သတင်းနှင့် လှုပ်ရှားမှုများ

       ဧရာဝတီတိုင်း‌ဒေသကြီး၊ စားသုံးသူရေးရာဦးစီးဌာန၊ မအူပင်မြို့နယ်တာဝန်ခံရုံးမှ ဦးမြင့်သူ(ဒု-ကြီးကြပ်ရေးမှူး)နှင့် ဝန်ထမ်းများသည် သက်ဆိုင်ရာမိတ်ဖက်အဖွဲ့အစည်းများဖြစ်သော အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ မီးသတ်တပ်ဖွဲ့၊ စိုက်ပျိုးရေးဦးစီးဌာနနှင့် စည်ပင်သာယာရေးအဖွဲ့တို့ ပူးပေါင်း၍ (၁၁.၆.၂၀၂၂) နေ့ နံနက် (၀၉;၃၀) နာရီမှ နေ့လည် (၁၂:၀၀) အထိ မအူပင်မြို့ပေါ်ရှိ ဓါတ်မြေဩဇာနှင့် စိုက်ပျိုးရေး ဆေးဆိုင်များသို့ ကွင်းဆင်း စစ်ဆေးခဲ့ကြပါသည်။

          အဆိုပါ ကွင်းဆင်းစစ်ဆေးဆောင်ရွက်မှုတွင် မအူပင်မြို့ပေါ်ရှိ ဓါတ်မြေဩဇာနှင့်စိုက်ပျိုးရေး ဆေးဆိုင်များတွင် ကုန်အညွှန်းအမှတ်အသားများပြည်စုံသော ဓါတ်မြေဩဇာနှင့်စိုက်ပျိုးရေးဆေးပစ္စည်းများကိုသာ ရောင်းချရန်၊ စားသုံးသူကာကွယ်ရေးဥပဒေအကြောင်းများကို ရှင်းလင်းဆွေးနွေးခြင်းနှင့် လုပ်ငန်းရှင်များ၏ လိုက်နာရမည့် ကျင့်ဝတ်များကို အပြန်အလှန်ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဓနုဖြူမြို့နယ် ဦးစီးမှူး ဦးဝင်းမင်းနှင့်ဝန်ထမ်းများသည် သက်ဆိုင်ရာ မိတ်ဖက်အဖွဲ့အစည်းများဖြစ်သော အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ မီးသတ်တပ်ဖွဲ့၊ စည်ပင်သာယာရေးအဖွဲ့၊ စိုက်ပျိုးရေးဦးစီးဌာနနှင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍ (၁၁.၆.၂၀၂၂) နေ့ နံနက် (၀၉;၃၀) နာရီမှ နေ့လည် (၁၂:၀၀) အထိ ဓနုဖြူမြို့ပေါ်ရှိ ဓါတ်မြေဩဇာနှင့် စိုက်ပျိုးရေး ဆေးဆိုင်များသို့ ကွင်းဆင်းစစ်ဆေးခဲ့ကြပါသည်။

       အဆိုပါ ကွင်းဆင်းစစ်ဆေးဆောင်ရွက်မှုတွင် ဓနုဖြူမြို့ပေါ်ရှိ ဓါတ်မြေဩဇာနှင့် စိုက်ပျိုးရေးဆေးဆိုင်များတွင် ကုန်အညွှန်းအမှတ်အသားများ ပြည်စုံသော ဓါတ်မြေဩဇာနှင့် စိုက်ပျိုးရေး ဆေးပစ္စည်းများကိုသာ ရောင်းချရန်၊ စားသုံးသူကာကွယ်ရေးဥပဒေအကြောင်းများကို ရှင်းလင်းဆွေးနွေးခြင်းနှင့် လုပ်ငန်းရှင်များ၏ လိုက်နာရမည့် ကျင့်ဝတ်များကို အပြန်အလှန်ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

             စားသုံးသူရေးရာဦးစီးဌာန၊ ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်တာဝန်ခံရုံးမှ ဝန်ထမ်းများသည် အစားအသောက်နှင့်ဆေးဝါးကွပ်ကဲရေးဦးစီးဌာနမှ ဝန်ထမ်းများနှင့်ပူးပေါင်း၍ ၂၀၂၂ခုနှစ်၊ ဇွန်လ(၁၃)ရက်နေ့ နံနက်(၁၁:၀၀)အချိန်တွင် တာချီလိတ်မြို့နယ်၊ မိုင်းကိုးကျေးရွာအုပ်စု၊ ပန်ဟတ်ကျေးရွာရှိ ပိုင်ရှင်ဦးစိုင်းစံ၏ ပုဇွန်တံဆိပ်ငါးမုန့်ကြော်လုပ်ငန်းအား ထုတ်ကုန်များလုံခြုံစိတ်ချရမှုရှိ စေရန်အတွက်စစ်ဆေးပြီး ဈေးနှုန်းဈေးကွက်အခြေအနေနှင့် ထုတ်လုပ်ဖြန့်ချီမှုအခြေအနေတို့အား လေ့လာခဲ့ပါသည်။

            ငါးမုန့်ကြော်ထုတ်လုပ်ဖြန့်ချီမှုအခြေအနေအား မေးမြန်းရာ လုပ်ငန်းရှင်ဦးစိုင်းစံသည် ကုန်ကြမ်းများဖြစ်သော ငါမုန့်ခြောက်နှင့်အကြော်ဆီကို ထိုင်းနိုင်ငံမှအဓိကတင်သွင်းကြောင်း၊ ငါးမုန့်ကြော်များကို ပုံစံလေးမျိုးထုတ်လုပ်ကြောင်း၊ နေ့စဉ်နံနက်ပိုင်းတွင် ငါးမုန့်များကိုကြော်၍ ညနေပိုင်းတွင် ထုတ်ပိုးဖြန့်ချီကြောင်း၊ ငါးမုန့်များကို အထုတ်ငယ်လေးများထုတ်ကာ (၁၀)ထုတ်တစ်တွဲ ပြုလုပ်၍ တစ်တွဲလျှင်(၂၃၀၀)ကျပ်ဖြင့် ဖြန့်ချီပါကြောင်း သိရှိရပါသည်။

          တာချီလိတ်မြို့နယ် တာဝန်ခံနှင့်ဌာနဆိုင်ရာဝန်ထမ်းများသည် ပုဇွန်တံဆိပ်ငါးမုန့်ကြော်လုပ်ငန်း ပိုင်ရှင်ဦးစိုင်းစံကို စားသုံးသူများ ကျန်းမာသန့်ရှင်းလတ်ဆတ်သည့် အစားအသောက်များ စားသုံးနိုင်စေရန်အတွက် ငါးမုန့်ကြော်ရာတွင် ဆီကောင်းဆီသန့်များကိုသာအသုံးပြု၍ ပြန်ကြော်ဆီများ မသုံးရန်၊ သက်ဆိုင်ရာဌာနများ၏ လုပ်ငန်းလိုင်စင်နှင့် ထောက်ခံချက်များပြုလုပ်ရန်၊ စားသုံးသူကာကွယ်ရေးဥပဒေအခန်း(၁၈) “ကုန်အညွှန်းအမှတ်အသားဖော်ပြခြင်း”ပါအချက်အလက်များကို ထုတ်လုပ်သည့် ကုန်စည်တွင်ထည့်သွင်းဖော်ပြရန်နှင့် စားသုံးသူကာကွယ်ရေးဥပဒေအခန်း(၁၀)ပါ “လုပ်ငန်းရှင်များ၏တာဝန်များ”ကိုလိုက်နာဆောင်ရွက်ရန် ဆွေးနွေးလမ်းညွှန်ခဲ့ပါသည်။

        ဦးစိုင်းစံသည် ပုဇွန်တံဆိပ်ငါးမုန့်ကြော်များကို တာချီလိတ်မြို့နယ်အတွင်း အဓိကဖြန့်ဖြူး ရောင်းချပြီး ရှမ်းပြည်နယ်(အရှေ့ပိုင်း)ဒေသဖြစ်သော မိုင်းဆတ်မြို့နယ်နှင့် မိုင်းဖြတ်မြို့နယ်များသို့လည်း တင်ပို့ရောင်းချကြောင်းသိရပါသည်။ သို့ဖြစ်ပါ၍ ဦးစိုင်းစံ၏ ပုဇွန်တံဆိပ်ငါးမုန့်ကြော်လုပ်ငန်းသည် မိသားစုပုံမှန်ဝင်ငွေရရှိနေသော တစ်ပိုင်တစ်နိုင်အိမ်တွင်းမှုလုပ်ငန်းတစ်ခုအဖြစ် အဆင်ပြေနေပါကြောင်း ရေးသားလိုက်ရပါသည်။

DOCA(ရှမ်း)

                ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ သာယာဝတီခရိုင် ၊ မင်းလှမြို့နယ်တွင် (၈.၆.၂၀၂၂) ရက်နေ့ နံနက် (၁၀:၀၀) နာရီအချိန်တွင် မင်းလှမြို့နယ်တာဝန်ခံနှင့် ဝန်ထမ်းများသည် စည်ပင်သာယာမြို့မဈေးအတွင်းရှိ ဓာတ်မြေဩဇာနှင့် ပိုးသတ်ဆေးအရောင်းဆိုင်များသို့ ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ပါသည်။

              ထိုသို့  စျေးကွက်စောင့်ကြည့်စစ်ဆေးရာတွင် တောင်သူများ အသုံးများသည့် ဓာတ်မြေဩဇာနှင့် ပိုးသတ်ဆေး အမှတ်တံဆိပ်များတွင် စားသုံးသူကာကွယ်ရေး ဥပဒေ အခန်း (၁၈)ပါ ကုန်အညွှန်း အမှတ်အသား ဖော်ပြခြင်းနှင့်စပ်လျဉ်း၍ သတ်မှတ်ချက်များနှင့်အညီ ပြည့်စုံစွာ ဖော်ပြထားခြင်း ရှိ/မရှိနှင့် စိုက်ပျိုးရေး သွင်းအားစုဖြစ်သည့် ဓာတ်မြေသြဇာနှင့် ပိုးသတ်ဆေးများ စျေးနှုန်းစျေးကွက် အခြေအနေများအား စျေးကွက်စောင့်ကြည့်စစ်ဆေးခဲ့ပြီး စီးပွားရေးလုပ်ငန်းရှင်၏ တာဝန်များအား ရှင်းလင်းဆွေးနွေးပြီး လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။

DOCA(ပဲခူး)

          ပဲခူးတိုင်းဒေသကြီး စားသုံးသူရေးရာဦးစီးဌာန၊ ပြည်ခရိုင်၊ ပန်းတောင်းမြို့နယ်မှ မြို့နယ်တာဝန်ခံနှင့် ဝန်ထမ်းများသည် ဇွန်လ (၇)ရက်၊ နံနက် (၈)နာရီအချိန်တွင် မြို့နယ်စည်ပင်သာယာ၊ တိမွေးကု၊ တိုင်းရင်းဆေးစသည့် ဌာနဆိုင်ရာများပါဝင်သော ပူးပေါင်းအဖွဲ့ဖြင့် ပန်းတောင်းမြို့ပေါ်ဆေးဆိုင်များတွင် Online ပေါ်၌ ရောင်းချနေသော တိုင်းရင်းဆေးခေါ် (ရသေ့ဆေး)အား ရောင်းချမှုရှိ/မရှိ ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

          ထိုသို့ဆောင်ရွက်ရာတွင် ပန်းတောင်းမြို့ပေါ်ဆေးဆိုင်များတွင် ရောင်းချမှုမရှိကြောင်း စိစစ်တွေ့ရှိရသည့်အတွက် မြို့နယ်တာဝန်ခံမှ ထိုထိုင်းတိုင်းရင်းဆေး၊ ရသေ့ဆေးသည် ထိုင်းနိုင်ငံ၏  FDA က ဘေးအန္တရာယ်ရှိသည့် ဆေးအဖြစ် ထုတ်ပြန်ထားပြီး မြန်မာနိုင်ငံ၌လည်း တရားဝင် ဆေးဝါး မှတ်ပုံတင်ထားခြင်းမရှိသည့် ဆေးဖြစ်ကြောင်း၊ Online ပေါ်တွင်လည်း အကိုက်အခဲ ရောဂါမျိုးစုံ ပျောက်သည့်ဆေးအဖြစ် ကြော်ငြာရောင်းချနေကြောင်း၊ အဆိုပါ ဆေးအား ဝယ်ယူသုံးစွဲရောင်းချပါက ဘေးအန္တရာယ် ဖြစ်စေနိုင်သည့်အတွက် စားသုံးသူ ပြည်သူများ ဘေးအန္တရာယ် ကင်းရှင်းမှုရှိစေရေး ရည်ရွယ်၍ လာရောက်စစ်ဆေးရခြင်းဖြစ်ကြောင်း အသိပညာပေး ပြောကြားခဲ့ပြီး စားသုံးသူကာကွယ်ရေး အသိပညာပေး လက်ကမ်းစာစောင်များလည်း ဖြန့်ဝေပေးခဲ့ကြောင်း သတင်းရရှိပါသည်။

DOCA(ပဲခူး)