သတင်းနှင့် လှုပ်ရှားမှုများ

      ၂၀၂၄ ခုနှစ်၊ စက်တင်ဘာလ၂၈ရက်နေ့၊ နေ့လယ်(၁၃း၀၀) နာရီအချိန်တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီဌာန၊ ဒုတိယညွှန်ကြားရေးမှူးချုပ် ဦးဆောင်၍ ထုတ်ကုန်လုံခြုံစိတ်ချရမှုဌာနခွဲအလိုက် အလှည့်ကျလုပ်ငန်းညှိနှိုင်းအစည်းအဝေးအား ကျင်းပပြုလုပ်ခဲ့ရာ တနင်္သာရီတိုင်းဒေသကြီးဦးစီးမှူးရုံးမှ Zoom Meeting ဖြင့် တက်ရောက်ခဲ့ပါသည်။

    အဆိုပါ ဆွေးနွေးပွဲတွင် ဒုတိယညွှန်ကြားရေးမှူးချုပ်မှ အဖွင့်မှာစကားပြောကြားပြီး တိုင်းဒေသကြီး/ပြည်နယ်ဦးစီးမှူးရုံးများရှိ ထုန်ကုန်လုံခြုံစိတ်ချရမှုဌာနခွဲ တာဝန်ခံများက မိမိတို့ဆောင်ရွက်နေသော လုပ်ငန်းတာဝန်များအား ရှင်းလင်းတင်ပြခြင်းနှင့်သိရှိလိုသည်များကို အပြန်အလှန်ဆွေးနွေးခဲ့ကြပြီး ညှိနှိုင်းဆွေး‌နွေးပွဲအား ညနေ(၁၆း၀၀)နာရီအချိန်တွင်   ရုပ်သိမ်းခဲ့ကြောင်း သိရှိရပါသည်။

DOCA(တနင်္သာရီ)

    ၂၀၂၄ ခုနှစ်၊ စက်တင်ဘာလ ၂၇ ရက်နေ့၊ နေ့လယ် (၁၄း၀၀) နာရီအချိန်တွင် တနင်္သာရီတိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့ (၄/၂၀၂၄) ကြိမ်မြောက် လုပ်ငန်းညှိနှိုင်း အစည်းအဝေးကို တိုင်းဒေသကြီးအစိုးရအဖွဲ့ရုံး (၃) ထပ်ဆောင် အစည်းအဝေးခန်းမတွင် ကျင်းပပြုလုပ်ရာ စားသုံးသူရေးရာဦးစီးဌာန၊ တနင်္သာရီတိုင်းဒေသကြီးဦးစီးမှူးမှ တက်ရောက်ခဲ့ပါသည်။

    အဆိုပါ အစည်းအဝေးတွင် တိုင်းဒေသကြီးတရားမဝင်ကုန်သွယ်မှုတိုက်ဖျက်ရေး အထူးအဖွဲ့ ဥက္ကဋ္ဌ၊တိုင်းဒေသကြီးအစိုးရအဖွဲ့၊လုံခြုံရေးနှင့်နယ်စပ်ရေးရာဝန်ကြီးမှ အဖွင့်အမှာစကားပြောကြား၍  ဒုတိယဥက္ကဋ္ဌ၊ စီးပွားရေးရာဝန်ကြီး၊ အတွင်းရေးမှူးတို့မှ ဆွေးနွေးတင်ပြခဲ့ကာ တက်ရောက်လာသော အဖွဲ့ဝင်များမှ အသီးသီးတင်ပြဆွေးနွေးခဲ့ပါသည်။

    ထို့နောက် အထွေထွေဆွေးနွေးခြင်းများကို ဆောင်ရွက်ခဲ့ကြပြီး ဥက္ကဋ္ဌမှနိဂုံးချုပ် အမှာစကားပြောကြားကာ အစည်းအဝေးအား နေ့လယ်  (၁၆း၀၀)နာရီ အချိန်တွင် ရုပ်သိမ်းခဲ့ကြောင်း သိရှိရပါ သည်။

DOCA(တနင်္သာရီ)

     ၂၀၂၄ ခုနှစ်၊ စက်တင်ဘာလ ၂၇ ရက်နေ့၊ နံနက်(၁၀း၀၀)အချိန်တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ တနင်္သာရီတိုင်းဒေသကြီးဦးစီးမှူးနှင့် ဝန်ထမ်းများသည် ပို့ကုန်၊သွင်းကုန်လုပ်ငန်းရှင်မှတ်ပုံတင်အသစ် လျှောက်ထားလာသော တနင်္သာရီတိုင်း၊ ထားဝယ်မြို့၊ဝဲကျွန်းထိမ်သစ်ရပ်၊ မေမြို့လမ်း၊ အမှတ် (ဌ/၂၆၈) ရှိ ဂန္ဒဝင်ရိုး သွင်းကုန်၊ထုတ်ကုန်ကုမ္မဏီတည်ထောင်ထားမှုနှင့်ပတ်သက်၍ ကုမ္ပဏီရုံခန်းလိပ်စာ အမှန်တကယ်ဖွင့်လှစ်ထားခြင်း ရှိ/မရှိ၊ ဒါရိုက်တာအဖွဲ့ဝင်များ နေရပ်လိပ်စာများတွင် အမှန်တကယ်နေထိုင်ခြင်းရှိ/မရှိ၊ ဒါရိုက်တာအဖွဲ့ဝင်များ၏ ပိုင်ဆိုင်မှုအခြေအနေများအား သတ်မှတ်ပုံစံများနှင့်အတူ စနစ်တကျမြေပြင်ကွင်းဆင်းစစ်ဆေးခဲ့ကြောင်းသိရှိရပါသည်။

DOCA(တနင်္သာရီ)

    စားသုံးသူရေးရာဦးစီးဌာန ၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး ဦးစီးမှူး၏ လမ်းညွှန်မှုဖြင့်  မိတ္ထီလာခရိုင်ဦးစီးမှူးရုံးမှ စစ်ဆေးရေးအရာရှိနှင့် ဝန်ထမ်းများသည် အထွေထွေအုပ်ချုပ်ရေးဦးစီးဌာန၊ ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာ‌‌ရေးအဖွဲ့၊ တို့နှင့်ပူးပေါင်း၍  စျေးကွက်အတွင် လတ်တလောကာလတွင် ဖြစ်ပေါ်နေသောဝမ်းပျက်ဝမ်းလျောရောဂါနှင့်ပတ်သက်ပြီး ဆေးဝါးများပြတ်လပ်မှုရှိ/မရှိကို ၂၀၂၄ ခုနှစ်၊ စက်တင်ဘာလ ၁၈ ရက်နေ့၊ နံနက် (၀၉း၃၀) ချိန်တွင် မိတ္ထီလာမြို့ပေါ်ရှိ ဆေးဆိုင် (၅) ဆိုင်အား စျေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ပါသည်။

  ထိုသို့ကွင်းဆင်းစစ်ဆေးခဲ့ရာတွင် ပြည်တွင်း၌ စားနပ်ရိက္ခာဖူလုံစေရေးနှင့် အခြေခံစားကုန်များ ဆေးဝါးဈေးနှုန်းတည်ငြိမ်ရေး၊ ဈေးကွက်အတွင်း ပစ္စည်းပြတ်လပ်မှုမရှိစေရေးကိုလည်း အလေးထား ဆောင်ရွက်လျက်ရှိရာ ဈေးကွက်အတွင်း ဝမ်းရောဂါကာကွယ်မှုဆိုင်ရာ ဆေးနှင့်ဆေးပစ္စည်းများ ပြတ်လပ်မှုရှိ/မရှိကို စစ်ဆေးရာ ဈေးကွက်အတွင်း ဝမ်းရောဂါကာကွယ်မှုဆိုင်ရာ ဆေးနှင့်ဆေးပစ္စည်းများ ပြတ်လပ်မှုမရှိကြောင်း သိရှိ ရသည်။

DOCA(မန္တလေး)

    စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်၊ ခရိုင်ဦးစီးမှူး ဦးဇော်မင်းသည် (၂၆.၉.၂၀၂၂) ရက်နေ့ ၊နေ့လယ် (၁၄:၀၀) အချိန်တွင် ခရိုင်ဦးစီးမှူးရုံးခန်းအတွင် မိတ္ထီလာမြို့ ပေါ်ရှိ ဆေးဝါးရောင်းချနေသော လုပ်ငန်းရှင်များအား တွေ့ဆုံ၍ စားသုံးသူအသိပညာပေးမှုများ ဆောင်ရွက်ခဲ့ပါသည်။

       အဆိုပါတွေ့ဆုံမှုတွင် စားသုံးသူကာကွယ်ရေးဥပဒေကို ၂၀၁၉ ခုနှစ် မတ်လ (၁၅) ရက်နေ့တွင် အခန်း (၂၅) ခန်း၊ ပုဒ်မ (၈၄) ခုဖြင့် ပြဌာန်းခဲ့ကြောင်း၊ စားသုံးသူကာကွယ်ရေးနည်းဥပဒေကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ အမိန့်ကြေငြာစာအမှတ် (၉/၂၀၂၂)ဖြင့် ၂၀၂၂ ခုနှစ် ဇန်နဝါရီလ ၈ ရက်နေ့တွင် ပြဌာန်းပြီးဖြစ်ကြောင်း၊ စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များနှင့် တာဝန်များကို ရှင်းလင်းပြောကြားခဲ့ပြီး၊ ဥပဒေတွင်ပါရှိသည့် စီးပွားရေး လုပ်ငန်းရှင်၏ တာဝန်များအကြောင်း၊ စားသုံးသူအခွင့်အရေးနှင့် တာဝန်များ၊ ကုန်အညွှန်းအမှတ်အသားဖော်ပြခြင်းအကြောင်း၊ ပြစ်မှုပြစ်ဒဏ်များအကြောင်းနှင့် စစ်ဆေးရေးအရာရှိ၏လုပ်ငန်းတာဝန်များအကြောင်းကို ရှင်းလင်းပြောကြားခဲ့ပါသည်။ ၎င်းအပြင် စျေးကွက်အတွင်း ဆေးဝါးများကို ရောင်းချရာတွင် စားသုံးသူများနစ်နာဆုံးရှုံးစေမည့် ရက်လွန်ဆေးဝါးများ မရောင်းချစေရေး၊ ဆေးဝါးများကို ထိန်းသိမ်းသိုလှောင်ရာတွင် သတ်မှတ်ချက်၊ ညွှန်ကြားချက်တို့နဲ့အညီ ဆေးဝါးအလိုက်ထားရှိရမည့် အပူချိန်တွင် ထားရှိသိုလှောင်ရောင်းချစေရေး၊ မြန်မာနိုင်ငံ ဆေးဝါးမှတ်ပုံတင်မပါရှိသည့် ဆေးဝါးမှတ်ပုံတင်မပါရှိသည့် ဆေးဝါးများကို မရောင်းချစေရေးစသည့် အချက်များကို အကျယ်တဝင့် ရှင်းလင်းဆွေးနွေးခဲ့ပြီး၊ စားသုံးသူကာကွယ်ရေးဥပဒေပါ တားမြစ်ချက်များကို ဖောက်ဖျက်ပါက စားသုံးသူကာကွယ်ရေးဥပဒေအရ အရေးယူခံရဖြစ်ကြောင်းနှင့် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၏ အမိန့်ကြေငြာစာအမှတ် (၂၁/၂၀၂၀)အရ ဆေးဝါးများကို အရေးကြီးကုန်စည်အဖြစ် သတ်မှတ်လိုက်သဖြင့် ဆေးဝါးအရောင်း ဆိုင်များအနေဖြင့် ကုန်စည်များကို စျေးကွက်အတွင်း စျေးနှုန်းမြင့်တင်ရောင်းချခြင်း၊ စျေးနှုန်းမြှင့်တင် ဖြန့်ဖြူးခြင်း (သို့မဟုတ်) စျေးကစားရန် ရည်ရွယ်ချက်ဖြင့် သိုလှောင်ခြင်းများ ဆောင်ရွက်နေသည်ကို စိစစ်‌တွေ့ရှိရပါက အရေးကြီးကုန်စည်နှင့် ဝန်ဆောင်မှုဥပဒေ ပုဒ်မ (၅) အရ အရေးယူခံရမည်ဖြစ်ကြောင်း ရှင်းလင်းပြောကြားခဲ့ပါသည်။

       ဆက်လက်၍ ခရိုင်ဦးစီးမှူးမှ လုပ်ငန်းရှင်များအနေဖြင့် စီးပွားရေးကျင့်ဝတ်နှင့်အညီ လုပ်ကိုင်ဆောင်ရွက်ခြင်းဖြင့် စျေးကွက်ပိုမို ရရှိလာနိုင်ပြီး၊ စားသုံးသူများမှလည်း လုံခြုံစိတ်ချရသော ကုန်စည် များကို ရွေးချယ်ဝယ်ယူသုံးစွဲလာနိုင်၍ နှစ်ဦးနှစ်ဖက် အကျိုးကျေးဇူးများ ရရှိလာနိုင်မည်ဖြစ်ကြောင်း သိလိုသည်များ၊ အခက်အခဲများကို ရင်းနှီးပွင့်လင်းစွာ တင်ပြစေလိုကြောင်း ဆွေးနွေးခဲ့ပြီး လုပ်ငန်းရှင် များအနေဖြင့် စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များကို သိရှိလိုပါက www.doca. gov.mm Websit တွင် ဝင်ရောက်လေ့လာနိုင်ကြောင်း ဆွေးနွေးခဲ့ပါသည်။

DOCA(မန္တလေး)