှင့် ဆုံးဖြတ်ချက်ချမှတ်ခြင်း တို့နှင့် ပတ်သက်သော အလုပ်ပြီး မြောက်စေမှုနှင့် စီမံခန့်ခွဲမှုတို့ ပါဝင်သည့် အပြင်လူနှင့် အခြားသော စွမ်းအားစုများကို စနစ်တကျ စုရုံးခြင်းဖြင့် တူညီသော ပန်းတိုင်နှင့် ရည်ရွယ်ချက်သို့ ရောက်ရှိစေရန် ညွှန်ကြားခြင်းလည်း ပါဝင်သည်။ ယေဘုယျအားဖြင့် စီမံအုပ်ချုပ်ခြင်းတွင် ကျယ်ပြန့်သော စီမံခန့်ခွဲမှုလုပ်ငန်းဆောင်တာများဖြစ်သော ဘဏ္ဍာရေး၊ လူ့စွမ်းအား အရင်းအမြစ်နှင့် သတင်းအချက်အလက်စနစ် စီမံခန့်ခွဲမှုတို့လည်း ပါဝင်သည်။ အချို့သော လေ့လာသုံးသပ်သူများက စီမံခန့်ခွဲခြင်းအား စီမံအုပ်ချုပ်ရေး၏ တစိတ်တပိုင်းအဖြစ်သာ ရှုမြင်ကြပြီး အဖွဲ့အစည်းတစ်ခု၏ နည်းပညာနှင့် လုပ်ငန်းလည်ပတ်ရေး ကဏ္ဍနှင့်သာ သက်ဆိုင်သည်ဟု ရှုမြင်ကြကာ အုပ်ချုပ်ရေးနှင့် မဟာဗျူဟာမြောက် စီမံခြင်းတို့မပါဝင်ဟု သတ်မှတ်ကြပါသည်။ တစ်နည်းအားဖြင့်ဆိုရလျှင် စီမံအုပ်ချုပ်ခြင်း ဆိုသည်မှာ လုပ်ရိုးလုပ်စဉ် ရုံးအလုပ်များကို ဗျူရိုကရေစီဆန်ဆန်နှင့် လုပ်ငန်းလည်ပတ်ရန် ဆောင်ရွက်ခြင်းသာ ဖြစ်ပြီး ရုံးတွင်းကိစ္စရပ်များကိုသာ ဦးတည်ကာ ဖြစ်ပေါ်လာသည့် လုပ်ငန်းဆောင်တာများကို လုပ်ကိုင်ခြင်းမျှသာဖြစ်ပြီး ကြိုတင်စီမံ တုံ့ပြန်ခြင်း မဟုတ်ပေ။

          စီးပွားရေး စီမံအုပ်ချုပ်သူများသည် စီးပွားရေးလုပ်ငန်းနှင့် ၎င်း၏လုပ်ငန်း လည်ပတ်မှုတို့ကို စောင့်ကြပ်ကြည့်ရှုကြသည်။ ၎င်းတို့၏ အလုပ်မှာ စီးပွားရေးလုပ်ငန်းအနေနှင့် ချမှတ်ထားသော ရည်မှန်းချက်ပန်းတိုင်များကို ပြည့်မှီစေရန်နှင့် ၎င်းတို့အား အသေအချာ ညှိနှိုင်းပေါင်းစည်းနိုင်ရန်နှင့် စီမံခန့်ခွဲနိုင်ရန် အတွက်ဖြစ်သည်။ ထိုနေရာတွင်ရှိသော သူ၏ လုပ်ငန်းဆောင်တာများမှာ ကျယ်ပြန့်၍ အမျိုးမျိုး ကွဲပြားပြီး အမြဲဆိုသလိုပင် လူမှန်နေရာမှန် ရွေးချယ်တတ်ရန်နှင့် ၎င်းတို့ကို စနစ်တကျ လေ့ကျင့် သင်ကြားပေးနိုင်ရန်၊ စီးပွားရေး လုပ်ငန်းအောင်မြင်မှုအတွက် အစီအစဉ်များ ရေး ဆွဲရန်နှင့် နေ့စဉ် လုပ်ငန်းလည်ပတ်မှုကို စောင့်ကြပ်ကြည့်ရှုရန် စသည်တို့လည်း ပါဝင်သည်။ အကယ်၍ အဖွဲ့အစည်းတစ်ရပ်လုံးအနေနှင့် ပြောင်းလဲမှု လိုအပ်ပါက ထိုနေရာအား ရယူထားသူက ဦးဆောင်ရလေ့ရှိသည်။ အချို့သော အခြေအနေများတွင် စီးပွားရေးလုပ်ငန်းကို ထူထောင်သူ သို့မဟုတ် ပိုင်ဆိုင်သူက စီမံအုပ်ချုပ်သူနေရာမှ အသုံးတော် ခံလေ့ ရှိသော်လည်း အဖွဲ့အစည်းတိုင်းတွင် မဟုတ်ပေ။ တစ်ခါတစ်ရံတွင် ကုမ္ပဏီမှ အခြားသူတစ်ဦးတစ်ယောက်ကို ထိုနေရာအတွက် ခန့်ထားလေ့ ရှိကြသည်။

       "စီးပွားရေး စီမံအုပ်ချုပ်ရေးသမား" အနေဖြင့် ရာထူး ရယူထားသူသည် ကုမ္ပဏီ၏ မန်နေဂျာ တစ်ယောက်အနေနှင့် လုပ်ငန်း လုပ်ဆောင်သည့်အပြင် အခြားသော မန်နေဂျာများ၏ မန်နေဂျာ အဖြစ်လည်း ဆောင်ရွက်သည်။ ထိုသူသည် မန်နေဂျာ ရာထူးရယူထားသူများအနေနှင့် ကုမ္ပဏီ၏ ပေါ်လစီများကို လိုက်နာမှု ရှိမရှိနှင့် ကုမ္ပဏီ၏ ရည်မှန်းချက်ပန်းတိုင်သို့အလေအလွင့်နည်းပါးစွာဖြင့် ရောက်ရှိအောင် လုပ်ဆောင်ကြခြင်း ရှိမရှိ စသည်တို့ကို သေချာစေရန် စောင့်ကြပ်ကြည့်ရှုခြင်းကို ဆောင်ရွက်သည်။ ဥပမာအားဖြင့် စီးပွားရေး စီမံအုပ်ချုပ်ရေးသမားများသည် လူ့စွမ်းအားအရင်း အမြစ်ဌာန၊ ကုန်ထုတ်လုပ်ငန်း ဌာန၊ ဘဏ္ဍာရေးဌာန နှင့် အခြားသော ဌာန များ၏ မန်နေဂျာများနှင့် အတူလုပ်ငန်းဆောင်ရွက်ပြီး ထိုသူတို့အနေနှင့် လုပ်ငန်းဆောင်တာများကို ကုမ္ပဏီ၏ ပန်းတိုင်နှင့် ရည်ရွယ်ချက်များအတိုင်း လုပ်ဆောင်စေရန် ကြီးကြပ်ပေးပါသည်။ ထို့ပြင်ကုမ္ပဏီ ပြင်ပရှိ စီးပွားရေး လုပ်ငန်းအတူတကွ ဆောင်ရွက်သူများနှင့် ပစ္စည်း ရောင်းချသူများနှင့်လည်း ဆက်သွယ်ဆောင်ရွက်ကြသည်။

       စီးပွားရေးလုပ်ငန်း ဆိုသည်မှာ စီးပွားရေးလုပ်ငန်း၊ ပရဟိတလုပ်ငန်း နှင့် အခြားခွင့်ပြုထားသော လုပ်ငန်းများကို လုပ်ကိုင်ဆောင်ရွက်နိုင်ရန် ကုမ္ပဏီအက် ဥပဒေ နှင့် အညီ ဖွဲ့စည်းထားသော အဖွဲ့အစည်းကို ဆိုလိုခြင်း ဖြစ်ပါသည်။ အမြဲဆို သလိုပင် စီးပွားရေးလုပ်ငန်းများသည် ကုန်ပစ္စည်းနှင့် ဝန်ဆောင်မှုများကို ရောင်းချရန် ဖွဲ့စည်းလေ့ ရှိကြသည်။ နိုင်ငံများစွာ၏ ဥပဒေအရ သတ်မှတ်ထားသော စီးပွားရေး လုပ်ငန်း အမျိုးမျိုး အစားစား ရှိပါသည်။ ၎င်းတို့တွင် ကော်ပိုရေးရှင်းများ၊ သမဝါယမ လုပ်ငန်းများ၊ အစုစပ်လုပ်ငန်းများ၊ တစ်ဦးတည်း ရောင်းဝယ်ဖောက်ကားသူများ၊ ပေးရန် အကန့် အသတ်ရှိသော ကုမ္ပဏီများ နှင့် အခြား သီးခြား ခွင့်ပြု၍ အမည်ပေးထားသော လုပ်ငန်းများ ပါဝင်ပါသည်။ ထိုသီးခြား ဥပဒေများသည် နိုင်ငံအလိုက်၊ ပြည်နယ်အလိုက်၊ ဒေသအလိုက် ကွဲပြားခြားနားကြပါသည်။

       စီးပွားရေးလုပ်ငန်းတစ်ခုတွင် လုပ်ငန်းသစ်ပဲဖြစ်နေပြီး. လည်ပတ်နေဆဲ သက်တမ်းကြာနေပြီဖြစ်သောလုပ်ငန်းမျိုးပဲဖြစ်ပါစေ.. ရှေ့ဆက်ရပ်တည်နိုင်ရန်Idea သစ် များအမြဲလိုအပ်လျက်ရှိပါသည်။တစ်ချို့လုပ်ငန်းများသည် လည်ပတ်နေရင်းပင် အသစ်လုပ်ဖို့ မေ့လျော့နေ တတ်ပါသည်။ ယင်းအချက်မှာခဏမှာမသိသာပေမယ့် ဆန်းသစ်မှုမလုပ်သည့့်အခါမှာ ရေရှည် ရပ်တည် ရန်ခက်ခဲလာမည်ဖြစ်ပါသည်။ အခုလို ပြောင်းလဲအရွေ့မြန်သည့်လုပ်ငန်းများ သည်လည်း ခေတ်နှင့် အညီဆန်း သစ်နိုင်ဖို့ လိုအပ်ပါသည်။

      မိမိလက်ရှိလုပ်ငန်းကို ယခင်နှင့်မတူဘဲ ထူးခြားမှုပြောင်းလဲမှု လုပ်ချင်ရင်ဖြစ်စေ၊ လုပ်ငန်းချဲ့ထွင်ချင်ရင်ဖြစ်စေ Idea ကပဲ စတင်ရပါသည်။ မိမိလုပ်ငန်းမှာ ဆန်းသစ်မှု ထူးခြားမှုတစ်ခုခုပြုလုပ်ချင်သည့်အခါမှာ တိုးတက်လာသည့် ခေတ်နှင့်အညီ စီးပွားရေးလုပ်ငန်းများက တသတ်မှတ်တည်း အမြဲလုပ်ဆောင် နေလို့မရနိုင်ပါ။ပြုပြင်ပြောင်း လဲမှုတွေလုပ်ဆောင်ရပါသည်။ ရွှေ့လျားမှုနှင့်အတူ ရေရှည်ရပ်တည်နိုင်ရန် လုပ်ဆောင်ရပါသည်။.

       မိမိလုပ်ငန်းဝင်ငွေပိုရစေဖို့ နှင့် ရေရှည်ရပ်တည်ဖို့အတွက်စီးပွားရေးတစ်ခု ရေရှည် ရပ်တည်နိုင်ရန်အတွက် Customer အရေးကြီးပါသည်။ ကားတစ်စီး မည်မျှပင် ကောင်းနေပါစေ ဓါတ်ဆီမရှိရင် ရှေ့ဆက်သွားလို့မရပါဘူး ၎င်းဥပမာအတိုင်းပင် customer မရှိရင် ၀င်ငွေမရှိရင်ရေရှည်မှာလဲပြိုနိုင်ပါသည်။ လုပ်ငန်းရပ် တန့်သွားနိုင်ပါသည်။စီးပွားရေးလုပ်ငန်းတွေ၏အဓိက အချက်မှာမိမိတို့၏ ၀ယ်သူများကို ရေရှည် ထိန်းထားနိုင်ဖို့နှင့် Customer အသစ်ရှာဖွေရမှာပါက လုပ်ငန်းရှင်တွေနှင့် သူ့ရဲ့Team ကိုယ်တိုင်တို့ပင်ဖြစ်ပါကြောင်း တင်ပြလိုက်ရပါသည်။

DOCA(ရန်ကုန်)

              စားသုံးသူရေးရာဦးစီးဌာန၊ မန္တလေးတိုင်း‌ဒေသကြီး၊ ကျောက်ဆည်ခရိုင်  ၊ခရိုင်ဦးစီးမှူးဦးဆောင်သော စစ်ဆေးရေးအရာရှိများသည် စားသုံးသူများဘေးအန္တရာယ်ကင်းရှင်းစေရေး ၊ ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူကာကွယ်ရေးအသိပညာပေး ဟောပြောဆွေးနွေးပွဲကျင်းပခြင်းနှင့် စျေးကွက်စောင့်ကြည့်စစ်ဆေးခြင်းလုပ်ငန်းများအား စဉ်ဆက်မပြတ် ဆောင်ရွက်လျှက်ရှိရာ (၃-၆-၂၀၂၂) ရက်နေ့တွင် ကျောက်ဆည်မြို့နှင့် စဉ့်ကိုင်မြို့ ရှိ စက်သုံးဆီအရောင်းဆိုင်များ၌  စက်သုံးဆီစျေးနှုန်း ၊ စက်သုံးဆီကန်များ၏ ဝင်ဆံ့မှုဂါလံနှင့် လက်ကျန်အရေအတွက်များအား ကွင်းဆင်းစစ်ဆေးခဲ့ပါသည် ။ ဆက်လက်၍ ခရိုင်ဦးစီးမှူးနှင့် အဖွဲ့သည် စဉ့်ကိုင်မြို့ရှိ “ရွှေဝဝ”မုန့်လုပ်ငန်းအား စျေးကွက်စောင့်ကြည့်စစ်ဆေးပြီး စက်ရုံအတွင်းရှိ ခန်းမ၌ ဝန်ထမ်းများနှင့် လုပ်သားများအား စားသုံးသူကာကွယ်ရေး ဥပဒေနှင့်ပတ်သက်သည့် အကြောင်းအရာများဟောပြောဆွေးနွေးခဲ့ပါသည်။ရှေးဦးစွာ စားသုံးသူရေးရာဦးစီးဌာန၊ ခရိုင်ဦးစီးမှူး ဦးကျင်ဌေးက အဖွင့်အမှာစကားပြောကြားပြီး စားသုံးသူရေးရာဌာနခွဲတာဝန်ခံ ဦးဇော်မင်းလတ် (ဦးစီးမှူး)က စားသုံးသူကာကွယ်ရေးဥပဒေပါ အချက်များဖြစ်သည့် စားသုံးသူများ၏အခွင့်အရေး ၊ စီးပွားရေးလုပ်ငန်းရှင်များ၏တာဝန်၊ ကုန်စည်နှင့်ဝန်ဆောင်မှုနှင့် စပ်လျဉ်း၍ အာမခံပေးထားမှု အပေါ် စားသုံးသူကတောင်းဆိုနိုင်သည့်အခွင့်အရေးများနှင့် စားသုံးသူများ နစ်နာဆုံးရှုံးမှုများ ဖြစ်ပေါ်ပါက တိုင်းဒေသကြီး၊ ပြည်နယ်များရှိ Consumer Information & Complaint Center (CICC)များသို့လည်းကောင်း၊  MPT Sim Card အသုံးပြုသူများအနေဖြင့် 09-765481535 သို့လည်းကောင်း ၊ Mytel, Telenor, Ooredoo Sim Card အသုံးပြုသူများအနေဖြင့် 1535 သို့ ခေါ်ဆို၍ တိုင်ကြားနိုင်သည့်အပြင် စားသုံးသူရေးရာဦးစီးဌာန၏ Website ဖြစ်သော www.doca.gov.mm မှတဆင့် တိုင်ကြားနိုင်ပါကြောင်း ဆွေးနွေးပြောကြားခဲ့ပါသည် ။ ဟောပြောဆွေးနွေးပွဲတွင် “ရွှေဝဝ” မုန့်လုပ်ငန်းမှ ဝန်ထမ်းနှင့်အလုပ်သမား(၃၅)ဦး တက်ရောက်ခဲ့ကြောင်း သတင်းရရှိ ပါသည်။

DOCA  (မန္တလေး)

          စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ မြောက်ပိုင်းခရိုင်ဦးစီးမှူးရုံးမှဝန်ထမ်းများသည် စားသုံးသူပြည်သူများ၏ စားသုံးသူကာကွယ်ရေးလုပ်ငန်းစဉ်များနှင့် စပ်လျဉ်း၍ အသိပညာဗဟုသုတရှိမှုနှင့် စွမ်းဆောင်ရည်မည်မျှရှိသည်ကို တစ်နိုင်ငံလုံးအတိုင်းအတာဖြင့် သိရှိနိုင်ရန်အတွက် ၁၆.၅.၂၀၂၂ ရက်နေ့မှစ၍ ၂၂.၅.၂၀၂၂ ရက်နေ့ထိ မြို့နယ်/ရပ်ကွက်များရှိ စားသုံးသူပြည်သူများနှင့် Online ပေါ်ရှိ စားသုံးသူပြည်သူများထံ စားသုံးသူစွမ်းဆောင်နိုင်မှု အညွှန်းကိန်းစစ်တမ်းအား ကောက်ယူဆောင်ရွက်ခဲ့ကြပါသည်။

        ထိုသို့ စစ်တမ်းကောက်ယူရာတွင် စားသုံးသူရေးရာဦးစီးဌာန၊မြောက်ပိုင်းခရိုင်အတွင်း မြို့နယ် (၈)မြို့နယ်ရှိ သက်ဆိုင်ရာမြို့နယ်တာဝန်ခံများသည် မိမိတာဝန်ကျမြို့နယ်အတွင်းကွင်းဆင်း၍ စစ်တမ်းများကောက်ယူရာတွင် အသက်အပိုင်းအခြားအလိုက် ကျား/မ မရွေး စားသုံးသူကာကွယ်ရေးလုပ်ငန်းများ အသိပညာပေးမှုနှင့်ပတ်သက်ပြီး နားလည်သိရှိနိုင်မှု စားသုံးသူအခွင့်အရေးနှင့် တာဝန်များ ကုန်စည်နှင့်ဝန်ဆောင်မှုများအပေါ် သတင်းအချက်အလက်များမည်မျှနားလည်ထားရှိမှု နစ်နာဆုံးရှုံးမှုများရှိခဲ့ပါက တိုင်ကြားနိုင်သည့်နည်းလမ်းများနှင့် ကုန်စည်ဝယ်ယူရာတွင် ကုန်အညွှန်း အမှတ်အသားအချက်အလက်များပါမပါ ရေးသားထားရှိမှုများကို သိရှိထားခြင်းရှိ/မရှိနှင့် Onlie မှတဆင့်ဈေးဝယ်ယူမှုများရှိခဲ့ပါက မိမိစိတ်ကျေနပ်မှုရှိ/မရှိ စားသုံးသူတစ်ဦးချင်းစီအတွက်မေးမြန်း ခြင်းနှင့် Onlie မှတဆင့် မြေးမြန်းခြင်းများကို ဆောင်ရွက်ခဲ့ကြရာ မြို့နယ်အလိုက် တစ်ဦးချင်းစီမေးမြန်းခြင်း ကျား(၃၇)ဦး၊ မ(၃၈)ဦး စုစုပေါင်း(၇၅)ဉီးကို စားသုံးသူကာကွယ်ရေးဉပဒေပါ အခွင့်အရေးနှင့် ပြဌာန်းချက်များအပေါ် သိရှိနိုင်မှုအခြေအနေစသည့်အချက်များကို အခြေခံသည့် စစ်တမ်းမေးခွန်းများကို တိုက်ရိုက်ကောက်ယူခဲ့ကြောင်းနှင့် Onlie မှတဆင့်မေးမြန်းခြင်း ကျား (၁၈)ဦး၊ မ(၁၉)ဦး စုစုပေါင်း(၃၇)ဦးတို့ကို စားသုံးသူစွမ်းဆောင်နိုင်မှု အညွှန်းကိန်းစစ်တမ်းများ ကောက်ယူနိုင်ခဲ့ကြောင်း သိရှိရပါသည်။

DOCA(ရန်ကုန်)

            စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်တာဝန်ခံဦးအောင်ဇော်ဦးသည် ၈.၆.၂၀၂၂ ရက်နေ့ နံနက် (၀၉:၀၀)အချိန်တွင် သုန်ကြိုင်ကျေးရွာ အုပ်ချုပ်ရေးမှူးနေအိမ်တွင် ပြည်သူ (၃၁)ဦးအား မိတ်ဖက်ဌာန ကျန်းမာရေးဦးစီးဌာန၊ ပြန်ကြားရေးနှင့် ပြည်သူဆက်ဆံရေးဦးစီးဌာနတို့နှင့်အတူ ပူးပေါင်း၍ ကျေးလက်နေပြည်သူများအား စားသုံးသူကာကွယ်ပေးရေးအသိပညာပေး ဟောပြောပွဲ ကျင်းပပြုလုပ်ခဲ့ကြပါသည်။

        ဟောပြောပွဲတွင် မအူပင်မြို့နယ် တာဝန်ခံက စားသုံးသူကာကွယ်ရေးဆိုင်ရာဥပဒေများအကြောင်းနှင့် စားသုံးသူများ၏ အခွင့်အရေးနှင့် တာဝန်များအကြောင်း ဟောပြောဆွေးနွေးခဲ့ပြီး၊ စားသုံးသူများ၏ အခွင့်အရေး နစ်နာဆုံးရှုံးမှုရှိလာပါက စားသုံးသူရေးရာဦးစီးဌာန၏ Facebook, Website , DOCA Mobile App , သက်ဆိုင်ရာ တိုင်း/ပြည်နယ်အသီးသီးရှိ CICC ရုံးများသို့ ဆက်သွယ်တိုင်ကြားနိုင်ကြောင်း အသိပညာဖြန့်ဝေခဲ့ပြီး ပြည်သူများမှ သိရှိလိုသည်များ မေးမြန်းချက်ကို ပြန်လည်ဖြေကြားပြီး အသိပညာပေး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူးရုံး၊ ခရိုင်ဦးစီးမှူး ဦးဇော်လင်းအောင်နှင့် မြောင်းမြမြို့နယ်ဦးစီးမှူး  ဦးလှထွဋ်ဦးတို့သည် (၇.၆.၂၀၂၂)ရက်နေ့ နေ့လည် (၁၃;၀၀)နာရီအချိန်က မြောင်းမြခရိုင်ဦးစီးမှူးရုံးခန်း၌ စက်သုံးဆီတင်သွင်း၊ ရောင်းချဖြန့်ဖြူးသည့် လုပ်ငန်းရှင်များအား ခေါ်ယူတွေ့ဆုံဆွေးနွေးခဲ့ပါသည်။

          ထိုသို့ တွေ့ဆုံဆွေးနွေးရာတွင် ခရိုင်ဦးစီးမှူးဦးဇော်လင်းအောင်မှ စက်သုံးဆီတင်သွင်း ရောင်းချဖြန့်ဖြူးသည့် လုပ်ငန်းရှင်များအား တရားမဝင်သွင်းကုန်၊ စက်သုံးဆီ၊ ချောဆီများအား တရားမဝင်ကုန်သွယ်မှုတိုက်ဖျက်ရေးအထူးအဖွဲ့ဖြင့် စစ်ဆေးဖော်ထုတ်အရေးယူဆောင်ရွက်နေကြောင်း စက်သုံးဆီသယ်ယူမှုများအား စောင့်ကြည့်စစ်ဆေးခြင်း၊ မြို့နယ်အလိုက်စက်သုံးဆီအရောင်းဆိုင် အရေအတွက်နှင့် လက္ကားဝယ်ယူသည့် ကုမ္ပဏီစာရင်းများကောက်ယူနေကြောင်း၊ လုပ်ငန်းရှင်များအနေဖြင့် တရားမဝင်စက်သုံးဆီ၊ ချောဆီများအား တင်သွင်းဖြန့်ဖြူးရောင်းချပါက အရေးယူဆောင်ရွက်သွားမည်ဖြစ်ကြောင်း PPRD မှ နေ့စဉ်ထုတ်ပြန်နေသော စက်သုံးဆီရည်ညွှန်းဈေးထက် ပိုမိုရောင်းချခြင်းမပြုရန်နှင့် ထုတ်ပြန်ထားသော ညွှန်ကြားချက်များအတိုင်း ရောင်းချကြရန် ဆွေးနွေးခဲ့ပါသည်။

          မြို့နယ်ဦးစီးမှူးဦးလှထွဋ်ဦးက စက်သုံးဆီရောင်းချနေသော လုပ်ငန်းရှင်များအား ဌာနအနေဖြင့် မြို့နယ်တွင်းစက်သုံးဆီများအား ရည်ညွှန်းဈေးဖြင့်ရောင်းချနေခြင်းရှိ/မရှိ၊ စက်သုံးဆီ ဆိုင်များဖွင့်လှစ်မှုရှိ/မရှိ။ စက်သုံးဆီရည်ညွှန်းဈေးထက် ပိုမိုရောင်းချနေသော စက်သုံးဆီဆိုင်များ စာရင်းအား အထက်ဌာနအဆင့်ဆင့်သို့ တင်ပြနေရပါကြောင်း၊ စီးပွားရေးလုပ်ငန်းရှင်များအနေဖြင့် ဌာနမှ ဝန်ထမ်းများ စက်သုံးဆီဆိုင်များသို့ ကွင်းဆင်းဈေးနှုန်းစာရင်းများကောက်ယူရာတွင် ပူးပေါင်းပါဝင်ဆောင်ရွက်ပေးစေလိုပါကြောင်းနှင့် စားသုံးသူကာကွယ်ရေးဥပဒေ ၂၀၁၉ ပါ စီးပွား ရေးလုပ်ငန်းရှင်၏တာဝန်များ၊ အာမခံပေးထားသော ကုန်စည်များနှင့်ပတ်သက်၍ လိုက်နာရမည့်အချက်များ၊ တားမြစ်ချက်များ၊ ပြစ်မှုပြစ်ဒါဏ်များအား၊ Projector ဖြင့် အသေးစိပ်ရှင်းလင်းဆွေး နွေးခဲ့ပါသည်။ ထို့နောက်စက်သုံးဆီရောင်းချဖြန့်ဖြူးနေသော လုပ်ငန်းရှင်များမှသိရှိလိုသည်များအား ခရိုင်ဦးစီးမှူးဦးဇော်လင်းအောင်မှ ပြန်လည်ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)